اقتنع بكل الاعبين الا بالعنبر
كنترول مافيه مهارات مافيه تسديدات ماحولك احد سرعه مافيه مجرد مقارنته مع الصويلح ظلم شف العنبر تلقى العكس بالصويلح عموما الله يوفق العنبر وغير العنبر مع الزعيم مع العلم ان هالاراء كلها مجرد اراء ومشاركته او تنسيقه هذا بيد الأداره مع انني اتمنى ان الأداره تعرضه على قائمة التنسيق



ملاحظه:انا انتقدت الاعب في الاشياء الفنيه وماتتطرقت لشخصه تقبلو مروري

لا تعليييييييييييييييييييييييييق

بس العنبر تأخر علينا

ياشين المجاملات
.......................................

إقتباس الرسالة الأصلية كتبت بواسطة Lover Sami مشكور اخوي كلنــا نــعرف من هــو محمد العنبــر ، لكــن إذا هبط مستوى اللاعب الكل ما راح يرحمـه نهائياً ، و فوق هذا بعض اللاعبين يحسسك بـعدم المسؤوليــة ..!! اتمنى عودة العنبــر كـمــا عرفنــاه ،

أكيد الكل متفق على هبوط مستوى العنبر

بس القليل يعرف ان السبب هو الإصابات المتعددة اللي تعرض لها

بالإضافة للظروف المعيشية وهي إقامته في مدينة الخرج بعيدا عن الرياض

فأكيد بعده عن مقر النادي وسفره اليومي يسبب الإرهاق وعدم التركيز الذهني له

لكن إن شاء الله الإدارة الهلالية هالسنة تحاول مساعدة العنبر وإقناعه بالبقاء في الرياض

وهالموسم بالتحديد إذا وجد العنبر من المدرب والجمهور الثقة حيكون أحد نجوم الهلال إن شاء الله

إقتباس الرسالة الأصلية كتبت بواسطة هلالي بكل أحوالي أخي الكريم سنتكلم بعيدا عن الاهواء والله على ماأقول شهيد وأنا وانت والكل يعلم ان الاختلاف لايفسد للود قضيه اكثر لاعب هلالي اخذ فرصته باللعب أساسي أو أحتياطيا والدخول للعب أخذ فرصته بالمنتخب لكن الاعب الى الان لم يقدم مايشفع له بالبقاء بنادي كبير كنادي الهلال... لاعب لديه بعض السلبيات.. لاعب بطىء نوعا ما لاعب غير مهاري <<<وهذه لابد للمهاجمين أن يتمتعوا بها لاعب غير ذكي <<< وكلامي هذا لا يعني أنه يتمتع بالغباء لا والله لكن الكوره تحتاج الى لاعب يتمتع بالذكاء لاعب غير سريع وماالى ذلك بل أتمنى من أدارة الهلال أعارته لأحد الانديه سنه أو سنتين لكي يستعيد الثقة في نفسه ومن ثم العودة للهلال أتمنى أني كنت عضو خفيف عليكم وأن كلامي هذا لايزعج أحدا وكلنا نعلم بحرية الرأي والتى تكون عند حسن الذوق العام وأن شاء الله هذا ماصدر مني يعطيك العافيه أخي صاحب الموضوع وتقبلوا تحياتي

أخوي نحترم رأيك حتى لو اختلفت معنا

لكن رأيك قاسي وظالم بحق العنبر ويمكن ماتعرف العنبر زين !

تقول انه أخذ فرصته كاملة مع الهلال كأساسي وهذا الشيء ماحصل الا في موسم واحد فقط

ومو في كل المباريات لأن في أغلب المباريات كان احتياطي وينزل في أوقات حاسمة ويحسم البطولات للهلال

وكلنا نذكر نهائي ولي العهد أمام القادسية ونهائي كأس الاتحاد أمام الأهلي

العنبر حسم بطولتين للهلال تسجل من ضمن بطولات الزعيم مع انه كان احتياطي

وتقول بعد أخذ فرصته كاملة مع المنتخب كأساسي وهذا الكلام مو صحيح أبدا !

هو لعب مباراة واحدة كأساسي مع المنتخب ضد كوريا وهي تحدد بطل المجموعة

وحسمها محمد العنبر بهدف رائع اختير من أجمل أهداف التصفيات الآسيوية المؤهلة للمونديال

وبعدها للأسف توالت على هذا اللاعب المظلوم الإصابات فمايطيب من إصابة حتى تجيه إصابة ثانية

والموسم اللي راح لما تعافى من الإصابة ولعب مع الفريق في كأس الاتحاد

سجل هدف جميل ورائع لايصد ولايرد بتسديدة قوية ومباغتة ولكن كوزمين بعد ذلك أبعده !

وبصراحة هذا قرار خاطيء وظالم من كوزمين للعنبر خصوصا في ظل إصابة ياسر والصويلح

وأعطى الفرصة لسلطان السعود وأبعد مهاجم خطير مثل العنبر كاد يحسم مباراتنا مع النصر في دقائق معدودة

باختصار العنبر مهاجم خطير وممكن يفيد الهلال كثير بس يعطونه الثقة المدرب والجمهور !

انشاء الله نشوووف العنبر هذا الموسم بأفضل حالاته
ومنها يرجع للمنتخب

إقتباس الرسالة الأصلية كتبت بواسطة أبوخـــلـــودي ياخي هات من الاهداف الكثيره اللي تقول عليها غير هدف النصر الصدفه وهدف كوريا خلك واقعي الاغلبيه منتقدين العنبر والدليل شف الردود على موضوعك فقط ولو بغيت زود ابحث ببقية المواضيع والحق ما يزعل العنبر ليس لاعب كره قدم يفتقد للكونترول والدليل شف المباريات التجريبية بايطاليا

ماأدري أنت متابع الهلال في السنوات الأخيرة والا لا ؟!

االعنبر حسم بطولة نهائي كأس ولي العهد أمام القادسية عام 1425 -1426ه

وحسم نهائي كأس الأمير فيصل بن فهد أمام الأهلي عام 1426 ه وسجل أهداف كثيرة للهلال مو بس هالهدفين !

بس مشكلة الجمهور إذا مااقتنع في لاعب يحاول يتجاهل الحقائق أو يقلل من أهميتها !

إقتباس الرسالة الأصلية كتبت بواسطة sheva_7_22 انشاء الله نشوووف العنبر هذا الموسم بأفضل حالاته ومنها يرجع للمنتخب

يارب يتحقق هالشيء لأنه أحسن مهاجم تقليدي في السعودية حاليا

يوجد مهاجمين مهاريين كثير يطلق عليهم ( مهاجم حر ) في السعودية وهم نجوم في الأندية

مثل : ياسر القحطاني ومالك معاذ وسعد الحارثي وناصر الشمراني والمحياني وغيرهم

لكن مهاجم تقليدي زي محمد العنبر طويل القامة ويجيد الالتحامات والتمركز داخل منظقة الجزاء قليل

وأبرز لاعب سعودي من هذه النوعية بالتأكيد هو محمد العنبر الذي لم يستفاد منه حتى الآن !

محمد

كنتروله ضعيف جداً .. وبارد في الهجوم

إقتباس الرسالة الأصلية كتبت بواسطة غريب جده محمد العنبر اعطي اكثر من فرصه ولاكنه اثبت انه لاعب عادي ثاني شي .. العنبر ولد خالة محمد الدعيع وعبدالله الدعيع واتوقع هذا سبب بقائه في الهلال ... بالتوفيق للعنبر يامع الرائد يامع ابها و الحزم لاكن مع الهلال راحت عليه

وييييييييييين يا ابو الشباب على كيفك انت
وترى عيب عليك تفتي من راسك انه يقربله انا اعرف محمد شخصيا ماله اي قرابه لا بالدعيع ولا بغيره ورجاءا لا تقرب الناس وتبعدهم على مزاجك
وبالنسبه لبقائه يكفي كلام ابو مساعد عنه

شاكر لكل شخص مر على موضوعي

والحمد الله فيه اشخاص يعرفون منه محمد العنبر

والبعض لايعرف من هو محمد

....................................................................

العنبر لاعب كبير

وسيعود لمستواه المعهود بمشيئة الله تعالى


بس يضغط على نفسه شوي في التمارين


ويحتاج إلى دعم معنوي كبير

لأن الجماهير طالبته العام الماضي ولا قدر يسوي شي

بس اللي نبيه منه إنه لا يلتفت للإعلام بشكل كبير

ويحاول يطور نفسه ولا يقف عند نقطه معينة ويقول خلاص أنا وصلت لهذه المرحلة بوقف

عافاك الله على الموضوع المتميز


تقبل مروري

إقتباس الرسالة الأصلية كتبت بواسطة fah135 العنبر لاعب كبير وسيعود لمستواه المعهود بمشيئة الله تعالى بس يضغط على نفسه شوي في التمارين ويحتاج إلى دعم معنوي كبير لأن الجماهير طالبته العام الماضي ولا قدر يسوي شي بس اللي نبيه منه إنه لا يلتفت للإعلام بشكل كبير ويحاول يطور نفسه ولا يقف عند نقطه معينة ويقول خلاص أنا وصلت لهذه المرحلة بوقف عافاك الله على الموضوع المتميز تقبل مروري

هذا هو الكلام الصحيح

وفعلا يجب عليه أن لايلتفت للانتقادات الجارحة من الإعلام أو الجمهور

ويحاول يشد حيله في التمارين والمباريات لكي يرجع نجم الحسم للهلال

أما ان الجمهور طالبوه بالمستوى وماقدر يسوي شيء في الموسم الماضي

فأصلا المدرب كوزمين ما أعطاه الثقة ولا الفرصة للعب كأساسي في ظل غياب ياسر والصويلح !

مازلت مصر على كلمة واحدة :

يوما بعد يوم يفقد العنبر محبية ويكثر أعداءه بسببه هو لا بسبب غيره .