|
يا خوي الله يصلحك الموضوع ما يصل للعار ..نعم للنقد ونعم نعم نعم نعم للإبتعاد عن الألفاظ اللي ما لها داعي |
ياخي مشكور بس وش حقه تحط نواف ضمن المخطين نواف اصلا مالعب الا دقايق معدوده خاف الله فيه |
انا احب الكيان الهلالي واتمنى اشباه اللاعبين ينسقون لاننا تعبنا اما عبداللطيف الغنام فانا اخالفك الراي شكرا |
اقول نواف هههههههههه اجل ما تدري انت عن شي |
لا حياة لمن تنادي سنين نطالب بالموضوع هذا ولكن !!!!! الواسطه شر لابد منه |
الاعبيــــن المذكوريـــن بالفعــــــل يحتـــآجون تسريـــح وإعطائهم تاشيرة خروج نهائي ولا اظــن اي نادي راح يضمهم لكــن اتحفــظ على نواف التميــآط ربمـــآ يكون الافضل من بينهــتم |
كلامك ميه الميه بس المبارك معهم مايفيد فيه قرصة اذن تحياتي |
والله يا اخي انا معك مع عنقرينهو بس اما المفرج فهو يتطور مستواه ويفيدنا نادرا لكن يكون مدافع في بطولة الامير فيصل بن فهد واما العنبر والتمياط والغنم فهم يقدمون المطلوب منهم |
اخوي الكريم كل الأعبين الي ذكرتهم لاعبين ممتازين .. فهدالمفرج انقذ الهلال كثيرا.. محمد العنبر احرز لنا بطولات .. التمياط ايضــا.. والأعبين الاخرين ارجوا عدم الأستعجــل في لومهــم واعطوهم موهلــة.. مشكور اخوي على الموضوع وارجوا ان تتقبل مروري.. وبالتوفيق لزعيـــم نصــف الأرض.. :) |
خالد العنقري كنا نبيه عون و صار فرعون علينا. لاعب لا يفقه اساسية الكرة مع الاسف. |
ياخي التشكيله الثانيه للهلال يبيلها غسيل وتبريح واتمنى من الادره انها تحل المشكله |
أما عاد نواف يتنسق اسمحلي ما عندك سالفه ........ |
كان واضح جدا الخلل في منطقة الدفاع .... والله مصيبة اذا اللاعب يصل الى الفريق الاول في النادي وما يعرف شلون يتمركز !!!....اتمنى من الادارة تدراك الوضع اما بوقفة حاسمة مع الاعبين ( العالة على الفريق ) او جلب محترفين قادرين على سد الثغرات الواضحة ... |
كلامك صحيح ميه بلميه احييك على هذا الموضوع كل اللي ذكرت لعيبه منتهي الصلاحيه بقائه في النادي علشان الدراهم فقط وين لعيبة زمان اذا شاف مستواه انخفض ابتعد بنفسه مثل اللاعب فهد المصيبيح وعبادي الهذلول انخفض مستواهم وابتعدوا فورا لانهم يلعبون للشعار اما لعيبة اليوم مع احترامي الشديد لهم يلعبون للماده والدراهم الدليل نواف التمياط ومطالبه عند تجديد العقد ..... |
أخوي أرفع راسي لاني هلالي على حسب قولك أن في لاعبين وجودهم عار على الفريق ومن وجهة نظري أن بعض الجماهير أيضاً هم عار على النادي الي يشجعونه بسبب عقلياتهم الصغيره جداً وعدم ثقتهم باإلإدارة لان الإداره ماكملت ثلاث أشهر وأنتم توجهون لها الإتهامات وتشككون فيها وهذا والموسم مابعد بدأ واتمنى ما تزعلون لان هذا وجهة نظري |
والله كل فترة نتمنى ونأمـل إبعـاد المستهلكيـن ، ولكـن للأسـف !!! |
ياااااااااااارب اسمع خبر تنسيق العنبر في القريب العاجل اللهم امين ياناااااااس تعبت والله تعبت وتعبني هاللاعب حرااام الزعيم فيه هاللاعب الله يجيبك يابو سعيييييييييييييييييييييييييييييييييييييييييييييييييييييييييييد |
ياخي العنقري ذا اتوقع انه مسوي (((( دمبوشي )))) للمدرب , مادري ليه ماشاتوه , ودي أعرف وش اللي محببهم فيه !!!! |
هذي وجهة نظرك انت الخاصة بك ولا يحق لك فرضها على الاخرين اتفق معك في بعض النقاط واختلف معك في كثير منها لكن زهقنا من مواضيع نسقو الاعب الفلاني وليه نسقتو فلان حاسب الادارة في اخر الموسم مو في بدايته |
اوافقك بكل الي قلته ما عدا الغنام والخثران الخثران مبدع مبدع مبدع ويا ليت كل لاعبين الهلال الي بعمره والي اصغر منه يلعبون بحماسه وبروحه والغنام لاعب مهم ونحتاجه كثيرا بسبب غياب الغامدي وعزيز مع المنتخب وهو ايضا لم ياخذ الفرصه الكامله |
يا رجال بس لو نفتك من العنبر الآدمي هذا مدري وش شايفين فيه مع احترامي لهذا اللعب والعنقري نكبه ليش ما يعيرونهم لأي نادي حتى يتطور مستواهم ولا نبي الهلال محطة تجربه وتطوير مستويات اللعيبه يااااااريت يشوفون لهم حل واما التمياط فلا تعلييييييييييييييييييييييييييييييييييييييق |
مع احترامي لك اخوي ما اعتقد انك افهم من كوزمين والاداره فخل عنك السواليف اللي مالها داعي ولا تهدف الا للتعصب ونشر الفوضى بين لاعبي الهلال وجمهوره فما اقول الا موضوعك مو بمحله تقبل مروررررررري |
اخوي انــــــــــــــــــــــا معك بكل اللاعبين ماعدى نجم الوسط الهلالي وابرز لاعبين الهلال في جميع المواسم والمحافل وهو اللاعب (عبدالعزيز الخثران) عزيز هذا اللاعب وبختصار......... الهلال بالعربي حلل قيمة عقده وهو ماقصر مع الهلال |
والله لو نتكلم من الأن إلى 50 عام ونحتفل بالمئوية لنادي الهلال إن الله أراد سواسية.. ولو تتكلمون بأيديكم وأرجلكم .. قاعدين على قلوبكم مهما كان .. لاعبين (( الواو )) مو حي الله ذولا.. لاكن مانقول .. إلا الله يعيننا بالصبر .. ويفكنا من شر الضغط والسكر .. وإلا بالله عليكم < العنقري > من مستوى وطموح نادي الهلال.. الله لا يبارك في واسطة تجمع لاعبين زي كذا.. المفروض البقاء للأفضل .. لاكن لا حياة لمن تنادي.. دُمتم زعماء.. |
انا اوافقك في كل نقطة ذكرتها ولكن اخالفك في نقطة الغنام الغنام لاعب جيد .. ما ادري ليه مو عاجبك مع انه يقدم مستويات جيدة عمومن ... الله يوفق الهلال |
مـع احتــرامي للكل كوزمــيــن ما ابقى الاعب الا لهدف معين اللحين انتهت فترة التسجيل اتمنى منكم ترك مثل هالمواضيع والدعاء بالتوفيق للكتيبة الزرقاء الموجوه حالــيآ |
ملاحظتي على اسم الغنام بس وبالنسبه للقرصه الفريق كله يبيله قرص |
ونامي معهم لا فرصه ولا غيرها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ!!!!!!! |
خرج محمد نامي فتوالت الاهداف واحد تلو الاخر ببركه خالد العنقري والعنبر تايه في الحياه..... اما التمياط فاعذرني لازال لديه الكثير والكثير.... تحياتي لك...-- |
عفوا يا أخوي ارفع راسي لاني هلالي : بخصوص الغنام ابسألك من اللي ماسك لك المحور يوم عزيز موقف العام 6 اشهور ؟ سؤال ثاني اللحين الخثران افضل لاعب تكتيكي العام صار سيئ الحين ؟ انت تعتقد انك متابع للهلال ؟ ما ظنيت |
حنا ياجماهير الهلال راينا غير مهم للاسف تعبنا وحنا نطالب حنا مانفهم كوره كوزمين هو اللي بحاله يفهم |
بصرااحه العنقري مدري وش مسوي للمدربين اللي يجون للهلال بصرااحه يلزم تنسيق العنقري والاحظ في هذي الايااام الخثراان ناازل مستوااه تحيااتي |
المفرج كنق حرام عليك يا خييييي تدري لو كان فريق ثاني كنت انت اول من يطالب بالتعاقد معه صح و لا انا غلطان |
اتمنى ان لا يلعب محمد العنبر مع الهلال |
إقتباس:
|
المفرج < كنت صحيح من المطالبين بتنسيقه بس هالفتره صدقني هي افضل فتراته لاعب جيد لولا بعض الملاحظات ... التمياط < ظالمه المدرب يوم يحطه بالاحتياط .. واذا تبي تشوف التمياط مبدع خله لاعب حر خلف المهاجمين وشوف وش يسوي لاتربطه بمركز معين .. الغنام < صراحه لاعب ممتاز جدا جدا وكفايه انه كابتن منتخبنا الاولمبي .. العنقري + حسن العتيبي = احسهم تكمله عدد مو احسهم الا متآكد .. متى يتم تنسيقهم يارب ؟؟ |
لا لا لا لا لا لا لا لا لا لا لا لا لا لا لا لا لا لا لا لا لا لا تعليق |
أقول وراء ماتصف معهم ياسر والتايب والدعيع ونسكر النادي... ونرتاح... ................................ |
بصراحه موضة هالســــــــــــنه العنقري .. و السنه الي قبلها المفرج كل سنه بيطلع واحد .. الله يوفق الهلال .. و يعطيك العافيه .. |
والله ان العنبر و العنقري و العتيبي ما لهم داااعي في الفريق.... نبي الفكه كنهم والله حرام.. بسبب وجوود العنبر خسرنا الكلثم بسبب وجود العنقري خسرنا المفرج بسبب وجود العتيبي راح نخسر الشمري و شراحيلي الله يعين... التمياط لسه قدامه كثير وهو احتياط لاي لاعب وسط لاقدر الله مثلا لو لاعب وسط اصيب و الباقين في المنتخب مين اللي راح يلعب في الوسط... |
الغنام تبيهم ينسقونه !!! يا حليلك بس ..!! |
أتوقع صناع القرار في الكيان الهلالي يعرفون مصلحة النادي ولو من مصلحة النادي تنسيقهم....... كان نسقوهم من زمان صحيح اني متفق معاك في نقاط كثيرة لكن لايزال الامر مبهم تقبل مروري |
العنــقري + العتيبي + العنبـــر / الى متــى ياآدارـــت الزعيـم وياآعضـآء الشرف ؟! |
جميع اللاعبين أبطال إلا اثنين المفرج والعنقري |
لا يوجد رد لا دي بس الله يكون بعون الهلال وبعونكم سي يو منول |
كلامك سليم ..العنقري والمفرج ...مع احترامي لهم ان كل فريق الهلال قوي في كل المناطق بالملعب الا هالمكانين مكان العنقري والمفرج.. نواف التمياط ..أنا أتوقع انه يحتاج دعم جماهيري لان الآن كل الاضواء مسلطه على طارق وعلى ياسر وغيره وغيره.. نواف مو مثل أول وصحيح الاصابات أثرت عليه ..لكن اتوقع لو وقف الجمهور معاه راح يرجع زي أول وأحسن كمان لان الوضع الان اختلف اللي يلعب صح يحبه الجمهور ويتكلم فيه بكل مكان وشهرته اكثر... |
بسم الله الرحمن الرحيم أرفع رأسي لأني هلالي : يهنيئكم بقدوم شهر رمضان المبارك . أولا أعتذر عن تغيبي الفترة الماضية على الأقل بعد وضع هذا الموضوع . ثانيا :أعتذر أيضا من إعادة رفعي للموضوع مرة أخرى . ثالثل : أشكر كل أخواني الأعضاء الذين أدلوا برأيهم سواء مؤيد أو معارض , فكلنا محبين لهذا الكيان الشامخ ( الهلال ) رابعا : ويشهد عليّ الله لم أضع العنوان لكي أعرض أسماء اللاعبين المذكورين للشماته والاستهزاء . فهذه ليست من صفاتي ولله الحمد . ولكن وضعته لعلي أعبر عن فداحة بقاء هؤلاء اللاعبين في النادي . وأقول اللاعبين وليس الأشخاص , على الأقل من وجهة نظري . خامسا : بعض الأخوان أتفق معي على غالبية الأسماء ما عدا يمكن ( نواف - الغنام - الخثران ) وإن كانت هناك أصوات تطالب بأن المفرج تحسن مستواه عن السابق . ( يا أخي المفرج هذا مستواه ولن يعطيك أكثر من كذا ) ما ألومه!!!!!!! وانت لحظ أول خطأ وهذا الخطأ ثابت عند المفرج ولن يستغني عنه أبدا استخدام اليد ضد الخصم وخاصة داخل خط الثمانية عشر . وتابعه وتأكد بنفسك . - الغنام : والله ما راح يعطيك أكثرمما يعطيك الآن وأنا ممكن أشبهه بفؤاد أنور يقطع كور ولكن يسلم خطأ - إذا يتعلم من أخطائه أنا أول المؤيدين لبقائه . الخثران : مع احترامي له كشخص من الناحية الدينية الظاهرة علية : ولكن تابعوا لعبه للأوت يمسك الكرة ثم يلتفت يمينا ويسارا ثم يلف ويدور وفي الأخير تصل خطأ وكذلك في لعبه التأخير في التمرير . ولو تذكرون هدف ريان بلال تأخر الخثران في التمرير وقطعت منه ولم يجهد نفسه لاسترجاعها بل تركه وحصل ما حصل . وإلا والله ما يحلم الفريق المتهالك إنه يأخذ بطولة_ يالله كتبت له . فأرجو أن يتخلص من هذا العيب الخطييير - التمياط : وقد تعمدت أن أتركه في الأخير لعدة أسباب أولا عشاقه كثيير ومن الصعب ان تقنع هذا العدد عموما ظهر الحق وسبحان الله أعلنها هو بنفسه وقررالرحيل لأنه شعر بأنه لن يعطي للهلال بسبب الإصابة والتي أثرت حتى على أدائه لعبادة ربه . ( لا أقول هذا الكلام فرحا ولكن دليل يؤيد ما كنت قد قلته على الأقل في نواف ) وكنت قد حددت بأن نواف من بعد الإصابة لم يعد نواف السابق وهذا كان واضحا طيلة الفترة الماضية . فقد أثبت شجاعته ولم يكابر وأحييه على هذه الشجاعة . والله يوفقه في حياته . - البعض من الأخوان كا يقول حاسب الإدارة نهاية الموسم : طيب وش فايدة المحاسبة في ذلك الوقت وقد طارت الطيور بأرزاقها من البطولات . لا ياعمي نحن كمحبين للهلال من حقنا ان نعطي رأينا عندما نرى الخطأ . وهذا مشهود لنا كجماهير عاشقة للكيان . أما من قال المدرب والإدارة أدرى بمصلحة النادي فأنا أقول كلامك سليم 100% ولكن عندما يعطى المدرب الحرية أماالإدارة فالكل يعلم بأنها جديدة على المجال الرياضي على الأقل كعمل رسمي من خلال ترؤس النادي ولست بالشخص الوصي عليها أو الأدرى بأمور النادي أكثر منهم ، ولكن وكما قلت هي مجرد وجهة نظر من شخص يعشق النادي من كل قلبه . أيضا أود أن أشير إلى نقطة مهمة جدا بعض الإخوة يقول المنتديت الأخرى تشمت بنا لأننا نجرح لاعبينا !!! جوابي يخسأ ثم يخسأ من يستطيع أن يقول هذا الكلام .لأن جمهور الهلال نختلف في الآراء ولكن نتفق على شيء واحد حب الهلال هذا مبدأ تسير عليه جماهير الهلال وأعضاء شرفه وكل منتمي لهذا النادي . أخيراأشكر إدارة المنتدى على بقاء المشاركة _ حتى وإن كان العنوان حساس جدا _ فهذه الديمقراطية تقبل الرأي حتى وإن كان مخالف لرأيك . |
أفوض الإدارة بتعديل العنوان إن رأت أن المصلحة تتطلب التعديل |
| الوقت المعتمد في المنتدى بتوقيت جرينتش +3.
الوقت الان » 10:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd