|
لــيــه تحـــطيـم بعض اللاعبين فهم يريدون منكم الدعم؟؟!!! بسم الله الرحمن الرحيم ,, السلام عليكم ورحمة الله وبركاته .. كيف الزعماء اليوم أن شاء الله تماام ؟ هذي أول مشاركه لي في منتديات الزعيم وياليت أنكم تكتبون تعليقاتكم على الموضوع المفيده ,, عندي موضوع مهم جداً وذكره أكثر من عضو في المنتدى لاكن أنا اليوم ابي اذكر هالموضوع مع بعض اضافات ,, الموضوع عن الاعبين الي تقولون عنهم مايعرفون يلعبون ومن هالكلام مثل : المفرج ، العنقري ، التمياط ... الخ أنا مع خلاف رأي من يقول أن المفرج مكانه غلط بالهلال والله والله انه من أفضل الاعبين وحبه وأخلاصه للهلال يكفي ,, معرووف أنه هو الفدائي دائماً يشترك في كور أتحدى اي لاعب يشترك فيها 00 وكذلك التمياط نسينا وش سوا بكأس آسيا مع الهلال والله أبداع وانا أقول زي ماقالها سامي من قبل : التمياط محاتج وقت وفنان ويمتلك الخبره والنجوميه و و و يعني ما أوفيه حقه اذا تكلمت .. نروح للعنقري : العنقري صحيح ماقدم مستوى زين الموسم الي راح لاكن أعطوه الثقه ,, ابي أقولكم شي : تخيلو لو التمياط أو المفرج او العنقري أو غيرهم من الاعبين الي مايبونهم جماهير الهلال دخل للمنتدى وشاف التجريح والجماهير ماتبيهم لا مو اي جماهير جماهير الهــــلال جماهير ناديهم الي أخلصوله وفدوه بكل مايملكون وش بتكون ردت الفعل ؟؟؟ !!! اتمنى أنكم تساندونهم وتوقفون بجنبهم في المعسكر ومحتاجين تشجيعنا ودعمنا لهم .. أتمنى اتمنى من كل هلالي محب للكيان أن يتوقف عن كتابة هالمواضيع الي فيها تجريح للاعبين 00 ودمتم بخير ,, محبكم :خليفة سامي (9) :smilie47::smilie47: |
والله نحبهم ونحب انهم يظهرون بالصوره المشرفه يعني ننتقدهم عشان نكرهم لا والله عشان نحبهم ونبيهم يطورون انفسهم وبعد اللي يقهرك انهم ياخذون حق غيرهم وغيرهم اولى بهالمكان انا ابي فريق مابي اجامل هذا او ذاك مو عشانه المفرج ننتقده عشان غلطاته تجيب العيد ننتقده |
والله نحبهم ونحب انهم يظهرون بالصوره المشرفه يعني ننتقدهم عشان نكرهم لا والله عشان نحبهم ونبيهم يطورون انفسهم وبعد اللي يقهرك انهم ياخذون حق غيرهم وغيرهم اولى بهالمكان انا ابي فريق مابي اجامل هذا او ذاك مو عشانه المفرج ننتقده عشان غلطاته تجيب العيد ننتقده |
مشكووور أخوي على المرور .. بس النقد له حدود اخوي ننتقدهم عشان يطورون ايه اما يجيك واحد يقول لا مو زين ومايعرف يلعب ألغوا عقده او أعتزل لا هذا شي يقهر 00 وشاكر لك مرورك مره اخرى خيوو ,, |
نواف نجم كبيـــــــــــــــــــــــــــر ,,,,, واي نجم معرض لنزول المستوى.... لكن المصيبة المفرج اللي مافي مستوى اصلا...........وهذي حقيقة وكفاية 11 سنة وثبت انه لاعب ضعيف امكانات... حياك الله بمنتداك ياغالي..........على فطنة!!!! |
اخوي من قال أنه مافيه مستوى ؟؟؟؟؟!!! والله فدااائي فداااائي وفنان والله العظيم فنااان صحيح انه بعض المرات يفلت لاكن كل اللعيبه كذا ياسر نزل مستواه سامي الاسطوره نزل مستواه الشلهوب تفاريس... يعني عد واغلط ,, ياليت ندعمهم ونشجعهم بدون أنتقاد ماله داعي ’’ شاكر ل المرور حبيبي منووور 00 |
أشكرك أخوي ع تطرقك لهذا الموضوع وفي الحقيقة مع التشجيع والتحفيز يستطيع الاعب أن يقدم أفضل المستويات.. تحياتي |
هلا بك أخوي بين أخوانك الزعماء ... لكن أخوي انا عندي قاعدة باللاعبين ... اللاعب المميز والجيد و الذي تستطيع ان تصنعه .. هو صاحب البنية الجسمانية ... الشلهوب !! ليش ما يلعب بكأس العالم ؟؟ لإن جسمه ضعيف .. رغم إمكانياته العالية ... العنقري و المفرج مهم أجسام لعيبه ... هذا غير المستوى ... من جد تبينا نجامل على حساب الهلال ... تقبل مروري أخوك : عاشق الهلال 79 |
والله احنا مانكرهم بس الهلال اهم وقدامنا الاسيويه ومانقول لك ان المفرج لو ماراح من الهلال راح يخسر لا وانا اختك بس لازم اتكون العناصر متكافئه بالفريق وبصراحه العنقري عمره ماقنعني ابد ابد هو مجتهد لكن الموهبه من الله والمفرج احيان يغلط غلطه نروح بستين داهيه فاخلوهم ياخذون فرصتهم بفريق ثاني احسن |
المفرج ورح دور له في نادي الرائد ... والعنقري بيلحقه إذا لقوا بديل مناسب... والتمياط بإنتظاره ... سامحني بس الحقيقة المفرج والبرقان والموري والعنقري أختلف معاك في تواجدهم والفدائية ماتكفي |
و الله كلام رجل مدركـ ولا يهونون البقيه على العموم مشجعينا افضل من مشجعين ................ وعسى الرساله وصلت وضحكت عليه بسالفه ان لاعبهم المفضل بينتقل للهلال سب وشتم واخرته يوم رجع هذا الاي فيه هذا الاعب الحاسم |
مشكوريييين كلكم على المرور وهذي وجهات نظركم اما وجهة نظري قلتها بالموضوع 00 أسعدني تواجدكم أخواني الزعماء .. لكم حبي وودي وأحترامي ,,, |
| الوقت المعتمد في المنتدى بتوقيت جرينتش +3.
الوقت الان » 12:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd