أحب أمسيكم بالخير جميعا ولصاحب الموضوع أبو طلال وكل عام وأنتم بخير والشهر مبارك علينا..
بخصوص موضوع الكابتن صالح.. فعلا صر مادة دسمة وحديث الساعة هذي الأيام لكن أنا عندي وجهة نظر أتمنى تتقبلونها بصدر رحب وان كان رأيي ما يتوافق مع أحد فالاختلاف في الرأي لا يفسد في الود والمحبة اللي بيننا وتبقى هذي مجرد آراء ولولا اختلاف الآراء لما كان في انتاجيةونقاشات.. الكابتن صالح مافي أحد يقدر يتجرأ وينكر ما قدمه لناديه وللوطن.. أمضى 11 سنة حافلة بالنجاح والبطولات.. وبالنسبة لقصة جحوده وما ادري من يقصد صالح بمن جحده هل هو الهلال ام الاتحاد السعودي لكرة القدم.. على العموم هي ما تفرق لكن اللي اعرفه وزي ما يعرف الجميع انه صالح كان في قمة المجد ومن افضل اللاعبين في ذلك الوقت فبالتأكيد كان يستلم راتب عالي (راتب عالي في هذاك الزمان وليس بعد التضخم) ومكافآت والخ.. بالاضافة الى حفل الاعتزال اللي اقيم له ومن كان في ذاك الوقت يعمل له حفل اعتزال.. وما تبعه حفل الاعتزال من مكافآت مادية وعينية..ودي أحكي لكم لكن انا والله مو من الناس الي احب اتكلم كثير ولا ودي اقول شي بدون مصادر حتى مشاركاتي قليلة لكني متابع دائم وبشكل يومي واعلق على الموضوع اللي يثيرني..بس في احد الاقارب لي وهو ذو علاقة نسب بالعائلة الحاكمة أكد لي شخصيا بعد سالفة خروج صالح على الهواء انه استلم مبلغ اضافي غير المذكور في حفل توزيع المكافآت على صالح في حفل اعتزاله من فيصل بن فهد ويقدر بمليون او اثنين على الاكثر..اضافة الى ان صالح كان يمتلك (لا ادري اذا يملكها الى الان) عدد من العمائر التجارية الصغيرة في حي العليا ما بين التخصصي والملك فهد (هذي متأكد منها بحكم عمل الأهل في العقارات) وانا اعيد واكرر لا اعلم وما اتوقع انه صالح يشكي حاله وهو يمتلك اللي قلته رغم انها ليست كبيرة لكن مقارنة بوضعه الاجتماعي جيدة جدا له (هذا ليس تقليلا من قدره بل لأنه أغلب اللاعبين لا يستثمرون أموالهم في التجارة) وصالح اذكر انه قبل سنه او اكثر طلع على جريدة الرياض أو الجزيرة وشكى حاله بعد انهيار السوق.. فاعتقد كما يقول الكثيرون بأن صالح يمكنه تهور ودخل بكامل حلاله في الأسهم وما توفق ودفع الثمن..فما نقدر نحمل الهلال او اي جهة اخرى الذنب فهو على اللي ظاهر لنا انه ما وضع حلاله في المكان الصحيح.. بالنسبة لعقوبته صراحة انا اوقف معاه وفعلا ظلم فيها ظلم كبير فلا اعتقد انها تستاهل ما حصل له ولكن في المقابل ما اعتقد انه الشطب وعدم السفر هو اللي جعل صالح بهذا الحال..مشكلة صالح انه اندفاعي ولا يقدر يحك لسانه وعلى قولته اللي في قلبه على لسانه وما يجامل وعزيز نفس وهذي كلها صفات رجل بمعنى الكلمة لكن للأسف يا اخواني ففي هذا الوقت والزمن عزة النفس والكرامة وعدم المجاملة ما تخلي الانسان يعيش بالعكس يا انها بتخليه على ما هو عليه او بتردي حاله واللي ينكر هذا الشي يسمحلي اني اقوله انه يغالط نفسه الا ان كان من الكبارية اللي ما همه في احد اعتقد كلامي منطقي..اللي ((مضبط )) وضعه مع الكبار ومنزل نفسه شوي لهم هو اللي عايش واللاعبين اللي قراب منهم شوفوا كيف عايشين ولعبوها صح لآنهم عارفين انه مالهم الا هم لكن صالح ما نزل نفسه شوي مقابل حصوله على حياة كريمة وهذا رأيه الشخصي وكل انسان له طريقته في الحياة والتعامل مع الناس..لكن فعلا صالح خربها قدام الناس والعلن ويقول انه ولده السابع في الطريق ومدري وش بعد قال؟؟ يعني اذا انت ما عندك القدرة ان تضمن حياة كريمة مستورة لك ولعيالك ليه تحمل نفسك عبء ان تجيب عيال زيادة وما تضمن مستقبلهم؟ هذي احد النقاط السلبية صراحة اللي يناقض نفسه فيها صالح..اللي بيقول انه الله بيرزقه اوكي ما اختلفنا اله قادر على كل شي ما فيها كلام لكن برضوا الواحد يعمل بالأسباب!! أجل على كذا بقعد في البيت وبقول الله بيرزقني او خلها على الله؟! مو صحيح هذا الكلام العمل + توفيق الله يؤدي للنجاح ان شاء الله. فصراحة انا انقد على صالح انه طلع على الهواء ووين في ابو ظبي يعني وش وجه السعودية قدام الدول الباقية؟ ما اختلفنا في اخطاء كبيرة تحصل عندنا بس مو ينشر الغسيل عند اللي ماله داعي يعرفون..ياخي اذا بليتم فاستتروا..كذا صالح مطلع صورة الاتحاد السعودي سيئة وما اختلف انها سيئة لكن ما تظهر بهذي الطريقة اللي اسميها تعسفية وغير موزونة..صالح ما حسب حساب كلامه وفعلا خربها على نفسه يعني حتى لو كان في أمل بسيط انه ممكن يحصل على منصب في اي مكان ما راح يحصل واللي قلت لكم عنه القريب لي أكد لي بأنه صالح راح يستقعد له وبشدة وبأوامر من فوق بسبب انه كيف يشوه صورة الاتحاد والبلد بأنهم جاحدين له وانه شيوخ الامارات بيسنعونه..بعدين صالح كان يحلل في اي ار تي من قبل ما ادري اذا احد يعرف سبب خروجه؟صالح من جد سكر على نفسه الباب وخربها وقال اقول للعالم كله على امل انه يساعدونه الاماراتيين او اي شيوخ دولة من دول الضيوف في البرنامج..راح يحصل منهم لكن في الأخير صالح مرده السعودية هي بلده الا ان كان بينقل لاي بلد آخر او يتجنس بجنسيتها..صالح تصرفه غير محسوب فهو شوه سمعة البلد والأتحاد بأنهم ما يكرمون من خدمهم لكن بالعكس كرم أحسن تكريم لكن مو ذنب أو شغلة الاتحاد انه يصرف عليه اذا انكسر وما حط فلوسه في المكان الصح..اكيد العقوبة قاسية ولا منطقية لكن متأكد مليون بالمية انها مالها علاقة بوضعه الحالي..يعني صالح ظهر قبل سنة في الجرايد والحين في التلفزيون والله ماله داعي طريقته فعلا سيئة..على العموم الله يستر عليه ويفرج كربته ويرزق ويعوض الجميع ويا رب يتقبل مننا صيامنا وقيامنا..اتمنى انكم تتقبلون مشاركتي بصدر رحب وشكرا لصاحب الموضوع وان شاء الله ما يكون رأيي يضايق أحد لانه في الأخيرلا مجرد رأي..وشكرا

لو ان هالكلام صار لسامي الجابر بتكتب زي كذا

لا والف لا

صالح اسطورة دفاع الكرة السعودية يصل الى ما وصل اليه الان وانت تتكلم بغير عقلانية!!!!!!!!!!

على وقت المرحوم فيصل بن فهد جرد المرحوم عبدالرحمن بن سعود من رئاسة النصر وهو امير وولد ملوك


يعني في وقت المرحوم فيصل بن فهد ما فيه يا امي ارحميني


اذا اخطيت تبي تحصل الجزاء ضعف الخطأ اللي اخطيته


بس بالوقت الحالي كلنا نشوف المهازل تصير قدام عيوننا....بس ما تقدر نقارن بين هالوقت وزمن فيصل بن فهد


تحياتي

s13s

والله اللي اشوفه تن صالح اخطى في حق نفسه وفي حق وطنه

وكلنا خسرنا بالاسهم وراح اللي قدمنا واللي ورانا
والا عشانك لعبت 11 سنه راح تمنها الدوله خدمتك من يوم ولدت وحتى تموت
خدمتك وخدمة اهلك وعيالك وخدمة الكل
والا ياتعيش بترف يا افضخكم بالقنوات
فيه ناس ما تلقى ايش تاكل وتراك ياصالح في نعمه بس تبي تاكل لحمة الكتف بس ما عرفت
اسمحلي بس هذي الحقيقه

اللهم صلي على محمد