هذا الكلام لشخص مجرب الشريط
..

منقول من البوابة الرقمية

....


بقول الاشياء اللي انا لاحظتها وماقريتها من قبل وانتو تحكمون على الايجابي والسلبي فيها

1- اللياقه صارت افضل من قبل .. يعني اول نلعب لو نركض في اللاعب طول المباراه مايتعب واما الحين لازم توفر اللياقه حق مجريات المباراه تنقص اسرع من قبل لو انك بتستمر على اسلوب الركض المتواصل ... وغير كذا عداد اللياقه تطور كثير وصار اوضح وهو عباره عن عداد وفيه ثلاث الوان .اخضر.....برتقالي...احمر

2- لمن تلعبون 2 ضد 2 او بي برو او 5ضد5 10 ضد 10 والخ اللاعب اللي ماعنده الكوره تضغط فيه مثلث او اكس يرفع يده لطلب الكوره

3- المهارات صحيح صارت سلسه اكثر واسهل في التنفيذ بس الاستفاده منها صارت اصعب
يعني مو سهل تسحب خصوصا ضد الكمبيوتر في المستوى الصعب واللي قبله ورد كلاس

4- اتاحه الفرصه وتطبيقها روووعه واحسن من قبل بكثيييييير

5- اول كان يصير فيه تلاصق بين اللاعبين .. خصوصا اللي يلعبون 2 ضد 2 او بي برو كانو يعانون هالشئ ويعرفونه والحين حلو هذي المشكله
6- الجماهير شئ خيالي .. اهازيج وتفاعل واجواء

7- اللعب في الليل صار احلى بكثير من اول من ناحيه الاضاءه خصوصا

8- التنقلات و التحرك في المنيو وقوائم اللعبه صار اسهل من قبل وسلس اكثر
9- الكمبيوتر تطور مستواه وصار اصعب من قبل
10- طاقات اللاعبين بصراحه افضل من قبل .. سواء كانت مرتفعه او نازله... وعطو فرق مهضومه في فيفا08 حقها مثل اليوفي

11- لكل لاعب طريقته في تنفيذ الفاولات ... مثلا كرستيانو تشوفه ياخذ نفس عميق قبل الفاول وله وقفه مميزه مثل الواقع تماما

12- الاحتفال بالاهداف... فيه شئ حلو لمن تجيب هدف مثلا نقول بديل بييرو .. تطلعلك الحركه الخاصه او اللي يسويها ديل بييرو دايما .. مثلا يكتبلك في الشاشه L2 L3 ويحطلك الاسهم
طبعا انت تقدر تسويها او تسوي حركه في بالك ثانيه لك الخيار... وفيه شئ حلو احيانا تجيب مثلا هدف وانت مهزوم 3 صفر تقدر تلغي الاحتفال وتخلي اللاعبين يرجعون الى ملعبهم بدون اي احتفاليه بس مجرد مشي ... او احيانا مثلا تكون فايز بنتيجه كبيره خلاص ماتبي تحتفل بالهدف تلغي الاحتفال وتشوف اللاعب يمشي عادي

وصدقوني فيه اشياء جديده فوق واكبر من اللي تتصورونه بس انا ذكرت نقاط على السريع وانتو بتجربون وبتشوفون
فيه اشياء كثيره بس حاليا مو جايه في بالي وغير كذا فيه اشياء تحسها وماتشوفها


طبعا بتستغربون ليه ماتكلمت عن المنجر مود والاونلاين وباقي الاطوار
بس لان زحمه هنا ومافي فرصه اني اجرب