![]() |
إقتباس:
طبعا مبدأ التعميم خطا في كل الأمور .. وبكل تأكيد ان الحياة تقوم بالتعاون والمساعده اتفق كثيرا معك حول ان من باب اولى ان تضع تلك الزوجه القليل من مالديها وتدخر كنظير مقابل لتقصيرها في اداء واجبها المنزلي كامل تقديري واحتراميs13s |
هلا وغلا ومووضوعك جميل وزي مايقولون في الصميـــم نرجع للتعليق ع الموضوع المفروض ان الزوجه الطلبات الي ماهي اساسيه بالمنزل تاخذها من راتبها اذا هي موضفه,,, لكن اذا كان هناك بعض الاباء ياخذ راتب بنته المتزوجه هذا شي ثاني لانني الصراحه ماودي نظلم احد الحين اذا ابوها يجي وياخذ رتبها بقوة عين وش تبيها تقول يعني المرأه ضعيفه والي متسلط عليها ابوها :bigeek: تبيها تقول يا ابوي لاتأخذ راتبي يعني ماتقدر تقول لابوها كذا او بالاصح ان تأمر ابوها بامر يعني ابوها فعله هذا ظااالم لكن هو عينه قويـــه ويمكن بعد لو طلبت ابوها يرد عليها بكلمــة وزوجك وينه ( خلونا واقعيين شوي ) يعني الرجال ماوده يخرب بيته ويشتت اولاده على شان سبب ماله به لاناقه ولاجمل يعني البنت ماتقدر تقول ( تـأمر ) ابوها انه ماياخذ راتبها والزوج يقول لو راح وقال لابوها ابوها وش راح تكون فكرته عن الزوج الي يقوله لاتاخذ راتب زوجتي<< اتركها لكم!! الخلاصه اذا الزوجيــــن يبون يعيشون حياة جميله ومافيها مشاكل كثيره ^^^^ ابعدو الاهل عن مشاكلكم الخاصه s60s |
يصرف عليها وهو مايشوف الجاده .. راتبها تحرقه تساهم فيها تعطيه ابوها تعطيه اخوها مايحاسبها اصلا الرجال اللي بيقول لحرمته وفلوستس وين هي ؟ هذا مهوب رجاال .. وعلى الصرف على حسب راتبه يصرف عليها مايسير خبل ويطاوعها ولا بخيل ويمسك عليها كلن ينفق من ذي سعته |
القحماني s45s لو ما استفدنا من موضوعك إلا إنا عرفنا أن بعض البنات هنا ما عندهن إلا الدجة :D شف بعضهن يقولن .. هي حرة براتبها وعلى كيفها وين توديه ..! طيب محد قال لها شي .. لكن لا تقعد تطالب بأشياء الزوج مو مكلف بها وهي فوق طاقته وإذا رفض راحت تبكي وتروح بيت أهلها :) القحماني .. تكفى عليك ببعض البنات ورّهن العين الحمراء من الحين :D عشان مصلحتهن .. بكرة بيتزوجن وهن على هالتفكير وما أظن راح يكملن شهر العسل إلا وهن راجعات بيت أهلهن :D <<< من زمان ما حارش أحد :D |
إقتباس:
جزاك الله خير...... ايوالله في اراء هنا تشيب الراس... والواحد مايقول الا يارب استر ...كبرنا ونبي نتزوج والاختيار يخووووووف:d:d:d |
وعليكم السلام ورحمة الله وبركاته هلا بك اخوي القحماني ماشاء الله عودتنا ع تميز المواضيعs60s s60sبخصوص هالزوجة المفترض انها تشتري اغراضها الخاصه براتبها ولابأس ان الزوج يعطيها بين فتره وفتره مبلغ حلوو ع الاقل يحسسها بانه مسؤل عنها للاسف هالمسائل تختلف بين زوج وزوج وزوجه وزوجه بعض الرجال تقدر تقول ماينعطى وجه لو صرفت على نفسها وماطلبت خلاص يبدا شوي شوي يعتمد كليا عليها بعد فتره بيطلب تصرف ع البيت وبعض الزوجات للاسف تستعمل مبدأ الضغط ع الزوج خوفا من انه يتزوج عليها تهلكه بالطلبات بدون لاتنظر لراتب الزوج وقدرته مسالة انها تعطي فلوسها لوالدها مدري ع اي اساس اذا محتاجين اوكي مو مشكله بس لو مو محتاج صحيح هو احق من الزوج فيها لانه صرف عليها 20 سنه:d بس اتوقع مثل هالامور تحصل مشاكل بين الزوجين من حق الزوج انه يطلب منها تصرف شي من راتبها ع البيت باعتبار انه سمح لها بالوظيفة والوظيفه كلنا نعرف انها تستنفذ من المراة وقتها وجهدها واهتمامها ايضا نادر تلاقي زوجه توفق بين الوظيفة البيت لابد من التقصير وع ذلك يبنغي لها:d ان تصرف عليها وتساعد زوجها لان بالنهايه هذا بيتها وهذا زوجها ان ساعدته هي المستفيده اولا بيكون مو مضغوط حيل وبترتاح نفسيته وبيحس بقيمتها s60s وماراح ينسى وقفتها معاهـ صحيح فيه رجال مايبين بعينهم شيء بس صدقوني بداخله حاس بقدرها:yes: اصلا لما تخبي راتبها عنه احس مو حلوة بحقه وصحيح ماراح يطالبها تدفع بس بيعاملها وبيسوي اشياء تنكد عليها كانه يوصل لها عباره ( خلي فلوسك تنفعك انا مو محتاج لها :yes:) اعرف قصه الزوجه موظفه اثثت البيت من الى براتبها الخاص ولما خلصوا طلقها وجاب زوجه ثانيه :upset: عموما مو حلو الزوجه تصرف ع نفسها بكل شي اصلا الرجال مايحس انه رجال الا لاحس انه مكلف بزوجه وعيال يصرف عليهم:yes: شخصيا مع ابوي الله يطول بعمره احيانا اطلب ومعاي فلوس بس علشان مااحسسه اني مو محتاجه له حتى هو احيانا يقدم الفلوس لي ويقول خلي الي عندك لك الرجال بطبيعته مايحب ان الزوجه ماتحتاج له كليا تبقى الحياة الزوجية مشاركه هنئيا لمن نعم بهاا:smilie47: \ / الكريم القحماني معرفك ينير مجلسنا فلاتحرمنا قلمكـ حفظك اللهs60s لهنوووف اكانت هنا ورحلت |
يا الربع :D لا تخلوني اهون عن الزواج :D يالله يالله مشت الامور .. شكلكم بـ تسكرونها في وجهي :D القحماني ورده الله يعينك على الردود .. والله يعين الرجال على زوجاتهم .. اذا كان كل الحريم مثل بعض اللي ردن هنا :D |
السلام عليكم .. الطلاق ما انتشر عبث .. و90% من حالات الطلاق يكون سببها تافه وحله بسيط لكن عناد احد الزوجين والزوجه بالذات يؤدي الى مشاكل نهاية طلاق .. يعني مثل ذي بنقول مغلوبه على امرها وابوها ياخذ راتبها .. لكن فيه حالات عديدة انتهت للطلاق بسبب عناد امرأة .. يعني مثلاً هاللي تصرف على اهلها ما يخالف تصرف عليهم مثل ما تبي لكن لا تطالب زوجها بنفقة تكون فوق طاقته .. ولا كان من البداية جلست عند اهلها .. ! أيضاً بعض الزوجات يهدمون حياتهم بانفسهم بقصم ظهر الرجل وكثرة الطلبات على اساس ما يكون نفس ويتزوج ثانيه !! الزواج بهالفترة أشبه بحالة حرب .. وهالشيء بسبب الشحن من الاهل قبل الزواج وبالنهاية طلاق .. بالنسبة لزميلك .. يقدر يقول لها مافيه عمل حتى وان كانت شارطه هالشيء ويتعلل بأنها ما قامت بواجبات بيتها وزوجها :yes: طبعاً النفقة واجبه على الرجل .. ولكن بحدود المعقول .. اما سالفة 2000 في الشهر هذي تعدت المعقول خصوصا اذا كان الزوج في بداية تكوين نفسة .. |
نظرا لكثرة الردود التي تفوق طاقتي وقدرتي وبدلا من اتخاذ اسلوب السحبات :d كما تعودنا وعودناكم فقد قررنا التعليق بشكل مختصر ليتم الرد على الجميع مع الإعتذار والشكر والتقدير s13s بنت فهد شكرا على التواجد مره اخرى وعادي تعجبني المداخلات في الموضوع ويعجبني كل ماصار النقاش اكثر قوة لهذا لاتعتذري بل انتظري مني كلمة شكرا s60s بنت عبد الله & شكرا لك على التواجد والمرور وترين المشاغب صادق بكلامه :d الرجال مستضعفين ومساكين :) ^ العنود ^ راتب البنت مو بلها لحالها لازم تساعد ابوها وهذا واجب من واجباتها لهذا يجب ان تتغير نظرتك قليلا حسب الظروف التي ستكون من حولك .. اما لمن كانت تساعد زوجها وتزوج عليها :d فهذا مع احترامي ماله حق والله لو لاسمح الله ظروفي كانت تعبانه وزوجتي تصرف علي ثم تحسن حالي وصار زين ومسكت بقعه على زوجه ثانيه لا اكسر برغباتي ولا اتزوج تقدير لها الف شكر على التواجد وياهلاs13s Canada's gallant خخخخخخخخخ احسك بتنكبنا انت بنصائحك :d وفعلا اول يوم ابكصها بكف لا لا امزح .. بس انا مع التوزان لا افراط ولاتفريط الشده الزائده مرفوضة والدلع مرفوض يعني لاهذي ولاهذي يازين خط النص :d الف شكر على التواجد مره ثانيه s13s فجر الرياض بطبيعة الحال ان من المنطقي ان يساعد الأب ابنته وان يحاول يسهل امورها لا ان يعقدها .. بالنسبة لما اقصده بالتفاهم قبل الزواج ايه يقول لابوها شوف طالما هي موظفة فهي تصرف على نفسها وانا لي الضرويات فقط من حاجتها اما الكماليات فهي تشتريها من راتبها ولا عساها لا اشترت :d الف شكر على المرورs13s الـمـشـاغـب خخخخخخخخ الموضوع موضوعك يابعدي وخذ راحتك ومثل ماقلت لبنت فهد اقولك اني من الناس اللي يحبون كثرة المداخلات واحتدام النقاش وقوته نبي نحول الموضوع لحلبة مصارعه اما ان ننتصر نحن الرجال واما ان ينتصرن علينا :d بس خلك قوي المعركه ماهي بسهلة وانا اخوك احسني الواصل :d نصاب في افريقيا :naughty: الحلا مبتليها الشكر لك على التواجد طبعا ردك على شخص ثاني يعني مالي داعي اعلق :d كامل تقديري واحترامي اليزابيث هيرلي شكرا لك على التواجد للمره الثانيه وياهلا s13s Canada's gallant شكرا على التواجد للمره الثالثه وياهلا s13s |
في البداية موضوع موفق من قبلك :d وبتعليق سريع على الموضوع ... فيه شيبان أعرفهم من الفصيله :d هذي طمع في طمع جزء منهم يحرم بنته الزواج عشان راتبها وجزء أقل ضرر يشرط عليها قبل الزواج إنها تعطيه راتبها عشان يوافق على زواجها واخ بس لو امسك الحكم يوم واحد لا اجمع هالشيبان القعيطيه واربطهم بسطح المملكه وكل يوم انزل واحد منهم من فوق على جبهته :d وبالنسبه لموضوع الزوج وراتب الزوجه فهذا شأن خاص بهم والمفترض أن لايتدخل أهل الزوجه فيما بينهم طالما أنهم متفقين فيما بينهم فكم من عائله قد سمعتم عنهم أن الزوج وزوجته قد اشترو فله أو قاموا في بناء فله بشكل مشترك أو سياره والخ من الأمور التي يشترك فيها الزوجان وأهم من ذلك المشاركة الروحية في المحبة والمودة بينهما فاصله: وما اقول الا اللهم لاتجعل الدنيا أكبر همنا تحياتي لكـ |
حتى ظلالي هلالي نعم الزوجه بكامل قواها العقلية وهي ترى نفسها على حقها وزوجها على باطل تظل قناعات يحكمها المفهوم الخاطيء الذي ارسته الاسره في عقل تلك الفتاه :) كثير منا من ينظر للناس قبل ان ينظر لحقيقة واقعه فمثلا لاتستغربي ان يكون ذلك الطلب من باب ان لايسمع الناس عنها ويقولون هذي مسكينه وطيبه زياده هي تصرف على نفسها وش كنها متزوجه وعندها رجال يصرف عليها وزي ماقلتي الناس ماراح ينفعونها لو حدث شيء وعكر او انهى حياتها الزوجيه كما قلتي كثير من الحريم يبحثون عن تعاسة بيتهم بأيديهم ولن ينفع الندم اذا فات الفوت الف شكر على التواجد والمرور s13s بريماكس اهلا وسهلا بالرائع والمبدع دوما طولت الغياب واشتقت اليكم فعدت حبا لكم هذا انت قلتها في شروط قبل الزواج اين الزوج واين لسانه للأسف بذاك الوقت تبي تخلص الأمور :d وماتبي تعقدها وتخاف تقول كلمه مني مناك وتخربها :naughty: اتفق معك تماما ان التوفيق من الله وليس له علاقة بالراتب ولكن في كلا الحالتين اذا كان التفاهم موجود ستسير الأمور للأفضل والأحسن واذا لم يكن هناك تفاهم ستتعقد الأمور وبغض النظر عن الراتب تحياتي لك وياهلابك منور مووضوعي s13s الهنــــــــوف شكر لك على التواجد نتفق نحن وان الزوج مطالب بالصرف على زوجته بالاساسيات والضروريات فقط واما الكماليات فهي من واجبات الزوجه على نفسها في مثل هذه الحالات .. الف شكر على التواجد والمرورs13s راكان الازرق الف شكر على التواجد والمرور اخي الكريم ونورت الموضوع s13s ..بقــ حرف ـايا.. انا ضد الرجل الذي يطالب زوجته بالصرف على البيت والأبناء حتى لو راتبها عشرين الف لان الرجل وش دوره في مثل هالحاله الا اذا بيدخل المطبخ وبيطبخ وينظف :d فهنا امر ثاني ليس كل الرجال يقبلون بان ياخذو من ازواجهم والبعض يرى الامر اشبة بالمحرم بل هو عيب وفضيحه انه ياخذ ريال واحد من فلوسها لهذا لاتضعي في ذهنك ان كل الرجال سيأخذو الصرافة :smilie47: ويحطونها بجيبوهم :d الف شكر على التواجد والمرور s13s صدى الامس نورت الموضوع يالغالي واتفق معك كثير حول ماقلت تظل مثل هذه النماذج من النماذج التي لايقبلها لا العقل ولا المنطق وفي مثل هالحالات لانقول الا حسبنا الله ونعم الوكيل ويالله لاتوريني حاله مثل هالحاله .. والا سأتخذ الإجراء اللازم بالزواج من امراه ثانيه وخل راتبها ينفعها :d الف شكر وسعيد جدا بتواجدك s13s |
هلا وغلا بالقحماني مشرفناا هناااك .... موضوع رائع يعطيك العااافيه ... بصراحه لم أقرأ الردود ويمكن أحد رد نفس ردي اعتقد : انه اذا كانت الزوجه موظفه فليس لابيها الحق في اخذ راتبها ولو جزء منه الا اذا هي تكرمت بذلك وطبعاا مو يكون راتبها بيدها وتفلها وتخربهاا .. تشتري حاجاتها وتساعد زوجهااا اما احد يقولي انه راتبها ولها الحق بالتصرف به طيب وش ذنب الزوج المسكين المهمل كل حياتها دوام ونوم وتحضير وشغل والزوج مسكين ماله احد ..... دمت بوووود ..... ورده |
إقتباس:
وانت وش مسلطك علينا :d يا حليلك اجل تخاف علينا ما نكمل شهر عسلنا احنا اهم شي عندنا بالزواج شهر العسل وااذا خلص نبدا الطقاق:d سوري ع التدخل بس المشاغب سلطه من اسمه ربي مسلطه علينا:d |
القحماني ,, أهلا فيك ورده لن أزيد على أراء الأغلبية المنطقية .. والتي تؤكد على حق المرأة الشرعي على زوجها بعيشة كريمة .. والكماليات تلتزم بها هي إن كانت تمتلك راتب ..! وإن رغبت هي بالمشاركة في مصروف البيت والأولاد ووو ..... مشكورة .. وماقصرت ! لكن مداخلتي على شيء آخر .. الحياة الزوجية عشرة عمر وليست حرب .. استغرب ممن يخطط .. ويعد العدة حتى قبل الزواج .. ظروف الحياة ذلك الوقت تجبر على طريقة التعامل .. إن كان النصيب زوج بسيط الحال .. ستدفع الزوجة رغبت أو مُرغمة .. لو كانت تربية الشاب والفتاة تربية سوية .. اعتمدت على تأصيل الأخوة .. وروح التعاون والتضحية .. لما كانت العشرة الزوجية بهذا الصراع ..! عتبي الكبير والكبير على الزوجة التي تخرج من منزل زوجها .. لهذا السبب .. ربما أنها لم تسمع يوماً أن الحياة معادلة صعبة .. تحتاج لمن يتعايش معها بذكاء .. ومرونة ..! السطحية .. والذوبان في المظاهر .. آفــة تنخر بعض أجزاء المجتمع .. القحماني .. أشكرك ... أختك ... |
فرصه ضايعه شكرا لك على التواجد والمرور والله شوفي هالانسانه اللي بتحكي عنها التي بتصرف على البيت وكل شيء غلطانه ولازم تعرف ان الزوج هو المكلف بهذه الأمور الف شكر على التواجد والمرور s13s && هلااااااليه && ايه رجعت بس ياكثر الردود عندكم ههههههه تعبتني :d وباخذ اجازه شهرين ونص بعد هالموضوع :d وعلى طاري السحبات صارت عندي دكتوراه الحين :naughty: والله ياليت هالبنت كمان تستحي وتعترف بخطاها وتقول سامحني يازوجي انا سامجه اما المكافئات فهي امورها بسيطه بس مالك حق تتطلبين شيء:d الف شكر على المرور s13s خالد الغرام عز الله ان جبتها على الجرح يارجال يرفعون لك الضغط ذولا وش تمشي ورى حرمتك ماتركب :d بس حلوه حركة الجوال :naughty: الف شكر على المرورs13s محب الجنه الخرج اتفق معك كثيرا ان شيباننا مير الله يعطيهم الصحه هم جزء من الخلل :d رائع رائع ردك ويعتبر من افضل الردود الموجوده بالموضوع شخصت المشكلة بكامل تفاصيلها لابد للاب ان يراعي ظروف ابنته ان يكون هو من ينصحها وليس من يوجهها لامر سلبي وخاطي قد يكلفها حياتها الزوجيه .. الف شكر على المرور وعذرا على القصور s13s بسوومه شكرا لك على التواجد والمرور رأي الشرع معروف اختي الكريمه ونحن نبحث عن تنازل وتعاون من اجل الاستمرار الله يكتب لك الخير وتتزوجي ولد الحلال :d وان شاء الله مايكون فقير ولا من اهل الديون ان شاء الله يكون واحد غني وذو خلق ودين ووقتها ولاتفكري تعطينه قرش واحد :d الف شكر على المرور s13s فارس الناصر الف شكر على التواجد والمرور بالنسبة للامر الاول ماهو بحل بل هو سيزيد الأمور تعقيدا بنظري معاك بأن الزوج مو مستفيد بل على العكس واجبات زوجته المنزليه قد تكون مهمله فاليوم جاية تعبانه من العمل ولن تهتم بالمطبخ وتنظيف البيت وبالتالي ارهاق العمل سيؤدي الى ضعف في اداء الواجبات المنزليه الامر الثاني وهو التعاون في ماندر يكون هذا الأمر واحيان ياخي تحدثت تعاونات زوجيه تصفق لها بحراره كامل تقديري واحترامي s13s |
الوقت المعتمد في المنتدى بتوقيت جرينتش +3.
الوقت الان » 06:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd