قبل يومين كنت ساهر بالليل
<< لا ياشيخ لاتكون سهران بالصبح
الزبدة ويجيني ذاك الاتصال من افريقيا اخر الليل طبعا دقة وتسكيرة
ذكروني بربع لاتعرفت عليهم وعطيتهم رقمك قوة ميس كول هع هع
قلت هلا والله يمكن من المغرب ولا تونس
<< المغرب ولا تونس وش تبي فيهم
يؤيؤيؤيؤيؤيؤيؤ اكيد فهمتوا غلط ياويلكم من الله ظلمتوني انا قصدي وظيفة ولاشي
<< عاش مصرف
ايه وادق عليه سلام الا يوم ذاك صوت الرجال الي سد نفسي
<< ليش وش كنت توقع انت ووجهك يالدووووووب
واسكر بوجهه كان حولي ربع وش السالفة قلت واحد افريقي دق وشكله من النصابين
قالوا ياولد يلا كلمه وجرجره قلت لا انت وياه هذي مخاسير الا يوم قط علي واحد مية ريال
وقال يلا هذي مية من فاتورتك اسددها قلت يمكن اطول ياولد ويقط المية الثانية
الا يوم عجبتني السالفة قلت يمكن اطول وتوصل 300 ريال قال ضف وجهك وجب الفلوس
قلت لا ياولد خلاص خلاص ماعليك ووافق ابو الشباب
الا يوم دقيت عليه ويرجع ذاك الصوت الي يخليك تجيب عشاك يومنك ببطن امك
واقول له هلا
قال لي السلام عليكم ورحمة الله وبركاته
قلت الله يقطعك تبي تخسرنا حسنات انت ووجهك وتبي تحجر لنا طيب يلا وعليكم السلام ورحمة الله وبركاته
قال لي كيف الحال ياولدي
قلت ياهلا والله عم بزقح زقحا عظيما الا انت علومك يابو الشباب
<< على فكرة فاتح السبيكر وصار تسجيل بس مسحناه
قال انني بخير ولله الحمد ياولدي
قلت له دومز نهي يومز الا من وين جبت الرقم يابو الشباب
قال ياولدي قد حلمت فيك
واجيك وادخل عرض واقول ابن ماي فاذر اما حلمت فيني ياخي استح رجال وش كبري وشاربي
يوقع عليه الطير وتحلم فيني ليش ياربي عيب عليك ياقليل الادب يالي فيك ومافيك
الا يومنها اتشت معه ابو الشباب ويجي ويقولي لاتقاطعني ياولدي لم اقصد هذا الكلام
قلت زين ماقصدك كذا خوفتني قبل قلت شيبنا وللحين يفكرون فينا
واحد جنبي رمى علي بيالة شاهي وتمر من جنبي بصحة وسلامة
الا واقوله كمل قال ياولدي لقت تحلمت فيك
قلت رجعنا عيب عليك ترى اسكر بوجهك
الا يوم عقله طار تعرفون يضيع عليه الف او الفين ريال
ويقولي حسنا حسنا ياولدي كما يرضيك
قلت اسلم
قال انني مسلم
قلت لاياشيخ طيب اكمل من حيث وقفت ياحلو
قال لقد رايت في منامي طائرا ينزل علي ويعطيني لك ورقة
واجي وادخل عرض بعد واقول لايابينك بانثر اجل جاك طائر الا وش نوعه من الطيور
حر ولا غراب مثلك
<< بينك بانثر هو النمر الوردي او ابو ذيل في تسميتنا هع هع الزبدة يوم من الايام كان في مطر
<<-----<وفي بجع يودي تمساح لبيت الا بالغلط طاح ببيت بينك بانثر ويعطيه الولد
الزبدة ياحلوين قلت له ايه وخير ياطير
قال اريد ان انقذك ياولدي
قلت ليش متصل عليك مشتكي لك شايفني ابكي عندك
قال ياولدي ان الله قد بعثني لانقذك
قلت له وش يقرب لك 911 بس ياولد 911 كلهن قطع ومحلوة بس انت
شوي قال ياولدي اسمعني انك مسحور وسحرك ابتلعه قرش في البحر وهذا القرش ينتقل
من بحر لبحر
قلت له طيب وابتلعه ليش نتعب حالنا ونفك السحر خلنا مسحورين بعدين هو قرش مو
بعير ولا خروف عليه وسم نعرفه وندله فخلنا على حالنا وانا ابن ماي فاذر
خلنا على السحر ياولد ومصيره ينفك وانا ابن ماي فاذر
الا يقاطعني بصوت سريع ويقول ياولدي لاتيأسوا من رحمة الله لماذا تيأس
قلت ياخي وش يعرفني فيه وين القاه باي بحر وهو عليه وسم ولا لا ابي احجر له
قال ياولدي ان الحل لدي عليك ان تذبح خروف ويعطيني انواع الاوصاف التعجيزية
وكل مايحط وصف اقوله ايه حلو وحلو وحلو لين خلص
قلت ياسلام هذا عندنا زين لحقت بدري وانا ابن ماي فاذر يلا بسكر اذبح الخروف واجي
الا يقاطعني لاتفعل لاتفعل قد يضرك ذلك يجب ان يذبح الخروف شيخ
قلت حلو اشوف امام المسجد ونذبحه بكرة قال لايابني لابد ان اذبحه انا
قلت ليش عسى ماشر مو مالين عينك شيوخنا قال يابني
سامحك الله ليس كما تعتقد لكن انا من علم بما حل بك ويجب انا من ينفذ ذلك
قلت طيب والحل قال حول لي خمس الاف ريال وساقوم بتنفيذ ذلك عنك
قلت ليش شايفني مخفة تلعب علي مخسرني لي ساعه اكلمك انت ووجهك
وبالاخير مسحور لا وسحري مع قرش لا وتلعب علي يابو الشباب
ضف وجهك والله لـ (طيييييييييييييييييييييييييييييييييييييييييييييييي يييييييييييييييييييييييييييييييييييط)
<< كلام قوي محذوف هههههههههههه
وسكرت بوجهه ودقيت بعدها الا يعطيني مشغول
وانتهت السالفة
هع هع هع
مكالمتي مع النيجري النصاب << هع هع 
اقتصادي 
الوضع المتطور
