|
بصراحة ياسيد كوزمين .. هالطريقة لاتغني ولا تسمن بسم الله الرحمن الرحيم الزعماء الكرام .. كل عام وأنتم بخير وتقبل الله صيامكم وطاعتكم ، وغفر الله لكم ولوالديكم وأهاليكم في هذا الشهر الفضيل ،،،،،،،،،،،،،،،،،،، ندخل في صلب الموضوع على طووووووووووول .. يعني الى متى ؟؟ خلاص صبرنا بما فيه الكفاية !! الى متى ومدربنا المحترم ماهو راضي يفكنا من فلسفته وقناعاته !! 4 – 5 – 1 الى متى ؟؟:upset::upset: يازعماء هذا الهلال ما هو أي فريق ، يعني خلينا نحسبها : دفاعيا / · في الباب أسد وأخطبوط ما ينخاف عليه بوجود الدعيع .:clapping: · في المحور عندنا فريق لحاله ( ما شاء الله عليه ) اللي هو خالد عزيز .:clapping: · هذا من غير الغامدي والغنام ورالديس وخيرات و أسامه و المرشدي واللي أدوارهم دفاعية طبعا ...s60s أما هجوميا فحدث ولا حرج / القحطاني والتايب والشلهوب والدوسري و ويلهامسون والصويلح والفريدي .... :clap: وفي النهاية وبعد هذا كله نخاف و نلعب بمهاجم وحيد !! طيب يا زعماء خلوني أطرح عليكم هذه التساؤلات ، وأنتم جاوبوني هل هي في محلها أو لا !! v هل طريقة اللعب كتاب منزل مايجوز تتغير مهما كان عندك من أسماء ؟؟ أو انها تتغير حسب اللعيبة اللي عندك ؟؟؟ v طيب تتذكرون مباراتنا العام الماضي ضد الوحدة الاماراتي الثانية بالرياض كيف تحسن اللعب بعد نزول الصويلح ، والمباراة اللي بعدها ضد القادسية في الخبر ، وقتها لعبنا بنفس الطريقة وبعد ما تأخرنا بهدف السهلاوي ، نزل الصويلح بجانب القحطاني وفزنا برباعية مدري خماسية ، ،، طيب هذا وشهو يعني ؟؟ v ليش القحطاني يبدع مع المنتخب مع مالك ؟؟ وفي الهلال نلقاه يتعب ويعاني من دفاعات الخصوم ؟؟ v متى آخر مرة شفتوا الهلال بهذه الطريقة ( 4 – 5 – 1 ) يفوز بمستوى ونتيجة ويبدع ويستعرض وبالخمسات والستات أيام اللعب بمهاجمين ؟؟؟ v ليش مانلعب بقوتنا الضاربة الهجومية ، ونترك الخوف عنا خصوصا وانه هالسنة هنلعب من دون الرائع تفاريس ، يعني ( الهجوم أولا ) لأنه بوجود الدعيع وعزيز لا خوف على الدفاع . عموما يا أحبائي هذه وجهة نظري ، فالهلال لايمكن أبدا أبدا أبدا أن يلعب بمهاجم واحد ، وهذا اللي واضح من قناعات المدرب ومن اختياره للاعب الأجنبي الثالث .... ü يمكن يجي واحد ويقول طيب المدرب بطريقته جاب بطولات العام الماضي ، وأنا اللي أقوله أنه شئ طبيعي حصول الزعيم على بطولة لو يلعب بدون مهاجمين ، لكننا كجماهير مانبي رفع الضغط وحرقة الأعصاب اللي عشناها العام وخصوصا في المباريات الحاسمة كمباراتي الشباب في نصف نهائي كأس ولي العهد ( اللي ما قصر فيها لاعب الشباب وسجلنا الهدف اللي أهلنا للنهائي ) ، أو حتى آخر مباراتين في الدوري ضد الشباب أو المباراة الختامية في الدوري ضد الاتحاد اللي الله يستر على الدعيع وقتها !! ختاما هذا رأيي ، قد نختلف وقد نتفق ، لكننا في النهاية سنتفق على حب الهلال:smilie47::smilie47::smilie47: |
اخوي اولا ما عندنا هجوم يعتمد عليهم يعني اثنين حقيقين ما عندنا غير ياسر فقط ثاني شي خطت المدرب هجوميه بطريقه اوروبيه معروفه يعني وقت الهجمه تحصل ثلاثه الى اربعه هجوم مو واحد ولكن هاللعب يحتاج الى مجهود ولياقه عاليه جدا ما نقول الا يالله يا زعيم التوفيق |
والله يالغالي كلامك صحيح اف لو نلعب بمهاجمين والله لنفتح شوارع بدفاعات الخصم تقبل مروري |
يا اخوان يا حبايبنا ترا ملينا من هذا الموضوع وابي اعيده لك للمره الاخيره ..... الخطه 451 ليست خطه دفاعيه بل هي خطه حديته وتعتمد على اربع مهاجكين في نفس الوقت في حالة الهجمه واغلب الفرق العالميه الان تلعب بهذي الخطه .... لا تقعدون تلحون على الخطه التقليديه 442 واعطوا المدرب الحريه في انه يعمل اللي هو يبيه وخلاص |
إقتباس:
|
إقتباس:
أيضا أنا أتفق معك في أن الفرق الأوربية تلعب بهذه الطريقة ( المملة ) لكن هناك يختلف الاعداد اللياقي والفكر الكروي تماما عما هو عليه الحال لدينا ، هذا من ناحية لكن من ناحية أخرى فبما أنك الأفضل هجوميا ودفاعيا وعناصريا هذا بدوره يتطلب منك اللعب بالطريقة الهجومية ( باختصار لأنك الأقوى ) أشكرك على مرورك الكريم |
إقتباس:
لكن هل أنت شخصيا مقتنع بمستوى الأزرق بهذه الخطة ( 4 - 5 - 1 ) بغض النظر ان كانت أوربية أو كانت هجومية ؟ |
الله يكتب الي فيه الخير للهلآل ........!!! |
فلسفة مدربين وكوزمين الحين عرف الفريق ان شاء الله يعني بيتكتك ويضبط ونطلع اخر شي بالدوري وكاس ولي العهد والتاهل بالاسيوية للدور التالي باذن الله |
أخووي.. لو سمحت أحنا كلنا مشجعين هلاليين... لكن مسائلة اننا نتدخل في الخطة..!! صعبة شوي.. وبعدين الخطة الي ماعجبتكـ.. جابت لكـ بطولتين.. والمركز الثاني في فيصل بن فهد والمركز الثالث في كاس الملك.. |
فلسفة مدربين وكوزمين الحين عرف الفريق ان شاء الله يعني بيتكتك ويضبط ونطلع اخر شي بالدوري وكاس ولي العهد والتاهل بالاسيوية للدور التالي باذن الله |
ياخوي يلعب بالطريقة اللي يبي المهم يحقق لنا بطولات زي الموسم الماضي ما أدري متى نترك الأمور الفنية لأهل لاختصاص؟؟؟ |
حيااكم يالغالي . . * الموضوع مثل ما تفضل بعض الإخوة . . الطريقة ليست دفااعية بحته . . بل هي أسلوب تملك به اللعب . . و تديره بطريقة حذره دفااعاً لكنها . . وبشكل صريح تؤدي هجومياً أكثر من ممتااز * أنا قضية المستوى . . فالمستوى ليس مهماً في ظل ضغط مبارياات الموسم المااضي بل المهم الفوز وتحقيق الانجااز . . * و متى ما كان الدوري السعودي . . يعطي الأندية فترة راحة عادلة بين كل مباراتين عندها سنسأل عن المستوى . . * أما في ظل ضغط مباريات الهلال . . فلن نسأل عن المستوى * و كوزمن عاقل و مدرب كبير . . و اللاعبون يدركون الكثير فلهم كل الثقة . . من كل الجماهير |
من قال ان كوزمن يلعب 4,5,1 كوزمن يلعب بـ طريقة 4,3,3 وتتحول في حالة الدفاع الى 4,5,1 مجرد توضيح أمــــا عن خطة 4,4,2 فـ أعتقد انه خطة قديمة وسهل انك تسيطر عليها فـ أغلب المدربين الي كانوا يلعبون بها غيروا الى 4,3,3 والي تتغير الى 4,5,1 مثــل السير فيرجسون كان يلعب بـ 4,4,2 وغيرها |
بصراحة هالخطه ماتنفع إلا مع المنتخب الإيطالي وي الله ي الله بعد يجيب المباراة |
| الوقت المعتمد في المنتدى بتوقيت جرينتش +3.
الوقت الان » 02:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd