نادي الهلال السعودي - شبكة الزعيم - الموقع الرسمي - هذا ماحصل لي عندما ذهبت لنادي النصر ..^

بسم الله الرحمن الرحيم

أخوانــي الزعماء أخواتي الزعيمات << صح علي كذا ..؟؟ :surprised:

راعين الفكر العالي اللي يقولون موضوعك مدري وش يبي

ولا متحسف اني قريت موضوعك

ولا ياخي أنت ماتفهم ومسوي موضوع عشان كذا

لا يدخلون معي في شد وجذب

لاني بالعربي مالي خلق الملاغة

ندخل في صلب الموضوع

قربت تنتهي الاجازة المتاحه للاعبين وراح يشتعل الدوري مع اني متأكد أنواع الضغوط النفسيه على اللاعبين وأنواع المشاركات ورمضان جاي ع الابواب أعادهـ الله علينا وعليكم بالعافيه

السالفه انت وياهـ << مايبي يدخل في الموضوع الظاهر :upset:

كنت أتمشى حول النادي ذاك اليوم وأتحرى فريقي يرجع
فريقي << :d مهوب لك الحالك

المهم وانا ضايقن صدري ومهموم واشيل حصاة من الارض وأرميها في النهر وأقول تحبني ولا ماتحبني ..؟؟

وشو :bigeek:
قصدي يعني بنروح بنتأهل ان شاء الله للآسيوية ولا لا ؟
يعني نشوف شاعرنا المحبوب أبو مساعد
<< واحد من العيال :d
ماقصر والله أنواع التدليع في اللعيبه معسكر في أطلق الاماكن في العالم
((خالد العنقري يروح النمسا وانا لا ليه ياربي :wallbash:))
المهم وفلوس ودلع يعني كل شي موفر لاأحد يقولي الفلوس مو كل شي لا ياحبيبي بالنسبة لزمننا هذا كل شي تغيرهـ فلوس .. طبعاً خلو مسالة الولاء والانتماء هذا شي مفروغ منه لكن صدقوني مع غلاء المعيشة الواحد الايام هذي يبي يأمن مستقبل عياله
المهم وانا أتمشى وأقابل سكيرتي حق النادي قلت له :
هيه أنت يا موظف :mad:
طالعني كذا من فوق لتحت كني ماجزت له
اللعيبه جو ولا لسه من المعسكر
شوي كذا بقدرت قااادر طلعت الجنيه حقته :bluesky:
قال :
مدري وش قال بس طلاسم غريبه :taz:
اللي فهمته اني مضايقه
كملت طريقي أسولف على روحي واناقش نفسي وليش هذا كذا ولو يجي الظهير هذا ياربيه بيصير حريقه والمشكله قاعد أهاوش نفسي زي بعض الاعضاء :
موضوعك مدري وش يبي خخخخخخخ

أذن المغرب : وتعنيت اني أدخل النادي الجار أصلي

وكان النادي قبل لايروحون معسكر الاسكندرية متواجدين في الرياض ..

معسكر في الاسكندرية ..؟؟ << ترى بث مباشر على روتانا سينما

قلت المعسكرات s40s << بتشديد القاف

دخلت وصليت المغرب عندهم يوم سلمنا وأشوف العالم تناقز نقزت معهم عشان لايقولون هذا هلالي
:kicking:
والحوار اللي صار بينهم وبين اللعيبه :
السنه هذي نبيكم تبيضون وجيهنا مالكم عذر

البحري :
أبشروا ان شاء الله ماتشوفون النصر السنه ذي غير
<< عجبتني السنه ذي غير :naughty:

المهم قعدوا شباب يدخنون :pimp: قلت انا بس هذولا الزقرت حقين النادي اللي الظاهر لو ينقلون مكان النادي مادروا عنه

قلت: سلام ياشباب ممكن أدخن معكم ..؟؟ s79s

قال واحد منهم : أيه بس ما معنا زقاير

أذكر كان التاريخ على نهاية الشهر .. كالعاده طفارى
قلت لا عادي ...
ياشباب شرايكم في المعسكر اللي بنسويه ..؟؟
على اني نصراوي طبعاً
رد واحد بسرعه يابن الحلال لو نسوي معسكر بالمريخ ونجيب رونالدينهو مانفلح
قلت انا ليه ؟
قال ياخي شف الهلال الادارة أصلاً ماعندها مشاكل
والنادي ماشي زي الحلاوة .. يوم فز قلبي أنا من مكانه ياحبي لك ياالزعيم:wub:

طبعاً مسوي نفسي ما تحمست بالموضوع عشان لا انطق :box:
قلت يابن الحلال الهلال لان الاساس عندهـ مبني بشكل خرافي .. وش تتوقع النتيجه الهلال يفكر لبعيد وحنا << لاحظوا حنا
نفكر بالمنسقين بالاندية
قالوا ايه والله صادق
رد واحد منهم قال وش نسوي .. وقالو كلهم اي صدق وش نسوي ..

يوم انا أفقع ضحك

:lol1::lol1:

قالوا وش بك .. قلت شلون وش نسوي .. مضاربه هي ولا نقاش .. قالوا ايه عادي قلنا وش نسوي وندخل ع الادارة قلت يابن الحلال انا شكلي ببطل أشجع النصر وأشجع اللي يلعبون بلوت أصرف

قالي لا لا لا بتشوف الخليجية
سواليف ما سواليف .. طبعاً ماقلت لهم اني هلالي
واحد باين عليه طيب ورقمته
خخخخخخخخخخخخخخخخ
قالي الوعد بدق عليك اذا فزنا ع القادسيه الكويتي

قلت اوكى

وتجي مباراة القادسية .. وادق عليه
هاه ياصديقي الجديد شسالفه ؟؟
قال طفت كبوس الملعب
<< حشى مهيب مباراة ملاحق جرابيع :gunbandan
قلت والحل الحين ..
قال تدري متنازلين عن الخليجية
هههههههههههههههههههههه
قلت توها أول مباراة قال انا اعرف حظي مع النصر قلت والله انت كذا ماتنفع فريقك قال يارجال انا مدري وش اللي قردني وخلاني أشجعه

وفي الاخير شرحت له السالفه اني هلال عزمته عندي مباراتهم الاخيره ..
قلت لهم اذا جيت عندي ترى ماراح ينهزم النصر لان البيت هلالي ومتبارك

قال ياعمي طير

وفعلاً تعادل :naughty:

------------------------------------

في النهاية :

كلمتي موجه للجماهير الهلاليه

نبي حضور ناري السنه هذي تنتظرنا محافل كثيره اذا الله عطانا طولة العمر ان شاء الله

----------------------------------------

كلمة للاعبين الهلال :

1- محمد الدعيع
أنت غير الناس عندي أنتي عندي شي كبير

2- المفرج
ياخي نحب أخلاقك .. بس يرحم والديك ركز

3- خيرات
ترى الامل فيك كبير

4- رالديس
يعني مرة الحين بتفهم وش أقول

5- نامي
نبي محمد نامي اللي في بداياته

الزوري-
أنت ظالتنا

6- الخثران
صدقني أنت اللاعب اللي يمكن أسميه خسارة ماتلعب للهلال

7- طارق
أعصابك في المباريات الحاسمه يابطل

8- شلهوب
ياخي تكفى اشرب حديد كثير نبيك تحتك مع العالم

9- نواف التمياط
آآآهـ ليت نواف2000 يعود يوماً :disgust:

10-أبو عزيز
انا آسف لاني كنت من أشد المعارضين وجودك في بداياتك .. والان .. من اشد المتأسفين لك

11- عمر الغامدي
أنت لاتملك مهارات .. ولكن لانقدر أن نستغني عنك

12 - الفريدي
أرجو أنك تسأل الاسطورة سامي .. عن بداياته
وسوف يتغير لعبك الى الافضل ان شاء الله

13- ياسر القحطاني
على البركه الزواج أبو سعيد .. الله يستر بس لايكون مليت الكورة

14- عبدالعزيز الدوسري
ننتظرك أحر من الجمر

15- ماجد المرشدي
أرجوك .. امسح تفاريس من ذاكرتنا

16- جميع لاعبين الهلال

الكرة في ملعبكم s60s

سمو الامير عبدالرحمن بن مساعد

دعنا نرى النتائج

اخوكمـ \

للحديث بقية..!!