مرحبا بالهاوي ,,ورده

معلومة جديدة إن الكذب عادة صيفية .. رغم انه مُلاحظ هذا الشيء .. في أكثر من مجال ذكرته أنت ..


السفريات .. كل الناس من -الجحادة - بتسافر أبها بالصيف .. وهم يختمون الجوازات ..
وإلا الشيبان اللي ماتتكسر أسنانهم إلا بالصيف .. ومافيه طقوم تركيب إلا بسوريا !! طيب قل ودي أعرس وخلاص !
الكذبات الصحفية .. خصوصاً إن مافيه أخبار ولا أحداث .. الجرايد مافيها إلا عروس وتسمم مطاعم .. وانتقالات لاعبين ,, إلا والله صدق في الصيف يووووة كل اللاعبين بيجون وبينتقلون وبالاخير كلن ماسكن أرضه !!

في بعض الناس ,, وغالباً - الحريم - يحبون يحكون أحداث شيقة .. ويوصفون أنفسهم بمواقف .. وكلها تسذب في تسذب .. يسمعون سالفة ويقولون :: (إيه أنا كذا .... وتبدأ باختراع القصة !!! والمشكلة اذا جت تعيدها تتغير !!)

الكذب .. عادة قبيحه وذميمة .. وتنفر الناس من اللي يلتزمها .. وبعض الأشخاص ابتلي فيها ..
اللهم عافهم ولا تبلانا ..

الهاوي ..
أهنيك على هذا الطرح الراقي ..
أختك ..وردهورده

ولد حصه

هلا وسهلا الله يسلمك ويحفظك، ولا تخاف لست من النوع اللي يشيل عجرا بيده، أُفضّل المسحاة عليها

إقتباس قال اتسذب تنجى قال الصدز انجى و انجى ..

يازين هرج الأولين ويا صدق الأمثال من عندهم

إقتباس انت تعلم اخي الكريم ان في بلاد الغرب اهم صفة يجب ان تكون موجودة في التعامل هي الصدق ..!!!

المشكلة أن الصدق مهوب تقنية، ولاّ كان ما زعلنا من تقدمهم ما داموا يشتغلون..


شكراً على مرورك الكريم

___________________________


المغيري 1412

العفو يا غالي وشكراً على مرورك


___________________________


المحبره

يا هلا وسهلا فيك

إقتباس وإلا الشيبان اللي ماتتكسر أسنانهم إلا بالصيف .. ومافيه طقوم تركيب إلا بسوريا !! طيب قل ودي أعرس وخلاص !

فاتت علي ذي

إقتباس يسمعون سالفة ويقولون :: (إيه أنا كذا .... وتبدأ باختراع القصة !!! والمشكلة اذا جت تعيدها تتغير !!)

" إيه أنا كذا.. " ، " نفس الموقف صار معي .." ، هالعبارات إذا سمعناها فإنه يتوجب علينا في الغالب غض الطرف عما بعدها، أما من ناحية تميز الحريم بهالنقطة فشهادتك بالتأكيد هي أصدق من شهادتي

آآمين الله لا يبلانا ، وعسى الله يهدينا ويصلح حالنا.

الله يسلمك أختي وشكراً على مشاركتك

الفيروسه الزرقاء


هلا والله وسهلا الحمد لله على السلامة، مبطي ما شفنا مشاركاتك.

إقتباس عادي أرد متأخر صح ! عندي أجي متأخر أحسن من أني ما أسير عليك وإلا أنت مستانس لأن مالي بصمه بـ هـ الموضوع

إيه عادي بالحيل ، بل إنه ودنا نشوف بصمة الأوائل

إقتباس الإنسان بـ إستطاعته تحمل البرد ويقدر يدفي نفسه بـ الملابس و مزودات الطاقه أقصد الجمر وأخواته " الدفايات "

هم يقولون الصيف أحسن من الناحية الصحية، ولا جابوا طاري العرق أبد

وأيضاً الإنسان باستطاعته تحمل الحر ، فمزودات المكيفيات ( يبي يقلد) موجودة في البيت والسيارة والعمل والاستراحة ، والأخيرة هي الأهم

إقتباس أفرض أنه نزل من سيارته المكيفه وأنطق لك عند هـ الوزارات وإلا رايح عمل ميداني ! كيف بيواجه الشمس بـ الحر الشديد ! يلبس مثلاً تي شيرت وبرمودا بدلاً من الزي الرسمي

لأ، يشرب حمضيات ، العمال اللي يتعرضون للشمس دائماً يشربونه وقت العمل لأنه حسب زعمهم غني بالأملاح، وشرب كميات كبيرة منه يساعدهم على تعويض نسبة الأملاح اللي يفقدونها نتيجة التعرق، ومعروف أن الأملاح تعطي طاقه، يعني الحمضيات تعتبر من مزودات الطاقه

إقتباس غير كذا في صيف تكثر الفايروسات ، جد تجيك أنواع الزكام و المغص بسبب تعرضك لـ تيارات تارة بارده وتارة حاره

والله كلامك معقول، لكن يوم سويت بحث سريع لقيتهم يتكلمون عن أمراض القلب والكلسترول وأنها تقل في فصل الشتاء، عموماً يظل الموضوع نسبي..

إقتباس سين سؤال يـ هاوينا ! هو فيه فرق بين يكذبون ويتسذبون ! وإلا لازوم السجع ---> تسمع فيه

إيه نعم، وأتكلم عن نفسي، فإذا قلت عن شخص بأنه يكذب فهذا يعني أن كذبته ممكن نعدّيها، أما في حال أنه يتسذب فمعناها أن تسذبته لا يمكن أن تمر مرور الكرام..

إقتباس أجل طلع لـ الكذب ألوان كذبه بيضاء !! طب وش فرقها عن الكذبه السوداء كلها تودي نفس الطريق

يمكن السوداء طريق سريع للمصائب أما البيضاء كطرق الخدمه ملتويه وغير واضحة!!، لكن مثل ما قلتي بالنهاية كلها كذب مذموم ونتائجه سلبيه..

إقتباس أختي الصغيره إستحاله أثق فيها وهي بـ هـ السن ! أقولها صليتي تقول ايه ! طب شلون صليتي وسجادة فله ماطلعت من كيستها

سجادة فله!! البزارين لهم نفس الاهتمامات، بنت أختي تتعامل مع منتجات فله وكأنها Dior

الله يحفظك وإياها من كل شر، ما دامت صغيره فيمكن توجيهها، المشكله بالكبار من يوجههم!


العفو يالفيروسه وشكراً على مشاركتك وتواصلك، وحطي لنا قصة ناروتو بالمنتدى


___________________________


بريماكس!!


يا هلا والله وغلا

إقتباس للاسف البعض عامه كامل ( صيف )

لا تظلمهم، هو ضريبة أنهم يعيشون في منطقة حارة، لكن لو واحد منهم نقلوه للقطب كان ما يكذب ولا كذبه ، لأنه يبي يموت من البرد على طول


الله يعافيك يا غالي أسعدني بالحيل مرورك