|
فجأة عبدالغني اساسي!! قصمت ظهري وظهر كل سعودي ياجوهر .. السلام عليكم ورحمة الله وبركاته اتمنى قبل القاء اللوم على التعادل او الخسارة بكل صراحه عدم الاقلال من المنتخب السعودي واغفال مجهود اللاعبين كنا كويسين كنا ممتازين لكن فيه بعض الاخطاء اللي قلبت رأس المنتخب على عقب عندما شاهدت سعد والشلهوب والتفاهم الممتاز استبشرت وقلت الليلة خضراء لكن عندما شاهدت لاعب لم يتدرب مع المنتخب ولم يتجانس مع الدفاع يحضر قبل المباراة بيومين ويشترك اساسي !! هنا الطامة مع احترامي لعبدالغني هو لاعب جيد لكن من المفروض ضمه من الاساس ومعرفه مستواه الحالي لانه كان غير متفاهم مع الدفاع ولم يكن ايجابي بالتمريرات والانطلاقات الجوهر توقعته يفهم ويستفيد من مباراة قطر الودية في مباراة قطر اخرج الشلهوب (الوسط الأيسر ) وادخل الغامدي ( الوسط الايمن) وأبقى كل لاعبين الوسط عزيز وعيال عطيف والغامدي ((كلهم وسط يمين )) وترك اليسار مفتوح ظغط المنتخب القطري وحقق الهدف في مباراة الامس كرر نفس الكارثة الشلهوب كان مبدع ومسوي ثنائيات مع الحارثي والسلطان وكل كرة تخرج من قدمة هجمة خطرة وبالعكس عبده عطيف كان يحتفظ بزيادة بالكرة ونتذكر كأس اسيا كان انجوس يشركة في اخر المباراة للاحتفاظ بالكرة وتضييع الوقت لكن يقتل اللعب بوسط الملعب ولكن انا ضد اخراج عطيف امس مفروض اصلا اذا تبي تغير احد تغييرين : 1 ) اخراج احمد عطيف لكثرة تمريراته الخاطئة واشراك الغامدي 2) اخراج سعد الحارثي او السلطان واشراك الغامدي واللعب بمهاجم واحد وخمسة لاعبين وسط واامتلاك منطقة المناورة . لانلوم الدفاع المباراة من الدقيقة 25 عند اخراج الشلهوب وكذلك نفسها من مباراة قطر انقلبت المباراة بالكامل وأستغرب ان النقد يتم بالميول كما قال ماجد عبدالله ان ايران من الشوط الثاني تسلمت المباراة والتقليل من تغيير الشلهوب !! في الشوط الثاني بوجود الشلهوب كان فيه 3 اهداف محققه 1) عكسية الشلهوب امام المرمى للحارثي 2) الفاول الذي لعبه الشلهوب بصعوبه اخرج الحارس لطول قامته 3) الثنيائيات بين الشلهوب والسلطان وواجه المرمى لكن توفيق الله ماكتبت هدف . لكن بعد التغيير لم نشاهد اي هجمة خطرة ... ايضا انت لعبت مباريات ودية كثيرة وجهزت فريقك قبل المباراة ب 5 ايام تستدعي اللاعب عبدالغني مع احترامي له مو هو الافضل حاليآ كان عالة على الفريق مساء امس والهدف جاء من غلطة مستغربة منه !! وكانت كل تمريراته خاطئة وشاهدنا الزوري في مباراة قطر كان مشكل قوة هجومية من اليسار واختراقاته خطيرة قبل المباراة تستدعي لاعب وتلعبة اساسي ؟؟ ماذا تفعل يالجوهر خبصت الله يهديك قصمت ظهري وقصمت ظهر كل سعودي |
ربك كريم وعبدالغني قد مستوى كبير بشهادة ماجد عبدالله والشنيف وفؤاد انور ... مو انت مع الحب والاحترام لك يالطيب وادى الدور اللي مكلفه فيه ناصر مورينهو جوهر .. وهو دفاع ثالث مع تكر وهوساوي .... يعني اش تبي منه بالضبط يروح يسجل لك هدف بالعكس كا سد منيع للهجمات الايرانية من الجهة اليمنى .. وهي الاخطر من ايران .... اجل قصم ظهرك عبدالغني يوم لعب اساسي وكابتن بعد :D الله المستعان ما تشوف شر تحياتي لك وابعد ع التعصب الله يهديك |
إقتباس:
حسين عبدالغني ضموه مجامله ومطالبه بعض الصحف المحسوبه بباللاعب وانه احترف خلاص لازم نضمه ومستواه والله عادي جد واعتقد جميع من شاهد مباراه امس يعرف معنى كلامي,,المفروض الجوهر عنده تشكيله شبه ثابته من فتره موب قبل المباراه يستدعي لاعبين ويشيل لاعبين , بالتوفيق للصقور الخضر امام الامارات |
إقتباس:
اتمنى منك عزيزي مادام نتكلم عن المنتخب ننسى الميول ونتكلم للوطن انا هلالي وامووت في الازرق لكن بصراحه امس مفترض مايجري تغيير على الهجوم وسعد الحارثي مقدم مستوى كويس والسلطان كذلك ومشاركة ياسر فيها مجاملة على حساب المنتخب لكن اخوي انا احب عبد الغني لكن متى ضمه الجوهر وهل اللاعب اللي امس مأدي كويس على كلامك المباراة سوف تعاد في القنوات شاهدها كرات عبدالغني اغلبها خاطئة والهدف ارجه وشاهد الهدف لم تكن هجمة لايران كان خطا من عبد الغني كعادته في زلقاته خلصها الدفاع الا ركنية وجاء الهدف اخوي مباراة قطر الودية الزوري مبدع فيها لكن ؟؟؟؟؟؟؟؟ اتمنى من الجميع رمي الميول على جنب عندك عمر الغامدي غير مقتنع من انزاله بالأمس ومفترض الابقاء على الشلهوب |
حسين أبدع في المباراه وخلص اكثر من هدف محقق وبعدين لو كان بدال اللاعب حسين عبدالغني سامي الجابر ول ياسر ما قلت ذا الكلام ويكفيك إشاده ماجد عبدالله والشنيف في مستوى حسين يعني انت اخبر منهم؟؟؟؟ وأخيراا رح لأقرب دكتور يعالج قصمت الظهر لانك لو ما رحت راح ينتشر القصم ويجي بالراس وأنا اخاف عليكs16s |
اقول وربي ان حسين افضل لاعب تكتيكي ولاعب خبره شفت شلون قاد الدفاع بكل حرفنه شف من يوم جا عبدالغني قلت الاخطا الدفاعيه المشكله بالوسط لاعبين صغار السن امثال احمد عطيف بصراحه حنا محتاجين لاعبين وسط خبره |
بالفعل كان حسين عبدالغني عاااااااااااله على المنتخب امس كور مقطوعه كنترول سيء التحامات ضعيفه واللي يقول خبره ومدري ايش والله ان افضل لاعب امس شهيل رغم انه اقل اللاعبين خبره زبده الحديث ان ناصر الجوهر بدأ بمجامله الفرق ونسي المنتخب |
(( بعض اليوزرات اللي فوق شكلهم مضيعين طريق منتدياتهم :d )) اولاً اللاعبين ما قصروا امس يعطيهم العافيه المشكله في مدرب الفزعه وتغييراته اللي ضيعتنا . . فيه بعض الملاحظات وهذا مجرد رأي شخصي : عبده عطيف << انانيه لأبعد الحدود على حساب الفريق ولعب تسحيب وحواري اكل عليه الزمن وشرب..صح له تمريراته بس الانانيه الى الان مضيعته ومضيعه الوسط معه كم كوره يأخرها ويكون سعد بمكان حلوو فاتح له او السلطان بس نظام 1400 لازم يسحب بعدين يمرر؟! عبدالغني << لا تعليق :d واضح ليش الغرض من ضمه للمنتخب وهي الكابتنيه :d يعني لاعب عمره 32 ما حضر الاعداد والمباريات الوديه وجايبه اساسي قبل المباراة بكم يوم؟؟؟ :clapping: على حساب لاعب مثل الزوري ابدع والدليل اخر مباراة امام قطر !! السلطان << هاللاعب متحرك وابدع بس ناقصه التركيز يعني بالعربي مطفوووووق شوي :d بالتوفيق لمنتخبنا . . :) |
إقتباس:
وين تبيه يودي الكورة بالله ..... يسطحها للنص وخلفة لاعبين من ايران والله لو انه بلايستيشن ما طلعها الا ركنية .. خلنا واقعيين الله يسعدك وارجع للقطة من جديد راح تلاحظ انه الخيار الوحيد انه يطلعها ركنية يوم تكر وهوساوي يتفرجون برايفت / مجنون الزعيم (9) المرة الجاية بخلي الجزيرة الرياضية تجيب لك فينجر وال art مالديني :D يحللون .. يمكن يعجبك كلامهم :D |
صح حسين عبد الغني ماقدم مستوى وكنت اتمنى يطله و يلعب البحري ويروح شهي يسار لان شهيل ماشاء الله عليه يلعب يمين و يسار |
احس الطحالب متواجدين بكثره عندنا عبد الغني جايبينه بس عشان يكشخون ويقولون عندنا لاعب محترف باروربا |
استغرب من اللي يدافعون دفاع مستميت عن حسين عبدالغني تأملنا فيه خير .. ولكن للأسف الكابتن حسين لم يمكن في مستواه المعهود |
و الله غريبة .. بداية : الحمد لله على كل حال و تعادل منتخبنا يعتبر نقطة البداية نحو الانتصار و التأهل بإذن الله ثانيا : أنا استغرب من الجميع انتقادات الجميع نحو اللاعب المخضرم : حسين عمر عبد الغني يا أخوان أنا أتحدى إن المدرب القدير : ناصر الجوهر أمره و أوكل إليه المهام الدافعية عن المهام الهجومية و معروف الفتى الذهبي بانطلاقاته و إندفاعاته نحو الهجوم و الرفعات اللي بالمقاس و أكبر دليل على كلامي إن المدرب أمر حسين بالدفاع إني متابع لمباريات أبو عمر في الدوري السويسري و صنع هدفين من خلال انطلاقاته و رفعاته و بالنسبة لانسجام اللاعبين يا أخوان هذه أول مباراة للفتى الذهبي بعد عودته لصفوف الصقور الخضر و أتمنى من الجميع اللي يريد ينتقد أو يعلق على لاعب بدون جرح بدون سب بدون شتم بدون عنصرية تمنياتي للمنتخب بالتوفيق دمتم بود أخوكم / الفتى الذهبي 24 s60s |
إقتباس:
ههههههههههههههههههه الكورة كانت مو خطرة ولا هجمه علينا كانت تمريره من زميلة وهو كان متلخبط ومرتبك واخرجها ركنية بدون مبرر |
| الوقت المعتمد في المنتدى بتوقيت جرينتش +3.
الوقت الان » 09:44 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd