|
شي غريب ..حارس معروض على قائمة الى اساسي فالتشكيله في هذا العام توقعنا شي مغاير في التشكيله مثل ماكان العام الماضي وشاهدنا المؤشر والفريدي والكلثم والدوسري والحين نتفاجئ بالتمياط والمفرج والحارس اللي كان معروض للأنتقال وبدون مقدمات يجي ويلعب اساسي وين قاعدين خلاص ملينا مجاملات ملينا ترقيع ملينا كل شي ماعاد نبي متى يعود اللاعب الفلاني والعلاني نبي فتح مجال للصغار واعفاء المنتهين الصلاحيه حفظن لتاريخهم ولكل زمان رجال زيدان وهو زيدان اعتزل وعمره 33 سنه وكان في قمة مستواه حنا لاعبينا يصير عاله على الفريق وبالقوه قاعد على قلوبنا اساسي وغيره يحترق على دكة الاحتياط اانا اطالب الاداره بأن اي لاعب من اللاعبين المنتهين اعطائهم شهادات شكر واراحتهم واراحتنا كجمهور يحضر ويتعب ويساند ويروح للملعب ويتحمل زحمة الدخول والطريق وفي الملعب واحيان مايلقى محل ويضطر انه يتابع واقف من السلبيات اللي يقع فيها الجمهور في الفتره هذي 1- مطالبتهم بالدوخي 2-مجاملتهم لبعض اللاعبين المنتهين 3-عدم المطالبه باللاعب محمد نامي وهو كفو لسد الجهه اليمنى 4-متى يعود ومتى يرجع مستوى اللاعب الفلاني ترى تعبنا والله تعبنا اخيكم من مشجع يعشق الهلال حتى الثماله غيام |
يارجّال خله على ربك بس !!! العنقري والعتيبي والمفرج والبررررررررقااااااااااااااان غيرهم من المنتهين بالمعسكر .. !!!! والنقد لا يأتي إلا على العنبر !!! طيب والمنتهين ليش ماتتكلمون عليهم !!! |
والله أنك صادق بس وين اللي يفهموووووووون؟ |
والله العتيبي رد عليك في اللقاء مع لاتسيو وقدم مستوى حلو ولاتقدر تنكر ذلك الا اذا ماشفت المباراة |
يـآخي مع إحترامي لك ماعندك نـظـر ..!! العتيبي قدم مباراه رائعه مع لاتسيو .. وكان هو نجم المباراه .. والمفرج انت تحكم عليه من قبل سنتين .. لكن مالاحظت وش سوى العـام ؟ والله كان بطل في الدفاع .. والبرقـان .. لاعب جيد .. مدري وش شايف عليه عشان تقول نسقووه ؟؟؟ وبعدين لاتنسى ان البرقان لاعب احتياطي لخـالد عزيز او عمر الغاامدي يعني مو لاعب اسااسي .. وأمـا نامي أنـا معك في اللي تقوله .. نامي لاعب جيد بس ماعطوه فررصه .. لو يخلون نامي طول المعسكر هو الضهير صدقني راح يبدع وينسينا هذي الخـانه .. لكــن (العنقري) ومـادراك مالعنقـــري .. آآه هذا اللي جايب لي الضغط والسكر وكل شي ولايهـون ( العنبر) هذا بعد مدرري هو يسمى لاعب ؟ ولا وش بالظبط ؟؟ لو يتخلص الهلال من هذول الاثنين .. صدقني راح تنحل المشاكل الهلاااليه كلهـا تحيـاتي لك .. |
إقتباس:
وحسن العتيبي بلعكس التوقع معه افضل من غيره اقل شي مستوى متطور وبيفد الفريق .. وخاصه هذي السنه ..ورح تتذكر كلامي |
طيب ماقدم مستوى ممتاز في المباريات الاعدادية اجل خلاص انت وش محرق رزك أهم شيء ان اللاعب يقدم مستوى |
إقتباس:
حياك الله وكلامك عين المنطق والعنبر لابأس به ويبقى راس حربه كويس بيض الله وجهك |
إقتباس:
مباراه وديه وبعدين المباراه الوديه ماهي مقياس وينه في المباريات اللي اذا اشتد الوطيس وينه عام 1419 يوم الهلال كأنه منتخب يوسف وسامي والغشيان ولطف ونواف وبشار عبدالله وطلعنا من الدوري والكاس والاخ حسن العتيبي كان له الفضل اكيد ماكنت تذكر واذا حبيت يوتوب مابقى شي الا جابه |
إقتباس:
لا عندي نظر لاني اقول الصدق والحق وبعدين انا ماقول البرقان والمفرج ونواف العام الماضي اذكر لي مباراه وحده فقط اخرجوا الهلال فيها من عنق زجاجه ولا اذكر لي مباراه فاز فيها الهلال وكانوا هم سبب رئيسي ولاتنسى المفرج خرجنا من الاسيويه والخليجيه وسبحان الله كان هو عامل مشترك فيها وقبل لا انسى هل تقارن بما يقدمه التايب في اللي يقدمونه هم لاااااااااااااااااااعتقد |
إقتباس:
ما عنده احد يدافع عنه في المنتديات والاعلام مثل بعض الناس !!!!!!!!!!!!!!!!! |
اول شي هذي اول مشاركه لي ثاني شي التمياط لاعب كبير بس الاصابات لعبت فيه |
المفرج و العنقري واسطتهم قووووووية ..!! و العتيبي يبدع مباراة و ينكبنا 10 .. الشمري احسن و نامي و الله مبددددددددددددددع بس مين يسمعنا ,, و تسلم يا الغالي ع الموضوع الرائع ...’ :) |
ردا على كلامك صحيح مباراة وديه بس مع لاتسيو اما تتكلم عن الماضي ترى كل لاعب ينزل مستواه والعتيبي دائما احتياط ولاتنسى الحارس يتأثر في جلوسه عند مقعد الاحتياط وعندك مثلا جات فترى لدعيع نزل مستواه والحين شوفه ولو كل لاعب نزل مستواه النسقه كان نص اللاعبين الموجودين نسقناهم واقرب مثال في الموسم الماضي(محمد الشلهوب)ادري بتقولي الظروف اللي مر فيها بس هذا المفروض من الاداره دراسة الاسباب لهبوط مستوى اللاعبين وتحاول تحله واذا ماشافت نتيجه ذيك الحزه نسق . تقبل مروري والاختلاف لايفسد للود قضيه |
جاب كاس ولي العهد قبل ثلاث سنوات انا اتكلم عن العام الماضي اذكر لي مباراه وحده بس لنواف سوى مثل مايسوي التايب |
| الوقت المعتمد في المنتدى بتوقيت جرينتش +3.
الوقت الان » 11:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd