|
(( يوميات الاعضاء " 2 " )) algohmani يعلنها : " يومياتي مطلوبه عالمياً " !!! فكرة :: سندريلا الهلال</B></B> اعداد ومتابعه:: </B></B> هلالي من ارض اليمن.و الهنوووف</B></B> تصميم : عسيريه</B></B> http://up.do7a.com/get-8-2008-do7a_com_uvlz89ei.jpg</B> لنا من كل عام شهر فضيل .. أعاده الله علينا وعليكم وجميع المسلمين بالخير واليمن والبركات وكل عام وانتم بخير</B></B> **][يوميات رمضانية 1429 هـ </B>♥][</B> **</B> لقد عدنا اليكم .. تحملنا الاشواق للقياكم .. ونسعد ان نعيش معكم .</B></B> . في سلسلة تحمل بين طياتها يوميات الأعضاء الرمضانية من كل عام ،،،</B> هذه السلسلة أنتم أهل بيتها ونحن ضيوفا في حضرتكم ،،،</B></B> أهلا وسهلا بكم أحبتنا ..</B></B> ودعونا نرحب سوية بالمضيف "الثاني"</B></B> المشرف المتميز" algohmani</B>" </B></B> لكي يحكي لنا احداث يومه مع شهر رمضان المبارك .. http://up.do7a.com/get-8-2008-do7a_com_uvlz89ei.jpg</B> السلام عليكم ورحمة الله وبركاته كل عام وإنتم بصحة وسلامة ومبارك عليكم الشهر جعلنا الله من الصائمين القائمين بطاعتهs13s اشكركم اخواني في المجلس العام على استضافتي واختياري للمشاركة معكم وتشريفي بالتواجد بينكم ..:clap: يومي بدا الساعه الثالثه عصرا مع اني بعد ماصليت الظهر سويت التنبيه على اثنين بس لما دق الجرس حق الجوال مددت نومتي وحولته لاثنين ونص ودق الجرس اثنين ونص وماقدرت اصحى ومددته لثلاثه .. بس الساعه ثلاثه صحيت ( يالله صباح خير ) اي صباح صرنا العصر اقلب الجوال واشوف وش فيه من مكالمات فايته ياربي وش عنده رونالدينو متصل هيه ذا مو بلاعب ميلان هذا واحد من الشباب متواعدين انا واياه نروح المحكمه بس كالعاده سحبت نسميه رونالدينو وهو اكبر كديش بحارتنا والحواري المجاوره .. خذيت دش ومن الدجه الجو ساخن عندنا وفتحت السخان ( يالله عصر خير ) بعد ماخذيت دش بمقلب ساخن اطالع بساعتي باقي نص ساعه عن الأذان حق العصر تمام فرصة نقرأ القرآن .. قريت لحد ماقرب توقيت الاقامه للعصر وعلى طول على المسجد صليت العصر 4.15 مساء رجعت للبيت اشوف اذا فيه طلبات ولاشيء ناقص بالبيت ... يالله لك الحمد مافي طلبات .. اسولف مع الاهل ربع ساعه .. 4.30 مساء وين اللاب توب اها جنب سرير النوم اروح افتحه وقبل ادخل يارب مافي خاص لأني متعقد منها ليش لاحد يسألني .. جلست على النت الى ماقبل الأذان بربع ساعه .. فترة ماقبل الأذان هذه الفتره اجلس اطالع بالسمبوسه وهي رايحه جايه واعطيها نظره واحد ماشافها من سنه اها في ايدام قدامي ماني عارف اسمه وعلى فكرة عندنا بالبيت ( بسوي دعايه ) احيان يسوون اكلات ماعرف وش اسمها ولاعرف وشهي بس آكلها وانا ساكت .. المهم هذا الوقت قبل الأذان وانا افطر على اذان جدي ( خال امي مؤذن الله يطول بعمره ) وش فيه جدي تأخر اليوم اها شكله استحلا القعده مع التمر وسايب خلق الله استغفر الله ( اللهم اني صايم ) لا خلاص أذن .. 7.15 مساء في هذا الوقت انا جالس على التلفزيون اتابع طاش ماطاش ( باقي ماعدلت البرمجه قصدي كلنا عيال قريه ) ياكثر الإعلانات يمديني اسوي برنامج لياقي والإعلانات باقي ماخلصت .. انتهى طاش ماطاش على برمجتي وبدأ بيني وبينك ياه انا يعجبني فايز المالكي رهيب ولازم نجلس لبيني وبينك وهنا ينتهي دور التلفزيون 8.15 مساء اها لازم من تشييكه على الطاير على الشبكة قبل اروح اصلي العشاء دخلت النت الماسنجر مافتحته لان وقتي محدود ولازم اخصصه للجمهور حتى موضوعي اللي بالمجلس العام كان ودي اقراه بذاك الوقت ولاقدرت امر عليه .. 8.30 مساء وقت الصلاة مع التراويح 9.30 مساء افتح النت وعين على منتدى الجمهور وعين على القنوات الرياضية من قناة لقناة امسكها من واحد لعشرين ومن عشرين لواحد هذي باقة مفضله بجهازي فيها القنوات الرياضية المفتوحه والمشفره 11.30 مساء هذا الوقت مخصص للشباب ( الشباب يعني الشله مو نادي الشباب ) اروح اسولف معهم وضحك ولازم من صكات شطرنج للي براسه حبه ويبغاني اطحنها المهم لعبت اربع مباريات شطرنج وثلاث فزت فيها ووحده خسارة لاني ماكنت مركز عادتي اذا فزت بثنتين يقل تركيزي واخسر الثالثه .. طبعا المباريات الأربع كلها مع واحد ولا بالعاده اشكل وانوع بس مادري وش فيهم الشباب الظاهر السمبوسه مأثره عليهم وبرضك مشغلين هالمسلسلات ويتابعونها .. بس اعجبني ان واحد منهم نصراوي و شغل سبورت سبعه وكانو جايبين اهداف النصر في الموسم كله جلس يتابع فيها ربع ساعه وانا اطالع واقول لاحول ولاقوة إلا بالله المشكلة في هالربع ساعه اللي جابو فيها اهداف النصر كل شوي وجايه لقطة على بلنتي مو صحيح ويالله الحسابة بتحسب لاحد يقلي يعني ماتتابع مسلسلات انت .. ؟ اي والله ماعاد اتابع ولي سنتين على هالحال مادري يمكن لاني قبل هالسنتين كنت مدمن مسلسلات وبالذات الكويتيه كنت اتابع ثلاث مسلسلات يوميا واحيان اكثر بس الحمد لله الحين ولا مسلسل اذا استثنيت ناصر وعبدالله وفايز المالكي .. 2.00 فجرا وقت للنت هذا الوقت افرغ نفسي تفريغ كامل للشبكة واجلس على حسب عيوني وراسي احيان لين ثمانيه الصبح واحيان لين سبعه وقبل رمضان كنت اجلس لتسعه طبعا والشكر لمشرفنا العزيز (المستشار) ساعدني ببعض الأمور في تعريف كرت الصوت واصبح بامكاني اجلس على النت واسمع قرآن او محاضرة دينيه الحين طبعا الماسنجر مفتوح بس بالنادر اني اسولف فيه الا اذا واحد لي مده منه ولانشدت عن اخباره ففي هذي الحاله انشد في ناس مستثناه طبعا ولازم اسولف معها على الأقل خمس دقائق باليوم وعاده اكلمها بشكل شبة يومي مثل ( SKY ) و ( مجنون الزعيم 9 ) ( ريال فور ايفر ) و ( ابو سعود ) وفي واحد مزعجني مزعجني يوم اسويلة بلوك وايوم افك عنه البلوك .. اذا كنت معصب بلوك واذا رايق افك عنه وكيف الحال .. عساك طيب واسولف لا ولاكني مسوي شيء .. 5 .00 وقت الإقامه لصلاة الفجر وبدون اي تفاهم مع جهازي دايركت على المجلس اصلي الفجر واجلس بالمسجد نص ساعه اقرا قرأن .. 5.45 رجعت للبيت وانا فيني دوخه لان المسجد توهم مضبطين له بويه جديده بس مايخالف معاي غرفة احس انها تعمل بشكل تلقائي على تنظيف الجسم من آثار البويات اصلا جدار غرفتي لو بيشتكي كان اشتكى مني له سنوات وانا ماغيرته حتى بعض اللمبات ضربت من فتره طويلة ولا غيرتها .. مادري ليه بهالوقت سواء برمضان او غير رمضان يجيني احساس داخلي وودي اروح لملعب من ملاعب الحواري وادق بلياقة فيه بس يضرب فيني فيوز ويتسبب بالكسل وافتح لاب توبي وعلى النت .. بلا لياقة بلاهم .. 8.00 صباحا وقت النوم الى اللقاء وداري ان يومياتي ماهي قد كذا لان مافيها مواقف طريفه ولافيها اكشن بس وش نسوي هذي يومي زي ماهوه وعلى فكرة كويس ان المجلس العام وقع معي احتكار لكتابة يومياتي ولا فية موقع فرنسي وموقع ايطالي وموقعين برازيله طلبت يومياتي ورفضت وش رايكم بالصرفيه .. في الختام اشكر مشرفي واستشاري المجلس العام على هالاستضافة التي شرفوني بها والحقيقة انني سعيد وسعيد جدا بتواجدي واستضافتي ومن فرحتي ماعقبت واحد بالديره إلا وقايله انكم بتستضيفوني على الطاري واحد من الشباب احرجني قال اول مره اشوف الضيف يسوي دعاية للبرنامج اللي بيستضيفة خابر العكس يصير .. تحية من قلبي لاتسعها كلمات اللغة العربية ولهجتها العامية لكم جميعا سواء مشرفين او استشاريين او اعضاء او زوار واتمنى ان لا اكون ضيفا ثقيلا تسبب لكم بالغثا وإن فعلت ذلك فالعذر والسموحه منكم وشكرا لكم على رحابة صدركم وتحملكم لي اخوكم : ابو عبدالله http://up.do7a.com/get-8-2008-do7a_com_uvlz89ei.jpg كل الشكر</B> للمتميز**][ " algohmani </B>♥][</B> ** وانتظرونا غداَ مع المشرف المتألق hilalemooot.</B> </B></B>أرق التحايا وأطيبها من </B></B> مشرفيي واستشاريي </B></B> المجلس العام</B></B> |
إقتباس:
إقتباس:
بانتظاركم...:razz: إقتباس:
s60s أيضا الشكر موصول لكم ..:smilie47: كل الود ..:stoned:</B></B></B> |
السلام عليكم ,, يوميات جميلة وهادية طبعاً مع الأخ ابو عبدالله .. إقتباس:
شلون يكون جدك هو خال امك :D عجزت استوعب .. اشرح لنا يعطيك العافية .. إقتباس:
الا على فكرة اصلا حتى لو كانت ربع ساعة اهداف , فـ الهلال لو بيستعرضون اهدافه توصل لساعات وساعات عرضها .. صح ولالا ؟ بالنسبة للمسلسلات فـ أريح لك ماشاءالله انك ما تتابعها لأنها من جد تشغل الواحد وتسرق الوقت .. يالله سترك ! استضافة جميلة :) ,, واختيار موفق .. بإنتظار غد ,, والشكر موصول للقائمين من الإستشاريين على الموضوع .. ما قصرتوا ,, |
إقتباس:
خال الأب وش تقولون له عم الأم وش تقولون له عم الأب وش تقولون له كل هذولي يصيرون جدان وعندنا يصيرون بمثابة الجد ونناديهم بجد خخخخخخخخخخخخخخ لاتقولي بناديه باسمه والله ان يترفس ببطني .. شيباننا لاقفلت معهم ماعندهم مزح يخربونها على طول شكرا واتمنى اني وصلت كما اتمنى الفزعه من الأعضاء لاني احس اني جبت العيد والظاهر بس بديرتنا كذا عم ابوك وخاله وش يقربولك او عم امك وخالها .. ؟ سؤال للأجابه متخيلين شكلي وانا جالس جنب امي واسمعها تنادي الشايب ياخالي وياخالي وانا كيفك ياأحمد عساك طيب ههههههههههه لا وشكلي بدلعه واقوله ياحمدتو .. عموما بالعقل امي تقوله ياخال أحمد انا اقوله ياجد بس اولاده اناديهم باساميهم لاني ماني مستوعب الشغله وشكلي استوعب ان الشايب ذا جدي بكف او بقس خطافي .. لي عوده |
وعليكم السلام ورحمه الله وبركاته هلا والله بك اخوي عبدالله وانتوو بس تتفرجووون على الاكل وحنا نسويه لكم مالت بس :d:d ههههههههههه ليه الواحد لاحترى الاذان يحس انه تاخر حنا برمضان او اذا صار ورانا زواج نحتريه يذن يتاخرر :d:d ههههههههههه حركه البلوك شغاله معاي فيه ناس قلق :d وانا ماتحمل المزعجين بلوك او اوف لاين وكاني ماسويت شي:d قبل كم يوم صديقتي تتكلم ومالي خلق سويت اوف لاين كان الاتصال فصل:d:d:d \ :smilie47: / يعطيك العافيه اخوي عبدالله ضيف خفيف ومتميز وحنا والله الي تشرفنا بقبولك ضيافتنا:) لك كل الشكرs60s والله يتقبل منا ومنكم :) http://www4.0zz0.com/2007/09/11/16/23040663.jpg وهذي هديتي للضيوووف:smilie47: \ / كل الشكر لي:smilie47: ولـ أخوي طارق وللبقيه s60s إقتباس:
وبعضهم ينادون عم ابوه بـ ابوي عبدالله وهكذا:d انا اناديهم عمي خالي عمتي خالتي مثل البابا:d </B></B> الهنوووف كانت هنا ورحلت |
صباح الخير .. وتقبل الله .. من الجميع ورده ورده القحماني .. مرحبا بالمشرف الكريم ورده ماشاء الله يوم هادي ومنظم .. إقتباس:
:upset: هذي المشكلة نفكر .. ونطبخ .. وبالأخير ماتفرق معكم :razz:..يعني كله واحد .. فتوتشيني ولازانيا .. وإلا مفطح :d أهم شي تاكل وأنت ساكت :razz::d الحمدلله إني مو من هواة الطبخ .. وإلا كان عصبت صدق :naughty: استمتعنا بقراءة يومياتك .. دمت بخير .. إقتباس:
جهود مميزة وموفقة .. مشكورين جمييعاً ..:smilie47:ورده |
إقتباس:
ماتحسين انها مشربكه معليش ابفهم لان راسي تشربك يعني امك تناديه ياخال وانتي ياعم ( ماتحسين انها ماتركب ) انا اشوف انه من باب التقدير فقط يقاله ياجد عموما تختلف النظره انتم تقولوله ياعم او ياخال بس انا ماني مستوعب اني اناديه ياعم .. إقتباس:
انا استخدم البلوك للناس اللي غصب تبي تتكلم معاي او تكون اسئلتها مالها داعي ومالي علاقة بها مثلا واحد يجيني ياخوي ناصر الجوهر بيلعب مين بالهجوم خخخخخخخخ شايفني مساعد المدرب ولا مدير المنتخب ولا واحد يطب علي ويقول من معاي واجاوب من وين واجاوب كم عمرك واجاوب فيش تشتغل واجاوب وش تشجع واجاوب من لاعبك المفضل هنا بلوك على طول موديني التحقيق على اخر عمري النتي تقل مسوي اضافة لكوفي عنان بعدين هالفيمتو كني شايفة البارح بموضوع هلاليه انا يعني باقي ماخلص يارب يخلص ونفتك منه نبي تانج:d |
كل الشكر على الموضوع الرااائـــــــــــــع بانتظار المزيد |
استمتعت بحق مع الأخ الحبيب أبي عبدالله و يومه الرمضاني فشكراً له على قبول الإستضافة ، ويبدوا أنني سألتحق بمدرسة (القحماني في التعامل الماسينجراني). |
حي الله الصديق الغالي ابوعبدالله نورت المجلس والله .. :d إقتباس:
إقتباس:
إقتباس:
إقتباس:
إقتباس:
إقتباس:
عاد في رمضان بالذات تكثر الطلعات والتجمعااات الأستراحات والشاليهات تستأجر بالشهر وانواع الزحمه .. ياليتك في الرياض بس كان تسير علينا وبالمره نكملها وننقز للتو سيز :d إقتباس:
ياحبي لك والله أبرك الساعات اللي أشوفك فيها إقتباس:
إقتباس:
< أستريح انت ووجهك على طاري السهم الأحمر اللي حطيته مره كنت اسولف مع ابوي ماسنجر وسألني سؤال وجاوبته بأجابه مالها علاقه بالسؤال ثم رديت عليه بعدها هالرد .. < مايفهم انا اقصد اني انا ما أفهم وابوي ياحبي له مايعرف هالحركه زعل وعصب بغى يجلدني ذاك اليوم يحسبني أقصده :d إقتباس:
إقتباس:
< وش عنده الأستشاري :d إقتباس:
أستمتعت كثيييييرا بالمقابله وألف شكر لمشرفي وإستشاري المجلس على أختيارهم لك وعلى جهودهم الجباره في سبيل الأرتقاء بالمجلس إلى الأفضل |
اخوي عبدالله امي تنادي عمهاا عمي وانا انادي عم امي عمي ابوي ينادي عمه عمي انا انادي عم ابوي عمي وهكذاا يعني اقلد امي وابوي :d:smilie47: اندر ستاند:d لفظ (جدي ) لااطلقه على اجدادي الاصليين كيف بالي مو اصليين:d اناديهم امي فلانه ابوي فلان :smilie47: انا اعشق الفيمتو واحب التانج ولكن لك ماتريد :d http://kshcool.rjeem.com/stock_photos/s_1_7.jpg ثنين بعد مو واحد عاد المشرفين على راسنا :d |
هلا وغلا ابو عبد الله :smilie47: ما شاء الله صباحك عصر :ds60s وعلى طاري رونالدينو في واحد من العيال اذا شفت الاسماء اللي بجواله كنك تشوف تشكيلة مباراة :d تلقى كل اللاعبين عنده انا مسمين كاكا :naughty:>>> اي هين :d طارق العواضي ويخب عليك :stoned::razz: وكويس لقينا واحد يلعب شطرنج :smilie47:s60s تسلم ابو عبد الله على ها المشاركة الجميلة والحضور الطيب ... والله يعطيك العافية ,,, |
إقتباس:
للأمانه احد اقربائي ليس لديه إخوات فهو يدخل المطبخ مع امه عادي ويساعدها بالطبخ واحيان امه تصفط على السرير وهو يطبخ وينفخ .. طبعا تستحق الأم ان نساعدها وان نقف بجوارها وبالعكس المفروض اذا كبرت تجلس بالبيت وتامر امر فهنا يتجلى دور الرجل البطولي بدخول المطبخ اذا لم يكن لديه اخوات طبعا المتزوجين بيعرفون اني اضربها بالجبل لانه على بلاطه كذا اعرف متزوجين منقعين بالمطابخ مع اني ماني بمتخيل نفسي داخل مطبخ بعض الأفكار الجهنميه من بنات هاليومين تحاول زرع في فكر الرجل سما هاريا ان ذلك من باب التعاون الزوجي خخخخخخخخخخخخخخ اي تعاون متخيلين شكلي وانا جالس بالمطبخ وحاط الملح هههههههههه وتجي المدام يابو عبدالله وش ذا كابس القدر كله ملح وحاشيه حشو تقل عندك سكر .......خخخخخخ تنكت عموما المرأه مكانها بالمطبخ عادي والرجل ماغير( رجل على رجل) ويتحراوقت الأذان يجي وياويلكم لو ماتضبطو الأكل على فكرة ايام العزوبيه : كنت اسوي شاهي ومره قفلوها الشباب معاي وقالو لازم نطبخ بالبيت عشان المصاريف عاد انا ماني متعود فنزلو جدول كل يوم اثنين .. يجي دورك يابو عابد تطبخ يعني تطبخ خويي اللي معاي يعرف يطبخ اعماني خلاني اقطع بصل واقطع طماطم يعني انا مساعد عنده بس احلا حاجه يوم فكيت الغطاه الصغيره (حقت قدر الضغط )وطارت وصفقت بالسقف وتسرب المويه اللي بقدر الضغط ( طبعا من قوة الإندفاع تصير كذا ) كل هذا دليل ان الرجل لايصلح لإداء واجبه تجاه المطبخ لي عوده بعد جوله استطلاعيه للجمهور |
أهلاً بالإستشاري .. إختيار مميز وطرح رآئع :) يآهلا ومسهلاً بـ المشرف المميز القحماني ..مآشاء الله تبارك الله يوميات رآئـعه ومنظمة , إستمتعت كثيراً بالقرآءة الشهرعليك مبارك أخـي الكريم ورده الله يعطيك العافيه وعسآك ع القوة s13s |
فتاه هلاليه ابـو ثنيان شكرا لكما على التواجد إقتباس:
مادام بتتحلق فالغاليين التسجيل مجانا بالمدرسه ..:naughty: بس كيف تجي واحد اكبر مني يلتحق بمدرستي :d المفروض انا اخش بمدرستك على طاري الماسنجر والبلوكات ( موقف هديه مني لك ) واحد من المنقعين عندي بالماسنجر طبعا انا رجل نظامي :d بيمدح نفسه وخر بس :naughty: وكذ صارت واحد سولفت معه ربع ساعه وعطاني رابط لموضوع له بالجمهورقلي ابيك ترد ولما فتحت الرد لقيته مخالف نقلت الموضوع للمنقولات وقلت خذ الرابط وشيك على موضوعك رديت :d بشكل رسمي:naughty: جاني يعاتب وش فيك هذي نهاية الصداقة :d عطيته بلوك :naughty: خخخخخخخخخخ الصداقة على جنب وكل شيء الا الامانه في الأشراف ممنوع التهاون فيها وثقة الناس فيك لازم تكون قدها ولا تنحى واعتذر يالله عشانك مشرف جبتلك موقف مشرفين :smilie47: بعدين تعال : (فشكرا على قبوله) هذي خطأ انا اللي المفروض اشكركم على تواجدي هنا انتم شرفتوني بتواجدي بينكم ولهذا انا الذي اقول لك ولكل مشرفي المجلس واستشاريه شكرا من الأعماق ..s13s بعدين ماتشوفني انقز :clap: تقل مسجل في مرمى برشلونه هدف:clapping: |
| الوقت المعتمد في المنتدى بتوقيت جرينتش +3.
الوقت الان » 05:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd