|
رجال وتلعب سوني .. استح على وجهك .. موضوع للنقاش بسم الله الرحمن الرحيم السلام عليكم ورحمة الله .... كل عام وانتم بخير وتقبل الله منا ومنكم صالح الاعمال انه ولي ذلك والقادر عليه . اما بعد : مثل ما قريتم عنوان الموضوع . وهي مشكله حيرت البعض من الشباب وسببت لهم بعض الحرج .فلو رجعنا لتاريخ دخول السوني للمملكه نجده دخل سنة 1417 تقريبا وهناك من الشباب السعودي من ادمن على لعب كرة القدم وتابع الاصدارات المتتابعه للعبه حتى وصل الاصدار الاخير في السوني 3 فلو قلنا بدا اللعب من عمر 17 سنه وبعد مرور 13 سنه على دخوله المملكه بحيث اصبح عمره الان 30 سنه فهو لايزال يمارس لعب السوني . لاكن المشكله ان المجتمع السعودي مجتمع يتميز معظم افراده بالتربيه الرجوليه والبعد عن كل مافيه ميوعه و ضياع للوقت . بحيث ان الرجال الكبار في السن لو وجدو شابا يلعب السوني بعمر الثلاثين او مادون اطلقو عليه عبارات التهزيء والاحتقار ومنها( عيب عليك تلعب وانت رجال + بجيبلك اخوي الصغير يكسر راسك +هاذا كبرك وتلعب لعب البزارين ) فعندما يسمع الشاب مثل هذه العبارات فإنه يصاب بحاله من الحرج والانكسار لانه بالفعل تعود على لعب السوني منذ صغر سنه ووجدها متعه لاتضاهيها متعه عندما يجتمع مع اصدقاءه او أقاربه في البيت او الاستراحه ويتبادلون اللعب فيما بينهم بكل حماس وتشويق بل ان بعض التجمعات تنتهي ب مضاربات ومشاكل كبيره سببها انه انهزم من الاخر او الاخرين سخرو من لعبه وكثرة هزائمه :yes:.فلو تأملنا في اسباب ادمان الشباب على اللعبه نجد من أهمها قله الحركه لدى بعض الشباب بسبب الحياه المترفه وتوفر الاشياء الاساسيه من دخل جيد للاسره وتوفر كافة سبل الراحه . فهذه من الاسباب التي تجعل الشاب يجلس يلعب لساعات طويله وعلى فترات وايام بعيده .لذلك وفي ابرز النقاط الي استخلصها لكم في هذا الموضوع . ان الشاب اذا سمع مثل هذه الكلمات فهو لن يعذره احد ولن يلومه في لعب السوني حتى بعد سن ال 30 وأحيانا قد تسمعون ان هناك ازواج يلعبون مع زوجاتهم بالسوني بكل متعه وسعاده فا جهاز السوني هو بالفعل ادخل المرح والتشويق . وفي أحد الاعلانات الكبيره لشركه سوني عندما طرحت جهازها playstation 3 قبل سنتين ذكرت في الاعلان عباره تقول : ( كل رجل يجب ان يقتني ال playstation 3 ) فهم بهذا الاعلان وهذه العباره ان جهاز العاب السوني يناسب حتى الرجال وليس فقط الشباب .عزيزي القاريء هل تعرضت فعلا لمثل هذا الموقف من ازدراء البعض منك وانت تلعب وحبذا لو تذكر عمرك الان والسلام عليكم |
ياسلام عليك صح لسانك يشرفني اكون اول واحد يرد عليك |
واللـه يابعـدي طقت الكمبيوتر والكشتات والبلايسيشن عادة مانقـدر نغيرهـا .. يعنـي يانجـلس بالبيـت أو نقعد ندور يعني مافيه مكان يلهينا اسواق الخ .. يعني كشات للبر سونـي والنـت بس !! |
والله موضوع ممتاز أحييك علية بس صار عادي في المجتمع السعودي أن الكبار يلعبون سوني أو أكس بوكس 360 |
اولا مشكوور على الطرح الرائع و الرائع جدا .. ________________________________ اما الكبار و السوني صــــاار عــــــــــادي ,, يعــــــــــني كثيـــــــــر تشوف هذي الاشيــــــــاء اما انـــــــا ماحصــــــــــــلي موقــــــــف |
مرحبا .. والله انا اعتقد في ناس الأن عندهم عيال ويلعبون (( ترافيان )) .. ومافيه مانع انه يوسع صدره باللعب فيها لأنها حب اللعبه ..؟ ومافيه مشكله ايضاً انه يلعب بلاي ستيشن .. اخوي هذا رأيي وأرجوا احترام الأراء .. تحياتي / الفايز 14 |
شف بصراحه هذي مافيها اي شي لانه فيه بعض الناس هذي مافيها اي مشكله المشكله فيه ناس متزوجين وعاقلين ويلعبون ترافيان وبدفعون فلوس بالفيزا كارد لو انهم يلعبون مافيها شي اما يدفعون فلوووسهم وهم محتاجينها يعني على قد راتبهم ويدفعون |
مرحبا .. والله انا اعتقد في ناس الأن عندهم عيال ويلعبون (( ترافيان )) .. ومافيه مانع انه يوسع صدره باللعب فيها لأنها حب اللعبه ..؟ ومافيه مشكله ايضاً انه يلعب بلاي ستيشن .. اخوي هذا رأيي وأرجوا احترام الأراء .. تحياتي / ^^ البيت الازرق ^^ |
وعليكم السلام لـعـب الـسوني مـآ هو شي عيب ابدا ابدا ابدا ويعني انا اشوفها عادي الحين الكبار قبل الصغار يلعبون ترافين وهاذا مهو شي عيب ويعني جاء واحد قال عيب عليك تلعب سوني بقوله جب اي شي يثبت انه عيب وطبعا ما احد يستغني من الكبار من اشرطه الكوره بوجهت نظري انه شي عادي جدا جدا جدا جدا حتى لو واحد عمره 40 عادي يلعب مهو شي عيب وتسلم عل الموضوع المفيد |
والله موضوع ممتاز أحييك علية بس صار عادي في المجتمع السعودي أن الكبار يلعبون سوني |
عمري 23 سنه العمر كله:d أكلت من الإنتقادات الكثيييييييييييير من الشيبان لكن بكل صراحه مارديت على أحد اللي أصبح هذا الشي عادي وإن شاء الله راح أستمر على الفديو قيم حتى الـــps20:d الله يعطينا العمر وياكم |
موضوع حلو وانا عيال خوالي ةعماني كبار ويلعبون عادي<<<انا البزر بينهم |
مشكوووووووووور اخوي والله اني اعرف واحد عمره تعدى 38 سنه والى الان وهو مدمن بلاي ستيشن وحمااااااسي لأبعد درج ة والله وضعه فلللللللللللله وماضرب حساب لاحد <<<< يعجبني وانواع ام الهواش بس يظل السوني متعة وفيه ناس اعمارهم ماتتعدى 23 مايعرفون يمسكون اليد ...؟؟؟؟ |
لا تدقق واجد ابوي وده يلعب معنا مع ان اصغرنا عمره 19 سنة والله ان فيه شياب واجد ودهم عيالهم يلعبون السوني لليل نهار ولا يلعبون كورة صدق كل شوي جايهم كسر ولا تمزق ومطارد ورى المستشفيات مشكور على الموضوع المهم |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 11:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd