|
شركه قويه وعرض قوي.نعم يابن مساعد عجل بعقد الاتصالات السعوديه الفرق بالملايين ونحن بعصر الاحتراف والفلوس والزعيم يستاهل عقد التميز بلا موبايلي بلا خرابيط وهي مارعت الهلال حبا فيه ولا ننسى استغلالها القذر لتذاكر اعتزال سامي الجابر حتى ان الامير عبدالرحمن بن مساعد امتعض منهم وصرح بذلك بعدين الاتصالات وشفيها شبكتها قويه وشركه وطنيه سامت ببرنامج الوفا الطبي وبنت اكثر من 100 مركز صحي واصلا هي اللي ابتكرت جوال الانديه واول من رعى الفريق ومقدمه ابرز عرض وهذا اللي يهمنا وبالتوفيق للزعيم |
الإحتيالات غير مرغوبة لسرقتها للشعب ومماطلاتها للهلال الإتصالات شركة خبيثة نتة ما فيها خير ولم تقدم شيئاً للهلال طول رعايتها له بل مماطلات في تسديد حقوق الهلال وبعد ماراح لموبايلي قامت بتهديده في المحاكم ماذا قدمت للأندية الأخرى لاشيئ حتى شبكتها والله إنها سيئة ولا نريد غير موبايلي والهلال يتميز أكثر برعاية شركة خاصة له موبايلي قدمت 60 مليون زائد نسبة كبيرة من أرباح موبايلي الهلال وباقة الموج الأزرق والإحتيالات قدمت 65 مليون فقط بعدين تعلم كتابة الإملاء بشكل صحيح |
لا يا حبيبي انا مع االامير عبدالله بن مساعد حط في بطنك بطيخة صيفي وريح وراكم مسوي ضجه ملف الاستثمار بايدي امينه يا خبر بفلوس بكره ببلاش وصدقوني راح يكون بصلاح الهلال في اي حال من الاحوال سواء موبايلي او الاتصالات لا تنسون كل شركة تتبحث عن الربح . |
لا تقارن الاحتيالات بموبايلي لأن الفرق مثل الأرض والسما ما نبي غير موبايلي وبس ............................ز |
نصبر الين بكره ونشوف الله يكتب اللي فيه الخير انا اتمنى نستمر مع موبايلي يكون احسن |
الصرااحه موباايلي افضل ياخي من حقها تبحث عن مصلحتها |
لا تعليـــــــــــــــق راعي الموضوع معصــب |
لالالالالالالا للاتصالات نعم لموبايلي موبايلي وبس والباقي....... موبايلي موبايلي موبايلي موبايلي موبايلي |
شكلك موظف عندهم بدوا يزرعونهم بالشبكات :seko: |
إقتباس:
لا ياحبيبي انت غلطان مو الاتصالات اول من ابتكر جوال الاندية بل الزعيم هو من ابتكر جوال الاندية وهو او نادي قام بتدشين هذه الخدمة عن طريق الوسيط شركة الاحتيالات التي بهدلتنا بالعقد وخلتنا نندم على الساعه اللي وقعنا فيها مع الاتصالات ولا يهون الدعايات اللي كانت مكتوبة فيها ارقام جوال الزعيم بالغلط ووزعتها على الملاعب وغبره وغيره فلا تقولي انه الاتصالات هي اللي دشنت جوال الهلال بل الاتصالات هي اللي تشرفت وحطت يدها على راسها وقبلت بصدقة الهلال عليها لتشغيل جوال الهلال اما بالنسبة لموبايلي ( ياعمري ) على الاسلوب والمعامله لا والفواتير بعد اعوذ بالله فرق بين فواتيرها وفواتير الاحتيالات امس ياخوي دفعت فاتورتي ولاول مره بالتاريخ قيمتها 68 ريال والشهر الماضي 132 ريال وكانت عند الاتصالات قبل ينتهي الشهر الأول يفصل قال ايش تجاوزت الحد الائتماني اللي هو 300 ريال شركةةةةة نصببببببببببببببببببب والله العظيم موبايلي وبس |
مساء الخير تحية لموظف الانفصالات اخي الكريم واضح انك موظف وليش معصب وتقول مصلحة الهلال اولا طيب وش دخلنا تعلمنا انها بنت 100 مركز صحي والله لولا ان الله رحمنا بموبايلي كان ماشفت منهم ولا ربع ربع اللي يسوونه من رعاية ومن اعمال اجتماعية ومشاركات اول من ابتكر فكرة جوال الاندية هو نادي الهلال وهذي تكفي المفروض ان الاتصالات تعطي الهلال اضعاف العقد اللي استفادات منه الشركه استفادة كبيرة ججدا شركة نصابه نصابه والخوف كل الخوف انها تنتقم من الهلال على تركه لهم في المرة الاولى وراح اذكركم وراح يجي عرض اخر للهلال ويتركه الهلال على اساس انه عرض اعلى هذي لو فعلها الهلال نقطة سوداااااااااء في تاريخه |
والله انك صادق لكن موبايلي شبكه متميزه والله ان الكلام الاخير عند الامير عبدالله بن مساعد |
اتمنى سرعه التوقيع مع الاتصالات لان هذا في مصلحه الهلال الفرق 25 مليون ريال يا موبايلي انا استغرب الدفاع المستميت عن هذه الشركه الاماراتيه |
بدو موظفين شركة الاتصالات يدّهرون في شبكة الزعيم .. يا رجل أكذب شركة الاحتيالات السعودية ياما زرفونا لين قالوا بس .! |
مين مسوي أعلانات ودعايـات لنادي وشغل محترم واحترافيه غير موبــــايلي يعني بكرا راح تجي الاتصالات وماراح تقدر تسوي الي سوته موبايلي لانها بتنشغل باكثر من نادي وبعدين نادينا كبير ماشاء الله ويحتاج شركه متفرغه لرعايته واعتقد ماراح نلاقي افضل من موبـايلي نبي شركه لنا لحالنـا لحالنا وبس عالعموم تبقى وجهة نظر وكل الشكر |
مانبي غير موبايلي وياريت نستمر عليها خدماتها افضل بمليون مره من الاحتيالات يعطيك العافيه بس اسردلنا طوال هالسنين وش اخذنا من الاحتيالات |
طيب اللي مايبي الاتصالات يدفع الفرق في العقد عشرين مليون والا الدعوى كلها مهايطي الله ماشفناه بالعقل عرفناه فريقنا بيستفيد مبلغ اكبر نقعد نسكر عيوننا وعقولنا ونقول شركه افلاسات قليلا من الواقعيه ياجمهور الزعيم |
|
والله صراحة موبايلي ما بها شي .. بس الاتصالات احسن من موبايلي من جهة العرض ترى الفرق كبيييير 25 مليون .. وترى لاتنسو انو الاتصالات موقعين مع افضل نادي في العالم وهو المانشيستر يعني الاتصالات اشهر من موبايلي بكتييييييير .. وسلامتكم |
الفرق بين عرض الاتصالات وموبايلي ليس بالفرق الكبير الذي يجعل الهلال توقع مع الاتصالات وتترك موبايلي الانفصالات عرضت على الهلال70 مليون وموبايلي 65 مليون فالفرق ليس بالكبير ابدا خاصة بعد "اندفاع" الجمهور الهلالي على موبايلي وملاحظة الفرق الكبير سواء بالاسعار او المعاملة والتميز الذي يسكون للهلال دون غيره من الاندية عند استمراره من موبايلي .... |
السلام عليكم انا محول خطي قبل عدة ايام بس الى موبايلي ولكن مصلحة الزعيم اهم من كل الشركات ورجالات الزعيم فيهم الخير والبركة والله يكتب الي فيه خير |
بديتو ياموظفين الانفصلات وموبايلي تتهاوشون اصلا الكلمة الاولى والاخيرة للامير عبد الرحمن بن مساعد وانتم مارح تسوون معجزة وتفرضون رايكم على الادارة انا اقول ان افضل شركة ترعى الزعيم ..................... هي................ ..................... موبايلي |
انا رغم هلالييتي بقولكم شيء موبايلي شبكه فاشله والاتصالات شبكه فاشله لكن احسن من موبايلي اقل شيء التغطيه بكل مكآن أما موبايلي فاشله بكل المقاييس رجاء يامحبي الزعيم اتركوا المجآمله :) |
وربي كل الانديه تحفر بالصخر عشان تحصل زي عقد موبايلي.. ياخي ارحمنا من شركة الاتصالات والله ماضيها اسود مع الشعب ومع الانديه يارب مايصير اي مشاكل بن الهلال وموبايلي |
لا الاتصالات ولا موبايلي من يدفع اكثر هو لنا اقرب ومن يوفي هو لنا الوفي ياجماعة اليوم يوم الاستفادة والفائده |
مشكور اخوي ... لاكن عدني شركة افضل من موبايلي والأتصالات :surprised: وهي.... زين .. زين .. زين .. زين :d والله شركة قويه وافضل من الأتصلات وموبايلي بالف مره ... وشرايكم انتم .. |
يا كرهي لشركة الاتصالات كرهاآآآآآاه وبعدين وش هالشعار الجديد حق شركتكم ؟ صحيح لاطشينه من شركه إندونيسيه .. !! مـوبـايـلـي عـالـم مـن إخـتـيـاري |
طيب فيه سؤال إيش إلي خلاكم تطرحون الموضوع ما ودكم تمسكون الإستثمار مكان الأمير عبدالله بن مساعد صدق اللقافة شينه |
خلونا حقانيين لو بنقاارن بين الشركتين فما في مقاارنه الاتصاالات افضل بكثيير من موبايلي من نااحيه خدمه الجواال بس حناا هنا مو للنناقش ايهم شبكتهم افضل لانه ما يهمنا يعني مو شرط عشاان عقد الهلال مع موبايلي اني احول خطي موبايلي اماا بالنسبهـ لايهم افضل من نااحيه مصلحهـ الهلال فأعتقد إن صااحب السمو الملكي عبد الله بن مسااعد اعلم بالشي هذا |
| الوقت المعتمد في المنتدى بتوقيت جرينتش +3.
الوقت الان » 08:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd