بسم الله الرحمن الرحيم
والصلاة والسلام على أشرف الانبياء والمرسلين سيدنا محمد عليه أفضل الصلوات والتسليم ..وبعد
السلام عليكم ورحمة الله وبركاته ..
أبدا موضوعي بقصه حدثت لي انا ومجموعه من الزملاء عندما كنا بمدينه ما في منطقة ما في المملكه العربيه
السعوديه الله يحفظهاا ..
في أحد الايام في سنة من السنين كان الجو حار جدا مع رطوبه عاليه ..فأخذنا الشوق والحنيين الي الطلوع
فوق السطح المشين ..
وبعد انا أحضرنا خرووف سمين ..الذي قام بسلخه الجزار ياسين ..
وبعد مشاورات اتفقنا بأن نقوم بشويه .. المهم شويناه ع الجمر وبعد تصاعد الدخان عاليا فجأه دخل علينا مجموعه
طبعنا احنا تفاجأنا بهذا الهجوم المفاجئ يالله سترك هذولا وش عندهم لايكون ناويين شر فينا
بعد دخولهم صرخ احدهم ماهذا الدخان اللي غطا الحاره كلها والله انا نحسبه حريقه ياأخوان شفوله حل قلنا أبشروا
لايكون خاطركم ألا طيب .. بس والله ماتروحون الاتعشون >>> مصالح ..
ردوا لا والله مالنا فيه ..
ووضعناه ع هذاك الصحن اممممممم وكل واحد
جهز حاله وشمر عن ساعديه لنبدأ بألتهامه ..
أبي أحمد الا ان يحظر الشطه من البقاله التي لست ببعيده عن موقع الحدث يؤ
هالحين ساعتين وحنا ننتظر وبعد ماجهز يارجال خلنا نتعشى ونخلص قبل أي حادثه طارئه >>>> دارسين الوضع
المهم جاء احمد بعد دقائق قليليه .. ففرحت المعده بقدومه .. وسكتت القصبان عن النواح
وأستعد الفم لفتح بابه .. وتوسع المرئ وملحقاته للزائر الحبيب ..
وفجأة طلع صوت مفأجئ >>> كصوت الاكشن
ونظرنا لمصدر هذا الصوت المخيف ألا وعرابجة الحاره داخلين وهم محملين بالقطل >>>>> وتسمى العجره احياننا
و كوكتيل من الحديد >>>> يالله انك تخارجنا هالليله ماهي معديه ع خير
طبعنا حنا ع الصحن مانبغا كده ويروح تعبنا ع الفاضي>>>>> هنا تكلم العقل
هلا بالشباب حياااكم اقلطوا يالربع مسوينه علشانكم .. ردوا بصوت عالي ماحنا جايين نتعشاء نبغى نتفاهم معاكم
حنا >>> خير وش فيه يالله تجيب العواقب سليمه
هم >>> هالحين انتم ليش تناظرون ع بيوت العالم قلت الاماكن الا تطلعون فوق السطوح وتكشفون العالم
حنا>>> يارجال والله ماحد يمكم انتم فاهمين الوضع خطأ
هم >>> علينا .. المفروض العزاب مايسكنون بداخل الحاره المروض برى البلد >>> الوضع متأزم
حنا >>> يارجال حنا ضيوف عندكم متغربين عن أهلنا علشان نخدمكم ونخدم وطنا >>> نحاول نكسبهم
وبعد مداولات ذهبوا وهم يهددون >>>> وحنا عشانا برد بسبت وجيهم البارده حسبنا الله ...
المهم تعشينا ولله الحمد بسلاااااااام ..
والقصه الثانيه : في نفس الزمان والمكان الذي حدثت فيه القصه الاولى قام اخوكم فالله اللي هو محدثكم
بعد لفلفه في شوارع هذه المدينه المهم طفشت قلت برجع للشقه احسن لي ارتاح .. ويووم وصلت للعماره
اللي فيها الشقه و الله وسفط الفورد خلف العماره طبعا مالقيت اماكن اوقف فيهاا .. ولما جيت برفع القزاز
الا وابن الذين يعاند وهذة مشكله تعبتني بالفورد وحاولت ارفعه ماقدرت .. والله وتقفل معي ..
قلت مافيه حل الاارفع بيدي لو بالقوه >>>> سمعت عن السرقات اللي تحدث قلت لازم الحذر
وفجأة اثناء محاولاتي مع أبن اللذين الا جيب التويوتا مسفط وراء سيارتي >>> يالله انك تخارجنا وش السافله
وبعد قليل نزل رجل فالاربعين من عمره ويمكن قريب من الخمسين >>> قززت بالطول والعرض قلت جيت والله
جابك والله اني كنت ناويه ..
والله وانزل من السياره واصل الكشم
خير وش عندك
الا يوم الرجال ضاعت علومه .. قالي ابد انت ليش موقف قدام بيتي .. هالحين ترضاها ع أختك وأهلك .. وان والله ماحب المشاكل .. وانا ...... الخ
والله أني ضحكت من قلب .. لاني والله ماشفت بيته الا يوم تكلم .. وبعدين وش دخل الاهل في شوفت البيت
يارجل انت من جدك والا تمزح <<<<< لحس مخي هالموقف الغريب
والاغرب من أخبره أني موقف جنب بيته ..
لان الرجل جااي من خارج المنزل وكماااان داعس >>>>> ناوي شر
المهم ..
يوم شفت الرجال ضاعت علومه >>>> شديد
حطين يدي على كتفه وجلست اطبطب عليهاا >>> وبسببها نزل أغنيه نانسي مجرم
قلتله أبشر ع هالكشم ماعاد أقرب جنب بيتك وترى انا ماكنت داري اني موقف جنبه .. فنبسط وذهب الي حال
سبيله وانا>>>>> بصراحه كان ضايق خلقي بس هالموقف قسم تبلجت اساريري بأسبابه ..
.................................................................................................... ..................
وبعد هاتان القصتان أتساءل :
لماذا نحن السعوديين لدينا حساسيه من العزاب وسكنهم بداخل الحواري ؟
لماذا عندما تسقط >>> بمعنى تخش <<< ع احدهم تنفلت أعصابه ويتشنج ويسبك وانت ماكنت ناويه ؟
لماذا عندما تطالع في احدهم لاشعوريا يقول وش فيك تطالع ماني عاجبك ؟
لماذا لايبتسم أحدنا في وجهك أخيه ويكسب صدقه ؟
قال رسول الله صلى الله عليه وسلم: «إن الرجل ليقول الكلمة لا يلقي لها بالاً، يهوي بها سبعين خريفا».
* شعر نابض :
من شعر البحتري:
إذا احتربت يوماً فسالت دماؤها
تذكرت القربى ففاضت دموعها
.................................................................................................... ...................
خارج النص : لماذا الموضوع يستمر بالمجلس لاكثر من شهر .. وكل يوم يزيد رد >>> كسل ولا ايش ؟
.................................................................................................... .................
وتقبلووو احلى التحايا وأعذبها ...