|
ياكثر ما تعاني يابو عبدالله .... قصة حقيقية لسامي الجابر ..!! الشهر عليكم مبارك وكل عام وانتم بخير .... وتقبل الله مني ومنكم صالح الاعمال .... بالامس وان جالس بمقهى المساء المعروف باول شارع التحلية بالرياض وكنت انتظر احد الزملاء وكانت الساعة 11 مساء جاء صاحب الكوفي الاخ خالد وجلس معي واخذنا ندردش ببعض الامور .... الا وبالامير سلطان بن محمد عضو شرف الهلال جاي بعدين جاء احد ابناءه وتبعهم الاخ الاكبر للامير سلطان ومعه بعض ابناءة ( شكل الجلسة عائليه ) المهم قام الاخ خالد وسلم على الامراء كلهم ثم تبعته وسلمت عليهم وللامانه كان الامير سلطان في غاية التواضع وكانه واحد من الزملاء ( اكيد عضو شرف هلالي )سلمت عليه يقول لي من انت وعرفت بنفسي وزميلي الاخ خالد عرف بنفسه انه صاحب المقهى وانهم ضيوفه اليوم . مع ان الجو امس حار جداً وعلى الشرفه جالسين ما فيه مكيفات الا انك ما تقول هذا الملياردير سلطان بن محمد (من تواضع لله رفعه ) يوم جو يمشون قمت انا وصاحبي نودعهم الي السيارة والله ان الامير حلف ما يتحرك احد وانه بينزل لحاله علشان يروح لسيارته وشكرنا على الضيافه وراح بحفظ الله ( على فكرة جاء لحاله وراح لحاله وموقف سيارته باخر الشارع ) مهب مثل هالزعط زحمة وسد شوارع لاني مهم !!!!! قلت لصاحبي شف وشلون التواضع وهو شخص مهم وامير وملياردير وقدر يجي للمساء جالس يتقهوى بين الناس ... قال صاحبي فيه ناس كثير ودهم كل يوم هنا بس ما يقدرون قلت من تقصد قال على سبيل المثال سامي الجابر جاء مره ولا عاد جاء غيرها والسبب الشهرة ... يقولي جاء سامي وجلس وتقهوينا والي الان الامور ماشيه بدون ازعاج مجرد سلام من الجمهور على الواقف الي ان قام احد الجالسين وركب سيارته واخذ لفه على المقهى وجاء قدام الشرفة وقدام الزباين وفتح قزازت سيارته وقام ينادي سامي سامي سامي الين خلا كل الي بالمقهى ينتبه ان سامي موجود وبعدين : ما فيه كلمه شينه عليه سبه سب امه وابوه وكل اهله وسب الهلال وقال الفاظ جدا سيئة .... للامانه تضايق سامي من جد وبين في وجهه الزعل وانه جاي يرتاح ويستمتع بس الناس ما تركوه لحاله كمل الشاهي واستاذن . وراح وهو يقول ويضحك وتلومني اذا قلت لكم ما ودي اجي بس هالمرة علشانك عزمتني .... × × × × لله درك يابو عبدالله وهذي ضريبة النجاح..... |
أن شاء الله أنك صادق المصادر تقول انه باقي في باريس والليلة طالعين يجيبونه من المطار عموما : مقهى المساء مايحتاج دعاية تقبل مروري بدون زعل أخوي |
كبير يابو عبدالله وهذا اللي تكلم على عمه سامي بهالألفاظ قسم بالله العظيم لو انا هناك والله ثم والله لاأخليه يبوس رجول عمه سامي ويعتذرله .. |
شكلك تسوي دعاية للمقهى اسلوب قديم لا تزعل اخوي |
كبير يابو عبدالله الله يعطيك العافيه على القصه وسامي رمز وقدوة للشباب |
مشكوووووووووووووووور اخوي على هذه الكلام وهذا اللي سب سامي لايستحي على وجهه والا لماقال ماقال أمام اسطورة السعودية ابو عبدالله |
مو منطق .. يا اخوي .. بالعقل شلون اسب واحد عشانه في الفريق المنافس .. ياخي والله لو النصراويين وشو .. ترانا اخوان واهل صح يجي فيه تعصب ..بس انه يسب اهل سااامي ياخي تراهم عيال ناااس النصراويه ويعرفون الاصول زينا وزي اي سعودي ترى عندنا مبادئ واخلاق .. يعني بيسب سامي عشانه لاعب في الفريق المنافس ,,يكرهه مو مشكله اوما يسبه كذا قدامه .. والله صعبه ماااادري انا ما اقتنعت بالسالفه إقتباس:
|
شكلك تسوي دعاية للمقهى </B> اسلوب قديم</B> لا تزعل اخوي</B> |
شكل الموضوع دعاية للمقهى :d عموماً سامي الجابر كبير بأخلاقه قبل لعبه |
الله يعيـــــنــــك يا ابــ عبدالله ـو على الصحــــــافــــه |
قال وش يدريك انها كذبه قال من كبرها خلاص قل لصاحب المقهىيحول ارباح الدعايه اليوم بحسابك؟؟ |
سبحان الله طبع فينا التشكيك دائماً إن شاء الله إنه صادق ولو ماعجبكم الموضوع لا تعلقون على الأقل ولا بس زيادة عدد المشاركات الشهر مبارك عليكم وكل عام وأنتم بخير |
اخواني المقهى مهوب حاجة دعاية .... والله يعلم بالنوايا وبالنسبه لسالفة سامي مهب ذنبي ان البعض ما يعرف يقرا واذا قرا ما يقدر يفهم .... السالفة قديمة من زمان ( اقصد سالفة سامي ) وبالنسبه للمقهى فشف من يجيه وتعرف انه ليس في حاجة امثالي للدعاية .... سبحان الله البعض اصبح يحكم على النوايا والله وحدة يعلم ما في القلوب ... وش السالفة اصبح الواحد يمسك الكيبورد وهات يا حكي ماله داعي . شكرا لمروركم الكريم .... |
مشكور اخوي فعلا فيه ناس متواضعه والله معطيهم وشف ترى اللي يسوي زحمه هذا اللي ماعنده ماعند جدتي عنده نقص ويعوضه بالهياط والزحمه في الشوارع واني ترى ولد فلان وعلان وعندك ناااس فعلااااااا متواضعه على ان لهم الف هيبه وحصل معي نفس قصتك وبالنسبه لللي سب الذيب رضوه اقولك فيه ناس مريضين والتعصب مالي نفوسهم ويسوون اكثر بعد يارجل زي انها وقفت على سب زين ماتهجم عليه ولا راح كسر سيارته وسوا له اكشن عالعموم مشكور اخوي والشهر عليك مبارك |
.............................,مشكووووووووووووووووووووووووووووور |
| الوقت المعتمد في المنتدى بتوقيت جرينتش +3.
الوقت الان » 06:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd