|
دعوة للحوار العقلاني عن المنتخب !! السلام عليكم ورحمة الله وبركاته أخواني و أخواتي ,, اولا:- الحمد لله علــى كــل حـال ثانيا :- أتمنى ان يكون هذا الموضوع للحوار العقلاني عن المنتخب وأن يكون الإنتقاد فيه بطريقة عقلانية وبعيدا عن التعصب ,, فاصل عجيب :- <<<<< واسمحوا بترك الكلام بالفصحى تخيلوا ان منتخب إيران ما سجل التعادل !! منتخبنا كان مسيطر على اغلب مجريات اللقاء وكانت لنا اكثر من 5 فرص أمام المرمى بعكس منتخب إيران اللي كان هدفهم من غلطة..!! ولو تسمحون لي عندي تعليق على بعض اللاعبين " اللي يمكن الهدف الإيراني انسانا مجهوداتهم " عبدالله الشهيــل : طبعا بديت فيه لانه ما شاء الله تبارك الله نجم المباراة الاول من وجهة نظري وقدم كل شئ وسكر الجهة اليمين على المنتخب الإيراني ,, الشلهــوب : ما قدم أي شئ بصراحة لأن هذا هو مستوى الشلهوب الطبيعي أنه يصنع ويحرث الملعب , شكرا محمد الحــارثي: كفـيت ووفـيت ودعواتك ما راحت هدر عبده عطــيف : ثنائي حلو مع الشلهوب بس فيه هجمات تكون خطرة ويتاخر بالكورة ويموّت الهجمة لك نرجع ونقول نجم عزيــز : شهادتي فيك مجروحة يا بطـــ:smilie47:ـــــل حسين عبدالغني : قمة الثقة والامان لكن بعض المرات الثقة الزايدة تجيب العيد:nono: تكــر : اليوم وبكل صراحة صمام امان المنتخب والله يعطيك العافية هوساوي : <<<< بوقت المباراة أكثر من مرة قلت يا حسافة الملايين :nono: وان شاء الله كلامي يطلع غلط النجعي : مستوى ممتاز مع ان ما جاه اختبار والهدف ماله اي علاقة فيييه أبدا بس عموما الكوريين بالطريق وان شاء الله تثبت أنك بطل ياسر : أهنّيك بكل صراحة أنك تستلم كورة وتوزع وحاولت تسجل رغم وجود صانع العاب واحد فقط :clapping: !! السلــطان : لاعب قدم مستوى كبير ( بناديه الشباب والمباريات الودية ) لكن لازم نعرف أن المبارايات هذي لها طابع خاص خصوصا أن الخبرة لها دووووور كبير بعكس المبارايات الودية يعني 4 فرص حقيقة ومواجهة لمرمى !! الله يذكرك بالخير يا سامي وارجعوا لاخر مباراة اللي بجدة وشوفوا خبرة سامي كيف قلبت المباراة رغم انها انتهت (2\2) s60s - يعني أنا أشوف ان المنتخب السعودي قدم مستوى مابي أقول رائع لكن كتم انفاس الايرانيين وكنا نقدر نطلع ب 3 أقل شئ وسبحان الله مشوار المنتخب بكل التصفيات دايما يبدأ كذا مستحيل ننهي كل مباراياتنا بفوز والحمد لله على كل حال ,, - بالنسبة لاستدعاء نور كما صرح ( صاحب الخطط المدروسة ) أنه لو كان المدير الفني لاستدعى نور !! يعني معقولة لا أنجوس ولا الجوهر مقتنعين فيه !!:naughty: ووعدنا يوم الاربعاء وبعدها لكل حادث خديث s60s تحياتي |
الله يذكرك بالخير يا سامي |
إقتباس:
اميــن ,, أسعدني مرورك :d |
دام انه الحوار عقلاني....أنا أفضل نلعب الشهراني بدال ياسر<<<<وربي ابو الخطط المدروسة والجوهر بيهسترون فينا ياعالم.. لا واللي يقهر اكتر انهم واثقين بالتأهل ويفكرووون بتقديم مستويات مشرفة بكأس العالم... ومظة:الله يعينك يالنجعي....والله انك محزني... |
إقتباس:
يسآلون النعيمه عن عدم ضم نور ... أبدآ ما عرف يجاوب .. بس يعقوب السعدي قالها .. من الأتحاد السعودي ... ولايهمك صاحب الخطط المدروسه .. انه يبي نور بس المدربين ما اقتنعو فيه خخخخ .... بقول شي .. با النسبه لناصر الجوهـر اقولها صرييحه ... مدرب فاشل بكل ما تعنيه الكلمه ... يعني فريقك ماشي صح ليه تغير الشـلهوب ... ليه تلعب بثلاث محاور انت في في ارضك وبين جمهورك ...! ولله شي يغبن المشجع ... السلطان قدم مستوى .. لكن ما فيه توفيق ... والمفروض من الشوط الثاني وهو مدخل( يآسـر او الشهراني) يعني هـ اللآعبين .. راح يقدمون لو زج بأحدهم ... هوسـآوي ... ما دري وش فيه قسم با الله وجع راسي اقول ... ولله مايستاهلون نعور راسنا عليهم ... قلتها من مباراة قطر الوديه |
نســيت اقول لـك مشكور على الموضـوع ... ما ننحرم |
أشكـرك عالمــبادره الحـــــــــــلوه .. أفضل تشكيله حالياً بالنسبه للأعبين الموجــــــوديـن .. النجــعي حسين عبد الغني # هوساوي # تكر # البحــري عـزيـز # كريــري(اذا مصاب عمر الغامدي او احمد عطيف) الــشلهوب # عــبده ياسـر # سعد .. والسلطان وشهيل كأوراق بديله .. وأتمنـى تكـون هـــاذي التشكيله أمام الأمارات يوم الأربعاء .. وبعدها في مده طويله نفكـر في ضـم اللاعـبين و تغير المدربيــن وغــيره :naughty:.. تحــياتي .. |
أخوي هلالي ,, مشكور على ردك وتعليقك الاكثر من رائع رغم اختلافنا بوجهات النظر لكن احترم كلامك واقنعتي بأشياء ما كنت مقتنع فيها بطريقة طرحك ,, يعطيك العافية |
عاشق الموهوب ,, يعطيك العافية على الرد وانا معك بهالتشكيلة لكن اختلف معك بخصوص الشهيل ,, تحياتي لك يا بطل |
السلام عليكم ..:) المنتخب اليوم ماعليه قدم مستوى ممتاز لكن في الشوط الثاني تغير الوضع انكشف الدفاع وصارت فيه مساحات وجهة حسين عبدالغني هي أكثر شي صار فيها مساحات.. ويبدو ان الجوهر ماوفق في اخراج الشلهوب ودخول عمر اللي مو في مستواه أبد.!! :nono: وفيصل السلطان قدم اللي عليه لكن الخبره خانته. ولا هو لاعب له مستقبل كبير ان شاء الله ويحتاج في هالوقت اننا ندعمه وراح يتغير ان شاء الله:) وانا ولله الحمد متفائل كثيرا بالمنتخب واتوقع ان مباراة الامارات القادمه هي الانطلاقه الفعليه وتصحيح مافات.. وان شاء الله الأخضر ماعليه خوف..:yes: كل الأماني والدعوات بالتوفيق لمنتخبنا نحو التأهل ان شاء الله شكرا لكـ أخوي على طرحكـ مثل هذه المواضيع العقلانيه..:smilie47: تقبل مروري وتحايتي.. |
هلالي ميلاني ,, الشكر لك أخوي على مرورك وتعليقك الجميل ,, تحياتي |
| الوقت المعتمد في المنتدى بتوقيت جرينتش +3.
الوقت الان » 09:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd