اعزائي الاعضاء
تحيه طيبه

بأسمى وباسم فريق التغطيه احب ان اشكر جميع من ساعدنا في تغطيه معسكر الزعيم في الشرقيه واخص بالذكر الامير بندر بن ثامر واداره الشبكه

الحقيقه صارت لنا عده مواقف مضحكه واحب ان اذكرها ...

اول شى نشوف الغانم بيك وصار له :
كان الاخ جالس معنا ، اتصل عليه العوام عشان ينزل الملعب ويصور من قريب ، اخذ اغراضه الشخصيه من الشنطه لزوم الشغل طبعا ونزل يوم وصل عند البوابه طلع له واحد
لابس كوره فوق راسه ( الظاهر عرفتوه ) .
قال له : وين يا ابو الشباب ( ما عندهم الا ذى الكلمه ) .
الغانم : قال معك شبكه الزعيم .
قال والعسكرى : والنعم ... اقول اطلع فوق مكانك .
صار فيها كلام اخذ وعطى ، الى ان كلمنا خوينا .. انا والبارق خوينا اللى طلع سهل 888 واحد رتبه ;)


ثانى موقف صار للبارق نسمع وش صار له :
بعد خروج الفريق من الملعب متوجهين الى القريه الشعبيه وبعد وصولنا نزل البارق
من السياره ونسى الاخ باب السياره مفتوح تقريبا ساعه الى ان جاء احمد وقال الباب مفتوح ، بس الحمد لله ماتعرضت للسرقه .
وصار بعد ان حبى تيماوى صور مع الدوخى وقال راح اغير اسمى من حبى تيماوى الى حبى دوخى .
حبى تيماوى يسئل الدوخى متى بترحون الرياض ، قال : والله انا ودى الحين
حبى تيماوى ماكذب خبر .. قال : اركب اوديك بساعتين على السياره ..


بعد ما خلصنا التغطيه راحنا ندور لقمه ( يعنى اكل )
كنا في شارع المطاعم اللى في الكورنيش وجلسنا تقريبا نص ساعه ندور ونلف ،،
اول مره اشوف ناس يدخلون الحوارى عشان يلقون مطعم
واخيرا طحنا على مطعم فلفله نزلنا من السياره ودخلنا المطعم والا المطعم مافيه احد
طلع المطعم توه جديد ما فتح ( حسبي الله عليكم ياحبى تيماوى والبارق )
واللى قاهرنى الهندي اللى يسقي الزرع له وجه يسلم بعد ...
على السريع :
حبي تيماوى وقف عند محل مفروشات يحسب انه مطعم ... كان احلى ستاره على الفحم .


ملاحظه : كان معنا واحد اسمه : احمد (هو عضو في المنتدي ) كان في قمه الروعه والاخلاق انسان مرح
وكان شعله من النشاط بس اللى يقهر انه صور مع ابو عبدالله ( سامى )
وما طلعت الصوره .





مع خالص التحيه لكم من فريق التغطيه
حبى تيماوى ، البارق ، الموهوب ، القلب الازرق ، عــــ الهلالي ــارف ، الغانم ،ابوسعد 66 ، العوام ، احمد الغامدي

مشكورين وماقصرتوا والله يعطيكم العافية انشاء الله.

عـــــــــــــــــســـــــــــــــــــــــــــــــل

والله ناس عـــــــــســـــــــــــــــــــل

الله يعطيكم ألف مليووووون عافيه ،، ويسلمكم !!

أروووووووووووع من كذا مافيه .. بصراحه بدعتووووووووا !!

اقول عارف ... شكلك نسيت موقف العضو اللي راح يركض ورى كورة سامي وجابها بعد ماطلعت برى ( لحاق الكور )

مواقف طريفه
لكن بصراحة ... اشوف نفسي عاجز عن الشكر والله ...
والله يكثر من امثالكم بكل مدن المملكة .

ويامل العافية لكم كل ابوكم .. واسمحولي بالنيابة عن شبكة الزعيم والمشرفين والأعضاء اقول ... نردها لكم بالأفراح انشالله .
وعقبال مايفرحكم ويفرحنا الزعيم بهالبطولة المنتظرة والغالية بإذن الله .


تقبل تحياتي .

أول شيء ... هذا ولا شيء ..

والله ما شفتوا شيء .. ;)

(( إللي جاكم بس من السيارة إلى القرية الشعبية )) فقط

وإلا في بلاااااااااااااااوي ;)

بس خلونا نخلص ونروق .. ونوريكم وش صار في الأربعة الأيام

أسمحلي ياللي تلحق الكور .. ويا ؟!؟ ويا ؟!؟ ..;)


تحيات فريق التغطية ..

والله انى حاقد عليك ياعارف
لكن مـــــــــــــــــا اقول
جعلك ذخر انت وربعك الطيبين

إقتباس بعد ما خلصنا التغطيه راحنا ندور لقمه ( يعنى اكل ) كنا في شارع المطاعم اللى في الكورنيش وجلسنا تقريبا نص ساعه ندور ونلف ،، اول مره اشوف ناس يدخلون الحوارى عشان يلقون مطعم

كثر الله أمثالكم اخوي عارف ..

وإن شاء الله تتذكرون هالمواقف الحلوة بعد ما يرفع الثنيان كأس الدوري هالسنة بإذن الله ..

همسة إلى عارف ..
حساب العشاء معك فاتورته .. إن كانت معك أرسلها لشبكة الموقع نستبدلها بتذكرة للمباراة النهايئة وبالمقصورة بعد ..

الله لا يحرمنا منك

ما شاء الله يا ليتني جيت وتفرجت على ذا الموقف

يعني الحين البارق له عشرين سنة خايس بالشرقية ولايعرف مطاعم ؟!!!!


هذي مشكلة اللي مايتعشى إلا تميس وفول وإا طلع الراتب خربها وتعشى مطبق !!!

أخوي عارف الله يعطيك العافية بس لو إنكم سألتوني قبل ماتاخذون معكم البارق كان نصحتكم !!!

يعني تارك باب السيارة مفتوح وموديكم تعشون بمحل مفروشات ومفشلكم وقاعد يلحق كور بزعمه ذابحه الإخلاص !!!

المرة الجاية لاتنسون جمجوم خلوه يصرقع باللاعبين وينسيهم المباراة

اولا الف شكر على التغطيه الممتازه

وموقف حلوه مع اخوانا في المنتدى

[gl]من القلب[/gl]

قصدي:

ماقصرتوا