مع احترامي الشديد للعنبر انا اعتبره غبي ولا يملك الفكر الاحترافي

ياخي والله لو انا العب في الهلال لا اتمرن كل يوم قبل التمرين ساعه وبعده ساعه ليين ما اصير مهاجم كويس

خاصتنا ان الحين الاحتراف صار الاعب وضيفه وله راتب ومصدر رزق

والعنبر يملك المقومات الي تخليه احسن مهاجم في اسيا ويملك راس قوي ورجل قويه بس هو لو يتمرن كل يوم كان يصير كويس مررره وراع ينفع نفسه وينفع الهلال

كل واحد يفتي من راسه بخصوص انخفاض مستوى العنبر , اللي يسمعكم الحين يقول اللاعب له موسمين وهو اساسي

وكل المباريات اللي لعبها مع الفريق الاول تنعد على الاصابع , طبيعي ان اللاعب يكون خارج الفورمة وهو يعرف انه احتياطي

العنبر عانا من تجاهل الادارة السابقة , كان يطالب بسكن في الرياض حيث انه يقطع اكثر من 80 كيلو يوميا (160 كيلو)

غير انه ملتزم بعمل هو مصدر رزقه وليس كرة القدم , اللاعب من بعد الاصابة لم يلعب ما يكفي من مباريات

الان اللاعب تفرغ لكرة القدم , ووفر له سكن , وسيدفع له مقدم عقد , ولكن يحتاج الى وقت وياليت جماهير (شكل اللاعبين )

اللي حاربو الفان (هداف الاسيوية ) بحجة ان شكله بنقالي وشعره مو ناعم , يروقونا شوي ويخلون العنبر

تدريجيا لين يدخل في الفورمة , اللاعب له سنتين وهو احتياط وهذي كفيلة بانهاء اي لاعب , يحتاج

الى وقت حتى يعود الى مستواه , للاسف هناك اناس ما عندها وعي , ما تعرف تأثير الاصابات (حاربت نواف واتهمته بالتخاذل)

والان نفس الشيء مع (احمد الصويلح العائد من اصابة) يتهم بالبرود وزيادة الوزن وكأنهم لا يعلمون انه عائد من توقف 6 اشهر

علاج وعاودته الاصابة اكثر من مرة , الان العنبر لاعب نعرفه وهداف في رصيده تقريبا 40 هدف مع الهلال رغم انه اخر موسمين

لم يشارك في 80% من مباريات الهلال على الاقل , اتركو المدر بوالادارة يعيدون تأهيله , فالهداف عملة نادرة

واذا راح العنبر تعتقدون ان بكرة بيجيبون لكمن مالك معاذ والا الشمراني ؟؟؟؟؟؟

تذكرو مقولة سامي ان المحافظة على النجوم مسؤلية الجمهور الهلالي

هو هداف لكن مزاجي درجه أولى..مانبيه

أنا بعد الكوره اللي أمس دخل بالباب غسلت يدي
والله لو رمى عمره على الكوره إنه أحلى هدف

لكن سواها القناص مهوب هو

............................

أتوقع الإتحاديه يبون الهلال يتمسك به :d

محمد العنبر توقف عند حد معين من بعد مباراة كوريا الجنوبيه و نهائي الفريق امام الأهلي.
و هاذي ضريبة الشهره و المادة اللي جناها في تلك الأوقات.

مو بس كالديرون حتى على ايام باكيتا قال انه افضل من رونالدو مدري رونالدينهو بضربات الراس بس الاصابة اثرت عليه وهو اثر على نفسه ليش مايشد حيله مو يدخل لي المباراة وكنه مغصوب على اللعب انا معجب فيه ايام كان يسجل ومبدع مع الهلال والمنتخب

توضيح ياحبااااايبي أنا لا أطالب بالعنبر بهذا المستوى أنا أطالب بأستغلال الأمكانيات الجسمانيه للاعب ...... ولماذا لا يفرض المدرب او الاداره تمارين انفراديه يوميه على الاعب...
أنا أراهن على العنبر لو اشتغل نفسه لو بساعه يوميه جعلها داخل الصندوق فقط. أشكركم على المرووووور وتعليقكم الراااااقي

اي يبيض الوجه وش سويتو مع المفرج يوم سجل وشال كور على خط المرمى قلتو رميه من غير رامي(بالعربي الي مايبيه جمهور الهلال مستحيل يصفقله لو جابله انواع البطولات)

على العموم اخوي موضوعك بمحله وفعلآ العنبر لاعب صندوق والدليل هدفيه في نهائي فصل وولي العهد(وكلامك صحيح 100%)

العنبر لاعب واعد ..

و ينتظره مستثبل كبير جدا ..

مواصفاته مشابهة لتيريزيغيه و توني ( مع فارق التشبيه طبعا !! )

ياناس أعطوه فرصة و ستون العجب ..

صادق اخوي وهذا اللي نطالب فيه , المشكلة البعض عنده مشاكل نفسية ويحط حيله على هاللاعبين المساكين

والله ان العنبر اعجبني اخر مباراة في البداية كانت حجتهم انه بارد وما يدخل بقوة على الكور ,

الحين صارت عيارة انه رمى بنفسه على الكورة بقوة ودخل المرمى , ما تدري وش يبون

فقط الانتقاد من اجل الانتقاد , العنبر يحتاج حاليا في البداية فقط تمارين على بعض المهارات التي يحتاجها

المهاجم , مهارات بسيطة تنفعه في بعض المواقف , الجمهور ما يدري ان في لاعبي في العالم

يصنعون صناعة فقط يمتلكون بعض المزايا البدنية والباقي يصنع من خلال التدريبات الخاصة ,

فقط القليل من التمارين على المهارات البسيطة , ضربات الرأس لان العنبر موهوب فيها ممكن بتمارين بسيطة

يرجع مثل اول واحسن ...

بس الصبر الصبر وترى صبرنا على عزيز لين دخنا واللحين شوف وش صار ومثله راح يكون العنبر انشاء الله

كلامك صحيح اخي العزيز اللاعب محمد العنبر مثل اللاعب لكتوني وكلوزه وانزاقي .......الخ كلهم لعيبة صندوق مو حق محاوره وتسحيب كلهم اذا جت الكوره اوفر او ركنيه او انفراده بالمرمى سجلها مثل السلام عليكم بس مايمز هؤلاء اللعيبه انهم ياخذون تمارين افضل من العنبر والعنبر لو ياخذ تمارين مثل ماقلت راح يتغير مستواه وشكرا لك اخي العزيز

وين اللي يفهم ؟؟؟


تحياتي لك .................

الي مضحكني ان العنبر طالب في السنة 500000 ريال

ياخوان البلوي قال كذا عشان يبينا نتوهق بالاعب..مثل ما توهقنا بالعتيبي يوم قال النصر يبيه...