السلااااااااااام

الحين اجازه والكل يدور شي يقضي وقت فراغه فيه

واخوي الصغير يبي يسجل في اكاديمية الهلاال

بس اول شي ... فيه اكاديمية لـ الهلاال في الرياض ..؟

اذا كانت فيه وين موقعها بالضبط عشان يروح يسجل فيها

<<< واذا ما كان فيه .. ابي موقع اكاديمية برشلونه اللي بـ الرياض

هلا أخوي انا أبي افيدك وانشالله اعطيك الي تبغاه :

أولا اذا يقدر يسجل أخوك في نادي الهلال يكون افضل لان الاكاديمية الان مغلقه تفتح في بداية الدراسة على حسب علمي

موقع الاكاديمية : عند مخرج سبعة تلاقيها امامك .

والتسجيل في نادي الهلال بدون مبلغ اما في الاكاديمية بفلوس وهذا الافضل له ولك انت ايضا .

ورقم الاكاديمية هوا : 8101132
رقم نادي الهلال : 4312222

وبالتوفيق أي سؤال ثاني انا حاضر اخوك عبدالله الكاف .

عليكم السلام ورحمة الله وبركاته



الهلال ماله اكاديميه


فيه اكاديمية برشلونه في الرياض


تفتح الحين في الإجازه من الساعه 4 العصر إلى 3 الفجر


بس مايلعب فيها إلا فرق يعني انا عندي فريق و واحد ثاني عنده فريق نتواعد هنآك و ندفع ونلعب . .!



تخيلوا كل لاعب يدفع 35 ريال من كل فريق عشان مباراة وحده مدتها 40 \ 40



يعني خلوهـ يلعب في الحارهـ ولا مثل ماقآل اخينا في الله اللي فوٍق سجلوٍهـ بنآدي الهلآل


و انا معي رقم الإداري فيصل الدعيرم ( إداري الناشئين )


اذا تبونه مافيه مشكله , , بس كم عمرهـ .؟

إقتباس زعيم البلد احبك موت

مشكووور اخووي .. عارفين ان الاكاديميه بـ فلوس

بس احنا نبي نسجله في الاجازه هاذي بس ..!

ومشكور على رقم الاكاديميه عشان استفسر منهم اكثر

اما رقم النادي فـ هو عندي من اول

إقتباس aboody29

هلاا اخووي .. كيف يعني ..؟ اجل الاكاديميه اللي تكلم عليها اخوي اللي فوق هاذي اكاديمية برشلونه مو اكاديمية الهلاال ..؟

ومثل ما قلت احنا نبي نسجله الحين بس في وقت الاجازه في هالاكاديميه

واخوي عمره 12 سنه بـ سادس ابتدائي

وان شاء الله نسجله في الهلاال .. بس مو الحين اذا كبر شوي وخلص المتوسطه دخلناه النادي

إقتباس هلاا اخووي .. كيف يعني ..؟ اجل الاكاديميه اللي تكلم عليها اخوي اللي فوق هاذي اكاديمية برشلونه مو اكاديمية الهلاال ..؟

الهلال الظاهر ماله اكاديميه لإني اول مره اسمع عنها


اللي اعرفه اكاديمية برشلونه ومثل ماقلت لك الإجازه مافيه تمرين مافيه شي مفتوحه للشباب ادفع تلعب


اما العمر فـ أعتقد اذا كان قادر اخوك إنه يقسم وقته بين الكوره والدراسه اتمنى تدخلونه بدري


اذا خلص المتوسطه مايصلح , ,

لإن فيه عمر معين يعني على مايخلص المتوسط يكون عمره 15 وبكذا ممكن يمثل الشباب على طول ’

اول مايدخل المتوسط خلوه يروح و إن شاء الله يكون خير




برايفت :


المكافأه والراتب من اول شهر من نصيبي لو سمحتوا ولا أحذف ردودي الحين خخخخخخخ

يعني اسجل في نادي الهلال بدون فلوس ..!!!

طيب وشي الشروط علشان اسجل ..؟؟

إقتباس اول مايدخل المتوسط خلوه يروح و إن شاء الله يكون خير

لالا ما ينفع كذا

اذا خلص المتوسط يمديه يروح و15 سنه توه في الناشئين مو الشباب ..!