|
الكلام اللي قلته قبل سنوات مضت هذا قطع ارزاق يابو الشباب اجل يمنعونه من السفر برا ولايبونه يطلع بالفضائايات هذا قطع الارزاق بعينه ويكفي منع السفر للخارج ياخي ماهكذا تؤكل الكتف صالح يقسم ويقسم ويقسم انه لاعب وامه بالعنايه المركزه ويلعب وابوه متوفي بنفس الوقت وست سنوات مايلعب الا وهو ضارب ابرتين فولتارين بالحوض عنده ولعب كذا مره ويده مكسوره ورجله مكسوره كله لعيون الوطن واخرتها يدخل الملعب يناقش الحكم ليش الغى الهدف وقوموا الدنيا ومافيها بعين للملعلوميه عمر المهنا طلع في قناة رياضيه ( ليست بعيده ) وصرح انه اخطأ يوم الغى الهدف يعني عالعموم اللي ماشاف الحلقه يشوفها عشان يعرف قهر الرجال |
ماشفت اللقاء بس مهما كان ماتصير في قناة غير سعوديه |
اخوي لاتحكم على الرجال وانت ماتدري وش السالفة |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نصدق مين ولا مين |
هو اللي يقهر انه قالها في قناة أبو ظبي. فما بالك لو قالها في قناة الكأس و الدوري. |
يعني لو اشتكى في قناة سعوديه بيعطونه حقه ؟؟صالح الداود طالب سلطان بن فهد على الهواء مياشره بحقوقه من نادي الفقر وفي قناة الكاس وماقال احد شي ؟؟وبالنسبه للي يقول انسباه ترى ابوفهد عزيز نفس وشكواه لانه كان موظف في الرئاسه العامه لرعاية الشباب وفصل بعد توليه ادارة الكره في الهلال والرجال ماطالب الا بحق هاذا الاتحاد السعودي يرش على بعض الاتحادات القريبه وولد الوطن اولى ؟؟؟ |
فضح الاتحاد السعودي الفاشل معك يبو فهد لبى قلبك |
الأفضل انه لا نكبر الموضوع اكبر من اللازم اول شيء : رمضان كريم ثم المنتخب حبيبنا والهلال حبيبنا وصالح حبيبنا واذا الكلام المكتوب في البداية صحيح فماله حق صالح يتكلم واذا العكس طبعا نعذره وهذا كلامي البسيط |
أنا أوافقك الرأي .. لو شكا الحـال عندنا .. كهلاليين او سعوديون أفضل .. لكن اللي صـار صـار .. |
اللي يقولون ليته قالها بقناة سعودية !!! مافيه قناة سعودية راح تخليه يكمل كلامه وبعدين الرجال ماطلع يشحذ ,, لكن كان يشكي حال شخص كان في يوم من الايام قائداً لمنتخبنا وتم شطبه بنية مبطنة تصرف النعيمة قد يكون عقابه 5 مباريات او ست اما أن يكون شطب نهائي ومنعه من السفر لفترة هذا نوع من الغبن تقبل مروري |
سبحان الله كل هالملايين والبيوت راحت ياليت نتعظ المال مايدوم قلت قبل كذا برد في موضوع باريس عن خسارته بالاسهم ونار الخساره خلته يتهجم في قناة خليجيه وطلع في الا اي ار تي والام بي سي سنين واروبت بعد ولا عمره قال فيهم شي لا الهلال ولا الاتحاد السعودي .. يعني الاتحاد السعودي ملزم يسدد خسايره ولا الهلال ملزم يشتري له سياره وهو حاصل على اعلى تكريم مع اني شفت اعتزاله فديو من فتره بس تعجبت على الاعتزال الي من 17 سنه ... الله يعوضه ويفك دين كل مسلم |
هالحين يقول لك الرجال صادر له أوامر من فوق بالتجميد وعدم التطرق لمثل هذه الشؤون في إعلام بلده وتبغاه يسكر اثمه ويسكت!! وبعدين ما راح عند غريب راح لإعلام خليجي شقيق عندما وجد وسائل الإعلام السعودية تتحاشى نشر كلامه طبقاً للأوامر إياها!! وبعدين اللي كرم النعيمه هم الهلاليين وهو رسالته موجهه للقائمين على المنتخب ومن فوقهم حتى أعلى القيادة!! ولكن يبدو انك لم تفهم من قصد بحديثه وتلك مصيبه أو انك فاهم من يقصد وتلك مصيبة أعظم!! هو لن يتوجه لك بالشكوى بل لمحبينه وفي نفس الوقت يعبر عن معاناته أم حتى هذه تحاول مصادرة حقه بها!! صالح لو كان في منتخب آخر غير السعودية لوجدته رئيس اتحاد بلده!! |
| الوقت المعتمد في المنتدى بتوقيت جرينتش +3.
الوقت الان » 10:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd