زامبروتا : على إنجلترا أن تخرس .....!! - نادي الهلال السعودي - شبكة الزعيم

أسيــ الزعيم ــر · #15 08/09/2008, 05:28 AM

الموضوع قلب 180 درجة الا 90

حبايبي بتكلم بإختصار طويل

اللحين دوري إنجليزي و دوري إيطالي و مدري وش .. قبل كم سنة كنت أدخل بهالنقاشات و إلى الآن .. لكن بوعي أكبر من السابق و لله الحمد .. بصراحة الدوري الإيطالي بالنسبة لي ممل إلا بعض المباريات .. لكن ما يعني هالشيء انه دوري فاشل .. لأني أشوف هالعالم يعشقون هالدوري فـ أكيد لاقين فيه شي ما لقيته

آخرها مباراة الانتر و سامبدوريا .. ما اخفيكم اني كنت متحمس جداً لمشاهدة الانتر مع مورينهو .. لكن بصراحة بدا الشوط الاول و بعدها بدقائق و اذا بي في غفوة عميقة

بـ عكس الانجليزي اللي لو حصل لي اشوف مباراة هال سيتي و ستوك سيتي تابعتهم و ما نمت حتى لو اني مواصل

إقتباس


	يكفي بطولات الميلان خارجيـاً .. وبطولات اليوفي محليـاً

فواز بالله حط الدحمي مع المدرعمين

اجل بطولات اليوفي المحلية دحوم

ورده

أما أحمد [ اليوفي و بس ] شف بقول لك على شغلة .. الأندية الإنجليزي في الأربع سنوات الأخيرة بدأت و بقوة في العودة خارجياً .. قرينا عن ليفربول و أستون فيلا و نوتنغهام فترة الثمانينات

و أنت أكيد عارف هالشي لكن للتذكير بس .. و شفنا من قبل مشاكل الكالتشيو فريقين على الأقل في نصف النهائي يكونون إنجليز .. 2005 كانوا ليفربول و تشيلسي .. 2006 ما كان فيه الا ارسنال .. 2007 تشيلسي و الليفر و المان .. 2008 نفس الفرق في السنة اللي قبلها

طيب مشاكل الكالتشيو أكيد أثرت على اليوفي فقط من وجهة نظري .. اما الميلان فـ على أرض الواقع ما أشوف انه تأثر لأنه تحصل على بطولة أوروبية بعد نهاية هالمشاكل .. و إن كان فيه خلل فـ هو من الميلان نفسه و ليس من تلك المشاكل

و الإنتر هو اللي ما تأثر أبداً .. بالعكس إستفاد كثيييير .. بإنضمام فييرا و إبراموفيتش لـ فريقه .. لكن لا يزال غريب في الابطال .. يعني الابطال ما فقدت الا اليوفي .. اما روما فـ يسمحون لي عشاقه ما تأثر و هذا هو و لا عمره وصل لمرتبة أعلى من كذا حسب معلوماتي الضعيفة

الأندية الإنجليزية صارت أقوى .. و لا زالت تزداد قوة إذا ما صدقت الأخبار التي تتكلم عن مانشستر سيتي و إستطاعوا الإماراتيين تزويده بالنجوم و رفعه إلى مصاف الاندية الكبرى في إنجلترا

ممكن فيه عوامل أهم من عامل فضيحة الدوري الإيطالي .. مثل الإستثمار المفتوح في إنجلترا و هذا أشوفه شيء يحسب لـ صالح الأندية الإنجليزي و هذي هي النقطة اللي تكلموا عنها الشباب و كأنها سلبية و بالنسبة لي أشوفها إيجابية

على ما أذكر ان ابراموفيتش يوم اشترى تشيلسي أدى القسم .. و لا ابي اشطح و اقول برلمان لكن المكان اللي ادى فيه القسم يشبه هالمكان .. هذي معلومة جت في بالي و قلت احطها

فـ اذا فيه مثلاً رجل أعمال بيشتري نادي ليفربول مثلاً .. و بإمكانه ضخ الأموال في الفريق و إعادته أفضل مما كان محلياً فـ وش المشكلة في انهم يبيعونه عليه .. ابي اعرف بالضبط وش المشكلة في أن يكون مالك النادي غير إنجليزي .. يا جماعة الخير ترى مهوب الهلال نقول ما يشتريه الا سعودي .. بالعكس حتى الهلال اللي هو فريقي و عشقي الأول لو يشتريه مستثمر أجنبي و أضمن انه بيساعد في تطوير النادي بشكل مختلف و كان القرار عندي ما راح اخالف هالشيء أبداً .. لكن بشرط أن يؤدي القسم زيه زي هالانجليز مع ابراموفيتش .. يعني يتعهد انه يرفع من مكانة الفريق الرفيعة بالاساس و ما ياخذه على انه استثمار فقط

تكلمت كثير و خذيت من وقتكم الكثير .. و يا احمد بالنسبة لسؤالك الاول ما فهمته زين .. و برجع اقراه لعلي افهمه .. تخبر هالوقت الواحد ما يجمع خاصةً انه ما تسحر

بس مدري وشلون طلعت كل هالبربرة

لكم ورده