|
هل تعتقد الحارثي أفضل من صالح بشير ؟؟ وأين نجوم اسيا : الجاسم وعبدالرحمن القحطاني ؟؟ السلام عليكم : النجعي ( وليدعبدالله)مبروك فوز المنتخب على شقيقه الأماراتي والقادم أفضل بإذن الله ... وان كان الجوهر قد وفق ولله الحمد في قراءة هذه المباراة وتشكيلة المنتخب السعودي الأساسية ألأ أنه لم يوفق باختيار بعض العناصر للمنتخب ويعلم بها جميع الشارع الرياضي السعودي فنحن شعب مثقف كرويا والكتاب واضح من عنوانه ولانجهل الأمور الفنية بالفريق أول المشاكل بعناصر الفريق المهاجم البارد والخامد جدا سعد الحارثي كذلك لدي تحفظ على مشاركة عبدالغني ؟؟ مع أن الصقري والزوري وكامل الموسى والخثران وزيد المولد والعديد من الأظهرة أفضل منه فنيا ولياقيا ؟؟ كذلك إذا كنت تريد رأس حربة طويل القامة وصاحب ضربات رأسية بديلا لياسر فهل يوجد مقارنة مثلا بين صالح بشير وسعد الحارثي ؟؟ في مستوى سعد الحالي ؟؟ أعتقد النصراويين بأنفسهم يعرفون الأجابة في ظل تواضع مستوى سعد الغريب جدا حيث يقتل جميع الهجمات ؟؟بدأت أشك أن هناك مجامله من الجوهر للاعب ناديه السابق الحارثي ؟؟ أعتقد هناك نوعية سوف تهاجمني على اسم بشير ؟ لأنهم لا يؤيدون الا اللاعب في النادي الكبير بينما اللاعب في نادي عادي لايطالبون به ولا يلتفتون اليه ؟ تاركين المستوى على الجانب ؟ كذلك أستغرب غياب بعض العناصر التي برزت بكأس اسيا 2007 وقدموا منتخبا بارعا وجديدا هم تيسير الجاسم صاحب التسديدات الصاروخية والذي يستطيع اللعب بجانب خالد عزيز كمحور بديل بالشوط الثاني لأحمد عطيف أو في بعض المباريات كذلك الوسط الأيسر عبدالرحمن القحطاني يكون بديل للشلهوب عند انخفاض مستواه أيضا أكثر من علامة استفهام حول غياب الوسط الأيمن المميز أحمد الموسى . فتخيل لو كانت التشكيلة بهذه العناصر فحتما الأداء سيتغير (مابين الأقواس هو البديل بنفس المركز) : الصقري(الزوري)...................المرشدي (تكر)...............................هوساوي(البحري).................شهيل(حسن معاذ) ................. عزيز(كريري).............................. ....................الجاسم (احمدعطيف)................. الشلهوب(عبدالرحمن القحطاني).....................................................................................عبده عطيف(أحمد الموسى) السلطان(مالك)................................................................................ .....................بشير(ياسر).................. لدي سؤال واحد اتحدى احد يجاوب عليه : متى المنتخب يستقر على اسماء وتشكيلة معينة مثل باقي المنتخبات ؟؟ مع دخول بعض الأسماء وليس تغيير المنتخب كاملا ؟؟مو كل سنة لنا منتخب ؟؟ |
الصقري ؟؟ تستهبل ؟؟ الصقري نزل مستواه نزول قوي ؟ اقول ن يوم ما شفتك حطيت بشير مهاجم منتخبنا والصقري ظهير دريت ما وراك سالفه |
إقتباس:
يعني بالله مستوى سعد احسن من بشير ؟؟؟ او عبدالغني المرتبك افضل من الصقري ؟؟؟:nono::nono: |
قهر والله وين احمد الموسى اللي جنن الدفاعات بـ اّسيا 2007 |
ههههههههههههههه من جدك انت صالح بشير تسميه لاعب..؟؟؟لا وتقارنه ب سعد ...معليش لا تقول سعد ومستواه المتواضع ومعرف ايش ..تراه بالنصر مافي وسط وراه وشلون تبيه يلعب ومع كذا جايب 9 اهداف السنه اللي فاتت ومصلح يمكن 5 او 6 للشهراني..ولا تقول الصقري وما الصقري عبد الغني لاعب خبره انت تفهم وش معنى خبره يعني حدود 138 مباراه دوليه.. ف الله يجزاك خير لعد تجيب طاري ذا النايم صالح بشير هذا أخلاقه سوح مع ناديه وشلون عاد لو استدعوه المنتخب ههههه موب بيعتزل الا ياعمي يبدا يقارن نفسه بياسر...معليش فيه المحياني أحق منه بعد ياسر ومالك وسعد,,,, |
اسمح لي صالح بشير وجوده من عدمه و أما سعد بصراحه أصبحت اراه بوضوح اكثر انه رقم زائد إذا كان و لابد وجود نصراوي فنرجوا تجربة الشهراني قد يكون افضل من سعد أما عبد الغني لا أرى أنه أضاف أداء" جديد و متميز و لكن قد يعتمد عليه كونه قائد خبره و اعتاد على هذه الأجواء |
هههههههههههههههههههههههههه قسم بالله نكته الصقري مره وحده قل غيرها يا رجل والله موتني من الضحك انت تدري ان اللي نكبنا بكاس الخليج قدام الامارات انه الصقري حقك وانت داري ان الصقري اصبح من دون نادي بعد تنسيقه من الاتحاد اقول كيف حالك بس0 |
إقتباس:
هل تعلم من هو صالح بشير ؟ هل تابعت مستواه العام الماضي ؟ مهاجم نشيط لا يهدأ وصاحب تسديدات ورأسيات ؟ وسجل أمام المنتخب الياباني وليس الاماراتي او الايراني ؟؟ ومن ثم أنا سالتك حاليا ايهم افضل مستوى سعد الحالي او صالح بشير ؟ ويوم تقول النصر مافيه وسط يعني المنتخب برضه مافيه وسط ؟؟ والله عالم غريبه ؟ ويوم تتكلم عن الصقري تدري من اللي صنع لمحمد العنبر هدفه الشهير على كوريا ؟؟ هو الصقري وكان يلعب كوسط ايسر وليس ظهير ايسر ومعروف الصقري صاحب امكانيات عالية ؟؟ وبعدين يرحم امك لاتقول خبرة وماخبرة ؟؟ وش الفايدة خبرة وعمره فوق 35 ومرتبك كانه اول مرة يلعب ؟ ومن قال لك ان الأهم عندنا الخبرة ؟؟ امزج الخبرة مع افضل الاسماء بالدوري السعودي ؟؟ واذا اعتمادك على الخبرة فان منتخبنا ماراح يتغير هو نفسه 2006 ؟؟ وبعدين شلون تجي خبرة ونت ماتجدد المنتخب ؟؟ياعمي هذا كرستانو رونالدو افضل لاعب بالعالم وكم عمره وكم مبارياته الدوليه ؟ وهذا توريس حقق لاسبانيا كاس اوربا2008 وكم خبرته ؟ ماقالو جيبو لنا راؤول اخبر من توريس ؟؟ وكان مدربهم معه حق يوم يبعد راؤول .. واللي يسمعك يقول ان الصقري وغيره ماعنده خبرة ؟؟؟ اذا هي على الخبرة كان ماشفنا منتخب بالعالم متطور كان الكل اعتمد على الاسماء القديمة ومحد قدم وجوه شابه ؟؟منتخب هولندا هزمت ايطاليا وفرنسا بنتائج تاريخية لان ايطاليا وفرنسا اعتمدوا على الشيبان والخبرة وهولندا مزجت العناصر الابرز مع الخبرة وهذا الصحيح ... ياشاطر المنتخب يعتمد على الأفضل عناصريا وتبقى الخبرة شئ ثانوي وليس اساسي ؟ ليه ماتقول يرجعون الدوخي والمنتشري والواكد تراهم خبرة بعد ؟؟؟ |
إقتباس:
طرحت عدة اسماء غير الصقري ؟؟؟ هل ترى عبدالغني افضل منها ؟؟:surprised::surprised: |
إقتباس:
هل ابعد بعد خسارة المنتخب من اوزبكستان 3 - صفر ؟؟؟ كان الكل سيئا تلك المباراة وليس احمد الموسى وحده ؟؟؟ سؤال يتبادر الى الذهن : متى المنتخب يستقر على تشكيلة معينة مع دخول بعض الاسماء وليس تغيير الفريق كامل كل سنة ؟؟ |
إقتباس:
والله هذا اللي استغربه في منتخبنا .. أدور منتخب زينا مالقيت .................................................. وبالنسبه لكاتب الموضوع .. أقفولك.:ياحبيبي ضحكتني .. لا تجلس تجادل اللي يردون عليك .. والله موضوعك خطأ ×خطأ ., انــا هلالي .. بس هذا ما يمنعني بالاشاده بالكابتن سعد .. والله ابو مشعل غالي علينــا يالهلاليين ...وبنوقف معه لين ما يرجع مستواه المعهود عنه إذا كانو ا النصراويين يسئون لياسر فنحن جمهور الهلال نحترم ونقدر سعد الحارثي .. ويكفي إنه صديق ياسر القحطاني < قل والله :D المهم .. مشكور على الجهد وأخــالفك في المووضوووع .. ترى بشير أخلاقة (0) يالبيه يا سعد الحارثي أنت ويـاسر .. والله يوفق المنتخب ..ويكتب اللي فيه الخير |
تيسر مصاب والقحطانى موجود وهابط مستواة والحارثى لاعب كبير وافضل ثالث مهاجم بعد ياسر ومالك وابتعدو عن حب الاندية الذى يضر المنتخب وعبدالغنى لم يلعب اى مباراة ودية ولم يقصر والقادم احلى للاخضر سعودى |
سعد افضل من الي قلتهم..وبشير بدري على النيله الخضرا ,, وعبدالرحمن ؟؟ وينه خخخ |
ليش انتم العاطفه ماخذتكم واجد أنا لو يخيروني سعد أو مالك يجي للهلال لن أفكر ولن أحتار راح أختار سعد على طول سعد حرام يلعب بالنصر لاحظوا مع كثرة المشاركات محليا ودوليا العام الماضي الا انه سجل 10 وصنع 7 وهو مهاجم يعني قايم بدور المهاجم ودور صانع اهداف طبعا هالارقام في الدوري فقط غير باقي المسابقات . سعد الحارثي ثاني أفضل مهاجم سعودي ولو انضم للهلال بجانب ياسر وامام ويلي والتايب راح يكون نااااااااااااااااااااااااااااااار وممكن ينافس ياسر على الأفضلية فيه كل المقومات بنية رائعه يسدد بالقدمين ضربات رأس ممتازة غير أناني هداف سريع يصنع أهداف في نفس الوقت ولكن ماينقصه هو المهارة الفردية وعدم الثقة في النفس وهذي بامكانه التحصل عليها مستقبلا اضافة الى انه لازال لاعب شاب عمره 25 يعني يخدمك 8 سنوات للامام بالراحه و زي الحلاوة . لنترك العاطفه جانبا ونتكلم بالواقع . |
يعني تبي تقول صالح بشير افضل:d كيف الحال سعد لاعب قايم بالدور على اكمل وجهه:) إقتباس:
|
| الوقت المعتمد في المنتدى بتوقيت جرينتش +3.
الوقت الان » 11:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd