,, يـمـكن مـدرسـة تـانـيـة !! - صفحة رقم 2 - نادي الهلال السعودي - شبكة الزعيم

صدى الامس · #16 04/09/2008, 06:10 AM

هلا والله المحبره ..

مهنا شي جديد من اللي صار ؟؟ سمعنا هالسوالف مليون مره !!
تعودنا بهالديرة ان اهلها ما يلقون وظايف وشلون وكيف ما ادري ؟؟!!
اللي يرفع الضغط بغض النظر عن تصريفهم لتس .. وانتس ناشبه لهم ..!
يرفع الضغط تصرف المديرة اللي مدري وش يبي ؟!؟!
ومدري وشلون صبرتي وسكتي عليها وما اتصلتي وغسلتي شراعها غسل .!!
اجل تصك التلفون بوجهتس من دون سبب ومن دون اي مقدمات ؟؟
وين حنا فيه ؟؟ لا يكون تحسبتس تشحذينها (وانتي محشومه ومكرمه من هالشي ) .!!
لا يكون تبي تعطيتس من كيسها الخاص ؟؟! تراهي وظيفة وهم اللي متصلين عليتس لا الله ابوهم ولا ابو مدرستهم << تحمست شوي بس منب اطيق الحركات هذي .!!

السبب بالأول والاخير على قولة ابو مقبل "البروقراطية" لها دور بالشي هذا مع اني مدري وش معناها لكن اثق في مشرفنا ..!

ان شاء الله انها خيره ..

الله يوفقتس ويرزقتس الوظيفة السنعة يارب اللي احسن من وظيفتهم بمليون مره ..!
وكل شاب وشابه في هالبلد وكل بلاد المسلمين يارب العالمين ..!
وان شاء الله تدور الايام وتجي المديرة تبي منتس شغله وتكسحينها

..!

إقتباس


	كم مرة كتبت ..قلت ؟؟؟ وقالت ؟؟

قلت كتبتيها 13 مره ومن ضمنها اللي في السؤال .. واذا منتب حاسبه السؤال فيكون كتبتيها 12 مره ..

قالت كتبتيها 11 مره ومن ضمنها اللي في السؤال .. اذا منتب حاسبه السؤال فيكون كتبتيها 10 مرات ..

هاه متى اجي استلم الجائزة

??

جرح يشكي · #17 04/09/2008, 06:24 AM

قسم بالله بغيت ادعي على المديره .. بـ اوفر الدعوه واقول ..

الله يرزقك بـ الوظيفه اللي تعجبك

والله العظيم اني حاس بـ القهر من تصرف المديره

اخوك

هلاليه كووول22 · #18 04/09/2008, 06:53 AM

هلا والله المحبره..

تصرف المديرة يقهر اجل تسكر الخط في وجهك

حسبي الله ونعم الوكيل

الله يرزقك الوظيفه

ويكتب لك الخير وين مايكون

sowaid · #19 04/09/2008, 07:47 AM

الله يرزقك بأحسن منها
قد تكون خيره لك
لاعدمناكـ

الـمـشـاغـب · #20 04/09/2008, 10:20 PM

أهلين بالمبدعة المحبرة ورده

بصراحة ضاق صدري ..!!

الله يكتب لك اللي فيه الخير .. ويعوضك بوظيفة أحسن من هالوظيفة ورده

صدق ان هالشي يغبن .. وليتك تعطيني رقم هالمديرة عشان أهزئها لأني حقدت عليها ..! <<< أدري أدري يا أبوناصر انك بتقول اني ناوي أتخرفن على المديرة .. خلاص انثبر

المهم .. مثل ما دقوا عليك أهل هالمدرسة .. ان شاء الله يدقون عليك أهل مدرسة ثانية .. الله كريم ورده

الله يوفقك بالدنيا والآخرة .. وتكملين تعليمك عن بعد وتصيرين مديرة على هالمديرة المصرية الدبة بتاعة الفول والطعمية

مثل ما توقعت .. مثل ما ردودك حلوة .. موضوعك جاء حلو .. ولو أن هالمصريات رفعوا ضغطي :@ :@

تقبلي تحياتي ورده

بـنـ**الزعيم**ــت · #21 05/09/2008, 12:36 AM

ياااقلبي انتي كسرتي خااطري
والله يقهرون لو انا منك لااتصل على المديره مره ثانيه واغسل شرعها

اعلمها وش لوون تكذب وتسكر السماااعه بوجهي

الله يرزقك الوظيفه

ياااارب

بريماكس · #22 05/09/2008, 02:15 AM

اهلين اختي المحبره ورده

حاسين باللي صارلك ولاتستغربين .. مثله صار لغيرك كثير ربك يعين وبس !!!
ماتخاف الله ولا عليه رقيب وقلة ادب وش ترجين منه ؟ !

الله يوفقك ويرزقك الوظيفه اللي افضل واريح من هذي بمليون مره

وماهنا على الله شئ كايد !!

ويمكن خيره كاتبلك الله افضل منهااا ورده

ولاتستعجلين رزقك كاتبه الله لك

أهذب تحيه والله يوفقك ياارب ورده

أسيرة الزعيم · #23 05/09/2008, 07:45 AM

صدقاً لم أجد تفسيراً لتصرفٍ كهذا !!
من الأساس لماذا تم الاستدعاء إن كانت الأماكن بالنسبة لهم معروف من سيأخذها ؟!

أسأل الله أن يعوضك خيراً يا أختي .. ويرزقك الكريم من عنده ..
أعلم أن الأمر مزعج و لكن تأكدي أن الخيرة هنا قد لا نراها ..

في هذا الشهر الفضيل .. ندعوه أن ييسر لك ما فيه خير ..

إقتباس

الرسالة الأصلية كتبت بواسطة صدى الأمس


	وان شاء الله تدور الايام وتجي المديرة تبي منتس شغله وتكسحينها ..!

كان الله في عون من طلبت منه شيئاً في يوم ما يا عميدنا و تهوّر و ردّك

مرسى عيونك · #24 06/09/2008, 10:04 PM

و عليكم السلام ورحمة الله وبركاته
مرحبا أختي المحبرة

يلا الله يعينك على غثاء تدوير وظيفه
أختي من يوم تخرجت وهي من وظيفه للثانيه
الى الحين ماستقرت على وظيفه ووقت طويل
كلها ست شهور او سنه مافيه وظيفه
استقرت فيها ...

و إن شاء الله تتوظفين و تفتكين

الله يوفقكـ

أم سؤالك الثاني كم مره قلتي ( قالت و قلت )

إجابتي هي
( أكثر من مره )
وش رأيك بالاجابه ؟!

تقبلي مروري
أخـــتـــك
مرسى عيونك

فهدوش · #25 07/09/2008, 07:17 AM

اول شي ضيقتي صدري يوم كتبتي المدرسة قربت في بداية موضوعك الله يهديك بس حومتي كبودنا واحنا صايمين

ثانيا : شي طبيعي يصير معاك كذا
لأن ماعندك وااسطة للأسف صار كل شي بالواسطة وبالمعارف وياليتك كلمتي ذا المديرة مرة ثانية وهزئتيها وبردتي حرتك ولا تيأسين
والله يعينك ان شالله وتحصلين وظيفتك اللي تبينها مع انك جبتي لي المرارة والهم في بداية الموضوع بس يالله باقي شهر وكم يوم نوسع صدورنا فيها

المحبره · #26 08/09/2008, 05:46 AM

مشكور أخوي ابو ياسر ..
تشرفت .. الله يخليك ورده

إقتباس

الرسالة الأصلية كتبت بواسطة ابو ياسرالهلالي


	خلصت الثانوية قبل العام وانقبلت في الهندسة العام وتيسرت الامور ما ارتحت للهندسة ما احب الفيزياء المهم قدمت عالخطوط الجوية عندهم برنامج ابتعاث وتيسرت الامور وسحبت شهادتي من الجامعة وانقبلت في الخطوط وجابوا لي قبول وهالحين مابقى عالدراسة الا شهر قالوا لي ضيعنا ورقة قبولك من الجامعة ونبي نرسل نطلب نسخة ثانية مع العلم انهم من شهرين خلصت اوراق الفيزا وكانوا فاقدين ذيك الورقة وعلمتهم قالوا لا ماعليك حنا الي ضيعناها حنا نجيبها لك والى الان ما جابوها المشكلة انه لازم تجي الورقة الاسبوع هذا عشان يكملون باقي الاوراق وخصوصا انه مابقى عالدراسة الا شهر واحد الله يعين وييسر الامور وان شاء الله تتحسن الاحوال لا والي قاهرني انه الموظف هذا يقول انا قلت لهم يطلبونها بس طلعت اجازة الشهر الي فات وكان مستلم ملفك موظف ثاني وهالحين هو طلع اجازة والله العالم ان شغل الواسطات بدا وجت على راسي لكن ان شاء الله يطلع ظني خطا وتتيسر الامور اخوك

والله قهر ..!
والصدق الموقف اللي صار لك يقهر أكثر من موقفي ..!
يعني مهما كان .. هذي بعثه .. وممكن تتأجل بسبب استهتار موظفين

بس إن شاء الله تتسهل .. بما إن الخطوط قبلتك .. ومابقى إلا شي بسيط ..!

أتمنى لك التوفيق .. و يارب يلقونها ..
واذا لقيتها .. بشر

وأنا أختك .. الله ييسر امورك و يوفقك ..

شكرا ورده

المحبره · #27 08/09/2008, 06:04 AM

هلا أبو ناصر .. ورده
توني قاريه يومك البنشري

إقتباس

الرسالة الأصلية كتبت بواسطة abo_nasser


	واضح ان المتصل ست مصريه..انا ماعمري شفت ...............................اللهم اني صايم(باعدل الرد بعد الفطور)..

برافو عليك

هي مصرية

بس والله مو كلهم>> ( الشي اللي بتكتبه اذا أفطرت ولاكتبته

) فيهم بنات حلال

إقتباس

الرسالة الأصلية كتبت بواسطة abo_nasser


	جحدتها هههههههههههههههههههههههههههههههههههههههههههههه

ايه والله جحدتني .. شر جحدة

حسبي الله ونعم الوكيل ..

إقتباس

الرسالة الأصلية كتبت بواسطة abo_nasser


	وبالتوفيق يارب..

آآآمين ..
تسلم .. الله يخليك ورده

شكراً شرفني مرورك ورده ورده

كارولين · #28 08/09/2008, 12:25 PM

فــليهـىآ ومــاعليكـ
وان شاء الله بتلقين وظيفه

اليزابيث هيرلي · #29 08/09/2008, 09:39 PM

في المجال المهني للتعليم , تفتقر الكثير من المسؤولات إلى أبسط أساسيات الذوق في التعامل وأدب الحوار.
فمن واقع تجربة شخصية وجدت أن الحل يقضي بعدم التزام الصمت تجاه أي موقف يحدث بل لابد من الرد بأسلوب مهذب وتوضيح الخطأ الذي وقعت فيه حتى تحسن من أسلوبها في المرات القادمة,
(مهما كان علو منصبها).

وما حدث معكِ ليس بأمر مستغرب , ففي المدارس الأهلية تحديداً تكون المعاناة أكبر
فوجودكِ مشروط بتلبية الأوامر وتنفيذها من دون نقاش أو حتى إبداء إستياء ..

لعل في الأمر خيراً لكِ ياغاليه

..

والقادم أفضل بإذن الله ..

abu_riman · #30 09/09/2008, 01:12 AM

الشهر مبارك .

و عسى أن تكرهوا شيئاً و هو خير لكم ، و عسى أن تكرهوا شيئاً و يجعل الله فيه خيراً كثيراً .

لا أقصدك إنما هي كلمة أجد هذا المكان مناسباً لها .
كثير منا يطلب الخيرة من الله في أمره ، ثم هو يكره ما يختار الله أو يحزن !!

إذاً اطلب من الله ما تريد و لا تطلب منه ما فيه الخير لك ، أو عليك أن ترضى بما يختاره .

شكراً لك ، تواجدك مؤخراً و تواصلك مع أعضاء هذا المنتدى مد من مساحة المنتدى الجميلة ، فشكراً لك أخرى .