|
,, يـمـكن مـدرسـة تـانـيـة !! السلام عليكم ورحمة الله وبركاته .. الشهر عليكم مبارك .. تقبل الله من الجميع الصيام والقيام .. وردهوردهورده بما إن الناس اجازة ... وناسية المدارس .. حبيت أذكركم شوي فيها .. يعني تراها قربت :naughty: حدث لي موقف محرج .. وغريب .. مع مدرسة .. كنت مقدمة على وظيفة عندها !! طبعاً علشان تفهمون وماتدوخكم روسكم .. بأعلمكم الـ CV بتاعتي .. باختصــــار <<< تعبت من كثر ماأعيدها:) أنا تخرجت من الثانوي بنسبة ممتازة ولله الحمد .. سجلت انجلش في احدى الجامعات العريقة بالرياض .. لكن لسوء حظي .. كان القسم حديث العهد !! عشت مع بعض الصديقات و كثير من الزميلات تجربة سيئة جداً .. (يعني كانت بدايات القسم بوجيهنا واللي حولنا بالدفعات).. وفي الاخير استخرت إني أنسحب .. سجلت في معهد نيوهورايزن وأخذت دبلوم إدارة ومكاتب .. ولله الحمد نجحت بإمتياز :smilie47:!! بدأت أدور على وظيفة .. أياً كانت أهم شيء أستفيد خبرة .. وبعدين يصير خير .. خصوصاً إني سجلت بالجامعه اللحين !!لكن تعليم عن بُعد .. يعني ممكن أتوظف وأدرس بنفس الوقت !! طبعا أكيد ناس بتقول ليش تتوظفين ؟؟ لأني أدرس عن طريق النت .. وأنا أبي وقتي يتنظم .. وأطلع .. قعدة البيت تضيق الصدر s79s **************** قدمت على بعض المدارس الأهلية .. وقلت لهم معلوماتي .. عندي لغة لابأس فيها .. ومعاي دبلوم .. قالوا خلي بياناتك عندنا ونشوف اذا احتجنا.. جلست كم شهر ..بعدين ..جاء ذاك اليوم ..... كنت نايمة بحفظ الله ورعايته قبل شهر ونص تقريباً :stoned:.. صحتني أمي وقالت مدارس (.....) يبغونك ع التيلفون .. رحت أركض :clap:.. ورديت قالت :: (أخت ..... عاوزينك تحضري بكرى الساعه 10 للمقابلة الشخصية ) قلت لها :: أبشري والله .. ولا يهمك:smilie47: طالعة ذاك اليوم مع أهلي فرحاااانه s9s ..خصوصاً إنه عمل مكتبي ذيك الليلة مانمت ... مواااصلة إلى الساعه تسعة .. تجهزت وقرأت أشياء مهمة عن المقابلة الشخصية .. ورحت قبل الموعد بربع ساعه .. جلست بساحتهم أنتظر الساعه عشرة تجي .. وأنا أدعي .. وأتخيل :stoned:هنا بيكون مكان عملي .. ايش بسوي هنا !!! هواجيس:surprised: قطع علي حبل أفكاري الضعيف .. بنات يدرعمون دقيقة ويطلعون .. قلت الوظيفة راحت وأنا داقتن هوجاس:bigeek: .. وأقوم وأدخل بخجلs9s !! لقيت بالغرفة ثلاث موظفات .. قالوا مين ؟؟ قلت اسمي الكامل من الفرحة .. سألوني ايش تخصصي ومتى قدمت ووووو ؟؟ أسئلة كثيير اللي تسألني دورت بالأوراق اللي معها .. وقالت مامعيش اسمك !! جلسوني عندهم و دوروا كلهم ومالقوني s16s كل وحدة تتهم الثانية أنت اللي اتصلتي ؟؟ وذيك تقول لا والله !! جت وحده على بالها لقت حل خطيييرs60s .. و تتخيل إني باشكرها وأحبها على راسها .. قالت :: ( يمكن مدرسة تانية !! موش إحنا:bigeek::bigeek::bigeek: ) <<<< ياااااربي أنا هنا وش أسوي:upset: قلت:: ليش مو أنتم مدارس (.......) قالت ::إلا .. قلت :: انثبري أجل:razz: آخر شيء بعد محاولات .. قالوا أكيد أوراقك مع المديرة .. وهي مو موجودة اللحين اتصلي عليها بكرى الساعه 1 وتلقينها *********** جاء بكرى ,,, اتصلت فيها .. وردت وحدة من حقات أمس !!<<< لا حول ولاقوة إلا بالله ... وش تبي ذيs79s ؟؟ قلت لها أبي المديرة :: قالت أنتي مين ؟؟ يوم عرفت قالت :: أنت بتاعة الدبلوم ؟؟؟!؟!! خلاص الوظائف الإدارية خلص التعيين عليها !! قلت يالله بس طسي وعطيني المديرة .. قالت ترجع بعد ساعة .. اتصلت بعد ساعه :: وردت علي .. سلمت عليها !! وقلت بسم الله أببدأ كلامي !! شوفوا الحوار :stoned:<<< أدري إني أزعجتكم بــ (قالت ,, و قلت ):yes: المديرة :: أنت اللي اتصلتي أمس؟؟ أنا :: لا المديرة :: إلا أنا معي ورقة بأسامي المتصلات .. واسمك موجود !! أنا :: والله ما اتصلت ... أنتم اللي متصلين علي !! المديرة :: انت ليه كذا ... ليه ملزمة على مدرستنا .. فيه مدارس كثيير حولنا .. إش معنى إحنا <<<< وش رايكم بالهجوم؟؟ أنا والفيس كذا:bigeek:s16ss16s:: لحظة شوي واسمعيني .. أنا ما أتصلت .. أنتم اتصلتوا ورحت أمس .. طوط طوط طوط <<< سكرت السماعة بوجهي بغيت أتصل وأتهاوش .. بس أختي قالت لي اصبري .. أنا أبتصل على وحدة تعرفها .. قلت لها خلاص ما أبي ولاتتصلين على أحدs16s طلعت فوق غرفتي .. وقعدت أصيييييحs16ss16s بعدين قلت خلاص .. يارب خيره:yes::smilie47: طيب ليه ؟؟ أنتم اتصلتوا .!! وقلتوا لي تعالي !! وقلتوا لي اتصلي !! أنا والله مالي دخل !! ليش تهاوشني على مزاجها .. بعدين تسكرها بوجهي !! اذا هي تبي الوظيفة لأحد ثاني .. كيفها .. وما أبيها .. بس لا تتصل وتدورني:nono: واذاهي لقت اللي أكفأ مني .. تقول لي !! مانيب قايلة غصب أبيها !! بأعرف وأفهم وأسكت !! اللي عنده جواب يعلمني:yes: وفيه سؤال ثاني !! كم مرة كتبت ..قلت ؟؟؟ وقالت ؟؟ <<< ترى هذا السؤال من فعاليات المجلس الرمضانية :razz: أختكم .....:smilie47: |
الله يعينك اختي وييسر امورك ويستمر التخلف في بعض الجهات لدينا في السعودية انا ياختي صار لي موضوع يشبه موضوعك الى حد ما خلصت الثانوية قبل العام وانقبلت في الهندسة العام وتيسرت الامور ما ارتحت للهندسة ما احب الفيزياء المهم قدمت عالخطوط الجوية عندهم برنامج ابتعاث وتيسرت الامور وسحبت شهادتي من الجامعة وانقبلت في الخطوط وجابوا لي قبول وهالحين مابقى عالدراسة الا شهر قالوا لي ضيعنا ورقة قبولك من الجامعة ونبي نرسل نطلب نسخة ثانية مع العلم انهم من شهرين خلصت اوراق الفيزا وكانوا فاقدين ذيك الورقة وعلمتهم قالوا لا ماعليك حنا الي ضيعناها حنا نجيبها لك والى الان ما جابوها المشكلة انه لازم تجي الورقة الاسبوع هذا عشان يكملون باقي الاوراق وخصوصا انه مابقى عالدراسة الا شهر واحد الله يعين وييسر الامور وان شاء الله تتحسن الاحوال لا والي قاهرني انه الموظف هذا يقول انا قلت لهم يطلبونها بس طلعت اجازة الشهر الي فات وكان مستلم ملفك موظف ثاني وهالحين هو طلع اجازة والله العالم ان شغل الواسطات بدا وجت على راسي لكن ان شاء الله يطلع ظني خطا وتتيسر الامور اخوك |
وعليكم السلام ورحمة الله وبركاته هلا وغلا اختي المحبره..ورده عليك توقيت كذا..s60s:d:d إقتباس:
إقتباس:
إقتباس:
إقتباس:
حسبنا الله عليهم..:( الواحد يتعب ويضحي ويكرف وفي الاخير ما يحصل شيء..:( اختاه..ورده ان شاءالله تحصلين الوظيفه اللي تتمنيها بالقريب العاجل..:smilie47: وبالتوفيق يارب..:smilie47: سلاااااااااااااااااااااااااام |
وعليكم السلام ورحمة الله وبركآته أهلاً وسهلاً بالغاليه المحبرة :smilie47: الله يعيده علينا وعليك باليمن والبركه ,, اللهم آميــن حسبي الله عليهم والله الوآحد يتعب ويشقى وآخر شي يروح هبآء منثور الله يرزقك الوظيفة الحلوة بالقريب العاجل إن شاء الله :) أجل التحايا وأعذبها ورده |
السلام عليكم .. ماأقول ألا الله يعينك أن شاء الله ..:yes: والله أن طحتي بيد هالمصريات منتب ماشيه الصراحه ..:yes: نفس المدرسين بالثنوي إذا تبيه يزودك درجات تجيبله تقويم السنه ..:d زين يعني بالزمن هذا ممكن نلقى وظايف ..أجل أخواننا اللي بالأبتدائي الظاهرمافيه ألا قوة كنس بالشوارع ..:d الحمدلله ماكتبت لك المدرسه أنه يكتب لك شي أفضل من المدرسه .. وأن شاء الله تدخلين الشغل اللي برأسك ..:) وحبيت أقولك أدعي قبل الفطور ... وأخر ساعه من يوم الجمعه المبارك .. ولاتستعجلين على رزقك ..:) مبارك عليكم الشهر ..:smilie47: |
الله يرزقك باحسن منها. ودي امسك المديره واجلدها. قهرتني. لو انا بدالك رحت لمهم وجلدتهم وحده وحده. تحياتي |
قايل لكم انا .. فيه ناس قسم بالله انها تشتغل بدون ذمة ولا ضمير .. حسبي الله عليهم :@ .. / يالله خـيرة ان شاء الله .. ومعـوضين بالوظيـفة الأحلى والأجمل والأكمل ^_^ .. \ إقتباس:
إقتباس:
|
هلا اختي المحبره ...ورده وكل عام وانت بخير ... بصراحة قصة عجيبة .. وهذا اللي يسمونه البروقراطية :stoned: من جد هندنا فساد اداري شنيع ...؟! الله يعوضك بالوظيفة الافضل .. زحلي ثقتي بالله كبيرة ... دمتم بخير ,,, |
مـاا تـدريـن الـخـيـرة ويـن هـي فـيـه .. الـلـه يـكـتـبـلـك وظـيـفـة أحـسـن مـنـهـااا .. كـاان الـلـه فـي عـونـك مـن الـبـيـروقـراااطـيـة عـلـى قـوول أبـومـقـبـل .. دمـتَ بـود .. |
إقتباس:
محبره..ورده المعذره..بس هذا المشرف زودها شويتين..:smilie47::d سلاااااااااااااااااااااام |
الأخت الكريمه " المحبره " ... كل عام وانت بخير ونسأل الله لك التوفيق وان يجبر بخاطرك من هؤلاء .......... :upset: للأسف هنالك اشخاص ليس لهم خلق ويفتقدون الى اقل مقومات الأدب أخشى ان تكوني ضحية عبث مجموعة من المدرسات يهوين اللهو في حاجات الناس .. واتمنى من مثل هؤلاء المدرسات البحث عن وظيفة وضيعة تتوافق مع اخلاقهن الوضيعة ايضا .. مدرسات وكذابات وعابثات ماهذه المسخرة ؟!! اما المديرة .. فأعتقد ان هنالك خطا ما .. فوفق الأسلوب الذي تفضلتي به فأعتقد ان هذه مديرة " بقرية " اي انها تمتلك قدرة مميزة على محاكاة الأبقار .. واعتقد لو دققتي السمع جيدا لكنتي وجدتيها تختم حديثها بعبارة " مووووووو " ،،، المشكلة اني تخيلت نفسي في مكانك فشعرت بالقهر ان اقع ضحية هؤلاء العابثين :upset: قد نكون أسأنا الظن والتقدير لهم .. ولكن للأسف ان هذه النماذج مليئة في مجتمعاتنا .. استهتار واستخفاف في مشاعر الآخرين .. كان بأمكانهم تقديم اعتذارهم لك والتعامل بشكل أكثر أدب ولباقة ،،، بأذن الله موفقة يا اختي .. وللأسف اذا ما اردت خوض الحياه المهنية فعليكي ان تستعدي لمواجهة مثل هذه النماذج وأكثر من ذلك .. سوف تتعرضين لكثير من الاستفزازات وكثير من الشبهات .. عليكي بالصبر وتقديم رضى الله ونتمنى لك التوفيق ،،، |
أهلين المحبره.. علينا وعليك يارب... بالنسبة لسالفتك فهو مثل ماقال الاخوان فيه ناس تشتغل بدون ذمة ولا ضمير... يعني الغلط كان منها ,تتصل عليك وبعدين تقول مافيه وظائف وتقفل الخط بوجهك ...وينا فيه يعني طيب بالاول كان قالت لك بأسلوب افضل من هالاسلوب ان مافيه وظائف بس مو بهالطريقة الهمجية يعني ..... إقتباس:
بعدين والله لو انا مكانك اكيد رح احس بالقهر .. أختي المحبرة يمكن خيره ماتدرين ... والله يرزقك أفضل من هالوظيفه يارب ... موفقه يارب .. كل الود..,, |
شيء يرفع الضغط .. عالعموم باذن الله انه فيها خيرة .. والي مكتوب لك بـ تلقينه .. انا عندي جواب عالسؤال حقك :d .. قلتيها 13 مرة :d .. ي رب صح :razz: الله يوفقك ي رب ... |
هلا المحبره آمين يارب وكل عام وانتي بخير :smilie47: بالنسبه للمدارس الأهليه خاصه إذا كانت المديره مثل ماتفضلتي مصريه او سوريه < صح مابعد اذن الفجر :d المهم تكون شايفه حالها بزياده على المعلمات السعوديات وتضغطهم بالشغل :upset: ضغط مو طبيعي حتى يوم الخميس بعض الاحيان يروحون :bigeek: اختي دخلتها ماطولت شهرين بالكثير الماما :d:smilie47: قايله لها من البدايه ترا شغلهم كثير وراح تنضغطين كثير بس هي لأنها ملت بالبيت وماتبي تكمل الماجستير الحين قالت راح ادخل واجرب s13s دخلت وارتاعت هي تقول ماهمني التعب كل شي يحتاج تعب وشغل بس مو بهذا الشكل :bigeek: قالت لهم خلاص مقدر اكمل شهرين كفايه متى ماتسنعتوا جيت :d بعد اسبوع من وساعة الوجه كلموها :bigeek: لاحظي وهي خلاص تعتبر قدمت استقالتها قالوا تعالي في اوراق للماده اللي كنتي تدرسينها نبيك تصححينها :bigeek: لان عندنا ضغط ومدري إيش :upset: هي قالت خير وينا فيه :bigeek: خلاص ماراح اجي انقطعت العلاقه بيني وبينكم الله يوفقني ويوفقكم :smilie47: يعني انا مدري وش تحسبه هالمديره من جدها معلمه استقالت تدقين تقولين تعالي صححي صدز مايستحون :d << يؤ يؤ كني قلت قصة حياة اختي :bigeek::d سوري سوري المحبره بس موضوعك ذكرني فيها :razz: الله يوفقكم ويرزقكم الوظيفه الزينه اللي تعجبكم :smilie47: عوافي |
لاحول ولا قوة الا بالله شي يقهر صراحة لما الواحد يشوف مصيره بيد ناس من هالنوعية !! مدري شلون مديرة مدرسة وبقلة الادب والاحترام هذا ؟؟ العتب عالي اختارها .. الله يعوضك اخير منها يارب ويكتبلك الصالح:) |
| الوقت المعتمد في المنتدى بتوقيت جرينتش +3.
الوقت الان » 05:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd