إقتباس اذكر مره من زود البرائه قلت له باخذ مكانك بالجنه ههههههههههههههههههههههه

وقفت كثيرا عند هذه الكلمة .. انها التربية

بلد الوليد ورده

استمتعت بذكرياتك

دامني دخلت خل اقول لكم سالفة تذكرتها

لما كنت في أول ابتدائي كان واحد مبهذلني في الفسحة كل ما شافني جا وطقني وراح

طفشت وعلمت الوالد قام الوالد شرا لي مسطرة خشب

وقال لي اذا نزلت الفسحة خذها معاك واذا جا بيطقك طقه بهالمسطرة

وفعلا في اليوم الثاني فطرت في الفصل وطلعت اتمشى بمسطرتي

شافني الولد جاء لمي شاف المسطر بيدي قلت له والله اذا طقيتني اطقك بذي

خاف ومشى ومن يومها فكني الله شره

هلا بلد الوليد

إقتباس اذكر مره من زود البرائه قلت له باخذ مكانك بالجنه ههههههههههههههههههههههه

هههههههههههـ جد والله انواع البراءه

بس باخذ مكانك بالجنه

إقتباس قلت مشينا للوكيل نعلمه يعني من جد مالها داعي اخوه الكبير وانجلد قدامه

جد مشكله خاصه وانت رايح فازع له يعني لو انجلدت راح تكون قويه


انا صراحه مالي مواقف واجد لإن اختي كانت معي

بس والله ماكنت احتاجها لإني مؤدبه حيل وخوافه

يعني ماأتعرض لأحد صحباتي وبس


بلد الوليد

موضوع طفولي ومواقف حلوه

كلـ الشكرورده

عوافي..

هـلا وغلا فيصل ..

أخيراً طعت شووري !!

ما أنا قايلكـ إن عندكـ أسلوب أحلى من المشاغب ..


ياخي أثاريكـ من زمان وأنت مسوي قلق ..

الله يهديكـ ..

على طاري خويكـ ..

فيه زميل درست معه بأولى ابتدائي ..
وكنا نحب بعض مررررررة ..
المهم نقلت مدرسة ثانية .. ما شفته بعدها إلا بأول ثانوي ..
وكانت الأحضان هي العنوان ..

يعطيكـ العافية مستر قلق ..

سعدت بشوفتكـ والله ..
لا تطول علينا يالغالي ..!!

هذا والسلام
سكب الهلال

ورده

إقتباس اذكر مره من زود البرائه قلت له باخذ مكانك بالجنه ههههههههههههههههههههههه

أستغرب من إللي يقولون براءة أنا أشوف إنها دلاخة

ولا خليل الشبرمي كان يجلدكم ألحين حبيته أبوأديب


المهم يابوقلق موضوع حلو ويفتح النفس
ألحين حسيت إني في المجلس العام
ريحتنا من بعض المواضيع إللي ترفع الضغط

يوم كنت في الإبتدائي كان أخوي الكبير معي وأخوياه واجد وكانوا الفزعة
بس يوم راح المتوسطة جا أخوي الصغير صف أول وصرت أنا إللي أفزعله عاد الوسخ ورطني بمشاكل كثيرة أذكر مرة إني فقعت راس ورع قام راح وعلم أبوه وأبوه الحقير جاب الشرطة للمدرسة
بس أبوي حل المشكلة ويوم رحنا البيت بغا يجلدني بس مدري ليش ما جلدني يمكني كسرت خاطره

بالنسبة للمدرسين المجانين كان عندنا زول شايب في المتوسطة
إذا كانوا الطلاب يسببون ازعاج وما قدر يسكتهم يقول كلب بن كلب إللي يتكلم
وفيه كلام ثاني يقوله بس أستحي أكتبه >> لا يشيخ

أما الطابور أنا كنت أجي المدرسة متأخر علشان أوقف آخر واحد
مدري ليش أشوف الناس يحبون يوقفون قدام أحس إنهم بزران

يعطيك العافية على الموضوع الروعة ورده

برايفيت بلد الوليد
مرة ثانية إذا عطيتك دعوة في البلياردو لا تطنشني
مسوي ما تبي تضغط رفض علشان ما أزعل

بـس تصـدق .. أول ابتدائي طعمـه ما زلت أتذكـرهـ ..
سقـا الله هـذيك الايام ..




يـدربونهم على تايتنك ..

إقتباس اذكر مره من زود البرائه قلت له باخذ مكانك بالجنه ههههههههههههههههههههههه

إقتباس الرسالة الأصلية كتبت بواسطة .عاشق 15الفيلسوف. مصعب خويي أعرفه .. ومحسن والله مدري من يوم مانقلت عن الربوه وأنا ماأعرف عنه شي .. طيب خويك أسمه عبدالله النويصر : وعبدالعزيز الثاني هو البابطين ..

خير خير وش تبي أنت؟
تبي تاخذ علينا بلد الوليد ويصير صديقك الأولاني؟ طس مناك بس
بلد الوليد اللي كان معكم بالابتدائية خلاص انتهى .. زمن البراءة ولّى الحين هذا بلد القلق ورجاء لعاد تلحس مخ ولدنا
ترى أمزح معك يا عاشق .. تبيه خذه من زينه عاد والله اننا مبتلشين فيه ولو بيدنا كان وديناه دار الحضانة وافتكينا

إقتباس الرسالة الأصلية كتبت بواسطة nor alshams تذكرت موضوعك اللي قبل هذا ياااي كان معجبني وحافظة رد لي عليه بالوورد لكن ما الله أرسله ....

إقتباس الرسالة الأصلية كتبت بواسطة nor alshams [/COLOR] [/CENTER]

وش هالتطورات يا حنين؟ والله وصرنا نعّومين ونقول يااااي

-----------

الحين دور فيصل

إقتباس على طاري السامج كلي هلالي معك صمغ ؟!

هه هه ضحكني سالم هو وذبته ذيك يا شين السماجة بس

إقتباس لو جمعت طلاب ابتدائية هارون الرشيد وقلت من اسوأ من درسكم ؟ قالو جميعاً / الله لا يذكره بالخير استاذ خليل ..

الله يلوم اللي يلومه .. من كثر بلاويكم لازم يصير معكم شديد .. أجل الولد ذاك يرفع لك اصبعه وما تبيه يسوي شي؟

إقتباس قلت مشينا للوكيل نعلمه يعني من جد مالها داعي اخوه الكبير وانجلد قدامه

ـخخخخخخخخخخخخخخخـ
والله انك حكيم من يومنك صغير

إقتباس ( عند كل فيس مثل هذا اتذكر برائة مشاغبونا )

وأنا اشهد
أحلى شي في الدنيا البراءة كل الناس تحبك
موب مثل هالفيس ( ) اللي يذكرني بخبث أبوناصر

إقتباس شطحه صغيره مره تبليت ولد وقلت لأبوي انه سوا لي حركه وسخه جا ابوي صيحه في المدرسه وراح من بكره جا ابوه صيحني وراح والى يومكم ما درا ابوي ولو درا كان راح الحين وصيّح ولده اجل يرفع لي اصبعه واسكت ؟!

ـهههههههههههههههههههههههههـ
أنا ماني مصدق أنك تبليته .. أكيد انه سواها صدق ولا ما كان وصلت الموضوع لأبوك
بس والله أنك شنب .. أحسن شي إنك ما سكت له .. لأنه كان تمادى في غيه وحدث مالا يحمد عقباه
تعجبني أنت أحسن من غيرك اللي يسكت وياخذها ببساطة ويقول : " مصيرها الدود "

إقتباس يبقى موقفك وردك ! فخرابيطي لاشيء بدونه

بما أني طولت في الرد .. فراح أكتفي بموقف مختصر في أيام الابتدائية ..!

عشان تعرفون وش كثر أنا بريء .. أتذكر ذيك الأيام كانت موضة " خطك حلو " اللي تحتمل معنيين

فيه لها معنى عادي وبريء .. وفيه معنى فاهر

المهم .. حليت الواجب عند الأستاذ مفيد اللويسي الله يذكره بالخير .. وكان معصب هذاك اليوم على بعض الطلاب اللي يحلون الواجب بدون تنظيم ولا تسطير ..!!

أخذ دفتري ورفعه قدام الطلاب ويوريهم تنظيمي ويقول : " شوفوا دفتر سلطان منظم وخطه حلو ليه ما تسوون مثله؟"

أنا يوم قال خطه حلو انقطع عني الأكسجين وبغى يغمى علي من هول الصدمة

بس للحين الوضع هادي محد تكلم ...!!

رجع المدرس دفتري ورجع لكرسيه .. وبعدها بدأ الطلاب كل واحد يناظر ويقول : الأستاذ يقول خطك حلو

تخيلوا وجهي وأنا في قمة البراءة؟ .. ما قدرت أتحمل الضغط النفسي وقمت أصييييييييييييييييح

وقعدت أعيط وأعيّط .. والمدرس يسألني وش فيك؟ وأنا أعيّط وأعيّط وياخذني يبي يغسل وجهي بدورة المياه وأنا أعييييييييّط أكثر وأعيّط .. وأرفض أرووح وأعيّط

غسلت ورجعت الفصل والحمد لله قدّروا الطلاب حالتي النفسية ومحد قال لي شي .. وكان هذاك اليوم أكره يوم في حياتي الدراسية الله لا يعيد أيام البراءة اللي تدمر النفسية


فيصل موضوعك حلو وكويس .. كثر لنا منها [/COLOR]

السلام عليكم ورحمة الله وبركاتة

اخوي بلد الوليد الموضوع مو وقته شكلك مليت من الا جازة و شتقت الي الدراسة وبلخصوص المرحلة الابتدائية لانها افضل المراحل في الدراسه لانها مرحلة برائه وطيبة نيه اما المدرسة الي في الصورة الاولى ميب غريبة علي اعتقد انها ء في حي المصيف واسمها مدرسة عا صم بن عدي




واخيرا اشكرك على الموضوع

إقتباس من الصدف في عالم الدراسه .. ولد درس معي في الروضه والتمهيدي .. وكمل معي في كل سنوات الابتدائي وبعدها كل سنوات المتوسط وسنه من الثانوي وقابلته مره في خارج المملكه بالصدفه وليومكم والله ماعرف اسمه

ذكرتن بوحده داجه اعرفه تسولف قالت صديقتي وقالت صديقتي يوم سألته وش اسم صديقتك قالت هذى الي ناقص اسأله عن اسمه

مشكور بلد الوليد على الموضوع الخفيف الممتع

إقتباس ( عند كل فيس مثل هذا اتذكر برائة مشاغبونا )

هلا بك خيوو ...

//

والله الابتدائي حاله نادره انا اكبر وحده من اخواتي<< الله واكبر من كثر اخواتي

وابوي من خلقه ربي وهو يحب الدراسه تخيل دخلني المدرسه وانا عمري 5 سنوات

وخمس شهور يقالك مسوي انجاز ف حياته الى الان وانا اقوله ليه وليه قال يالله هالسنه

اولى جامعه احمدي ربك مالحقتي ع قرارات الوزاره اللي مدري وش تبي قلت له

وراه انا كان دخلت محمد اخوي اللي اللحين ف 2 جامعه والله لين اللحين حاقده عليه يعني

بينا سنتين ف العمر وف الدراسه سنه خير هو تهنى وانا لا ,, ولين وقتك هذا وحمندنا

هذااسم الدلع حقه يقول لي ياصغنونه << فيس معصب

//

والله يابلد الوليد من شفت يوزرك وانا عارفه انك تقرب لسوبر مان يمكنك اخوه من

الرضاع ااثرك واالله من جنبها ماعنك ماعند جدتي في الشجاعه وانا اقول انك

جنتل مان

//

اما ع طاري خليلوه استاذك اللي كسر راسك قلت مابقى الايمد يده

مسكين ولد خالي نفس حالتك يقول انه انذل خلق الله ولا مسوي نفسه ف شاعر المليون

انواع الاخلاق يمكن ع قولتك الجنسيه غيرت من شخصيته

//

والله يوم اني ف اولى ابتدائي كنت طويله يعني مو درجه اني عملاقه

الموهم من تدخل الاستاذه وع طول تحطني ورى وانا اروح البيت وع طول امسك خط ف الصياح

ومن بكره اومي تجي ثمن هالاستاذه تحطني قدام ويوم خلصت هالموال يجون البنات

يفشلوني يقولون استاذه مانشوف منها الله ياخذهم مدري اطول وحده ف العالم ع غفله

بس دفعتي ف ذاك الوقت كانو من الاقزام السبعه

لين جتني حاله نفسيه من الطول ومن دخلت المتوسط خلاص طولي وقف كله من

عيون البنات بس الحمد الله صار طولي زين

//

إقتباس طبعا عشان احجز وقفت في المربع الاول وحطيت الشنطه في المربع الثاني والمقلمه في المربع الثالث ..

ههههههههههههههههههههههههههههههههههههههههههههه

الى مابقى الا تطلع القلم وتحطه ف المربع الخامس صرااحه رهيب


بكل صراحه وبدون تردد انت يابلد الوليد تمتلك اسلوب جدا مرح

وكل مواقفك تدل ع خفه الدم الغير مصطنعه <<مااحب البثاره

اهنيك وبكل قوه ع هالاسلوب الجونان والموضوع الرهيب اللي يوسع الصدر

اسفه على الاطاله لكن موضوعك يستحق اكثر

//


تحياتي ^_^

هلا والله وغلا ابو قلق .. (ورده)

من زمـان عن مواضيعك الحلوة

والله ايام المدرسه عامه كـانت ايام حلوة .. تحاول انك ماتضيع ولا دقيقه
لأنك عارف انو هالأيام ماراح ترجع ..
وتحلل الأيام بـ الدجه والاستهبال والدفره < الاخيره شطحه

اذكر بأيام الابتدائي اخذت الطالبه المثاليه على مدري على وشو .. ليومك هذا
وأنا اسأل نفسي على وشو ماخذه الطالبه المثاليه
وللحين مالقيت جواب لسؤالي

بس اذكر اني كنت شاطره ايام الابتدائي
كنت من العشره الأوائل ..
يوم كنت بأول ابتدائي كانت اختي برابع وانا بأول الايام الاولى كنت اصيح
يودوني عند اختي ..
حتى اختي ليومي هذا تتريق علي اني كنت اجي عندها

وش بعد وش بعد

اذكر في مدرسه عصبيه كان اسمها نوال .. المهم كانت دايم تضرب وتشد الاذن وتطلع عيوونها كذا كانوا يقولون ان فيها عقده نفسيه
والله كان ضربها يعور .. حتى اشيل هم الايام والسبب هي اخاف اسوي شي
وتعاقبني ..
مع اني كنت بريئه ماصرت شقيه الا بالمتوسط والثانوي

إقتباس اذكر مره من زود البرائه قلت له باخذ مكانك بالجنه ههههههههههههههههههههههه

ياحليلك من جد برائه

إقتباس لو جمعت طلاب ابتدائية هارون الرشيد وقلت من اسوأ من درسكم ؟ قالو جميعاً / الله لا يذكره بالخير استاذ خليل ..

مادريت عنه من قبل كان ماصوت له بالبرنامج
صرت المظاهر خداعه .. قدام الناس شي .. ومن وراهم شي ثاني ..
الله يعينه على حاله ,,

ابو قلق .. (ورده)

موضوع جميل تحيف رائع .. كـ روعة حضورك

الله يعطيك العافيه..

إقتباس الرسالة الأصلية كتبت بواسطة بلد الوليد واحد .. ثنين .. ثلاث .. بع .! ما اذكرهم قد قالو اربع دام بع بع

إقتباس الرسالة الأصلية كتبت بواسطة بلد الوليد مدرسه ابتدائيه مقصفها يبيع بطاطس مقلي !! عرفتو ان الدعوه خربانه ؟!

إقتباس الرسالة الأصلية كتبت بواسطة بلد الوليد شويات وجاي معه جدار موب جدار جدار بس اخوه يعني جدار ( افلقوني على الوصف ) قالي وخر عن مكان اخوي قلت والله ما اوخر جاي قبله والدمعه بعيني هو بس رفع يده بيطقني وانا صياااااااااااااح ويطقني طق حسبي الله عليه للحين والله ما نسيته

إقتباس الرسالة الأصلية كتبت بواسطة بلد الوليد اذكر مره من زود البرائه قلت له باخذ مكانك بالجنه ههههههههههههههههههههههه

إقتباس الرسالة الأصلية كتبت بواسطة بلد الوليد كأني اشوفك في ذاك السيب .. بشماغك .. بدون عقالك .. بلحيتك . الي اختفت يمكن مع اتيكيت الجنسيه القطريه ! سبحان الله كيف كنت قاسي ! طلاب عودهم ألين من الخيزران تذكر شلون كنت تضربهم ؟ تذكر عذابك ؟ والله ما انسى ظلمك لي واستدعاء ابوي للمدرسه بسبب كذبه لفقت . لو جمعت طلاب ابتدائية هارون الرشيد وقلت من اسوأ من درسكم ؟ قالو جميعاً / الله لا يذكره بالخير استاذ خليل ..

إقتباس الرسالة الأصلية كتبت بواسطة بلد الوليد وراني ذاك الجدار الي لو قدم على ثانويه طردته محو اميه ويالله ينقبل خوفاَ على شرف الشياب قلت هذا اهو بسسس !؟ قال ايه . قلت مشينا للوكيل نعلمه يعني من جد مالها داعي اخوه الكبير وانجلد قدامه

إقتباس الرسالة الأصلية كتبت بواسطة بلد الوليد تذكرون هذي اللحظات ؟! تجي وعيونك كلها غمص يستقبلك عند المايك مدرس غثيث ! مدري ليه دايم مدرسين الطابور غثه على فكره انا اضمن لكلي هلالي مدرس طابور متميز جدا في عمله ذكرتو اشكالكم في الطابور ؟! والمدرس يقول .. واحد .. ثنين .. ثلاث .. بع .! ما اذكرهم قد قالو اربع دام بع بع \\

إقتباس الرسالة الأصلية كتبت بواسطة بلد الوليد ادري ان كلامي ماراح يوصل لأحد لكن اتمنى اني اشم امنيه ان عندنا تعليم يبرد الكبد . تعليم تتطمن تحط عيالك عنده تعليم ثوبه نظيف تعليم يفرش اسنانه كل يوم ---> ترا الحكم الي كاتبينها على الجدران فهمنا لها في الابتدائي زي فهمكم لما خط بالرصاصي !! اجل التعليم له ثوب يامخفات ؟! الشرهه عليكم الي تقرون