|
اخي محمد الهلالي مرجان هذا كرهني بالروحه للنادي اذكر مره اجتمعنا مجموعه من الجماهير واشتكيناه للامير بندر بن محمد الله يحفظه فأخذ يظحك الامير بندر وقال انه شخص كبير بالسن وظعيف ولا يبون يقطعون رزقه |
والله العظيم انه الرجل مو في قواة العقليه .! والله الي هو ابوي ماقد قالي كذا والا سوى فيني مثل مسوى مرجان .......... والله قد رجم علي علبه مويه ام نصف ريال وصكت في رجلي وانا ساكت يوم راحوا الجماهير وارجع عليه ......... وعلمته الشغل والله صار يخاف مني مايستحيــــ وش الحل معه ؟؟؟؟؟؟؟؟؟؟؟؟ |
الهلالي محمد فزعه شي امر تدلل ترا العجرا معي اربع وعشرين ساعه والي يغلط عليك يغلط علينا لانك مقصرت بهذا المنتداء مليته ابداع لاتسكتون اشتكوه للاداره:nono: |
والله يا أخوي محمد أنا مريت بنفس المواقف وربما أشد منها ., ولاكن سمعت بأن الأمراء وأعضاء الشرف يحبونه وكذلك حتى اللاعبين !!!!!!! بصراحه شخص بأع ضميره من آجل المال ., أتمنى من العلي القدير بأن يبعده عن النادي وأن ننظف النادي من مثل هالأشكال ., |
[فعلا صحيح سمعة الشخص هذا واسلوبه همجي بالمره واللي ماكد شاف اخلاقه يرجع للتقلرير اللي كانت تقدم في التلفزيون قبل المباريات ويشوف حركاته وكيف يبعد الناس ويتكلم عليهم] وشكرا للجميع على المشاركه |
اخوي محمد لايكون انت الي سحبه اليوم قدم عيوني عند ويلي لاعب الهلال واحب اقول كلمتين مرجان اتحدى اي احد يقول عليه انسان مع احترامي الشديد ياناس قسم بالله انه قايلي لو نروح للمريخ تلحقوننا الله يفكنا منكم |
إقتباس:
انا ماقد شفته بس في شباب كثير يشتكون منه وانا معك انه المفروض ينشال ويحط واحد كفئ في محله... تقبل تحياتي,,, |
السلام عليكم .. أول شي يالغالي شكل عندك واسطه قوية لأن موضوعك ماحجب إلى الآن .. بالنسبه لمرجان واحد من ضمن شله داخل النادي بس للأسف محمد ملقي لهم بال ، وفيه كذا واحد المفروض مكانهم الطبيعي خارج النادي .. بس للأسف ما فيه أحد يلتفت لهم ، وللمعلومية مرجان هذا المشكلة النادي حاطين كل ثقتهم فيه ، وألحين توهم يلتفتون لمرجان (الله أكبر).. ولا زعلو عليه ؟؟؟؟؟؟؟؟؟؟؟؟؟؟؟ أتمنى من الإدارة ان تنتهج نهج مع كل رئيس واي واحد يعمل بالنادي لا يجلس أكثر من أربع سنوات .. سؤال/ وش ممكن يقدم مرجان للنادي ..؟! سؤال/ هل مرجان أكثر واحد حباً للزعيم ؟! سؤال/ ماهي وظيفة مرجان بالتحديد ؟! وبإختصار الواحد نفسه طايبه من الروحه للنادي ومرجان طبلها صح هو ورفاقه ..! اسئلة وأبغى لها اجوبه وبكل شفافية ..! بالتوفيق لزعيم نصف الأرض ،،، للتواصل/ [email protected] |
::والله ثم والله انك صادق انا قبل مبارة الهلال مع الاتحاد الاياب رحت ابشوف التمارين توني ابدخل ويلاغيني (هي هي انت اطلع برى) ؟؟؟؟؟؟؟؟؟؟؟:bigeek::nono: وبعده بيوم رحت اشوف الماره كمان التمرين مغلق عاد رحت فوق الجدار ابشوف التمارين وخلصت رحت اسئله بكره التمرين مغلق عاد رف صوووووته مرررررررررررره وقال لالالالالا |
معقولة حارس امن يسوي كذا موضوع عاجل مع التحية لادارة النادي |
جبتها ع الجرح يابو حميد .. !! مرجان .. مواقف كثيرة صارت قدام عيني .. !! و بحضرة محمد بن فيصل .. المشكلة محمد الله يهديه ساكت كأنه راضي عن اللي يصير .. !! لسانه بذيء .. لدرجة اني مرة سمعته يلعن والدين أحد الحاضرين للنادي .. !! أنـا عن نفسي ما حاولت .. أقرب منه خوفاً من جسدهـ الكبير .. ولسانه الطويل .. !! أتمنى من إدارة الهلال .. إنهم يقلعونه بالمرة .. !! .. ~ |
اتمنى من الاداره سرعه اتخاذ القرار في حارس الأمن الغير متعلم واستبداله بأي شخص انا متأكد انه في ظرف 24 ساعه سوف يأتي من يأخذ مكانه ويعرف كيف يتعامل مع الجمهور فربما من موقف واحد الحب يتحول الى كره اذا الانسان اهين او انقص من كرامته |
يا حليلك يا مرجان اثرك موذي خلق اللـه |
انـــــــــــــــــــــــــــــــــــا اشــــــــــــــــــهــــــــــــد على كلامك يا محمد ماقلت الا الحقيقة |
وربي يابوحميد وانا اقرا كـلامك قبل تذكر اسمه عرفت انه مرجــان قسم بالله ياهو رافــع ضغطي نادي ابوه هو ؟ انا صار لي موقفين معه الموقف الاول بالتمرين الموسم الماضي كان فيه مباراة وديه مع الفيصلي واثناء صلاة العشاء طلعت ادور مصلى واتجهت جهت البوابه وينافخ ارجع ومدري وش قلت وين المصلى قال صل برا ................. !!!! والموقف الثاني كنت انا واحد الزمـلاء ضاربين مشوار من اقصى الرياض وجاين نحضر تمرين الزعيم كان مفتوح وقتها المهم الزميل الي معي رجال كبير بالعمر ومعه ابنه الي يبلغ 7 سنوات المهم اتجه للتايب عشان يسلم ابنه المتيم بالتايب شوي ويجي مرجــان ماشي طبلونه يبي يهوووش يوم راح الصغير للتايب وسلم عليه وهو ماشي جاي مرجـان يهاوش اخوي محمد تسلم يمينك على هالطرح وللمعلوميــه قد طرحت موضوع عن مرجان قبل فترة وتم حذفه لكن السياسه تختلف من شخص لشخص !!! اشكرك محمد على هالكــلام الي يحكي معاناتة جمهور الزعيم مع السيكورتي ( مرجـان ) |
| الوقت المعتمد في المنتدى بتوقيت جرينتش +3.
الوقت الان » 02:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd