|
إقتباس:
هلا بالغالي بريماكس والله يالغالي ان حرارة كلامك تدل على غيرتك لبى قلبك لكن الله فوق ما يخلي شئ المشكله انك اذا جيت للشرطه قالوا لك وكل الله يا ابن الحلال طيب والنعم بالله بس انتم خلائفه بالأرض تصدق اللي مسكناه بالسياره اعترف وبصم وله الحين اكثر من اربع ايام ما صدقوا اقواله عند الشيخ يعني لو بيغير اقواله جدا عادي وبالنسبه لرجال الهئيه ياخي لبى قلوبهم ورب البيت ان الواحد أول ينزل اهله للسوق وهو متطمن وواثق لكن الحين الله يخلف انت لاحظ بس من يوم قننوا ادوار الهيئة صرت تشوف بكل مكان غزل وجنس ثالث وبويات ومن هالخرابيط الله لا يبلانا انت ما شفت البديوي ( الظاهر هذا اسمه ) يوم يصرح ويقول المفروض الغيث ( رئيس هيئة الامر بالمعروف ) يقدم الى محكمه دوليه الله المستعان اللي الدين يطبون فيه بالصحافه لكن بعض الامور السياسيه لو نشرتها الصحيفه تتوقف مشكور اخوي بريماكس على مرورك وتواصل الدايم لا عدمتك |
إقتباس:
يعين ربك مشكور على مرورك |
إقتباس:
اللهم آمين مشكور على مرورك |
إقتباس:
يقولي واحد من الشباب ابوه بإمارة الرياض يقول انسرقت سياره تبع الاماره من بيتهم وخلال ساعتين بس حصلوا السياره ومسكوا اللي سارقها يعني وانا اخوك وسع صدرك ومثل ما قلت انا كثير اللي نصحوني ادق على هاللي يفحطون ولكن للأسف ما اعرف احد منهم مشكوره يالغالي على مشاعرك والمرور |
إقتباس:
أديبنا الفاضل // ماجد المقبل وانت بخير وصجه وسلامه أشكرك على مشاعرك والمرور أما بالنسبه للصفع :d فما حصل له برأيي لو وصفناه بالصفع لإستصغرناه :naughty: |
إقتباس:
اخي الفاضل //هلالي من أرض اليمن لا شك بأننا نتحمل جزاً من المسؤوليه ولكن قد وقع ما وقع فأين اؤلائك من عينوا لردع السرقات ..؟ أنا لا أطالب بإسترداد مفقوداتي بوقت قياسي ولكني اطالب بأن يقوم الشرطي بعمله في اكمل وجه او على الاقل ان يقوم بأغلب مناط عمله أشكرك على المرور والتواصل عزيزي |
إقتباس:
أشكرك عزيزي على المشاعر والمرور |
إقتباس:
كان هنا انا قدرت اوصل لسلمان بن عبد العزيز وقدرت اجيب خطاب توصيه على القضية وإفادة الإماره بآخر المستجدات لكن اللي ما يقدر يوصل لسلمان يروح حقه ..؟ رئيس مركز التحقيقات يقولي ليه جايب هالخطاب تشوف اننا ما نوقم بعملنا يبغاني استلتطفه الاخ قلت بالحرف الواحد لا شلون شخص معترف بأقواله ومبصم في قسم النسيم ويوم تحول عندكم ذبيتوه بالحجز وفتحتوا له الزياره حتى ما صدقتوا اقواله من الشيخ . يالغالي اذا هي سالفة بيتكم اجل اكيد في سوالف غيرها كثير يعين ربك مشكور على مرورك وتواصلك |
إقتباس:
السرعوف وسع صدرك يا رجال انت قالوا لك موب فيه أنا ورب البيت انهم يقولون الضابط نايم ما نقدر نصحيه الامور سهالات عندهم وانا اخوك مشكور على مرورك |
إقتباس:
الله يسلم قلبك يالغالي المشكله ان سارق السياره واللي كان يسوق للحين يفرفر :d << ضحكة مغبون ليتهم مسكوه وطلع بكفاله مشكور يالغالي على مرورك |
خلني أقولك أن الجهاز الامني بشكل عام يحتاج إلى أعادة هيكله |
لحمد لله على ان السياره رجعت لك :) تشــــــــاو |
يااخوي انا مريت بنفس الحالة السنة الماضية كنت موقفها عند المدرسة وموقفها بالساحه يعني وراي سيارات مايقدر يطلع من الساحة الا لازم احد السيارات تمشي المهم سيارتي وسيارت اللي وراي مسروقة رحت وبلغت وجلست ادور واتعب وماخليت شارع في اي وقت ومارحته حتى المخططات والمساجد والاسواق والحواري اللي اهلها مشكلجية رحت ادور سيارتي فيها ومالقيتها نمت ويوم قمت الصبح اليوم الثاني الساعة 9 ونص لقيتها منطولة عن احد الجوامع وقدام شارع عااااااام ومفتوح قزازه والباب يعني اي واحد يمر بيقول وش عند راعيه ناطلها معقولة ماامرت دورية هناك معقولة مااحد شافها وهم يفحطون فيها والله لولا الله ثم انا كان راحت علي لمشكلة رحت للشرطة والله مالمستها ولاشي ابي اعرف السارق لانها مسروق منها اشياء غالية قلت لهم ابي فني البصمات مااذكر وش قالولي صراحة بس اذكر انهم يقولون لي توكل على الله دامك لقيت السيارة كل كبر راسك واقلب وجهك رحت وصلحت السيارة وكلفتني تكاليف غير المسروق فيها وماعندك احد مشكلة العساكر عندنا ان اكثرهم طلاب ثانوية مايعرفون الضرب والجمع والقراية والكتابة وفاشلين بالثانوية حاطين بهالامن كيف بيحافظون على البلاد اذا كان هذا مستواهم التعليمي وحنا نسمع ونشوف وهم يدرسون معنا طلاب داشرين سرقان تفحيط يقول باخذ شهادة الثانوية وبقدم على العسكرية هذولا اللي بيحافظن على امن الدولة مايقدرون يحافظون عليها الا لمن يكون فوقهم مسؤول يلعن جدفهم كل يوم ويمشيهم على الالف والا ليش هم داخلين العسكرية تقبل مروري |
| الوقت المعتمد في المنتدى بتوقيت جرينتش +3.
الوقت الان » 01:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd