الله يعطيك العافية حبيبنا ابو عبد الله

موضوع مهم للغاية بصراحة الحياة أخذ وعطاء خاصة بين الزوجين ..
ما في شك ان النفقة على الزوج وهذا مقرر بالشرع ...
ولكن الحياة بين الزوجين المفترض ان تبى على المودة والرحمة كما في كتاب الله عز وجل ..
واعتقد انه ليس من الرحمة ان يكون الزوج مديون وراتبه ضئيل ويتحمل تكاليف عرس صديقة الزوجة ..
والزوجة يروح راتبها بارد مبرد الى والدها ...

حقيقة حتى لو كان الزوج راتبه 20 الف اعتقد يوم يشوف ان زوجته تستغله على الاخر ..
وراتبه ما تصرف منه شي بيضيق صدره .. ويتفطر قلبه فما بالك اذا كان الزوج حالته حاله !!!

شكرا لك ابا عبد الله

ودمت بحفظ الله ورعايته ,,,

وعليكم السلام ورحمة الله وبركااته

خلينا ندخل بالموضوع على طول
من نظري اشوف ان الزوجه غلطااانه مررة لعده اسباب
يعني اذا هي فعلا مستغنيه عن الراتب وتبغى تعطي ابوها تعطيه ما اختلفنا بس مو كل الراتب .. يعني هي ادرى بمشاكل زوجها والتقسيط وغير مسؤولياته بالبيت والاولاد وحق نفقته
تساعده شوي لين ربي يفرجها وتخلص الاقساط . بمعنى اصح تعطي مثلا 3000 لابوها و3000 لزوجها وهي تاخذ 1000 كمصروف لها وبكذا محد بيزعل منها وبترضي الطرفين
عارفه انه من حق الزوج يصرف بس هي لازم تراعي ظروف زوجها ذوقيا مو تزعل عند بيت ابوها وتقلقوا فيها ..


وتبقى وجهة نظر

...........
باااااااااك بعد ماشفت التوضييح

إقتباس الاب اللي اتكلم عنه ماشاء الله تبارك الله عنده ملايين يعني ماهو بمحتاج لريال واحد من هذا الزوج واذا هو عنده بيت وماشاء الله يسع جمهور الزمالك المصري

خييير ان شااء الله عنده ملايين وياخذ من بنته 7000 ايش يبغابها
زوجها احق والله

هلا والله باخوي القحماني

والله لك وحشه........

انا رأيي في مشكلة صاحبك ان سببها عدم الاحساس بالمسؤوليه , يعني الاب مليونير والزوج على قد حاله والزوجه موظفه وراتبها عالي المفروض انها تحس وتساعده وتصير الحياه مشاركه مثل ناس كثير اعرفهم يكون الرجال ظروفه صعبه ويطلب انه يتزوج بموظفه عشان تساعده (طبعا يبغى زوجه وموظفه مو فلوس بس فاهمني ..فيس معصب..)ويساعدون بعض وتمشي حياتهم

في نفس الوقت من حقها انها تساعد اهلها باللي تقدر عليه(طبعا مو بكل الراتب)
ومو من حق زوجها (شرعا)انه يطالبها بالصرف على البيت>>> بس حلو لو هي تحس من نفسها..
وبعدين حلو ان الزوجه تحس ان زوجها يصرف عليها مهما كانت غنيه وحتى هو بيكبر في عين نفسه بس مثل ماقلت لك كل شي بالتفاهم يصير

موضوعك متشعب كثير وفيه نقاط متعدده بس لانك تكلمت عن حاله وحده في قصتك اكتفي بهذا القدر>>>والله زين اكتفيتي

إقتباس الرسالة الأصلية كتبت بواسطة هلال الفن زعيم القرن هلا والله اخوي القحماني .. بخصوص الراتب اعتقد ان المسئله يجب ان نأخذها بالعقل ,, وليس كما هو معلوم ويجب ان يطبق ان الزوج يصرف على زوجته مهما كان راتبه ,, بعض الحريم الله يهديهم يصرون الا ان زوجهم يصرف عليهم باشياء ماتستاهل انا مانكر ان الرجل يجب ان يصرف على زوجته من ناحيه الاكل والفواتير ومصاريف الاطفال ووو ولكن في امور وحاجات يعني لازم انها تقدر ضروف زوجها وماتظغط عليه دام انها عندها القدره على دفع هالمبلغ مثل سالفه الالفين .. وهم عندهم اضعاف الي عنده يعني فيه امور ماتستاهل انك تطلب من زوجك والفلوس متوفره عندك ولكن هم اخذوها عاده ان الزوج يصرف عليهم مهما كان راتبهم اعتقد المفترض من زميلك ان يتفق على هالامور مثل ماتفضلت انت قبل الزواج .. تعطي ابوها على العين والراس لكن الراتب كله مو معقوول ..! كان اخذت النص طيب شكرا لك عزيزي

اهلا بالغالي ويامرحبا


المسألة تأخذ بالعقل بس احيان يفلت العقل وكل واحد يعنت ويصر على رأيه ويعتقد انه هو الصح انا ذكرت هالأمر لانه بنظري يجب التشاور والتفاهم بهالأمر الخطير قبل الزواج ..


شوف وانا اخوك لو هي اللي بتتكفل بمصاريف بعض المستلزمات التي نراها نحن غير ضروريه هم يشوفونها ضروية وتقل الحياة بتتوقف بسببها ..

ماعنداش مشكلة بس اني اللي بدفع وانا اللي يالله امشي اموري هنا ستوب


عيب صديقي انه لم يكن يعتقد او يدري انه سيتعرض لمشكلة كهذي قد تكون للبعض تافهه او سهلة الحل ولكن هي من الأمور التي قد تنهي حياة زوجيه في بدايتها ومشوارها ..


حدث ماحدث ولم يتم التفاهم حولها قبل الزواج الان هنالك مشكلة حول هذا الأمر وكل واحد متمسك برأية مالخل .. هنا السؤال


كامل احترامي وتقديري لك

هلا بالراقي القحماني

سلمني على خويك و قل له يقولك قالنت كندا حلك عندي و أنا أبو هندي

بصراحة أحس الرجال مسكين مظلوم و المرأة تستخدم طرق ملتوية لتعقيد المسألة .. بالأول تعطي راتبها السبعة آلالاف كاملاً لأبوها و بالثانية تروح و تخليه في بيته و تلقى وضعه صعب .. أكيد الرجال إذا تعود على زوجته يتأثر بروحتها لبيت أبوها .. يعني بيته بيصير حوسة و بيصير ياكل لحاله و أشياء كثيرة راح تتغير

فيه مثل انجليزي مطلعينه الشباب الكندي هنا

يقول


When something **** you , **** it back

النجوم هذي كلمة يترجمونها ( اللعنة ) بالأفلام << على قولة المشاغب


أسمع الحل و أنا أخوك

خل خويك هذا المغلوب على أمره إنه يطلع إشاعة بزواجة حرمتن ثانية .. هي تقول إن الشرع يقول إنه مكلف بالنفقة عليها << يرد عليها و يقول الشرع حلل أربع يا امرأتي الحلوة


الحرمة من بتسمع خبر الزوجة الثانية بتطلق أبوها بالثلاث

و أبوها هذا بيعرف إنه نكب بنت .. يا أخي حتى لو كان محتاج مادياً .. المفروض يوم شاف بنته جته عشان هالسبب .. المفروض يعقلها و لا بس جيدن في راتبها

بصراحة فيه ناس كثيرة حرام ينقال عنهم رجال << اسمح لي يعني

أجل .. واحدن يقوم زوجته كل يوم و والثاني يودي زوجته كل يوم لوظيفتها و إذا جاء يوم الراتب وداها أبوها .. حشى سواق ماهوب زوج ... إلا أخس .. حتى السواق بيوديها يوم الراتب بعد


على كذا بندور بنت الحلال الكندية

واحدن من أخوياي مخاوي له كندية و في حياته ما قد عشاها و لا غداها برا

حتى إذا جاء عيد ميلاده بالعربي و بالانجليزي تجيب له كيكة و تعزمه في المطعم بين كل فترة و فترة

مع إني ماني معه في كونه عنده صديقة يعني المفروض يعقل .. بس و الله رجال .. كفو .. مهجدها




عوافي يالغالي

هلا
موضوعك مهم
الصراحه الزوجه غلطانه الحياااة مشااركه بين الزوج والزوجه اذا الزوج مقتدر كااان بها ومن حقها تحتفظ بالراتب لها
بس بالحاله هاذي الزوجه غلطانه المفروض تساعد زوجها
وانت تقول ان الاب مقتدر يعني مالها حق

انا بهالحاله مع الزوج

فيه حالات الحق مع الزوجه يعني يكوون الزوج مقتدر ومع ذالك يخلي الزوجه تصرف على البيت بهالحاله ماله حق

تقبل وجهة نظري

شف طويل العمر ... البنت اللي اتخبر ابوهااا ... هاي اغسل ايدك منها ...

جيه هي ليش متزوجة ؟؟؟ الا عشان اتحس بالمسؤولية ... وتتفاهم ويا ريلها ...
واتقدره ...
مدام ما مزعلنها ... ابشي ...وما مقصر وياها ...فهي غلطااااااااانه
هذا شي ...

اما البنت اللي تشتغل ... لازم من نفسها ... تقاسم ريلها بفلوسها ... مب بمعنى انها تعطي الفلوس لا ..
بمعنى اذا شافت اي شي ناقص في البيت اتروح تييبه ...>>> يعني من مواد غذائية ...ومن اشياء خاصه بالمنزل وجيه ...

لكن انها تعطي فلوسها حق ابوها ... >>>وهذا واجب علينا وعليها ...
لكن مب كله ... تعطيه قدر المستطاع ...
والباقي ... مثل ما تبى تتعدل وتتكشخ وتتزين فيه ...

عيل ريال راتبه 4 الاف اتقوله عطني 2000 حق عرس ربيعتي ... لا لا الحمدلله والشكر ..
وين اللي تقدر ريلها ؟؟؟
وين اللي اتضحي حق ريلها ؟؟
في هالزمن نادر ما انحصل وحده اتضحي واتقدر ريلها ... الا من رحم ربي ...


... والله في هالزمن ... حتى الوحده اللي تشتغل ما يبين فيها ...
ويوم ما تكون تشتغل وفي بيت ريلها ... ريلها يصرف عليها اكثر من ما هي تشتغل


::

يعني لازم اتكون متعاونه ويا ريلها في كل شي ...
واهم شي التفاهم ... بينهم ...

::

شكرا لصاحب الموضوع ... ورده
النقاش جميل في هذه المواضيع ...
تسلم ايدينك ...

إختك

إقتباس الرسالة الأصلية كتبت بواسطة S K Y عليكم السلام ورحمة الله وبركاته مسائك أحلى حبيب قلبي ابوعبدالله .. بشر عسا الأتصال صار أحسن تراني موجود وأتابع من بعيد < ظهور دون إتصال دائما بما اني عزابي وماحصل لي وعايشت مثل هذي المشاكل الزوجيه قد تكون وجهة نظري صحيحه وفي الغالب خاطئه لكن بعطيكم اللي في بطني اذا كانت زوجتي موظفه وراتبها جيد ماراح أمنعها تصرف على أبوها بشروط 1: يكون والدها فقير أو تعبان ماديا والمبلغ اللي يروح له يسد حاجات ضروريه مايستغني عنها أي بيت ومايمنع تعطي أبوها اذا كان عنده فلوس بدون مايجبرها يعني كهديه 2: جزء من راتبها لازم يكون لها لتسد كمالياتها وأحتياجاتها الخاصه وبالنسبه لصرفيات المنزل من أغراض مطبخيه أو غيرها هذي مسؤوليتي وانا كرجل قبلت بالزواج لازم أكون مقتدر عليها وماراح أخلي زوجتي تدفع من شنطتها شي < بما انها ماعندها جيب الا اذا صارت كريمه سبله وقالت لي عند المحاسب ( عنك عنك ) طبعا كل شي لازم يكون بالتفاهم وشغل الفواتير ورجع الباقي هذي بين الأخوان طبعا وجهة نظري هذي بدون خبره يعني كلام فوري طلع من راسي يمكن يتغير بعد الزواج أخيرا .. تواجدك يابوعبدالله في المجلس له رونق خاص وأسعدني كثير وجود معرفك بيننا .. والله لا يحرمنا هالطله

لا ياخوك انا اكون غير متصل دائما لا اسباب امنيه


بما انك عزابي فأنصحك تجلس هنا وتتنقع اربعه وعشرين ساعه عشان تعرف اللي وراك واللي قدامك وقبل تدخل لمعركة الحياة الزوجيه تكون مجهز بأحدث التجهيزات الفنيه ومن اهم المشكلات هالمشكلة اللي مثل ماقلت حلها قبل الزواج ..


اعجبتني لفظتك ماراح تمنعها خخخخخخخخخخ ياحظك ماتقدر تمنعها تعطي ابوها شيء بس انتبه تاخذ من جيبك الف وتوديه لابوها هذا اللي ناقص


معاك بكل اللي قلته واغراض المطبخ وكل مستلزمات البيت هذي لاخلاف ولاجدال ولانقاش من مسئوليات الرجل ..


ولكن مصروفاتها الخاصة في حال توفر وظيفة وراتب عالي .. هنا المشكلة وهنا السؤال وهذا الذي ابحث من اجله عن الحل المناسب ..


كامل تقديري واحترامي

إقتباس الرسالة الأصلية كتبت بواسطة بنت فهد مرحباً شوف ياخوي يمكن انو ابو زوجة صاحبك شديد ويحب الفلوس يمكن هو اللي يجبرها على انه ياخذ راتبها ويمكن انو اهلها ضعيفين وابوها ما يقدر مادياً يصرف ع البيت وهي ترحمه وتعطي ابوها المفروض انو زوجها يقدرها وخله يتاكد يمكن انو البنت ما تعطي ابوها يمكن انها تجمع وناويه تتزوج عليه...<<انواع التشيييييش ^^^ ترا امزح وهذي وجهة نظري تقبل مروري بنت فهد

هلا وغلا اختي الكريمه ..

طبعا لو كانت الحاله كما ذكرتي فانا معك بانها تعطي ابوها كامل راتبها وزوجها اللي يصرف من باب انها تعاون اهلها بالمصاريف ولكن بمثل هذه الحاله التي انا اتحدث عنها لا اجدد مبرر واحد بل ارى الخطا راكب الاب من ساسه لراسه لانه كان بامكانه يقول : يابنتي انا بنعمه والحمد لله وانتي هالفلوس خليها لك اصرفي فيها على نفسك وعاوني زوجك

في مثل هذه الحالات يتسبب الكثير من الآباء بطلاق بناتهن دون قصد ولااسباب لاتستحق ان تذكر


شكرا لك على المرور نورتي الموضوع بس حلوه حركة التجميع والله ياخوفي انها تجمع لاولادها مستقبلا اذا تزوج وحده ثانيه


عموما في هذه الحاله لايوجد ابناء والا كان صديقي ضربني وهو يشتكي لي يبي يفك حرته فيني


كامل التقدير والإحترام

[quote=كان هنا;9572616]وعليكم السلام ورحمة الله وبركاته
مرحبا أبوعبدالله ..

/

مما لا شـك فيه أنه يجب على الـزوج التكفل بكامل مصـاريف زوجتـه الأساسيـة ؛ وأي تقصيـر أو إخلال يؤثم عليـه .
لكـن ؛ هذا لا يعنـي بالضـرورة أنه من الواجب عليه التكفل بالمصروفات (الثانوية) .
وبطـبيعة الحـال ؛ يجب أن تكـون الزوجـة متعـاونة إذا رأت أن زوجهـا غير مقتدر ( وراتبه على قده )
وإذا شركات التقسيط والمواد الغذائية والملابس كلها ما راعت هالرجال المسكين ؛ انتي يالزوجة قدري زوجك ومشاكله وأنتي أكثر وحـدة عارفة بظـروفه !

\

أبـوعبدالله يعطيك العـافية على فتح المجال للحوار حـول هذا الموضوع

ورده

quote]

ياهلا وغلا بالغالي


ممكن سؤال : هل فستان عرس من المتطلبات الأساسية خصوصا ان الدولاب مليان وفيه شيء باقي مالبستها


معك تماما ان المتطلبات الاساسية والقدر الأكبر من المتطلبات الثانويه يجب ان يلبى ولكن بحدود قدرة الرجل واستطاعته وامكانيه ..


لدينا مثل يقول ( مد رجليك على قد لحافك )

ياليت ان الوحده برضك تطالب بما يتفق وامكانيات زوجها اين هي من حرصها على استمرار الحياه الزوجيه والوقوف ضد العوائق البسيطه والتي من الممكن الوقوف ضدها ..


شكرا ومرورك اسعدني جدا ونورت الموضوع كامل احترامي وتقديري

إقتباس الرسالة الأصلية كتبت بواسطة abusaud يالبا قلبك يابوعبدالله انت ومواضيعك نرجع ونعلق على الموضوع .. المفروض من الأب انه يستحي ومايأخذ راتب بنته .. على الأقل مو كلله حتى ولو ان راتب الزوج اكثر من 10 الأف فمن باب اولى مساعدة الزوجه لزوجها في بعض امور البيت ومتطلباته .. او حتى حاجاتهت الشخصيه .. الله يعينهم ان شاء الله ويخليهم لبعض ..

لا ياخوك لاتخربها مره اذا راتبه عشره بيقدر يضبط وضعه ويقدر يدبر الالف والالفين ماحنا بخلاف في ذي الحاله

نفس السؤال اللي وجهته لك بالماسنجر اطرحه هنا

ماذا يستفيد ذلك الاب من الالف والالفين هل ستؤثر على حسابه

ام ان المسألة تدخل ضمن امور لها مغزى آخر ..


كامل تقديري واحترامي

إقتباس الرسالة الأصلية كتبت بواسطة الحربي2004 اذا المسائله وصلت للحقووق ....فمن حقي ان اطلبه بالجلووس بالبيت للاهتمام بالاطفال.. عموما اذا كانت المراءه عامله فالغالب يكون البيت عباره عن ازعجات ومشاكل لا تنتهي هذا افضل الحلول... ولو تطلب الامر عطها منوم بالعشاء لاجل ماتصحى الا الظهر.. وتنهي المشكله بسلام

اعجبني ردك هي تطالب وانا اطالب وفي النهاية هي الرابح الأكبر


اتفق معك تماما ان عمل المرأة هو راس البلاوي بس صار وانا اخوك امر مفروغ منه وشر لابد منه


لك كامل التقدير والإحترام ونورت الموضوع وياهلا

السلام عليكم ,,


موضوع نقاشي حلو ..

الخطأ اولاً واخيراً على الزوجة اللي تعطي ابوها الراتب وتجي فوق هذا تطلب من زوجها فلوس

حتى تحضر عرس ..!! حتى لو كان ابوها محتاج هالفلوس على الأقل تعطيه نصف الراتب مو

كله ! والخطأ ايضاً على زوجها اللي تاركها على كيفها تودي الفلوس وين ما تبي ! يعني في حدود

للصرف مهما كان , واتوقع انهم ما عندهم اطفال لأن الأبناء يزيدون المصاريف كثير .. وهي

مارح تقدر او تحس بهالمشكلة الا لما تُزرق بأبناء .



اخوي القحماني .. يعطيك العافية على الطرح ,