|
حـجـب المواضيع ستـتم بعد ساعة: ادخل وشوف بسم اله الرحمن الرحيم.. السلام عليكم ورحمة لله وبركاتة... أول شي هذا أول موضوع لي ... مع العلم أن لي أكثر من سنة بس أتصفح في المنتدى.. لكن فية شي واحد !!! ليش كل مواضيع المنتدى عن المفرج...؟؟؟ ماعندنا سالفة غيرة.. طيب تدرون يا شباب أنة مسلم...!!! أدري ماجبت شي جديد... لكن حرااام الي تسونة فية... وبعدين ع فكــرة.. تر حنا عندنا مدرب كبير وداهية.. وعضو شرف في نفس الوقت.. لو انة مو مقتنع في المفرج كان حطة في الاحتياط بغض النظر عن تجديد العقد.. ولكن هاذا مو موضوعي... موضوعي.. هو !!! >>>لي متى مواضيع بدون مواضيع<<< نقرى عناوين حلوة ثم ندخل ع الموضوع.. وبالأخير تلقاة حاط صورة اخوة الصغير... ملبسة شال هلالي.. ولا واحد كاتب اتقو الله وحاط صورة لاعبنا السويدي الجديد لابسة جزمة يقول فيها صليب... ياخي هاذا علم السويد... والله ياجمهور الزعيم انا ماقلت هاذا الكلام الا نبي نرتقي للأفضل.. لي متى مواضيع ماتفيد الكيان الهلالي,,,, في الختام: أقول هاذي وجهة نظر فقط ولكـ الحرية المطلقة في التعبير عن كلامي.. لكن هناكـ طلب لكل هلالي,, الا وهو سؤالي اتمنى الجواب عيها.. سؤال رقم واحد: هل انت مؤيد لفتح قسم خاص للـ أي أر تي وفهد المفرج للتتطرق عن الكلام عنهما في هاذا القسم.. \\\ (( نعم )) أم (( لا )) سؤال رقم أثنين: هل تؤيد كلامي \\\ (( نعم )) أم (( لا )) |
أشكرك على كلامك الرائع لكن لابد من وجود مثل هذه المواضيع اللي تكلمت عنها ... ومن غير المنطقي أنك تشوف منتدى كل اللي فيه يعجبك ... لابد من تقبل جميع الطروحات برحابة صدر .... تحياتي لك |
ياسلام عليك والله كلام رائع ,, إمسك :smilie47: |
لاحول ولا قوة الا بالله . اولا" . ليه اسمك اسم لاعب نصراني ولا بالانجليزي 2. بعدين لا تقول نقري والا هاذا 3 . اللاعب واسطة مفروض على المدرب وزكاه الجابر بعد توليه الاشراف بكل قوة بس علشان انه طيب معاه سابقا" معلومات نعرفها في النادي |
إقتباس:
|
يعني ايش تبيني انزل فديو ولا ريمكس لياسر القحطاني اكيد راح ننتقد ورااح نتكلم مرااح نمدح عزيز والغامدي والدعيع ونترك العنقري .. وغيره للازم نقلهم انت قصرتم حتى التمياط انتقددنااه هو الشلهوب يعني مافي احد فوق النقد حتى ياسر تكلمنااا قلناا لو خمس مباريات ماسجل عادي اي للاعب يقصر نتكلم عليه المنتدى مو بس للمدح والكليبات والصوور والتواقيع |
إقتباس:
اتقوى الله فينا اصبح الموضوع لايطاق الاخوان يتكلمون عن مستواه الفني لاتدخلونا في متاهات عشان تقلبون الموضوع |
اعتقد ان وجودنا هنا أشبه بوجودنا على طاولة حوار !!! أخوي المسكت هناك فرق بين النقد البناء والهادف والنقد الجارح الهمجي هناك بعض المواضيع تطالبه بالاعتزال أهذا نقد !!!! ومواضيع اخرى تطالب بتنسيقه !!! والخافي كان اعظم |
الحين كتبت موضوع.. ويجي واحد يقولي تدري أن أسمكـ نصراني... أنا أتكلم لي متى.. ولي متى نتكلم في نطاق محدود.. يا أخي اذا ماتبي ترد ع الموضوع انت مو مجبور.. انا أتكلم عن قضية المفرج والمواضيع المكررة عنة.. لي متى نضيع وقتنا في شي حنا شايفينة بـ أعيوننا ومناقشينة بـاالسابق..؟؟ |
ياخوي نبح صوتي وانا اتكلم ماعمري سبيت لاعب هلالي ودايم مع الكل بغض النظر عن الاسامي .. اي لاعب لبس فنيلة الهلال انا معه قلباً وقالباً .. ياخوي انا بصراحه مؤيد لكلا النقتطين ولو الاولى فيها استهبال بس من هالوضع الي عايشينه والله أؤيد وبقوه بعد.. لا عدمناك ياكويس:smilie47:.. |
ع فكرة الي يقول المفرجانة واسطة انا أول واحد أقولة كلامك سليم 100%100 لكن حبيت أقول لة ترى مافية أحد في الأدارة وخصوص الرئيس يفرض ع كوزمين يلعب اللأعب الفلاني.. وهاذا شي معرووف.. يعني كوزمين ما لعب المفرج الا بقناعة... تذكرو هاذي النقطة |
طيب أنت تقول ان العناوين غير والمواضيع غير... السؤال/ هل عنوانك زي الموضوع ؟؟؟؟؟ على العموم كلامك جميل.... تقبل مروري. |
يعطيك العافيه اخوي اسلوبك في الطرح جميل واتمنى من غيرك ان يقتدي بك في طرح مواضيعه |
إقتباس:
المفرج له 12 سنه وهو نفس الاخطاء ونفس المستوى وقل الدبره اذا واجهه لاعب دق ريوس لين الباب واذا سلمنا من الريوس كسر تسلل واذا سلمنا من التسلل شبك فينا هدف :( الى متى نصبر وصل سن الثلاثين وهو بنفس الاداء والاخطأ لاعب لايتعلم من اخطأه من عام 1418 الى الان وفهد نفس النكبات |
إقتباس:
شكرا ع أبداء الرأي... وشكرا لكـ لأنكـ تبحث عن اخطاء ولا تبحث عن تعديل الأخطاء |
| الوقت المعتمد في المنتدى بتوقيت جرينتش +3.
الوقت الان » 09:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd