|
يا صاحب الموضوع يعني تبي الكل يطبل معك ويقول حسين عبدالغني احسن لاعب سعودي ولا ما يعجبك الرد؟؟ :d حسين عبدالغني اسوأ لاعب في المنتخب حالياً ونقطة ضعف كبيره في الدفاع.. ما شاهدناه هجم في اي كوره كما فعل شهيل من الجهه اليمين ولا تقول انه الجوهر طلب منه ما يهاجم لانه شفناه يحاول يتقدم لكن العمر له دور :d .. (( في السابق كلنا نعترف انه حسين نجم له وزنه في المنتخب لكن حاليا لا تعليق؟؟؟؟ )) اما من ناحية حسين بالدفاع اتمنى تشاهدون الشوط الثاني والله كان شارع مفتوح واي كوره يحاول يشترك فيها ما يقدر يخلصها الا بخطأ يسبب خطوره علينا.. والله يخلي خالد عزيز وشهيل في احد الهجمات اللي انقذوا هدف محقق للمنتخب الاماراتي بعد ما كان حسين نايم من جهته.. اتمنى ياصاحب الموضوع تترك عنك الميول والتطبيل وتشاهد المباراة بعيون وطنيه :d |
إقتباس:
وهذا الكلام الي نحتاجه للكره السعودية |
إقتباس:
نفس المعلق قال بأن التشكيله لا يختارها الجوهر وماذا المقصد من ذلك ؟؟ افهمها يا شاطر |
صباح الخير ..!! ومبرووك الفووووز ..!! |
إقتباس:
اخوي الميول الي تتكلم عنه هو بمطالبة الزوري بدل حسين وانه افضل منه هذا الي تبغاه عشان اترك ميولي وثاني شئ لو انك متابع ردودي تعرف اني قلت حسين كان سيئ مع الكل ولكن طبق الاحترافية بتعامله مع الفريق وما تكلمت عن المستوى ولكن للاسف الشديد هجوم غير مقنع بمقابل على قولتك اترك ميولي حبيبي انا اطالع بنظرة المواطن السعودي والي يشجع الكره السعودية ولكن انسى موضوع بأن حسين مكانه غير المنتخب وهوا الافضل حالياً رغم سوء مستواه بمباراة اليوم فقط |
إقتباس:
لكن الخطاء هو خروج الشلهوب في المباراه الماضيه مع ان كان افضل لاعب فيها .. كان من المفترض سحب احمد عطيف ...وادخال كريري او الغامدي... المفرج هو نقطه ضعف الهلال من اكثر من عشر سنوات ولم يضم مع المنتخب الاول الا في معكسر واستبعد بعد ذلك بينما المرشدي انضم للمنتخب من اول سنتين !! وانت تقول انه افضل من المرشدي !! سبحان الله !!! صدقني انت تحب حسين اكثر من المنتخب ... لاتهمنا الكابتنيه لمين ولايهمنا من يلعب ...اهم شيئ مصلحه المنتخب بالنسبه للظهير الايسر اعتقد ان الزوري اوالمطيري لاعب النصر سيكون واحد منهم اساسي مع المنتخب في حال تأهل المنتخب لكأس العالم بأذن الله |
إقتباس:
كلامك متناقض اخي ابكر وتحاول ان تثير بلبله من كثره البربره وتسوي نفسك فاهم اخي الكل ينتقد حسين السليماني من مباراه ايران وكان ثغره ونقطه ضعف في الفريق من مباره ايران الى مباره الامارات اخي الوزري نجم قادم بقوه في خانه اباك الايسر والكل استغرب من استدعاء سليماني للمنتخب قبيل مباره يران علمآ ان الزوري كان من بدايه المعسكر ومجانس مع المجموعه وللتذكير مباره قطر ماذا فعل كان شعله من النشاط يساند الهجمه بشكل ممتاز ايضا لاعب مراوغ كمى ان سليماني استدعي للفشخره شوفوا هذا لاعب سعودي محترف بالخارج ايضا استدليت بالشلهوب وتركت الحارثي ماذا فعل في المباراتين الحسنه الوحيده هو الهدف في ايران اخي اتمنى ان تتكلم بعقلانيه وتدع الميول على جنب فهذا المنتخب يجب علينا مساندته اسف على الاطاله |
إقتباس:
اوكي يا عسل هذا من ذوقك انا ابلبل واسوي فاهم ولكن يبقى حسين عبدالغني افضل ظهير ايسر سعودي وعربي والله الزوري لاعب كويس ولسا صغير وقدامه مستقبل اذا حافظ على نفسه ولكن مع احترامي لك المنتخب السعودي يستدعي لاعبين فشخره بصراحة لو هذا تفكيرك فعلاً فانت الي فاهم وانا ماني فاهم كوره لو هوا يستدعي على قولتك فشخره كان جابو اللاعبين كلهم فشخره عشان يسكتو الجماهير السعودية زي محمد نور والمنتشري شفت مين الي كلامو متناقض ولكن اشكر حضورك وانورت موضوعي |
الغالي بكر وجهات النظر طبيعي ان تكون مختلفه ... لكن اختلاف وجهات النظر لايفسد للود قضيه الله يوفق منتخبنا وبس |
يعطيك العافية اخوي ابكر الف مبروك الفوز او هاردلك المستوى في المباراة كانت هجمات الامارات اكثرها من جهة حسين عبدالغني لأن ما في لاعب يسنده او والله طول المباراة كنت خايف انه يطرد بكرت احمر بس الحمد لله عدت على خير |
ابو عمر افضل ظهير في تاريخ الكرة السعودية بشهادة سامي الجابر لا للتعصب حسين لاعب رائع ولا نقاش على ابداعه ابدا ابدا ابدا |
ايه والله ابدع اليوم حسين وبالتووفيق ... .. .. |
تبي الحق والله أنا احب عبد الغني يعجبني هذا اللاعب والله إني دافعت عنه طوال مشواره الكروي وأحيانا كنت ادافع عنه أمام أهلاويين بس بصراحه اليوم كان الحلقة الأضعف في المنتخب السعودي اش فيه علّق كل كوره تجيه يشتتها للأوت هذي أي لاعب يسويها كم مره جاء يجيب العيد بس المرشدي يرقّع له وارجع لشريط المباراة وقارن بين مايقوم به الظهير الآخر الشهيل وبين مايقوم به حسين |
الله واكبر على المجامله والله انك ماصدقت ولا في كلمه انه نقطة ضعف واضحه واظاهر انك اعمى ((لو كان في حيل ماتركه الاهلي )) نصحيه لك انك تشوف المباره من جديد وتتراجع عن كلامك |
بالنسبة لاخلاق حسين تحسنت بشكل جيد.. اما بالنسبة لاداءه الفني .. لاتعليق.. حسين كان ثغرة واااااااضحة وخاصة في الشوط الثاني .. ارجو الا تخلط اخضرك الاهلاوي مع اخضرك السعودي .. حتى لا تقع في احراجات .. تقبل مروري |
| الوقت المعتمد في المنتدى بتوقيت جرينتش +3.
الوقت الان » 11:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd