|
الله يكفينا شر العين (( موقف حصل لي هذا اليوم )) أرجو منكم الدخول للعبرة أولا أقوـوـوـوـول لكل الأعضاء الذين هنا في الشبكة .. الله يكفيكم شر العين و حسدها ... أنا صار لي موقف بالعين الله يكفينا شرها و الموقف صار هاليوم ,, أمس أخوي الكبير شرى سيارة ( فورد كراون فكتوريا 2008 ) بمبلغ يفوق الــ 80,000 ألف ريال .. ( قولوا ماشاء الله اللي فينا كافينا :no: ) أول ما شراها أخوي و طلع من الوكالة أول ما ركب السيارة .. تعرفون اللي تكون فوق السائق اللي نحطها و نقي أنفسنا من الشمس طاحت من دون أن نلمسها ... هذا الشيء الأول ثانيا اليوم بعد صلاة المغرب طلعت أنا و اخوي بالسيارة نجربها... رجعنا و حنا فرحانين و مبسوطين و ادعليه أخوي (( الله يطعمك من خيره و يكفيك شره )) لكن نسى أخوي في السيارة المفتاح و مالنا إلا أقل من يوم شارينها :( نادينا واحد متخصص بفتح السيارات لكنه خرب الباب ولا عرف ... و بعدين ما عندنا إلا حل واحد و اللي هو إننا نكسر زجاج السيارة :cry: ياناس في أحد أول يوم شرى سيارة يسكر زجاج سيارته الله يكفينا شر العين يارب الحمدلله إنها جت على السيارة ولا جت على أخوي :cry: |
الله يعينكم والناس اللحين ماتعطي خير حتى الي عندهم خير مايتركون الناس في حالهم :( شي يحزن والله وكله من ضعف الايمان الانسان صار مايشوف الي عنده يشوف الي عند غيره .. والانسان مايقدر يضر الانسان الا بقضاء الله وقدره .. عشان كذا نقول الحمدلله :) |
عندنا كراون فكتوريا شارينها وكاله موديلها 98 ومن يوم شريناها والى الحين وحرارتها ترتفع وكل ماغيرنا المراوح ترجع نفس المشكله :d الواحد لا حس ان السياره جايتها عين يبيعها على طول عشان ماينشب بتريله لاسمح الله :d الله يعطيكم خيرها ويكفيكم شرها ورده |
الله يعطيه من خيرها ويكفيه شرها يارجال وسع صدرك زين ماجاها شي في المكينه |
إقتباس:
ليتك سكتت احسن لك اجل 98 ياحبي للكاديلاك cts 2008 بس |
إقتباس:
ولا تبيني اكذب واقول كاديلاك cts 2008 :naughty: :naughty: مابقى الا تقولين لونها :naughty: ومواصفاتها :naughty: |
سبحان الله نفس مشكلة الوالد خسرنا على جمسه الآلاف و الآلاف بس نصيحه قول لأخوك يحط يده على ناصية السياره و يرقيها و ترى هذا عن جد لا يجي احد يضحك لان كل شي فيه تحصين حتى البيت له ادعيه و آيات تحصين |
ذكرتنـي بواحد عند الوكـالة .. توه ما ركب السيارة .. والمفاتيح كانت كلها داخل الموتر وانقفل عليها .. وخذ لك تعفيط في هالقزاز والباب .. بس جت سالمة الحمدلله وفتحوا السيارة .. / مثل ما قال لبا يور هارت .. مادام تحسون ان فيها عين بيعوها من الحين وخذوا سيارة غيرها .. حتى لو تخسر 5 آلاف بس تشتري راحتك :) .. \ ولا اوصيك بالكابرس .. تراه موتر :razz: |
الله يكفينا الشر هذا اللي أقول |
من كثر الحسد هالأيام الواحد إذا شرى شي لازم يجيب شيخ يقرا عليه :d قسم بالله ناس ما تخاف الله الله يعطيكم خيرها ويكفيكم شرها |
اذا بتسوي شي لاتعلم احد نصيحة ..[ الناس ماتعطي خير ..] كنت ابروح للرياض طيارة والا واحد من اخوياي قال ياحظك ساعه الا ربع وانت هناك .. اقسم بالله يوم رحت للمطار والا صدفة مسوين تفتيش فجــأة :D وراحت الطيارة المشكلة ااني اهلي وعماني وخوالي وجداني كلهم في نجد لان زواج عمي .. ========== وعاد يوم رحت اعتمر اقسم بالله محد درى الا يوم جيت للدمام :D ==== اما يوم ابوي طلع لي جواز وتصريح نهائي ولـ مفرده s45s :D لاني كنت ابروح للكويت طيارة والا ولد عمتي اللي فالكويت كان الرياض قال لي والله ماتروح بطيارة انا ابيجيك ونطلع من هناك .. محد درى عاد زل لساني .. ودرو اخوياي وواحد قال تكفى يبو ناصر ابيك تجيب لي الطيس الصغار حقت الزد < شاري زد .. اغبي موتر :D قلت ابشر ..؟؟ والا ولد عمتي اظطر يروح من درب المجمعه > الخفجي .. الى الكويت .. لان ولد خالته سوى عملية وقال له هذا جاي معي من الخفجي ولا اقدر ارجعه وده على دربك ..:D عاد قال لي تعال طيارة وانتظرك هناك .. عاد مارحت خفت يصير لي موقف بعد . مودتي ورده |
الله يعينكم ويسهل اموركم اخوي :) انا ولد خالتي ياطويل العمر كان توه مطلع لكزس GS حول الميتين الف ... مع اول لفه من الوكاله جا واحد وصدمه مع ورا :bigeek: لكن انحلت الامور ولله الحمد :stoned: العين حق .. |
احمدوا ربكم ما خشت تحت تريله :stoned: تجي بالقزاز ولا تجي ولا تجي بالماكينه :naughty: أنا أبوي طاق له جمس 97 ع أيامها :d يعني قبل 10 سنين الظاهر :d المهم / إنه الحرارة كل شوي ترتفع :upset: ما جلست معه 6 شهور إلا وهي تحت تريله :bigeek: بس ولله الحمد جت بالجمس ولا جت بأبوي :smilie47: الله يعطيكم خيرها ويكفيكم شرها :yes: وعليكم باللي تشكون فيه :d امسكوها وخلوه يقرأ ع السياره :d :smilie47: |
الله يعطيكم خيرها ويكفيكم شرها وصار الي صار ونصيحه تتوقعون جتها عين بيعووها |
اذكار الصباح والمساء بإذن الله تحمي من العين والشرور.. اذا قدرتوا تستبدلونها ممكن افضل والله اعلم.. الله يعطيكم خيرها ويكفيكم شرها.. وما تشوفون شر .. |
مشكورين على المرور أخواني و الله يكفينا و يكفيكم الشر يارب |
أخوي لا نحمل العين كل شي ليش ما تقول مكتوب فقط أحنا حساسين من كلمة عين مع عدم إنكاري لوجودها بكثرة |
إقتباس:
وللعلم فقط موكل شي عين ... واحد اشترى هواند كور 2006 على وقتها جديده وبعد اسبوع السيارة خبطت معاه.. وطلع العيب من نفس السيارة وبعد اكثر من شكوه غيروها له |
تذكر اول ماتركب السيارة عند شرائها ان تسأل الله ان يعطيك من خيرها ويكفيك شر وتقرأ اية الكرسي وتسمي بالله |
والذي حملت زوجته من اول 3 اشهر بعدين جتها كل الامراض ولم تحمل بعد ذلك |
والله العظيم يعيال أني ما أكذب أول ماشرينا الكراون ممكن على2004 جديده حتى توها جايه من قطر ومستانسين في أول يوم ومشغلين أبو نوره ومبسطين وعند اللفه ويجيك راعي الصابونه ما غط الطبلون وصفق في الصدام الخلفي وجاني ذاك الالم في الرقبه الي ما هوب صاحي المهم ونوديها للصيانه الصناعيه المهم يقول اليماني أول مره أشوف صدمه زي كذا منشق شق الصدام من النص زعلى ما أظن ناضلينها الشريطيه |
موتري اول ماشريتها .. كل ماطلعت القى ورقة مكتوب عليها ( عزيزي صاحب السيارة اعتذر فقد اصطدمت بالخطاء وهذا رقمي للمفاهه ) .. ولااتصل عليه طبعا .. تصير ( دقشه بسيطه مع الصدام .. او الجوانب .. لين مازادت الأمور .. صرت كل مااطلع ادور ورقة قبل مااركب .!! اربع مرات القى ورقة اعتذار من اصحاب سيارات صادمين فيني .. واخرتها خبطت المكينة !!! والحمد الله على كل حال ... والله يحمانا وياكم انصحك كانه توه شاريها يروح للوكاله ويحاول يبدلها .. او يبيعها بخسارة خمسة ويشتري غيرها |
والله قهـر ..:surprised: الخوف ذآبحنـآ هالأيـآم كله من العين ..:d أمـآ من نآحية سيـآرتكم شغلوآ بالسيـآرهـ [ سورة البقـرهـ ] ..:smilie47: أقعدوآ عليهـآ يومين ثلآثه كل مـآركبت شغلهـآ ..:) والله يعطيكم خيرهـآ ويكفيكم شرهـآ يـآرب ..:smilie47: |
الله يعطيكم خيرها ويكفيكم شرها ونا اللي اعرفه الفورد لها ارقام من بره تضغطها وينفتح الباب |
مشكورين على المرور أخوي hp-sa مو كل الفورد فيها أرقام أنت تختار ثانيا وش دخل وجود أرقام ولا لا .. ! |
الله يعطيكم خير ها و يكفيكم شرًها.. .. الله يكفيكم شر حسد خلقه |
الله يعينكم يآرب .. وزي ماقلت الحمدلله أنها بالسيآرة ولا بأخوك .. وصدقني فيها خيره وربي يعظكم بخير منها ان شاء الله .. |
من عرف مصيبة غيره هانت عنده مصيبته :) واحد أعرفه ... توه فاك لكزس 2005 gs300 وكاااالة ... وتوه داق الريوس الا وذاك اللي يحب شنطته من ورا ودخل الشنطة للمرتبة !!! وانا كنت معربن على موتر واليوم الثاني ابوي خسر بالأسهم وكنسلنا السيارة :( لاتنسون اذكار الصباح والمساء ... تراها مهمة ورده الله يحفظ الجميع ... ورده |
لعل في الأمـــر خيــــراً وأحسن حل قراءة آية الكرسي والمعوذتين وسورة الإخلاص والتوكل على الله عند الخروج من البيت .. |
أخوي إبراهيم { إستعينوا على قضاء حوائجكم بالكتمان } :) الأفضل إنكم مكتمين على الموضوع .. ما احد يعلم إلا أنت وأخوك :) الله يكفينا ويكفيكم شرالأعين والحساد .. والحمدلله ع سلامت أخوك أجل التحايا وأعذبها ورده |
لا حول ولا قوة الا بالله لازم يقرا عليها اخوك |
عســاها اذا جت (العين) مـاتجي الا بـالسياره والحديد والسياره بدالــها سيارات انا قريبتي صغيره عمرها 8 سنوات شافتها حرمه كبيره قالـت هذا وهي صغيــره كذا شلــون اذا كبــرت وش بتصــير:upset: وبنفس الليله رقدت بالمستشفى وثاني يوم بالعنايه والله ان امها تسولف علينــا تقول اننـا نسمع عظامها تطق وهي ماتحــركت من السريــر وماتمـت اسبوع الا والبنت متوفيه الله يجعلها من طيــور الجنه وتشفع لـ لوالديــنهــا يعطيك العافيه اخوي برايفتـ |
..حبيبي.. :: نصيحه لكـ :: ذـآ شرريت آي شي لآتعلم آلنآس عنه ,, خل آلنآس تدري بطريقه غير مبآشره يعني مثلآ ذـآ كآنت سيآره يشوفونهآ وآنت رآكب فيهآ ,,, ومثلآ جوآل يشوفونه وآنت تكلم فيه وزي كذـآ ويعطيكـ آلف عآفيه وآلله يبعد عنآ شر آلعين |
الله يكفينا وياكم شر العين والف مبروك على السياره والله يعطيه خيرها ويكفيه شرها |
العين حق ولا شك اخي الحبيب . ولكننا اصبحنا ننسب للعين كل امر يحصل لنا. تقبل مروري ولك تحياتي ,, |
مشكورين أخواني على المرور أخواني حنا إلى الحين محد يدري إلا عيال خالتنا و الحمدلله مغنينا و مغنيهم الله , لكن الله و العالم إن واحد بالشارع شافنا طالعين من الوكالة |
الحمد لله بالسيارة و لا بأخوك الله يخليه لك.. أنا قبل شهرين اشتريت آكورد 2008.. وقبل رمضان بيومين.. غسلت السيارة.. و ضبطته و طلع شكله خيالي ماشاء الله.. المهم جاء واحد يقرب لي مرّني من عند المغسلة.. أنا لاحظت أنه طارت عيونه بالسيارة.. المهم سبحان الله بنفس اليوم صدمت.. ما ودّي أحطّه بالرجال بس كل شي وارد.. شكرا لك.. (التميمي) |
إقتباس:
و كل شي وارد في هذه الأيام الله يستر بس :) |
الله يعطيه من خيرها ويكفيه شرها ... بس غريبه وين المفتاح السبير لأنك تقول ثاني يوم طلعتو تجربونها يعني اكيد حط المفتاح الاسبيرفي البيت |
يارجال احمد ربك انت اهون من غيرك اعرف واحد معه كابريس 2008 اول يوم طلع الكابريس صار له حادث .. وباعه تشليح وهو ماعمر صارله حادث بحياته |
أخوي شهاب 11 السيارة جديدة و تجي كل المفتاحين مع بعض يعني إلى الحين ما فكينها عن بعض و دخلن كلهن داخل |
قمه القهر الله لا يضركم ان شاء الله ماشاء الله تبآرك الله اخخخخخ تفوووووووو ما شاء الله ماشاء الله << لا تفلها لا يديور في بطنك ^_^ |
اخواني لاتنسون حديث النبي صلى الله عليه وسلم عندما قال "استعينوا على قضاء حوائجكم بالكتمان فإن كل ذي نعمة محسود" يعني لاتعلم بحاجتك اللي بتشتريها لين تخلص امورك كلها.. الله يوفقكم |
هلالي قرياوي مشكور على المرور العطر و ما قصرت يالغالي |
الله يهديك هذي وسوسه منك انت واخوك وبعدين ترا فيه الف واحد غيرك نسى المفتاح في السياره فالله يصلحك ياخوي حاول انك تتعوذ من الوسوسه. |
أصولي هلالي مو على قصة بس المفتاح طيب وش تفسر إن الباب خرب و الشماسية طاحت في السيارة .. ! |
لله يطعمكم من خيرهآ ويكفيكم شرهآ والله الله بالأذكآر الصبآحيه والمسآئيه مهمه جدا ,, تحيآتي |
:mad2: إقتباس:
لاتسب عشاان ماينطق خشمك بالارض الشماسيه يسونك وسوون عشره من امثالك |
إقتباس:
يا خوووي هو قصده [ الشماسيه ] الي في السياره الي تظلك عن الشمس :d .. وش فيك فهمت على كيفك :d الله يصلحك بس :razz: |
إقتباس:
ماتسما الشماسيه تسما ((شمسيه))مهب الشماسيه:smilie47::smilie47::smilie47::smilie47::smilie47: ويصلحك انت |
:dمعليش اخوي أسمح لي.. مو كل شئ يصير عين :d أجل خلاص انا بروح اطب من الكبري وبقول عين .!؟ والا بطيح كان .. وبقول عين .!؟:d أسمح لي.. بعدين الواحد .. لاحط في باله انها عين :stoned: حتكون عين اما لو عادي اتكل على رب العالمين ..:smilie47:فربي كفييل بحفظ عباده :smilie47: والا ليه حنا نقرا وردنا عند كل وقت ..!؟ ويقول المثل القصيمي:d من ذل من علةٍ إقتلته :naughty:وإياك فلتسمعي ياجاره ..:d ايه صح .. واذا على مسآئله تكسر قزازه السياره انا ابوي ماله يومين شاري جيب لاندكروزر وانكسرت قزازته .. وراح صلحها .؟! وماصارت عين .؟! الواحد ياخذ بالاسباب اخوي مو قصدي استهتر فيك والا شئ.. بس الواحد مهما يكن .! كل شئ مقدر ومكتوب.. صح العين حق .. بس مانقول كل مايصير عين ..! والا كذا بتوقف الحياه :) عفاك ربي .. ورفع عن سيارتكم:smilie47: وخلاها لكم:smilie47: وابعد عنكم العيون:smilie47: |
مشكورين على المررو و كفيتوا ووفيتوا أخوي alx pato أنا اعني الشمسية اللي نحتمي من الشمس فيها و يمكن أنا غلطب بالكتابة |
... والله الناس ماتعطي خيررر.. ونصيحتي بيعوها اذا متوقعين فيها عين .. |
إقتباس:
لإن فيها خسارة كبيرة لإنه سيبان الزجاج الجديد من القديم و توها طالعة من الوكالة يعني يمكن يضيع علينا من 10 إلى 13 الف ريال و لذلك هذي خسارة كبيرة .. ! |
هههههههههههههههههههههههههههه اقروا عليها المعوذات واتفل عليها انت يمكن انها نفسك وانت ماتدري |
إقتباس:
أنا لا أجد شيء مثير للضحك في الموضوع :surprised: ............................... |
| الوقت المعتمد في المنتدى بتوقيت جرينتش +3.
الوقت الان » 05:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd