نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   والله اني كرهت الكوره ... بعد اللي صار محمد الشلهوب و نواف التمياط و صالح النعيمه وانتبه يا ياسر واسمحوا لي ماعرف لها الا فيصل ابواثنين (http://vb.alhilal.com/showthread.php?t=636939)

أبن روق 13/09/2008 02:19 AM

ياخوي النعيمه هو من ضيع مستقبله بنفسه

يكفي فقط ماحصل في حفل اعتزاله

على الاقل جمع حوالي 6000000

اذاً وين راحت الـ6 ملايين مين الي ضيعها؟

نعم الاتحاد السعودي لكرة القدم اخطاء في حقه

بقرار الشطب الشهير

لكن الهلال ماله دخل فيما حصل للنعيمه


مشعل (الهلالي) 13/09/2008 02:23 AM

للأســـف هذا حــــــــال أغلبية اللاعبين السعوديين وليس الهلال فقط


التناسي وتجاهل المستقبل

@ABDULAZIZ@ 13/09/2008 02:26 AM

انا اطالب بان يكون هناك راتب تقاعدي لكل اللاعبين المعتزلين

مثلهم مثل اي واحد خدم المملكه بشتى المجالات

الفن منبعه الهلال 13/09/2008 02:27 AM

إقتباس:

الرسالة الأصلية كتبت بواسطة يــ 20 ــاسـر (مشاركة 9566012)
أخوي لاعبين الحين غير زمان
الحين الزمان تغير
الحين شوف اللاعبين بكم اسعارهم ومن زمان كم اسعارهم
الحين شوف رواتبهم وشوف رواتب لاعبين اول
يعني انا اقولك ايهم اكثر راتب لاعبين زمان ولا الحين !!
أكيد الحين
شوف الحين اللاعب يشترى بقيمة من 5 الى 13 مليون ريال
طيب
عندك الرواتب !!
الرواتب ما شاء الله تصل الى أكثر من 20 الف شهريا
غير هذا
مكافآات الفوز
غير هذا الهدايا
شوف اذا جاب لاعب قول في مباراة حاسمة قالوا نعطيك هدية سيارة
وييييييييييين عشان قول هدية سيارة
اصلا الحين مكافآات الامراء بلحالها كنز
غير مكافآات الاندية
طيب شوف ما شاء الله سامي الجابر يوم اعتزل
شفت الهدايا اللي جاء على الارتي
هدايا تصل الى اكثر من 500000 ( خمس مئة الف ريال )
هذا لحالها راتب لمدة سنتين الحين الزمان غير يعني بإذن الله اللاعبين الحاليين
ما عليهم خوف ولا اتوقع يتكرر معهم مثل ما تكرر مع النعيمة وغيرهم

s60ss60ss60s
كلام واحد فاهم
.................................

روبين هود 13/09/2008 02:28 AM

المفروووووووض لعب كرة القدم يصبـح مهنـــــــــــة

أحـبـك يـايـاسـر 20 13/09/2008 02:31 AM

صادق أخوي وأنا معك بكل كلمة قلتها أخوي الغالي .. انا بكيت أول ماشفت نعيمة ماعندهـ ولا شيء ... يااداراة الهلال تسمعوني زيييييييييييييييييين.. عطوا حق اللاعب عيب والله عيب انجازاته تتكلم للاعب النعيمة .. بس ميييين اللي يحس هذا اللي قاهرني مين اللي يحس ... استغفر الله اتمنى .. الاستعجال من الإدارة الهلالية بموقف اللاعب الاسطوري صالح النعيمة .. واحس الجرح اللي جاهـ جالي .. اتمنى من الإدارة عطوهـ حقه ..

عيوني زرق 13/09/2008 02:43 AM

حقيقة مؤلمة ..

سفراء الوطن هكذا مستقبلهم ولكنها مشيئة الله وماشاء فعل ..

اتذكر أن الأمير محمد بن فيصل أعلن التأمين على جميع لاعبي الهلال المحترفين بالنادي في جميع اللعبات في التأمينات الإجتماعية ليمشي لهم راتب تقاعدي بعد الإعتزال .
أن كان هذا تم فعلاً .. فقد أثبت الأمير محمد بن فيصل للجميع أن عصر الإحتراف للرئاسة قد بدأ ....

9 حروف تخضع لسامي 9 13/09/2008 02:57 AM

بسم الله الرحمن الرحيم

صباح تخضع له القلوب خاشعة لـ الإلــه الواحد الاحد...

مرحباً للجميع والشكر موصول لك اخي بالفعل لامست
قضيه شائكه ومهمه ...واسمح لي بالمداخله...

لست هنا كي اقول من هو صالح النعيمه فقلمي يستصغر امامه
وامام اخلاصه وتضحياته بل الاحرف تخجل من ان تكتب عنه فهي تعي
مدى ضائلتها امامها...
للاسف هذا هو حال صالح اليوم ولكل من القى اللوم على صالح ولما
لم يؤمن مستقبله اقول له متى وكيف؟
انظروا منذ متى وهو داخل المستطيل الاخضر كان في زمن
لا يوجد به اي من انواع الاتصالات والرفاهيه فكيف بمثله ان يؤمن
مستقبله وهو اغلب شهور السنه خارج وطنه او مرتبط بمعسكرات؟
اتعلمون لم يكن هناك وسيله للاتصال والاطمئنان على الاهل سوا
كبائن الهاتف؟؟؟ فكيف اذاً سيؤمن مستقبله وينشئ مشاريع؟؟؟
هذه من ناحيه الناحيه الاخرى كلنا نعلم ان صالح كان يملك عقارات
ولكن تعرض لمشاكل ومن هنا ابتدات مشاكله؟؟؟
ناهيك عن قرار شطبه وخلافه ...
اقسم بالله لو كان صالح متواجد في تلك السنوات لما وصلت الرياضه
الى ماهي عليه الان وللمعلوميه كلنا نعلم عن الكابتن فهد المصيبيح والتزامه
واخلاقه وتشديده على اللاعبين صالح يفوقه بذالك بالاضافه الى جرأه صالح
وهذا الذي جعل صالح غير مطلوب سواء من ناديه او من المنتخب...

اعود لمحور حديثك اخي الكريم

اولاً مشاء الله تبارك الله على فيصل ابو ثنين وجعله علماً نافعاً له بدنياه واخرتك...
بالفعل شخص كفيصل لم يستسلم للظروف وحاول حتى وصل ومازال يواصل نجاحاته...
لنا عبره اخرى سامي الجابر ولكن الاختلاف بينه وبين صالح ربما تغير الظروف
وحدوث لطفره التكنلوجيه الامر الذي جعل سامي يوفق نوعاً ما بين الكره ومشاريعه
الخاصه بالاضافه ما يتمتع به من علاقات ايضاً دبلوماسيته بنفس الوقت صراحته
وهذا الذي جعله مطلوباً بعدة مناصب ...
كما ان سامي ذات مره قال انه سيواصل تكملة تعليمه ومن ثم الماجستير
فور اعتزاله... وهذا الذي نتمناه من سامي الاسراع بذلك فالدنيا كما نعلم ونرا
ليست دائمه لاحد...

بالنسبه لنواف التمياط وكما صرح قبل ايام بانه حاصل على البكالريوس
عن طريق التعليم عن بعد وباذن الله يتم الاعتراف بهذه الجامعات قريباً
من قبل الدوله ...ويواصل نواف دراسته ويلحق بالكابتن فيصل ابو ثنين..

محمد الشلهوب وياسر القحطاني :
من كل قلبي اتمنى لهذا الثنائي ان يعي الدرس ويعون ان الدنيا
لن تدوم لاحد فاذا كانت البكالريوس بهذا الزمن لايؤكل عيش
وكم من خريج وخريجه قتلت امالهم وضاعت مجهوداتهم
بل الامر من ذلك كلها اربعه او خمس سنوات وتصبح ايضاً
شهاده الماجستير لا تؤكل عيش...
لن اقول لهما ارجعوا لسنوات عده ؟؟؟ولكن قبل اشهر قليلة كانت
الجماهير وللاسف الهلاليه تطالب جابر عثراتهم بالاعتزال:)
اذاً لا تأمنا الكره وليس هذا معناته التمرد على النادى والمساومه
ولكن القصد الحصول على شهاده مع تأمين مستقبلهما بالمشاريع
المضمونه بإذن الله والادخار :naughty:

اختكم حروف تخضع لسامي

هلالي المديــنــه 13/09/2008 03:39 AM

اعتقد أن اللاعب الذي يملك وعي يدرك بأن عليه تأمين نفسه خصوصا اذا
هبط مستواه والبقاء دووما للي يخدم لان الكوره مافبها مجامله ياتلعب يا مع السلامه
والهلال هو عنوان الـــــــــــوفاء مع الكل فالنعيمه اعتزل مع نجوم العالم وحصل على مبالغ خياليه والواعي يؤمن مستقلبه مو يضيع نفسه وينتظر الهلال يساعده
اما التيماوي هو رفض حفل الاعتزال وذكر هالكلام في برنامج مع الفرهود واكتفى بتكريم بين الشوطين
نواف الاصابات انهته وقتلت موهبته وسيتم تكريمه قريبا مع عبدالرحمن بن مساعد
والشلهوب ظروفه جدا صعبه والاداره ماقصرت معاه وان شاء الله يستمر توهجه بعد المستوى الرائع في مباراة ايران

لك تحياتي اخووي

زاوية حادة 13/09/2008 03:49 AM

حرام عليك الهلال ليس سئ لهذه الدرجة

aldob alg6be 13/09/2008 03:58 AM

إقتباس:

الرسالة الأصلية كتبت بواسطة silver vox (مشاركة 9565784)
السلام عليكم ورحمه الله وبركاته
مائسكم خير
واعذروني على كلامي واسلوبي لاني احببت ان يخرج كما هو في قلبي
حقيقه والله والذي لا اله الا هو
اني كرهت الكوره وكرهت الرياضه وماصرت مثل اول
صحيح اني احب الهلال ولا انكر ذلك ولكن كرهت الرياضه والكوره فعذرا ياهلال
اليوم انا اشوف مقطع صالح النعيمه ورب البيت اني ابكي من القهر والحمق وربي
كل يوم نحس بمصيبه وكل يوم تطلع علينا طلعه
نجيب مثلا نواف التمياط
اللي ضحى وتعب وكلنا شفنا كيف أثرت الاصابه على ركبته ووشلون صار يصلي
الاصابه اللي جلس يعاندها سنتين كاملات ولو هو اي لاعب والله كان انتهى من زمان
وبالنهاية وش صار له ؟؟ راح ايه راح ولاحد توقع هذي نتيجته تدرون ليه ؟؟؟؟
لانه وبكل بساطه ((انتهت المصلحه منه)) واصبح عديم الفائده والكل اصبح يهاجمه
بل واصبح يطالبه بالاعتزال ونسوا الانجازات لانه لم يفيدهم في هذا الوقت
نأتي بمثل اخر
(( أكثر لآعب هلالي استفآد من مقدمات العقود .. يكفي انه الهلال يعطييه فلوسه و هو بالمستشفى .. و العلاج على حسآبهم بعد .. ))
الشلهوب يوم طاح مستواه
الكل طالب بالتخلي عنه لانه مستواه هبط والي قال مكانه الاحتياط ومادري كيف
وكادو ينهونه وهو اللي ضحى بعام توفيت الوالده والوالد في عام واحد ومابينهم
الا اشهر قليله وهذا وهم الوالدين وتعرفون وش معنى وفاة الوالدين ؟؟؟
طلب اجازه لنهاية الموسم ولكن ارادوا منه المصلحه واجبر على الاكمال فقط لينفعهم
(( هذآ عآلم الأحترآف .. لاعب ما يعطيك اللي تبيه .. مآله الا الاحتيآط حتى يعود لمستوآهـ ..))
وتكمل مع النعيمه
اقسم بالله اني اشوف اللقاء معاه وانا ابكي وانقهر
معقوله ؟؟؟ معقوله لعب 11 سنه جميعها اساسي فقط شوط واحد احتياطي
وحامل الكابتنيه و ضحى بوالدته ويلعب مكسور وفولتارين اللي كثرته يسبب العقم
وبلاوي يكون بدون سياره ولا وضيفه ولاعمل ولاشي ؟؟؟
غير هذا هل يرضيكم انه يتكلم عن نكران الجميل ؟؟؟ ليه كذا
وربي احس انه مقهور ويبكي بداخله
ليه ؟
(( جته فلوس ما يحلم بهآ .. لكن ما عرف يرتب و ضعه و دخل في الاسهم ورآحت فلووسه .. << باختصآر ))
التيماوي
التيماوي كلنا عارفين ليه اعتزل ووش السبب وبدون ذكر الاسباب لانها واضحه
بس التيماوي ذكي اعتزل بعد هدف الاسماعيلي اللي جابه وطلع وهو مرفوع
اعتزل قبل ان ينتهي واعتزل وهم اللي يطلبونه عشان كذا الى الان والناس تتحسف عليه
((الحمد لله التيمآوي عايش حيآته صح .. جته فلوس على قدهـ عر كيف يوضفهآآ و حيآته مستقرهـ و دخله جيد جدآ .. ))
::::: والله ماعرف لها الا فيصل ابواثنين ::::::
فيصل انا اشهد انه ذكي وعارف لها وزي مايقولون طبخها صح
طلع وهو مرغوب وطلع وهو مأمن مستقبله يوم طلع للدراسه وتحضير الدكتوراه والتكمله
يعني ماعتمد على الكوره اللي قانونها
((مادامك تفيدنا نبي نرفعك فوق واذا انتهينا منك مع السلامه))
((ابو اثنين أفضل من التيمآوي .. لآنه كمل الدرآسه .. ولو انه جآبهآآ من دبي :d لكن انه افضل من التيمآوي ))
((((انتبه ياياسر وخلك ذكي)))))
ياسر القحطاني ماشاء الله تبارك الله
الان في قمة الشهره والعطاء وربي يزيده يااااارب ولايضره ويحفظه من عيون الحساد
لكن ياسر
ياليت تجيب اذنك ابي اقول فيها كلمه
هاتها
((انتبه ولايغرك الوضع لو يهبط مستواك والا الله يستر تجيك اصابه مزمنه ورب البيت الكل بيتخلى ويتركك فلاتقول اني ابالغ وخواف وتبي الدليل ؟ هل انت افضل من النعيمه؟؟ لا اكيد فأنا اقول لك شف النعيمه وش صار له الان وانت تفهم وش اقصد))
((على فكره ياسر عائلته الله مغنيهم و عندهم فلوووس ما شاء الله و شركآت و ما عليه خوف )) ..





وبالنهاية

اسف على الاطاله ولكن شي بالقلب وابي اقوله والله

في امان الله


ليس استنقآص من النجوم .. لكــن الحقيقة شوي مــررهـ ..

تقبــل مروري .. و آسف على الإطآلــــــــــــــه ..

aldob alg6be

هلالي في مانع 13/09/2008 04:02 AM

أخوي لاعبين الحين غير زمان
الحين الزمان تغير
الحين شوف اللاعبين بكم اسعارهم ومن زمان كم اسعارهم
الحين شوف رواتبهم وشوف رواتب لاعبين اول
يعني انا اقولك ايهم اكثر راتب لاعبين زمان ولا الحين !!
أكيد الحين
شوف الحين اللاعب يشترى بقيمة من 5 الى 13 مليون ريال
طيب
عندك الرواتب !!
الرواتب ما شاء الله تصل الى أكثر من 20 الف شهريا
غير هذا
مكافآات الفوز
غير هذا الهدايا
شوف اذا جاب لاعب قول في مباراة حاسمة قالوا نعطيك هدية سيارة
وييييييييييين عشان قول هدية سيارة
اصلا الحين مكافآات الامراء بلحالها كنز
غير مكافآات الاندية
طيب شوف ما شاء الله سامي الجابر يوم اعتزل
شفت الهدايا اللي جاء على الارتي
هدايا تصل الى اكثر من 500000 ( خمس مئة الف ريال )
هذا لحالها راتب لمدة سنتين الحين الزمان غير يعني بإذن الله اللاعبين الحاليين
ما عليهم خوف ولا اتوقع يتكرر معهم مثل ما تكرر مع النعيمة وغيرهم

al9yyad 13/09/2008 04:07 AM

اخوي اعتقد انك مشحون شوي لا تؤاخذني

ولكن كل الي ذكرتهم تم تكريمهم ومحاولة الاستفادة منهم على الوجه الاكمل

التيماوي صرح بنفسه وقال انا ما انفع لا فني ولا اداري

ابو اثنين اعتذر وقتها لاسباب الدراسة واكتفى باستوديو التحليل

الثنيان قال ياطيب الفال ابى ارتاح من هم الكورة فيني 16 عملية في رجلي لاتذكروني بها

باقي عندك سامي سامي وهو لاعب استثمر ذكائه وسوى شركة هاتريك والى يومك مستمر والان اداري في الفريق


يعني بالمختصر (يابن ادم اسعى وانا معك) متوكل على ربك والله رازقه من فضله

شبح15 13/09/2008 04:12 AM

بالنسبه لفيصل والتمياوي وضعهم زين فاتحين شركات ورجال اعمال

THE EXPERT001 13/09/2008 04:29 AM

يارجاااال

هذا الرزق وانا اخوووووووووووووك


مو بس في المجال الرياضي

حتى في اي مجال

سبحان الله ربي له حكمه في هذي الامووور

وما نقووول الا

الله يرزقنا


الوقت المعتمد في المنتدى بتوقيت جرينتش +3.
الوقت الان » 07:43 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd