الرقم غلط للمرة العاشرة +_+ - صفحة رقم 3 - نادي الهلال السعودي - شبكة الزعيم

الـمـشـاغـب · #1 09/08/2008, 09:22 PM

الله يكون بعون البنات .. صدق بعض الناس ما يستحي .. خلاص البنت ما عطتك وجه وشوله الازعاج؟؟!!

ودي أقول لكم شي بس مستحي

.. حاس أنكم بتقولون اني ما اعرف أتميلح

مدري عاد بتصدقوني والا لا ؟ بس من جد شي محير وما لقيت له تعليل

كل ما بين فترة وفترة لازم تدق علي بنت وتستلكع علي

.. بعد الاستلكاع تقول الظاهر أني غلطانة وأنا اسفة

<< يا حليلها موب كأنه بدري؟

أنا قلت في البداية أنهن أكيد غلطانات بحكم براءتي المعهودة

.. لكن بعد ما زادت الاتصالات بديت أشك إنهن مرسولات علي .. بس من مين مدري؟

الغلطانة تدق وتقفل واذا دقيت عليها تقول لك آسفة غلطانة وينتهي الموضوع .. اما هالبنات يرسلون رسايل استهبال ويتكلمون بجرأة يحسسوني كأنهن الولد وأنا البنت

... ثم بعد التحجير تقول البنت انها غلطانة .. ثم خلاص تنتهي السالفة كم شهر .. ثم تبدأ نفس السالفة بعد كم شهر بس مع بنت ثانية وآخر بنت كانت قبل أسبوع

البعض قال انهن يمكن مرسولات من أحد

.. بس قلت من هالفاضي اللي قاعد كل فترة يرسل لي بنت ووش يبي؟

والبعض قال .. يمكن صدفة .. وقلت وش هالصدفة اللي تخليهن يدقن بشكل منتظم كل فترة ويتكلمن كلهن بنفس الطريقة وكأنهن أولاد يبون يشبكون بنت ..!!

والبعض قال .. أكيد من كثر ما تدخل الشات وتوزع رقمك انتشر رقمك بين البنات

.. وهذا شيء أنفيه جملة وتفصيلاً

وبعضهم قال .. يمكن رقمك مميز .. وطبعاً كان ردي إن رقمي فعلاً مميز بحيث انه يشمل جميع الأرقام وما ينقصه غير المربع والنجمة

التميز شرق ورقمي غرب

هذه قصتي التي حيرت العلماء والخرفان ولم أجد لها تفسيراً حتى الآن .. والله على ما أقول شهيد

عشان أريح البعض اللي بيفسر كلامي بغير مقصدي بأقول : أني قلت هالقصة ( أتميلح )

وأعلمكم أن البنات يدقون علي ومعطيهم ( أشكل )

..!

إلا نسيت شي بخصوص الإزعاج .. مرة دق علي واحد من منطقة جيزان مدري وش يبي فيني قعد يستهبل واستهبلت معه على الآخر

ثم انتهت مكالمتي معه ..!!

بعدها صارت تجيني أرقام غريبة ولما أرد عليها تبدأ المصالة .. ( أنت مين؟ ) ( أنت المتصل تبي من؟ ) ( يا أخي أبغى اعرف أنت مين ) ( أقول ضف وجهك .. طووط طووط )

ما بقى أحد من جماعته إلا ودق علي وأقلقني الله يرجه

AHMED477 · #2 10/08/2008, 12:14 AM

الله يعينك ... بس ترى موب بس العيال اللى يتصلون والله العظيم حتى البنات

انواااااااااااع الفضاوة تتصل هذا جوال شهد لا بعد شوي الا متأكدة وعلى هالحال كل مدة

رقم غريب والى ماتخلص الاجازة .. المشكلة الاتصالات تجي من كل مكان بالسعودية

شكل رقمي اول مع عفرررريت

بــنــــوتــــهـــ** · #3 10/08/2008, 12:41 AM

هلا والله عنود
شو أخبارك ياحلوه
صدق ناس تافه ألي يزعجون الناس
في واحد دائماً يدق علي بالجوال له مده طويله يمكن أكثر من 4 شهور
ولاو بعد يرسل رسائل مدري وش تبي راح أقولك سر ولا ياويلك أذا مارديتي ومرات يرسل رسائل حب وخرابيط
متقلب

مايمر يومين ألا يرسل
ومره رسل رسالة وسائط استحيت أشوفها ع طول مستحها عشان محد يشوفها

مشكورررهـ هذي لك ورده

فتاه هلاليه · #4 10/08/2008, 01:16 AM

هلا العنود..ورده

الإزعآجآت ومآ أدراكـ مالإزعآجآت....

والله هالناس مسببين قلق

..يعني في الصيف اللي فات استلج علي وآآحد مآآصل

يقولي هلا عهد قلت غلطان

هذا من أول مكآآلمه بعدين يدق ويدق ويدق وانا معطيته أحلى سحبه بعدين زودها الرجآل برساائل باايخه ومااصخه ومالها دااعي ..والله تقريبا قعد على كذا شهر على ما أظن بعدين قلت هذا ماله الا اخوي ولا ابوي يغسل شراعه وبعدين اشوى ماعاد صار يدق ..

ومن زمااان يوم اني بالمتوسط كنت مستلجه بعد بس كنت على تلفون البيت (الثابت )

كنت انا وبنت عمتي عارفين لنا رقم مصريه واستلجينا عليها مسيكينه بس طبعا كاان الكلام من زماان يعني تقريبا من 5 سنين ..الحين عقلت

بس فيه سؤال محيرني يعني هم وش بيستفيدون وبعدين ودق وازعج وش نسوي له ؟؟!!

الـــــــــــوان · #5 10/08/2008, 03:45 AM

هلا بالعنــــود

من جد ذا الســــالفة ترفع الضغط

صار موقف قبل فتره مدري وش يبي
احس اللي دق فيه انواااع الدلاخة

خخخخ

كنت في توي قايمة من النوم وصوتي اول ما اقوم من النووم مايحتاج

انوااع
النعومه

يعني اللي بيسمع صوتي بيشك اني رجال مو بنت

ويدق كم مرة رقم غريب قلت خل اشوف من ذا قال مرحبا هذا محل الورد

انا بكل برأه لا غلطان قال سوري بس بغيت محل الورد رد علي الورد نفسه

انا ع طول طوط طوط

بس والله قعدت اقول لاخواتي ضحكوا علي ضحك

ولو فكر يزعج ثانيه ع طول احول رقمة ع اي احد من اهلي حتى لو جدتي عشان يعرف ان الله حق

تحيتي لكي

ورده

هـ20ـلالـيـه 100% · #6 10/08/2008, 06:14 AM

وقسمن جبتيها عالجرح !!

والله مزعجيييييييييين ...!

آخرتها واحد قبل اسبووع افتكيت منه لصقققققهـ ,,

بس تدرون شلون افتكيت منه في غضون دقيقتان <<ياعيني ع الهجه

شريت مغير صوت خليت صوتي رجال ورديت وهزأته تهزيئه قشرا <<

وبعدها تاااااااااب وماتجرأ يقوووول كلمهـ

بس وش رايكم فيني ؟ ذيبهـ صح؟

<< فديتني والله

عنوووووودهـ مشكوورهـ ع الموضوع الجونان << مسويه امووووون!!

المحبره · #7 10/08/2008, 07:01 AM

هلا العنود ..

والله الازعاجات مشكلة !!

الصراحه تجيني أرقام بس ما أرد عليها !!
أريح لي ,, إلا اذا لزم الرقم علي عاد .. أرد لان قد يكون أحد يعرفني !!

بس اللي متصل يقول كم الساعه ؟؟ صراحه ضحكت عليها مره

أما الازعاجات الدوليه .. خصوصا اللي طلعوا ويقولون انت مسحور بسم الله .. يــاكثرهم .. بس القهر انهم يدقون دقه ويقفلون

يعني دقي انتي

مشكورة ع الموضوع اللزيز

لمار · #8 10/08/2008, 07:23 PM

~

آه بــــــس ,،،،

آنه لو يأذوني من اليوم ليمن باكر ..

أحاول اتصبر وامشي اموري ..

الله يفكنا منهمـ ويهديهمـ يارب ..

والله صدق مصيبة لا صار الشخص معدوم ضمير ..

~

هلالي شمر · #9 10/08/2008, 07:14 AM

هلا وغلا بالعنوود
.

إقتباس


	ذبحني بس يدق علي واعطيه بزي بوجه لمدة اسبوع وماعاد رجع اتصل

.
>>>> كاااان يالعنود جبتي رقمه وانواااع الاستقعاااد عليه نعلمه كيف يدق ..
.
دائما مثل هالموااقف تسير لاي شخص وانا اتوقع انهاا موااقف عاابره
.
مره دق علي واحد من رقم جوال غريب قال وينك فيه .. طبعا انا ع طول قلتله في الثمامه مخيم مع الربع تعاال مرنا.. شكر في وجهي ورااح .. مايبليهم الا كذا ولاتنطيش
.
لاهنتي اختي العنود ع العفووويه في الموووضوع

سموّ الحرفّ 2006 · #10 10/08/2008, 12:40 PM

العنود ..

ولكمــو ورده

اوما الانجليزي هههههههههههههـ

صآدقه الايام ذي طايحين فيها الاجانب مو هنا ..

هنا صارت موضه قديمه الله يصلح الحال بس هههههههـ

قد نشب لي سوري سوي مؤدب

يشلمو ع الموضوع التوحفه ..

ورده

هلاليه

Dr.Sara · #11 10/08/2008, 05:36 PM

السلام عليكم ,,

أختي " العنووود" .. اولاً مبروك التخرج والنجاح ومنها للي أعلى منها .. ورده

ثانياً لا أجد اضافات على كلامك وموضوعك رائـع يعطيك العافية يا الغالية,,

مصاحب احساس · #12 10/08/2008, 06:48 PM

موضوع جميل

مدخل :

«ينبغي لنا القبول بصبر ما لا يمكن إصلاحه بطريقة صحيحة»

فاصله ؛

بداية الإزعاج تبداء برنه ... وعلاما تنتهي المكامله .. في حالتك بالرفض معهم وعدم التقبل ..
والمصادمه معهم..تولد نتائج عكسيه... في ضل غياب الحسيب و الرقيب ..
ونظراً لشعورهم بالرفض... وعدم التقبل من الآخرين.. فإنهم يندفعون إلى فرض أنفسهم على الآخرين،

واتخاذ أساليب حتى وإن كانت عدوانية ...فقط لكسب الاهتمام.... حتى وإن كان هذا الاهتمام انزعاجاً
وتوتراً من قبل الآخر. ..!!

لذلك يجب علينا اتخاذ أمرين إما الصمت وعدم اهتمام بما يقولون...
أو التفاهم معهم لمره واحد وهي الرفض ولكن بطريقه سلميه.....!!

لانهم أشخاص يعانون من حالات نفسيه نتيجة الفراغ العاطفي لديهم ...!!

مخرج :

« الصبر ............. حتى النهايه ......~ »

الهلالي دائماً · #13 10/08/2008, 07:20 PM

هلا بالعنود ورده
ويازين الموضويع يوم ماتترتب

بصراحة انا بطبعي احب الحوسة

حقيقة الازعاج بالتلفون ماله حل الا اختراع خوينا الحربي 2004

اذكر مرة دق علي واحد وقال انت محمد الشلهوب

قلت لا أنا مصطفى ادريس

شوي ناشب لي الا انت محمد الشلهوب

وابيك تكلم خوياي وتقولهم انك صديقي

عاد انا قلت له طس بس طس وقفلت عليه

شوي رقمي توزع لفصل ثاني متوسط كل ابوهم

والحمد لله عدت على خير وطسوا كلهم

بس اموت واعرف من وين جاب رقمي

العنود ورده

دمت بحفظ الله ورعايته ,,,

الـمـشـاغـب · #14 10/08/2008, 11:02 PM

إقتباس

الرسالة الأصلية كتبت بواسطة ماجد مقبل


	[COLOR="DarkSlateGray"] اذكر مرة دق علي واحد وقال انت محمد الشلهوب قلت لا أنا مصطفى ادريس شوي ناشب لي الا انت محمد الشلهوب وابيك تكلم خوياي وتقولهم انك صديقي عاد انا قلت له طس بس طس وقفلت عليه شوي رقمي توزع لفصل ثاني متوسط كل ابوهم [COLOR]

هم أنفسم ذوليك اللي قلت لي عنهم وسجلتهم بجوالك :
بزر 1
بزر 2
بزر 3

يا حليلهم والله انهم قمة في البراءة

بس أنت قسيت عليهم شوي

هلالي ... دوم · #15 10/08/2008, 11:56 PM

الحمد لله أنا ما يجيني أزعاجات ولا شي

هذا من فضل الله