بيض الله وجيه اللعيبه و خصوصا : فيصل السلطان ...!!
 

يسعدلي صباحكم جميعااا

بدون اي مقدمات << (( لأني بصراحه ماني من أهلهم ))

كلمه حق ولابد ان تنقال بحق اللعيبه :

أمس الاعبين والله بيض الله وجيهم قدموا مستوى طيب

وخصوصااا :-

فيصل السلطان والله انه قدم مستوى وبذل جهد وهو أكثر لاعب بالمباراه تحرك وعطاء داخل الملعب

حرام عليكم تنتقدون الاعب

عشان الاعب مو موفق .. يعني ماهوب بيومه ..

(( خلاص صار فاشل مايعرف الكوره ))

والله أنه لاعب فنان وموهوب

واتمنى من الجماهير السعوديه : ان لا تقسوا عليه

كل خساره لها أسباب وأسباب خساره المنتخب أمس :

أول الاسباب وأهمها هو عدم التوفيق ..

اليوم المنتخب ماكان موفق أبداا والحكم ماقصر (( زاد الطين بله )) في عدم احتساب ركله جزاء صحيحه 100% (( على ذمه خبراء التحكيم بالقنوات الرياضيه ))

والسبب الثاني :-

تبديلات المدرب ناصر الجوهر ماهي في محلها أبدا والكل يتفق معي في هذي النقطه

والسبب الثالث والأخير :-

لياقه الاعبين كانت زيرو في الشوط الثاني ..

ياخي من الدقيقه 60 واللعيبه نايمين ملهم خلق للمباراه

أذا تبي توصل لمنديال كأس العالم لخامس مره على التوالي

لابد ان يكون لياقتك البدنيه ممتازه

وبالاصح بانه مستواك يكون على رتم واحد من الدقيقه الاوله الي الدقيقه الاخيره

صحيح انها صعبه علة لعيبتنا بس حتى لو أنخفض (( يكون أنخفاض شي بسيط )) بس مو مثل الشكل هذا الي شفناه أمس ..

على العموم ..

أن شاء الله الصقور الخضر يرجعون من ابو ظبي بثلاث نقاط

ويعوضون التعادل الي بطعم خساره الانه بين ارضنا وجمهورنا

وملاحظه :-

كل الي حظروا مباراه المنتخب أمس تأذوا من الكراسي الوصخه ياليت من مدير استاد ملك فهد أن ينظف الكراسي بدال الترزز عند الكمرات والتفلسف والانتقادات ...!!

والله يوفق الأخضر

تحيتي

صحيح هو بهذل الإيرانيين بتحركاته الخطرة
وأتعب نفسه وبذل جهد وكان وده يفرح الجماهير السعودية
لكن الحمد لله على كل حال
والفرق نقطتين بس :)

ياحبيبي مييييييييييين فيصل السلطان


والله ماضيعنا الا هو .. ماعنده خبره نفس المباراة هذي يحتاج لها ياسر ومالك


اوما كل كلامك اتفق معك عليه


مشكور

بدون زعل وتقبل الأنتقاد بصدر رحب


لو خيروك بين مرسيدس بانوراما ولا أكسنت تسافر عليها وش تختااااااااااااااااااااااار !!!!!!!



من أمس بداء التحطيم النفسي للقناص وقول أني غلطان

يعطيكم العافيه جميعاا

وأنا شخص طرحت وجه نظري

نــاس معاا ونــاس ضد

وبالنهايه

الأختلاف بالراي لا يفسد بالود قضيه

واشكركم على تواجدكم

فيــصل آلسلطآن امــس هو الــي محرك آلهجووم بسس بهجمآت على غيــر سنع ..!

يعــني مهب بيومه آلسلطآآن.. لو آلجوهر منزل يآســر من آلبدآيــه افضل..!


ومشــكوور..:)

والله العظيم انك صادق...فيصل ما قصر كلنا شفناه هبل فيهم بس التوفيق ما حالفه.... عادي تضيع مليون كورة بس اهم شي تتحرك وتبلش الفريق المنافس...مب مثل سعد جاب هدف ولا شفناه عقبها حتى قبل الهدف ما له حس....

اما الي يقول ياسر ومالك يا اخي انتم ما تفهمون الثنين ذولا توهم راجعين من اصابة و ما يقدرون يلعبون .. هذا ياسر والله ما كان ودي يلعب ما سوا شي غير الكورة اللي شاتها طبعا معذور راجع من اصابة بس الشرهة على مدربنا الله يعينا عليه...

لم يقصرو اللاعبين والحظ خذلهم والسلطان نجم المستقبل وسيسجل ضد الامارات ويفرحنا باذن علام الغيوب

الله يعطيك العافيه




اما الي يقولون ياسر




ياسر ما يصلح ضد ايران ولو لعب اساسي كان مات قدر يسوي شي




ليش لان سرعة ياسر ماهي مثل سرعة السلطان





شف الفرق بين السلطان وياسر هجمة ياسر الوحيده بالمباراة كان المدافع الايراني بجنبه




اما السلطان هجماته يكون بينه وبين المهاجمين مسافه طويله