|
ياإداااااارة..كوزمين يحتاج لمناقشة أخطائه وتخبطاته...فإياكم والتفريط بمستقبل الزعيم بسم الله الرحمن الرحيم السلام عليكم ورحمة الله وبركاته ياإداااااارة..كوزمين يحتاج لمناقشة أخطائه وتخبطاته... فإياكم والتفريط بمستقبل الزعيم... أنا لاأتكلم بعاطفة..هي وجهة نظر حول بعض القناعات.. فقبل أن ننتهي من موضوع موبايلي والهلال لنشاهد موضوعا مثبتا يتكلم عن إعارة وبمعنى أصح إغاظة الشعب الهلالي فأي منطق وعقل يصدق بمقولة يتم إعارتهم بغرض تطوير مستواهم ...وياليته كان لأندية لها من الإمكانيات ... بل أندية مع إحترامي وتقديري للتو صاعدة إلى مصاف أندية الممتاز...وللاعبين مستواهم متطور أكثر من بعض ممن مازالوا موجودين لإغاظة الجماهير..ولاأشك أن بعض الأندية ستدفع الملايين لجلب بعض ممن سيتم إعارتهم.... فالذي يحدث هبال وخبال وتخبط والسامع يهيأ له أنه تمت إعارتهم لمانشستر وإلا الأرسنال... فهل هذا توجه لتفريغ الزعيم من مكتسباته ومستقبله الشاب بسبب قناعات مدرب هو إلى الآن لم يجيد التعامل مع الزعيم وإستغلال طاقاته وإمكانياته هل هو جهل من الإدارة بالزعيم وأبنائه...؟ قد أصدق بذلك لو كانت الإدارة حديثة عهد بالرياضة ووسطها ولم تظم عملاق الكرة الآسيوية واسطورتها سامي.. قد أصدق ذلك لو كان البطي أو البرقان حديثي عهد بالزعيم...؟ قد أصدق بذلك لو كان الشاعر والأديب أحادي الرأي لايأخذ بالمشورة...؟ إذا أين الخلل في ذلك...؟ هل هي مثالية زائدة على حساب الهلال ومكتسباته...؟ وأتمنى أن لايأتيني أحدهم كعادة البعض ويقول ليش ماتصير مدرب أو المدرب أبخص وهي حقيقة ووجهة نظر تخصني ومازلت مقتنعا وموقنا بها من حين مجيء كوزمين للزعيم حان الوقت للإفصاح عنها.. فالهلال أكبر من كوزمين والهلال هو من عزز سمعته ورفع أسهمه..وتلك هي الحقيقة.. ولا نغتر بالبهرجة الإعلامية ونفخها فهو لم يكن معروفا إلا في بلده..وللتأكد راجعوا تصنيف المدربين فتشتته في وضع التشكيلة وعدم ثباته على تشكيلة واحدة وتغير قناعاته ونظرته في اللاعبين فمرة فلان ومرة علان مما أفقد اللاعبين الإنسجام تخبطه وإرتباكه في التغييرات وكذلك الوقت المناسب لها...واتضحت تلك التخبطات وبانت في مباراة الإتحاد وتسليم الهلال له...؟ شاهدنا الهلال الموسم الماضي يفتقد لأبرز مهاجميه ياسر والصويلح ليجمد هداف ومهاجم بالفطرة لاأشك أنه لو كان بفريق آخر لسعى الهلال بجلبه ليشرك بدلا منه من قضى بالهلال مواسما لم يحقق للهلال فيها ماحققه الكلثم في بضع دقائق من مباريات شارك بها لعب بالمؤشر ليكون بعد توفيق الله سببا في تحقيق 6 نقاط للهلال ليختفي بعدها ولم نشاهده ليحل محله لاعبا أخذ فرصته وزيادة قناعته بظهير لم يحقق الهلال هدفا واحدا طوال الموسم برفعة واحدة يلعب ويلعب ويلعب ...؟والعبدالسلام الأفضل منه يعاني ويعاني ويعاااااني..؟ فإن تكلم أحدهم وقال بما تحقق من بطولات فهي بعد توفيق الله بسبب نجاحات بعض اللاعبين وتوفيقهم بإستخدام مهاراتهم لاحظنا أن فرص تحقيق البطولة كانت تأتي للزعيم ليفرط بتلك الفرص بسبب قناعات مدرب وإدارة .. ولإختزال تلك الملاحظة فلنتذكر بعض المباريات كمباراة القادسية والتفريط بنتيجتها أمام الإتحاد في الدوري وشاهدنا كيف هو الهجوم والفرص على مرمى الدعيع وكيف كان هو بعد توفيق الله سببا في تلك البطولة مباراة الزعيم أمام الشباب في الدوري وكيف كادت أن تذهب تلك المباراة بالبطولة لولا توفيق الله... الحديث عن الزعيم والملاحظات لايمكن إختزالها في بضع كلمات... ولكن ياإدارة إياكم والمثالية على حساب الزعيم وشبابه وجماهيره..فهم وقودكم وهم سبب نجاحكم بعد توفيق الله |
معليش اخوي لكن من انا او من انت عشان نحكم على كوزمين سواء بفشله ولا نجاحه ؟ ما بقا الا نقوله حط التشكيلة ذي ولعب اللاعب الفلاني ولا ترا بنخليك فاشل ومتخبط :bigeek: الرجال ماسك الفريق له موسم وشوي وعارف قدرات اللاعبين وعارف من راح يحتاج من اللاعبين ومن الي مهوب محتاجهم .. وهذا الي صار الي مهوب محتاجهم اعارهم لاندية ثانيه بدال ما يحترقون في الاحتياط .. والله يافيه ناس بديت اشك انهم فاهمين معنى كلمه إعارة ان اللاعب يروح لـ نادي ثاني وما عاد يرجع ابد :razz: الكلثم راح للرائد إعارة موسم واحد .. ياخذ فرصته كامله ويتعود على المباريات واجواها ويرجع لنا الموسم الجاي جاهز :) |
الحين كوزمين صار متخبط عشانة اعار لاعب ممتاز وكم لاعب مو في مستوى الزعيم صار تخبط عجباااا لهكذا جمهور |
إقتباس:
شك وأنا أخوك زي ماتبي... وإذا كان رأيك كما تقول أن..الرجال ماسك الفريق له موسم وشوي وعارف قدرات اللاعبين وعارف من راح يحتاج من اللاعبين ومن الي مهوب محتاجهم .. فلرأيك كل الإحترام والتقدير...ولكن لن أوافقك عليه...وكل وفهمه...وكوزمين ليس هو ضالة الزعيم.... |
أعتقد ان ادارة الهلال توصلت الى اتفاق مع ظهير ايمن محلي على ان يتم استعارته , لذلك تم اعارة الجيزاني والعبدالسلام لكي يذهبون هذا الموسم ويطورون من مستواهم ويبقون على العنقري لانه سوف يكون الاحتياطي الثالث في الظهير ( ظهير محلي - نامي - العنقري ) واذا جاء الموسم الي بعده يرجعون العبدالسلام والجيزاني والظهير المحلي يرجع الى نادية والعنقري تنسيق فهمتوا الفكرة وتراها تحليل شخصي . |
إقتباس:
|
اخــوي .. كـوزميـن هـذا اللى تقـول عنـه [ مخـبط ] يمكـن يعرف مصـلحه الـنـادي اكـثر منـي ومنــك |
يا خوي خلي الخبز لخبازه والرجال يعرف ويش يبي بالضبط وكيف يسير الفريق ومن اللي يحتاجه ومن اللي الفريق مو بحاجته هالوقت وان كان على الكلثم كلاعب احسن له الاعارة بدل من الاحتياط على الاقل الاعارة بيكون فيها أساسي ويزيد يصقل مواهبه بدل الجلوس على الدكة وجهة نظر............. |
مع احترامي لك انا مع المدرب في جميع قراراته |
إقتباس:
أتمنى أن يخالف الواقع رأيي ووجهة نظري لأنه مايهمني الزعيم ونجاحاته |
إقتباس:
بعض الجمهوووووور يتكلم وبس ولاهو داري وش السالفه.. لاعب ماله فرصة مع المدرب .. مركزة مليان .. هل نحطة إحتياط لأن كم نفر من الجمهور يحبونه.. مصلحة الزعيم فوق كل شيء.. ومن مصلحة الزعيم يروح اللاعب إعارة ويلقى فرصة يلعب وقتها يرجع بمستوى أفضل من أول .. ويقدم مستويات تشفع له بالبقاء ضمن التشكيلة الآساسية.. والمدرب له قناعة أرجوء أن تحترموها.. وإلا شرأيكم تدربون الزعيم أنتم.. ترى مابقي إلا هي!! |
{..أي تخبطآت :d كوزمين كل اللي يسويه صح مافيه شئ خطأ إعارة الكلثم بتطور مستواه لانه راح يضمن اساسي في الرائد تقبلـ مروري..} :smilie47: |
مع احترامي لك اخوي لا تفقه بالكرة القدم ابدا .. الاداره اعارة ولم تبيع لعيبة وكوزمين مدرب كبير يعرف شغله زين واذا عندك عتب يا ليت تخليه آخر الموسم .. خلنا نشوف توجهات الاداره والجهاز الفني |
بتكلم عن نقطة الإعارة أتمنى تشوف طريق ريال مدريد ومانشستر في الإعارة .. كل واحد هو أفضل فريق في بلده .. يعير لعيبته لأنديه توها صاعدة .. والا هم غلط :surprised: ؟؟ نتكلم عن دول وصلت لاحترافية مناب واصلينها ولا بعد 50 سنة .. ريال مدريد بيعير خافي جارسيا لراسينغ .. وراسينغ ترتيبه في النصف الثاني من الجدول .. فريق صغير جداً .. هل انت مقتنع ان اللاعب يجلس احتياط في الهلال موسم كامل .. مايلعب ولا ساعة كاملة .. أفضل من إنه يلعب في نادي مباريات كثير وياخذ على طبيعتها .. معروف في كل الأندية إن الإعارة لنادي أصغر .. لأن النادي الصغير ماعنده جماهير كثير فبالتالي اللاعب يقدر يقدم الي عنده في التمارين .. وفي المباريات .. عكس النادي الأصلي ( الكبير ) لأن الجمهور مايصبر ولا يرضى بلاعب يحتاج لتطور .. لو يغلط دمروا مستقبله .. هذي سياسة متبعة في كبرى أندية العالم .. ومن أكبر المدربين في العالم .. فيرغسون وفينغر وكابيلو وليبي ومورينيو ( طلب 21 لاعب فقط و3 حراس فقط ) .. اللعيبة كلهم منتقلين إعارة عام كامل .. والقائمة الهلال واصلة حدها 40 لاعب .. تبينا مانعيرهم .. وش نسويبهم اجل ؟؟ يتمرنون بدون مايشتركون في اي مباراة لانهم موب مسجلين في كشوفات الفريق :bigeek: !! لا تستعجلون في الحكم أرجوكم .. خلوا القرار ينفذ .. وشوفوا مستوى اللعيبة بعدين احكموا !! وع فكرة .. لو ما اعيروا هذولي .. لازم يُعار غيرهم او يُنسق لان القائمة مليانة :) 37 سعودي و 3 أجانب .. سؤالي واضح / الباقين وش نسوي فيهم غير الإعارة ؟؟ أما كوزمين .. فـ ستبدي لك الأيام !! MR.DL5 :smilie47: |
بالعكس كل اللي تم اعارتهم لاعبين احتياط لم يتم الاستفاده منهم في الموسم الماضي قرار الاعاره قرار سليم بحيث يستفيد الاعب والنادي سيلعب اللاعب اساسي في الفريق المعار ونضمن نحن رجوع الاعب لمستواه اهني كورمين على هالخطوه وبعدين كلامك عن الفرق الي توها صاعده لاتنسى ان هذي الفرق هي الي تشيب الرأس وعندك نجران والحزم اكبر دليل 00 لانكن عاطفين هذا كله لمصلحة الهلال |
| الوقت المعتمد في المنتدى بتوقيت جرينتش +3.
الوقت الان » 04:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd