سمو الرئس اسطورة الكوره السعوديه محمد الدعيع ياسر نجوم الزعيم شعب الهلال تفضلو الله لايهنيكم
 

بسم الله الرحمن الرحيم

مساء الخير اليوم كاتب موضوع خاص لجميع الهلالين من كبيرهم الى اصغرهم اتمنى انهم يناظرون الموضوع كامل الكل يعلم ان جمهور الهلال متعطش للاسيويه من سنين وانا ابقولكم قصة جمهور الهلال في مبارة الوحده الامارتي خاصه عشان يزدد حماس الاعبين لتحويل الحزن الى فرح ان شاء الله الموسم الجاي ولااحد يقول لاتقلب علينا المواجع ياسر قال دموعي في مبارة الاتحاد للجمهور يقصد النهائي الي خسر فيه الهلال امام الاتحاد 2-1
وقبل مبارة الوحده الامارتي ندور على كل المنتديات الامارتيه من الحماس الي يقول اسماعيل بيبكي جمهوركم والي يقول بتخسرون غصب الخ !

المهم اتفقنا انا والعيال15 واحد تقريبا اننا نحرك قبل اذان المغرب بنص ساعه وكل واحد ياخذ فطوره معه والي متحمس راسم وجهه وحاط عشرين وتسعه والي جايب كتابه الاسيويه للهلال والي جايب طرطعااان المهم حركنا وصلنا للملعب زحمه غير طبيعيه عند البوابات اقول وش ذا الزحمه هذا وتوه مااذن المغرب ويذن ونفطر عند الملعب وندخل ويالله هجوم على البوابات كل واحد يمسك بوابه واحسن مكان يحسه الواحد مناسب لنا يحجزه من زود الحماس بالموت لقينا مكان فووق من الزحمه وانا ولد خالتي مع بعض اقوله يارجال ماله داعي طرطعان تراهم بيكشفونك قال لا لازم نحمس الاعبين واجلس احاول معه رفض قلت بكيفك المهم فتشوني وجاء دور ولد خالتي جاي من القصيم هو عشان المباره الى العسكري يكشفه مع الطرطيع وحالتنا حاله تكفى طال عمرك الله يخليك منا ولا منا لا مافيه جاء العسكري نفخ عالي قال اشوفك هنا اركبك الجيب والله ماتنزل منه ولد خالتك كبير ويعرف يتصرف قال ولد خالتي رح مو ناقصين يعصب علينا شوي ويطلعني ان شاء الله والوعد بعد المباره قلت خلاص نمشي على رايك وادخل للملعب تونا المغرب وتشجيع وهبل وجنون وحماس من زود الحماس ودنا ننزل نلعب يدخلون لاعبين الوحده من قوة صافرة الاستهجان ومن كثر الجمهور راحو لم الجمهور يحيونهم ويارب يفوز الهلال وسواليف عن المباره ويجيني اتصال من صديق نصراوي يقول هاه جاب فيكم قول اسماعيل مطر قلت يخسي ان شاء الله مدام نجوم الزعيم بمستواهم ويدخل الحكم والفريقن وتبداء المباره الي لاحظت كان فيه رجال كبير ابو خمسين متحمس حماس غير طبيعي هو ومعه ولده وده الهلال يفوز وتجي الكوره مع اسماعيل مطر ويخترق الدفاع ويسل هدف الوحده:bigeek: تعرف وشلون كف جاك يمشي مليون من القهر جاي المغرب والجمهور الكبير جاي المغرب بس وش نسوي هاذي الكوره والي زعلان والي يهوش قلت لا ياشباب تونا فيه امل ان شاء الله الزعيم يجيب التعادل والفوز قام الجمهور يشجع بنفس الحماس والبعض ساكت يليتهم ماحضرو ايه الوكاد انه ضغط هلالي غير طبيعي من مجهود مهاري ياسر يسبب بلنتي
عاد الجمهور الى الفرحه والجنون من جديد نقول يارب قول والي لاف وجهه زي ومخلي الملعب وراه من الخوف
وينطلق ابوسعيد ويشوت البلنتي وماحلفه الحظ وضاعت اناا مخلي الملعب ضهري من التفاؤل قلت هاه هدف والي كسر كرسي من الحماس وحالت الجمهور حاله ولاتلومنوهم جاين من قبل المغرب ورمضان والاسيويه حلمهم وانتهى الشوط الاول وافتح جوالي القى فوق 12 رساله الي يضحك والي يستهزى اقول كبير يازعيم الى هالدرجه رافع ضغطهم ويرجع الاامل للجمهور قبل بدايت الشوط ويدخل الاعين ونشوف الهجمات تضيع من الحسره نقهر الي يقول وين سامي هاذا وقت والي يقول يارب تتعدل والله من جد فقدنا الذيب في ذيك المباره المهم يدخل التايب الجمهور تحول 180 درجه تشجيع واي لمسه تجي لتايب تصفيق غير طبيعي مباره نار
بس تشوف 10 لاعبين ورا المنتصف تحس بهيبت الزعيم وتضيع الوقت لاتنسونه
المهم يدق علي ولد خالتي الدقيقه 37 هاه وينك توه مطلعني العسكري قلت بسرعه تعال فوق 49 البوابه ويجي واول مادخل هاه وش السالفه وشلون من الااسئله قلت اسكت خلنا نكمل المباره والتايب يشعل قلوب الجمهور فرح بهدف جميل ويعود حماس الجمهور ويصفر الحكم والالوف من الجمهور يطلعون خسرانين حز في خاطري الشايب الي عمره خمسين يقول لولده وهو ضااايق صدره ومبحوح صوت الله ماكتبه لنا ياولدي http://www.youtube.com/watch?v=GhidPtzbwUc

يحز في نفسي اشوف المقطع هذا بس الي يفرحني شي واحد ان الهلال له هيبه غير طبيعيه واسمعو المعلق الاماراتي اذا جت الكوره مع لاعبين الهلال وشلون يتراجف من الخوف

خاتمه انا ماكتبت الموضوع هذا الى عشان كل هدفي احمس الاعبين اعلمهم وش يصير بالمدرجات واحمس الجمهور للحضور واوجه رساله الى رئس النادي ونائب الرئس والى اسطورة الكره السعوديه سامي الجابر والى عميد لاعبين العالم محمد الدعيع والى افضل لاعب سعودي حاليا ياسر القحطاني والى نجوم الهلال جميعا هدف جمهور الهلال الاسيويه ولا يرضي طموحهم الى الاسيويه نتمنى من الجمهور مساندت الاعبين والله يجزاكم خير لااحد يطلع يقول لاتقلب علينا المواجع الي يعجبه الموضوع يرد وشكرا لشعب الهلال الكبير

هههههههه والله ياحالتكم حاله في الملعب .. والله يعطيك العافيه عل القصه اللي صارت في الملعب وانتم ضحايها خخخخ ..

باذن الله تعالى الاسيوية هلالية هذا العام

والله ونا اخووك صارت لي نفسس الحاله بس يالغالي انا قالولي نززل الششعار تعوور مهمد نووور

الله يعين بسس .....

تحــــيـــآتيّ

ااااااااخ من ايام

هذيك المباراة صاحبتها ظروف طلعتنا من البطولة بدري
منها اصابة التايب والشلهوب
ايضا مافيه لاعب اجنبي ثالث مساند للهجوم او مهاجم
وعدم الاستقرار الاداري
والمدرب كان جديد مايعرف اللاعبين بشكل جيد

لكن باذن الله السنة هذي غير
نفس المدرب
وادارة واعية

بس يجيبون لاعب اجنبي مستواه عالي
ولاعب محلي مهاجم او ظهير ايمن او وسط ايمن
ويركزون على هذي البطولة بدون ضغط كبير على اللاعبين

وان شاء الله نكون ابطالها

ههههههههههههههههههههه...............والله ياقصتكم قصه انتم الله يهديكم انتم اللي جايب معه طراطيع...................وبإذن الله والواحد الأحد الفرد الصمد آآآآآآآآآآآآآآآآآآآآآآآآآآآآآآسيوييييييييييييييييه المره هذي يااااااااااااااااارب................وإن شاء الله الهلاييييييييييييييييييييييييين كلهم في الملاعب في مباريات الهلال..........يارب وفقنا يارب

وتقبلوا مروري وتحياتي

الله يعين الهلال من المغرضين والحساد والحقودين ومن الصفراوين

مشكورر قناس سدير والفارس على الردود الرائعه يعطيكم العافيه

مشكور اخوي هلالي والسما عالي ذيب المنتدى على مروركم