|
لماذا اكثر الجمهور لايقتنع بالصراحه هل نحن حاقدون على نواف طبعآ لالا اكثر الجمهور عندما تقول له نواف انتهى يقول لا راح يعود ويرجع ولاتنسى انه جاب لك بطولة سنة كذا وكذا انا ابي الحين اللاعب منتهي ماقدم شي يشفع له ابدآ افتقدت تمرايرته ولمساته اللي تطرب القاصي والداني نواف مايصلح يلعب مباراه كامله بحكم انه لاعب خبره الاكتفاء بأبقائه الى اخر ثلث ساعه او نص ساعه سامي وهو سامي اسطورتنا يوم عرف انه ماراح يقدم زي ماقد قدم فالسابق اعتزل لانه يبي يحافظ على تاريخه المرصع بالذهب انا اكثر واحد يحب نواف واكثر واحد دافع عنه لكن لا بد من الاعتراف انه خلااااص لكل رجل شجاع نهايه نواف اما الاعتزال او الاحتياط واللعب في اخر المباريات اعرف ان هناك من راح يعلق وبيقول ماعليك منهم يابوبندر واللي بيقول راح يرجع لان حراااااااااااااااااااااااااام تقتل مواهب عندنا قادره على جلب البطولات الكبيره مثل عبدالعزيز الدوسري والعابد والكلثم والله قهر لازم نفتح عقولنا ونسكر قلوبنا شوي ادري ان هناك عشق يربطنا بنواف لكن مصلحة الزعيم واعصاب جمهور الهلال فوق كل شي اتمنى كلامي يفهمه كل من يهمه زعيم اسيا |
نواف التمياط مستواه طايح هذا لاشك فيه أنا عندي الشجاعة الكافية للأعتراف ولكن أنت هل لديك الشجاعة الكافية لتقول أن فهد المفرج أسوا لاعبي الهلال من ناحية المستوى في كرة القدم أم نواف التمياط (لا أحد يقول أني أسب اللاعب) |
المشكلة أننا نتكلم من خلال العاطفة كثيراً |
نواف كبير ومتميز وكبير ومتميز دمتم بود...........؟؟؟؟؟؟؟؟؟؟ |
نواااااف عمره 32 سنه يعني باااااااقي على الاعتزال سنتين حراااااااااام عليك تحسده انه يلعب احتياط وبالعكس للاعب خبره واناا دائمااا اتفائل اذا لعب ايو بندر |
أتمنى من نوآف إعطاء الفرصة لغيره من الشبآب لإثبات ذآتهم .. |
نواف ما فقد مستواه هو فاقد الحماس لاحظ على طريقه لعبه قبل الاصابه وبعدها وشف وشلون كان يعصب ويتحمس والحين تقل احسن لاعب عند نفسه |
والله لو يريح الكابتن ويعطي فرصه لغيره أحسن لاعب إنتهى ماعاد عنده شي يقدمه حتى تسديد مايعرف يسدد ياليت تكون الفرصه للكلثم وللاعبين الضغار تحياتي |
نواف لا يزال يستطيع تقديم المزيد ولعبه حاليا من افضل لافضل |
مهب مشكله انت اول نسق الاعبين اللي مستواهم مايشفع لهم يلعبون للهلال ومالهم تاريخ يذكر ذيك الساعه نفكر في كلامك |
اشكر الجميع على الحضور واتمنى ان يعرف الكل ان كلامي من باب الغيره على نواف ونواف يبقى لاعب فذ ونادر في الهلال لكن لكل رجل شجاع نهايه |
ياجماعه ياليتها على نواف وبس اللاعبين اللي يجب التخلص منهم واعطاء الفرصه لغيرهم كثر ولكن الله يكونا بعونا ويصبرنا الموسم القادم على بعض اشباه اللاعبين بدون تسميات ولاحد يجي ويقول جابو بطولات ولا تنسى مباراة كذا ومباراة كذا لان كل وقت له لاعبينه والا كان استمرينا على لاعبين الهلال القدام امثال يومسف الثنيان وسامي الجابر وخلاص يجب التفكير بالامور بجديه بعيداً عن التعاطف اللي راح يضيع الزعيم :) |
نــــــــــــــــواف لو يلعب على عكازين ما راح يفرط فيه الزعيم نــــــــــــــــواف لاعب غير يا أبو الشباب |
اللاعب نواف التمياط جميعنا نتفق بأنه ليس نواف 2002 لكن انشاء الله يعود هذا الموسم كما كان لاعب متألق ومفيد للفريق . بس بصراحه التائب ماكل الأخضر واليابس في صناعة اللعب . |
يعني نواف مشغلكـ له الدرجه ياخي تخيل انكـ مكانه واصبت وكل خارج من اصابه وداخل باصابه والجماهيير مايرضيهه العجاب واكبر دليل : الاسطوراه يوم ان هبط مستواه قالوا خلاص مانبيه وسجل بالنهائي هدفيين على العموم تقبلو مرورري |
قريت واحد يقارنه بالمفرج ؟؟؟؟؟؟ بصراحة احد الردود قالت الهلال ما يفرط لو على عكازين يا اخوان نواف يناااااااااااااام طول المباراة بس بلمسة تنهي المباراة وش تنتظرون منه نواف 2000؟؟؟؟؟؟؟؟ كلنا ندري انه كبير على انه يمسك الملعب طول بعرض وقته الحين لمسة بس اي لمســـ:smilie47:ـــة يبقــــــــــــى اسطـــــورة الوســـط في اسيــــــــــا نــــــــــــ:smilie47:ـــــــــ 11 ــــــــــــواف |
نــــــــــــــــــــــواف راجع أنـــــــــشـــــــــــاء الــــلــــــه بقـــــــــــــوة .... |
حنا كـ جمهور نثق بـ امكانيات نواف نواف لديه امكانيات كبيره بس للاسف اعتقد ان مشكلة نواف الحاليه ( نفسيه ) نواف نعرفه في ايام عزه كان لاعب متحمس ومقاتل وهذي الميزه الكبيره اللي كانت فيه طبعاً مع امكانياته الرائعه اما حاليا نواف لا يملك الحماس ولا القتاليه وهو يعتقد بانه انتهى .. نواف اصبح بارد بدون طموح ويعتقد ان مستواه لن يعود كما كان ... انا متأكد بأن هذا هو شعور نواف الان ، واي شخص متزن وله نظره راح يوافقني بهالشىء .. شوفوا نواف كيف كان يركض ورى الكوره ايام عزه واللحين شلون .. نواف اول كان يركض بـ طموح.... واللحين صار يركض لتأدية واجب..!! وهنا الفرق بين اول واللحين ... ولا امكانيات نواف هي هي ماتغيرت .. لكن روحه ضاعت طموحه صار سراب ... للاسف نواف تأثر من كلام الجمهور وصدقهم ولا هو كان واثق من نفسه و من أمكانياته ... ليتك يا نواف ماسمعت للجمهور وكنت واثق من نفسك اكثر .. مثل ما صعدت للنجوميه بيوم تقدر ترجع لها بنفس المثابره والحماس و الطموح اللي كنت فيه نواف صدقني انت اكثر لاعب هلالي كنت اتمنى اني اكون قريب منه بالوقت الحساس اللي تعرضت فيه لاصابه .... عشان ادعمك بهالموضوع وخصوصاً بالحاله النفسيه ... اي شخص في مكانك راح يتأثر ولا حنا بنلومك لو مارجعت لنا مثل اول .. شخص مثلك يانواف يوم صار بعز مستواه وقمة توهجه الفني تجيه اصابه لعينه تحرمه من الملاعب لمدة سنتين ويوم رجعت بعد السنتين تكررت لك نفس الاصابه .. وحرمتك من الملاعب لسنه ونصف .. اي لاعب في مكانك راح يتأثر لكن ياليتك يا نواف ما استسلمت لـهذا التحدي الكبير ... والتحدي الكبير هو .. مو الصعب انك تاصل للقمه ، بس الصعب شلون تحافظ عليها ..!! نواف حنا جمهور الهلال نعرفك لو انت حطيت براسك شي تسويه ... ولو انت شلت من راسك فكرة انك انتهيت وصرت مو مثل قبل ... وترجع لنا بروح صافيه وطموح عالي وحماس كبير ... صدقني بترجع لنا مثل اول واحسن نوااااااااااااااااف اتمنى بس لو كنت تقرا ردي هذا ما اتمنى اكثر من هالشي بالوقت الحالي |
أولا ً : مشكوور على موضوعك الجميل .. ثانياً : انا اتفق معاك نواف طايح مستواه كثيير بس فيه ناس تنتقد انتقاد مو لايق بالاعب ,, يعني أقل شي نحترمه واذا بغينا نكتب عنه نكتب بأحترام للتاريخ الي أمضاه مع الهلال 00 وتقبل مروري وشكري لك أخووي ... |
إقتباس:
ـــــــــــــــــــــــــــ امراسلتي ــــــــــــــــــــــــــ [email protected] ـــــــــــــــــــــــــ |
اخي الكريم هذه وجهة نظرك وانا اخالفك ولا تكلمنا وكأنك انت الوحيد اللي تهمك مصلحة الهلال انا لا اقول انك لاتهمك مصلحة الهلال لاوالله لكن ليس بشرط ان يكون فكرك صحيح ولا مجال للتشكيك فيه انت تقول وانا اقول لكن الواقع يفرظ نفسه بأن نواف التمياط نجم لايشق له غبار لكن هناك نجوم كثير مرت عليهم مواسم لم يقدموا فيها شيئ ولكنهم ابدعوا في المواسم التي تلتها ونواف لم يلعب الموسم الماضي الا دقائق قليلة مقارنة بزملائه اللاعبين لكنه قدم مستوى طيب وانا اقولك انه من المستحيل ومن غير المعقول ان تطالب لاعب بتقديم نفس المستوى الذي كان يقدمه قبل 8 سنوات عندما كان في عز مستوا وبعد اصابته بواحدة من ابشع الاصابات في كرةالقدم ارجوا ان اني قدرت ابين لك قصدي ودمت سالما |
| الوقت المعتمد في المنتدى بتوقيت جرينتش +3.
الوقت الان » 11:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd