إقتباس الرسالة الأصلية كتبت بواسطة بريماكس وعليكم السلام ورحمة الله وبركاته ، اهلا بصاحب القلم المعطاء اخوي .. اقسم بالله العظيم ان قريب لي في الرياااض من اكثر من شهر والسياره مسروقه ؟ مشكلته ( شاب بالعشرين ) ياخي تارك اهله وجماعته ورايح يشتغل ويترزق الله بالرياااض وحده محل بسيط يسد به حاجته وعن طلب الناس !!! بلغ ماترك شئ ماسواه بس ماصار شئ للاسف ( والله العظيم مافيه حرص ولا شئ ) لحد ساعك سيارته مايدري هي ميته ومشلحه ولا موجوده !!!!! ياهي تنقهر والله مثل هالشاب ماسك طريقه وفاك الناس من خيره وشره ويحصل مثل هالمشكله ولا ينظر لها .. وبالمقابل السارق لايجد من يردعه من ارتكاب مثل هذا الجريمه !! ماودي اتهور واتكلم واجيب العيد .. خلن ساكت وقهري اكتبه بصدري !!! صدقت ورب الكعبه .. الله المستعان .. اين الحثاله مثل ابن بخيت وطقته من مناقشة مثل هذه المشاكل .. او مهتمين وحريصين على مناقشة زلات رجااال وابطال الهئيه !! انا بس ابي اعرف وش مقصدهم من مقالاتهم وهجومهم على الهيئه والمراكز وغيره .. ان كان مقصدهم تحريث الشباب والمجتمع ضد الهيئه فاقسم بالله ان الكثير من الشباب ( الصايعين ) وانا اولهم زاد حبنا لهم بعد كلام الشرمذه مثل ابن بخيت وال الشيخ وغيرهم !!!! ولن يظر السحاب نبح الكلااااااااااااااب .. اعتذر يالغالي بس والله شئ بالصدر وقلته لانهم زوده صراحه !! الله يصلح الحال وبس !! والحمدلله على عودة سيارتك اخوي سالمه .. وبشر عساك ابرمته بطراقين تادبه ولا ماظنتي يجيه شئ من غيرك ؟ الله لايخلي احد يتهور وينطل السياره .. والله لاخليه يحرم شئ اسمه سرقه وربعك ( رجال الامن ) جزاهم الله خير مايقصرون مشغولين باهم من هذه القضايا لذلك مثل هذه تاخذه بيدك وتبرد تسبيدك !! تحياتي ورده

هلا بالغالي بريماكس



والله يالغالي ان حرارة كلامك تدل على غيرتك لبى قلبك


لكن الله فوق ما يخلي شئ


المشكله انك اذا جيت للشرطه قالوا لك وكل الله يا ابن الحلال

طيب والنعم بالله بس انتم خلائفه بالأرض


تصدق اللي مسكناه بالسياره اعترف وبصم وله الحين اكثر من اربع ايام ما صدقوا اقواله عند الشيخ يعني لو بيغير اقواله جدا عادي



وبالنسبه لرجال الهئيه ياخي لبى قلوبهم ورب البيت ان الواحد أول ينزل اهله للسوق وهو متطمن وواثق لكن الحين الله يخلف


انت لاحظ بس من يوم قننوا ادوار الهيئة صرت تشوف بكل مكان غزل وجنس ثالث وبويات ومن هالخرابيط الله لا يبلانا


انت ما شفت البديوي ( الظاهر هذا اسمه ) يوم يصرح ويقول المفروض الغيث ( رئيس هيئة الامر بالمعروف ) يقدم الى محكمه دوليه


الله المستعان اللي الدين يطبون فيه بالصحافه لكن بعض الامور السياسيه لو نشرتها الصحيفه تتوقف


مشكور اخوي بريماكس على مرورك وتواصل الدايم لا عدمتك

إقتباس الرسالة الأصلية كتبت بواسطة ضـــ جزاءـــربة يارجال المثل يقول...اذا غاب القط العب يافار... بلا والله ما وراهم رجال يوقف عليهم ويعلمهم ... ياخي انا اهلي ما نامو والسبب الشارع اللي جنبنا مغير تفحيط.!!! والسبب ان في مخرج 11 في تفتيش مدري مداهمه وكل الدوريات رايحين هناكـ... تلقى اكثر الدوريات مالهم دخل بس حب للقافه او خوف من المفحطين.!!!

يعين ربك



مشكور على مرورك

إقتباس الرسالة الأصلية كتبت بواسطة زعيــ الطايف ـــم اخوي تواقيع الحمدلله ان سيارتك رجعت لك غيرك حصلها تشليح مانقول الا الله لا يضطرنا لرجال الامن

الحمد لله

اللهم آمين

مشكور على مرورك

إقتباس الرسالة الأصلية كتبت بواسطة ولد حصه سؤال يجول بخاطري : هل يفكر افراد الشرطة و المرور بمدى استحلالهم لمرتباتهم مع اهمالهم لشغلهم ؟؟؟ اخوي انا اعرف واحد من الشباب انسرقت سيارته هوندا و خلال ساعة و نص رجعت له بس مو عن طريق الشرطة و لا المرور ... رجعت له عن طريق المهجولين الي يعرفهم ... و الله غبنة لما نشوف الامن عندنا سايب لها الدرجة ... على العموم زي ما تفضلت لو ان احد افراد الهيئة غلط لو غلط بسيط قلبو الارض فوق تحت لكن المرور و الشرطة اخطاؤهم غير محتسبة .... نصيحة لكل من تسرق سيارته يدق على 990 ويقولهم ارهابي سرقها ههدني بالسلاح و خذاها و الله ان يطلعونها من تحت الارض ... و الحمدالله الي رجع لك سيارتك .. تقبل مروري وردهورده

يقولي واحد من الشباب ابوه بإمارة الرياض


يقول انسرقت سياره تبع الاماره من بيتهم وخلال ساعتين بس حصلوا السياره ومسكوا اللي سارقها

يعني وانا اخوك وسع صدرك

ومثل ما قلت انا كثير اللي نصحوني ادق على هاللي يفحطون ولكن للأسف ما اعرف احد منهم



مشكوره يالغالي على مشاعرك والمرور

إقتباس الرسالة الأصلية كتبت بواسطة ماجد مقبل اخي الحبيب ... تواقيع وحروف .. وكل عام وانت بخير ... حقيقة مثل هذه القضايا تشعرك بالحسرة والالم على الوضع الامني لدينا .. بالفعل هناك تسيب في مراكز الشرطة لا ادري ما سببه !! حتى اصبحت انصح كثيرا ممن يتعرضون للسرقة ان يبثوا شكواهم لله عز وجل وان يمحوا من قواميسهم مراكز الشرطة لانهم لن يجدوا منها الا النصب .. الحمد لله انك وجدت سيارتك .. وقبضت على الجاني ولعلك بردت قلبك بصفعه ورفسه .. لانه لن يجد بعد تسليمه عقاباً يضاهي ذلك !! دمت بخير وعافية ,,,

أديبنا الفاضل // ماجد المقبل


وانت بخير وصجه وسلامه


أشكرك على مشاعرك والمرور


أما بالنسبه للصفع فما حصل له برأيي لو وصفناه بالصفع لإستصغرناه

إقتباس الرسالة الأصلية كتبت بواسطة هلالي من ارض اليمن حياك الله اخوي " تواقيع وحروف " في بادئ الأمر الحمدالله على استرداد سيارتك من جانب آخر يجب ان نتعلم عدم اهمال كثير من اجراءات الأمن والسلامة في حياتنا ... ترك السيارة وبداخلها المفتاح هذا خطأ عظيم ... ترك اغراض شخصية كالجوال بالسيارة ايضا خطأ عظيم ... ترك كيس كبير قد لا يحتوي على شئ يذكر قد يكلفك زجاج السياره !!! حقيقة يا اخي الكريم يجب ان نكون نحن الخط الأول لحماية انفسنا وممتلكاتنا من عبث الآخرين .. لأننا نحن من سيتحمل تكلفة فقدان الشئ او ضياعه خاصة وان من البديهي عدم استرداد ما نفقده بوقت قياسي حتى لو كان المجتمع كله من الشرطة ،،، يعطيك العافيه يا غالي

اخي الفاضل //هلالي من أرض اليمن


لا شك بأننا نتحمل جزاً من المسؤوليه ولكن قد وقع ما وقع فأين اؤلائك من عينوا لردع السرقات ..؟

أنا لا أطالب بإسترداد مفقوداتي بوقت قياسي ولكني اطالب بأن يقوم الشرطي بعمله في اكمل وجه او على الاقل ان يقوم بأغلب مناط عمله



أشكرك على المرور والتواصل عزيزي

إقتباس الرسالة الأصلية كتبت بواسطة F I N A L وعليكم السلام ورحمة الله وبركاته الحمد لله على رجوع سيارتكـ, لا تستغرب لأن الأمر ببساطهـ, هو إستهداف جهاز الهيئهـ, فقط حماهم الله

أشكرك عزيزي على المشاعر والمرور

إقتباس الرسالة الأصلية كتبت بواسطة كان هنا . . . ياخي سالفتك تهون وربي .. طيب شرايك بالي ينسرق بيتهم ومافيه ولا عسكري جا البيت ! وعشان ما اكون (كاذب) .. جانا فني بصمات "بواسطة" الله يجزاه خير جارنا عقيد وعمل اتصالاته ووصل فني البصمات بعد 5 ساعات من التبليغ ! / وربـي الأمن"العام" عنـدنا في الحظيـــظ .. فـي الحظيــظ .. وما فيه أي مبالاة وإحساس بالمسؤولية .. ببساطة لأن العسكـري ما يدري ليه هو عسكـري يعتقد نفسه موظف كأي موظف حكومي .. يداوم بوقت معين ويمشي .. ! نادر جداً الي يفكـر أنه شايل أمن بلـد بكامله على عاتقه .. \ لكـن صـدقني ما ضاع حـق وراه مطـالب .. إذا المـركز ما سوا لك شي (( وهذا المعتـاد )) لا تترد بالوصول للكبـار .. رح لمدير شـرطة الريـاض .. أو حتـى الأمير سلمان بن عبدالعزيز .. وبين لهم كيـف الأمن العام عندنا في الحظيظ .. وصدقني إذا أنا وأنت والثاني والثالث تكاتفنا وبلغنا الكبار عن الي يصير صدقني بيتغير الوضـع .. ببساطـة .. لأنهم عارفـين هم وش يبـون .. عكـس الحثـالة إلي في المراكـز .. / الله يعين على بلواك .. والحمدلله ان سيارتك رجعت لك بدون أضرار .. الله يحـفظ لنا بلدنا وأمننـا ومالنـا . . .

كان هنا

انا قدرت اوصل لسلمان بن عبد العزيز وقدرت اجيب خطاب توصيه على القضية وإفادة الإماره بآخر المستجدات لكن اللي ما يقدر يوصل لسلمان يروح حقه ..؟

رئيس مركز التحقيقات يقولي ليه جايب هالخطاب تشوف اننا ما نوقم بعملنا

يبغاني استلتطفه الاخ

قلت بالحرف الواحد لا

شلون شخص معترف بأقواله ومبصم في قسم النسيم ويوم تحول عندكم ذبيتوه بالحجز وفتحتوا له الزياره حتى ما صدقتوا اقواله من الشيخ .

يالغالي اذا هي سالفة بيتكم اجل اكيد في سوالف غيرها كثير


يعين ربك



مشكور على مرورك وتواصلك

إقتباس الرسالة الأصلية كتبت بواسطة السرعوف آلسلآم عليكم آخوي آلحمدلله رجعت لكـ سيآرتكـ وآنهآ جآت في يد مفحط مآجآت في يد مشلحين آنت لمآ تقول ليه مآعندهم آهتمآم ومن هآلكلآم آنآ بصرآحه مآآشرهـ عليهم لآنهم آفرآد آلآفرآد كلنآ نعرف آنه وآحد من آلشآرع يقدم لهم وكلهآ آربعين يوم وهو جندي لكن آلشرهه على آللي دآرس ومتعلم ومتخرج من كليه وظآبط معلق النجمه والنجمتين والتاج وغيرهـ قسم بآلله قبل يومين رحت آخلص آجرآءآت حآدث سيآرهـ الحمدلله صآر آلتنآزل وكل شي بس آخذت كروكي الحآدث لقسم شمال غرب جده عشآن آخذ ورقة آصلآح للسيآرهـ طبعآ آلجندي مآقصر يعطيه ربي العافيه كتب لي الورقه وقآل آطلع فوق عند رئيس القسم وآختم ورقة آلآصلآح منه طلعت مثل مآقآل للدور آلثآلث آدور على رئيس القسم لقيت مكتبه ولما جيت آفتح آلبآب لقيته مقفل ولآن آلبآب كله من الزجاج يمدي آي وآحد يشوف آلمكتب طبعآ مآلقيت آي آحد في آلمكتب رحت مكتب ثآني كان فيه ملآزم يقرآ جريدهـ سألته وين آختم ورقة آلآصلآح قآلي عند العقيد رئيس القسم قلت له مآفيه آحد قآل آنتظرهـ آلين يجي قلت طيب هو بيجي ولآ لآ قآل آكيد لآزم يجي قلت طيب متى قآل عآد رئيس القسم <=== مقصدهـ بآلكلمه هذي آنه مآدآم هو آلرئيس يعني يجي وقت مايبي مآفيه آحد يحآسبه وللمعلوميه السآعه كآنت حوآلي 11 الصبآح والقسم كله مآفيه ختم آلآ عند آلعقيد وكثير آللي كآنوآ معي يبون يختمون الورق يعني آبي آفهم مين آلمسؤول عن تسيب المدراء والمسؤولين وتعطيل تسيير معاملآتهم يعني لو الجنود يشوفون المسؤول عليهم سآحب ع آلدوآم وآلمرآجعين مآ آشرهـ عليهم يسوون مثله ,, مآنقول غير آلله يعيننآ على هآلبلد تحيآتيـ

السرعوف


وسع صدرك يا رجال


انت قالوا لك موب فيه


أنا ورب البيت انهم يقولون الضابط نايم ما نقدر نصحيه


الامور سهالات عندهم وانا اخوك


مشكور على مرورك

إقتباس الرسالة الأصلية كتبت بواسطة الـسـلـطـان إذا مسكته وصطرته كف أو ركلة ع وجهه أو بكس ع أسنانه وخليته ينقلع من وجهك أحسن لك من الحوسه ذي كلها يخوي يسوون إجراءات مالها داعي وفوق كذا يا ريتهم يسوون الإجراءات اللازمه بحق السارق إذا الواحد مسك الحرامي ولعن وجهه أحسن من ما يسلمه المركز لأنه إذا وديته المركز يبجيون كفيل وانتهت القضيه وهذا الشيء بيخليه يعيد السرقه مره ثانيه لو فيه قانون يردعهم كان مافي أحد تجرأ وسرق الله يكون بعونك أخوي والحمد لله ع سلامة سيارتك

الله يسلم قلبك يالغالي

المشكله ان سارق السياره واللي كان يسوق للحين يفرفر << ضحكة مغبون

ليتهم مسكوه وطلع بكفاله


مشكور يالغالي على مرورك

خلني أقولك أن الجهاز الامني بشكل عام




يحتاج إلى أعادة هيكله

لحمد لله على ان السياره رجعت لك




تشــــــــاو

يااخوي انا مريت بنفس الحالة السنة الماضية

كنت موقفها عند المدرسة وموقفها بالساحه يعني وراي سيارات مايقدر يطلع من الساحة الا لازم احد السيارات تمشي

المهم سيارتي وسيارت اللي وراي مسروقة رحت وبلغت وجلست ادور واتعب وماخليت شارع في اي وقت ومارحته

حتى المخططات والمساجد والاسواق والحواري اللي اهلها مشكلجية رحت ادور سيارتي فيها ومالقيتها

نمت ويوم قمت الصبح اليوم الثاني الساعة 9 ونص لقيتها منطولة عن احد الجوامع وقدام شارع عااااااام ومفتوح قزازه والباب يعني اي واحد يمر بيقول وش عند راعيه ناطلها

معقولة ماامرت دورية هناك معقولة مااحد شافها وهم يفحطون فيها

والله لولا الله ثم انا كان راحت علي


لمشكلة رحت للشرطة والله مالمستها ولاشي ابي اعرف السارق لانها مسروق منها اشياء غالية قلت لهم ابي فني البصمات


مااذكر وش قالولي صراحة بس اذكر انهم يقولون لي توكل على الله دامك لقيت السيارة كل كبر راسك واقلب وجهك


رحت وصلحت السيارة وكلفتني تكاليف غير المسروق فيها وماعندك احد


مشكلة العساكر عندنا ان اكثرهم طلاب ثانوية مايعرفون الضرب والجمع والقراية والكتابة وفاشلين بالثانوية حاطين بهالامن كيف بيحافظون على البلاد اذا كان هذا مستواهم التعليمي

وحنا نسمع ونشوف وهم يدرسون معنا طلاب داشرين سرقان تفحيط

يقول باخذ شهادة الثانوية وبقدم على العسكرية


هذولا اللي بيحافظن على امن الدولة

مايقدرون يحافظون عليها الا لمن يكون فوقهم مسؤول يلعن جدفهم كل يوم ويمشيهم على الالف والا ليش هم داخلين العسكرية


تقبل مروري