استاد الأمير فيصل بن فهد بالملز والله ازين مافيك الساعه الجديده والكراسي الزرقاء ( الموضوع مدعوم بالصور ) خش واحجز لك كرسي من الحين - نادي الهلال السعودي - شبكة الزعيم

هلالي الرعب · #1 28/08/2008, 11:13 AM

السلام عليكم أعضاء شبكة الزعيم

هذه بعض العينات على قولتهم على استاد الأمير فيصل بن فهد بالملز بعد التجديد الي سووه

وبصراحه اكثر ما اعجبني الساعه الالكترونية ولون الكراسي والله باين عليها كشخه

.
حتى الكراسي الي حاطينها وبالصورة تحت هذه عينه من الي بيركبونها وبصراحه ازين مافيها ان لونها ازرق عشانها بلون نادينا والا لو على شكلها احس انها على شكل الملاس حق الطبخ هذا الي تحت اما الي فوق حق الظهر بصراحه كانه كراسي البوفيات

.
عاد اذا هي تريح والا لا مدري لما اجرب راح اقول لكم ان شاء الله

.
المهم هذا كله مزح وتغيير جو والله بصراحه باين عليها حلوه وعلى قولتهم شي احسن من لا شي

.
مالكم بالطويلة هذه بعض الصور الخاصه للملعب وعلموني وش رايكم بالتغيير والتطور هذا

.
.

.
هنا يناقشون ويقولون هاه كيف بالله موب حلو والي جنبه يقول ما بغو يغيرونها

.
.

.
وهنا طبعآ الكرسي السحري الي على شكل ملاس امززح باين عليه حلو صح

.
.

.
.
حركات والله هالساعه وعجيبه وشكلها صدقي <-- من شاف المضمار بالصورة الي تحت شك انهم بيغيرون القانون وبيحطون سباق الفورميلا على مضمار الملعب

.
لا امزح بس والله ياهي شي الساعه ترا بيكون فيه اعاده للاهداف ويقدرون
يحطون المباراة كاملة على فكرة

.
.

.
هذا هو مكان سباق السيارات الفورميلا <- يمزح لا تصدقون بس شي حلو قشو كل شي حتى ارضية الملعب بتكون جديده من كل شي

.
.
.
يالله خلونا نبارك لهم هالتغيير المفاجيء الي لو ما جتهم الانظمه ان الدوري الممتاز للمحترفين لازم تكون فيه كراسي وتغيير بالملاعب والا ما شفنا هالشي

.
.
.