يجب الوقوف مع الاداره والمدرب واللاعبين جميعا دون تفريق , وان شاء الله البطوله الاسيويه فالكم
 

السلام عليكم ورحمة الله وبركاته

حبايبي جماهير الزعيم كثر الكلام عن العنقري والمفرج وفلان وعلان انه الله يصبرنا عليهم وهم لاعبين مفروضين على التشكيله وهلمجرا من هالافكار اللي لابد ان نحترمها ونتقبلها لكن كل شي بالعقل والاقناع فلاعب كخالد العنقري شخصيا لست مقتنع بمستواه , لكن ارى ان كابتن المنتخب سامي الجابر له نظره فنيه تختلف عن نظرتي وله خبره اكيد هي اكبر من خبرتنا كمشجعين فهل معقوله سامي يعمل ضد مصلحة الهلال ؟ نقول يمكن احد فارضه على سامي ماشي , طيب من هالقوي والقوي الله اللي حيفرض المفرج والعنقري على رئيس النادي عبدالرحمن بن مساعد والامير فيصل بن محمد من قبل ؟ مافي الا الملك وولي العهد اختاروا واحد منهم يكون فاضي ويفرض هم علينا ؟؟؟؟؟؟؟؟ قليل من العقل مع احترامي لجميع الاراء المخالفه لكن هناك نظره فنيه من المدرب وسامي بحكم انهم اخبر من اي لاعب او مشجع في هذا المنتدى تحتم بقاء هولاء اللعيبه حتى لو كان كثير من الجمهور مختلف عليهم ولنا في خالد عزيز عبره عندما اعيد اكتشافه فيمركز المحور والله وقتها كنا نقول عنه انه ما يعرف يركض الان من اهم لاعبي المنتخب , واذا كان السبب اداري لبقائهم اعتقد لن يفرض احد على عبدالرحمن بن مساعد بقائهم , لذلك هاللعيبه متمرون سواء ضيعنا وقتنا بنقدهم من اليوم الى السنه القادمه ام لالن نغير شي وحيكونوا متواجدين في الفريق , وبالتالي تجريحنا لهم حيهزهم وينعكس سلبا على اداء الفريق , او نختار ان نتفرغ لمساندة الزعيم والوقوف مع ادارته ولعيبته جميعا دون تفريق , وان شاء الله البطوله الاسيويه فالكم .

ولا ننسى يا اخوان (قل خيرا او اصمت).

يبن الحلال لانظره فنية ولا يحزنون .. أي نظرة فنية هذي اللي موجودة بخالد العنقري ..

هذا بتقسيمة دوري حواري ما أحطه ..


سبب وجوده للحين على قلوبنا هو عدم وجود ظهير أيمن ممتاز .. لان كل اللي موجودين نكبات ..

إن حطيت هذا نكبك .. وإن حطيت غيره نكبك .. أنا بيجيني انفصام بالشخصيه من كثر النكبات اللي عندي ..


يارب العنقري يتعين مدرس بشـرورة ونفتك يااااااااااااااااااااااااارب اللهم استجب لنا وريحنا منه من غــير شــر ..

اوكي معك في خالد عزيز , بس العنقري وضعه غير ابي اعرف الظهير الناجح ما هي مميزاته ؟ اولا السرعه ثانيا المراوغه ثالثا الاوفرات رابعا قدرته على الدفاع والمشاركه بالهجمه , طيب طلعلي ميزة وحده من هذي المميزات ممكن القاها بالعنقري
وتظل وجهة نظر

اشكرك على الرد واحترم وجهة نظرك لكن يجب احترام وجهة نظر المرب الرئس والكابتن سامي كما احترمنا وجهة نظرك , لكن حرام عليك تدعي على الرجال يروح شروره كان دعيت عليه يروح جده اهون ولا الطايف.

عزيزي الامع شكرا على ردك انا متفق معاك ولو تقرأ الموضوع تجد اني ذكرت اني لست مقتنع في اداء خالد كظهير ولكن الاداره والمدرب وسامي طالبنا بالتجديد للمدرب وحضور سامي وهاهم يحضرون ولم يبدا الموسم ونحن لا نريد ان نثق في عملهم فيجب ان لا نفرض عليهم يجب ان يعملوا براحتهم وفي النهايه نحاسبهم وعموما الدوري السعودي وكثير من مباريات الاسيوي لا تحتاج لظهير مثل الدوخي لوجود التائب الفريدي ومهاجم مثل الصويلح يعوض عدم قرة الظهير على الهجوم والدليل الموسم الماضي حسمنا الدوري وولي العهد من خلال ياسر والتائب

من جدك تبيه يجي جده .. اناساكن بجده ماني فاضي بكره الاقيه واقف بالاشاره جمبي يوم من الأيام
لاني بنط عليه نطه أولمبيه مثل اللي نطها مع أولمبياكوس .. والله لو درى عنه نواف بن محمد كان ضمه للبعثة الأولمبيه وخلاه يشارك بالوثب العالي .. إن ماحطم الرقم القياسي ما أكون أنا .. بيعطونه ميدالية من ألماس ..



والطايف انا احياناا اروح أغير جو فيها .. نفس الشي ما أبيه يقابلني بطلعة الهدا .. لاني بكون طالع وهو نازل .. وانا مستعد أدخل فيه وجه بوجه .. أضحي بحياتـي من أجل جماهير الهلال .. :d


مافي إلا شرورة ..:d

قد نختلف على الشلهوب او الغنام او الصويلح او الخراشي او ......... ونحترم وجهة نظر بعضنا...

ولكن ان يأتي احد يحاول يقنعنا بان العنقري او المفرج لاعب !!!! لالالالا حبيبي اسمحلي مااقدر حتى اسمع منه لو كان المدرب...

الجمهور واعي ومجمع على انهم غير صالحين..........يعني فكنا من الكلام هذا بليز...........

شكرا على ردك اقراء ردي على الالمع وستفهم ما اقصد شكرا