السلام عليكم ورحمة الله وبركاته

صبحكم الله بالخير والمسرات


اعذرونـــي شباب عن الانقطاع الفتره الماضيهـ

إقتباس ][.. الحجة تكرنت ..][

ما شـــــاء الله صار يقدم نصائح تكتيكيه , بس بعد ما مدح ماركيزيو عرفت انه الانسب لتقديم النصائح التكتيكيه للتنكر مان ..

إقتباس ][.. دل بييرو " بامكاننا الفوز بالاسكوديتو " ..][

نعم بإمكان اليوفي تحقيق المستحيل ولكن ليس بمثل هذه الطريقه لان كرة القدم 90 دقيقه

واليوفي يفرط في النقاط في اخر الدقائق , يعني لازم اليوفي يزيد من التركيز في لقائاته

القادمه لتفادي مثل هذه الحالات ...

إقتباس ][.. اياجو " سأكون فابريقاس اليوفنتوس " ..][

اتوقع انه سيكون مكسب للبيانكونيري في السنوات القادمه وانضم الى ركب شبابنا

سيبا ماركيزيو ودي تشيلي ولانزافامي وباسكواتو واريادو وفالكاو ...

إقتباس ][.. ابياه بين اليوفي وويست هام ..][

يالله حيه بين رفقة زمانه " نيدفيد دل بييرو بوفون تريزيجيه " ...

واعتقد ان اجواء الدوري الانجليزي صعبه عليه ..

::::::::::::::::::::

عوافي ناصر على الاخبار

....


1- هل رانيري مدرب بحجم اليوفي او اليوفي اكبر من رنييري؟

بالنسبه لرانييري نعطيه فرصه الى ربع الدوري ,لان رانييري فيه اوقات تجيء نقعد نمدح فيه

واوقات اخرى نقعد نذمه , يعني الله يصبرنا عليه ..

2- هل تتوقع بقاء رانييري الى نهاية الموسم؟

مع الاداره الحاليه نعم اتوقع استمرار وبكل اريحيه ..

3- من افضل مدرب تراه لليوفي اذا رحل العله؟

ديشامـــــب وبعده برينديللي ..

عوافي اخوي $$ كامل الدسم $$
:::::::

إقتباس ]_[ كيلليني يقترب من العوده ]_[

احلى خبر يعني يمديه يلحق على الجوله الثالثه ودوري الابطال بكل اريحيه ..

إقتباس ]_[ غدا التجديد مع الفلته ]_[

ننتـــظر التجديد مع مستقبل البيانكونيري ..

::::

عوافي اخوي بدر على الاخبار


::::

:: اقتراح ::

معاك في اي شيء يفيد الرابطهـ واهنئكـ على اقتراحكـ الرائع اخوي ناصر ..

.......

ناصر فكرتك رائعه

يا شباب انا ممكن ابدأ بفكرة ناصر من الأن ولو انه ما له دخل بالنقاش الهادف بس ممكن نسميها فضفضة

طبعاً كلنا يتذكر زامبروتا الخائن الزلابة الفاشل الصعلوك الخ الخ الخ

يا شباب انا كنت مستغرب من شي واحد هالادمي كان يعتبر من ابناء النادي وايضاً اليوفي له الفضل الاكبر بعد الله في بروزه

زامبروتا ايام الكالتشيو بولي سوالي فيها الولد الذي وفي وصرح بهذا التصريح

http://vb.alhilal.com/showthread.php...14#post3526514

اهدي هالخبر لناصر خوي زامبروتا

ركزوا على ردي الي تحت < من جد حطم فؤادي هالخاين

ليته طالع بدون هالتصريح كان اهون



ترا صار لي حول ساعة وانا ادور الخبر لأني كنت اذكره زين

إقتباس الشين على رانييري والزين ع اللاعبين ؟!! الآن بتحمل رانييري نتيجة التعادل .. والهدف اللي دخل علينا .. والهجمات اللي ضاعت ؟؟ لكن هدف اليوفي ماراح تمدح رانييري فيه ! اذا بيطلع دل بيرو عشانه ضيّع هجمه أجل أي لاعب يضيّع هجمه يطلع ! واذا دل بيرو تعبان أجل ليغروتالي وش نقول عنه ؟! أكثر واحد لعب مباريات وانكرف على خشته هو ليغروتالي .. غريبه ماقلت المفروض يطلعه ؟!

هلا خالد ،،،

اول شي انا ما قلت الي يضيع هجمه يطلعه !!

الشي الثاني دلبييرو واضح عليه الارهاق ليش يخليه وفيه عنده بدائل بالاحتياط وكلهم بنفس مستوى دلبييرو

الشي الثالث بالنسبه لليقروتالي وانه تعبان ... انا اول شي ما شفت انه تعبان ومستواه كان ثابت طول المباراة وغير كذا الفريق متراجع يعني ماهو راكض ولا هي جايتن من عنده كوره سبرنت من مهاجم او غيره !! ومع كذا كان مبدع بهالمباراة ...

إقتباس تياغو ؟!! غريبه مافكرت في نفسية اللاعب !

غريبه ؟؟ اذا بتقول غريبه قولها لرانييري لأنه ما فكر بنفسية اللاعب وجابه مع الاحتياط المفروض برا التشكيله

لكن دامه جابه ليش ما لعبه ؟؟؟ واذا ماهو واثق منه ليش جابه ؟؟؟ كل هالاسئله عند رانييري جوابها !!

واذا بتعذر لرانييري رئيس النادي ما عذره ولا جامله ،، لأن تكتيكه الدفاعي صفر ..


بالله تقدر تقولي ليش ما لعب جيونكو ؟؟؟؟ فريق فايز ومدافع ويبي يلعب على المرتده ليش ما دخله !! وياكونتا مكان اماوري

وش هالمخ الي عنده يدخل ياكونتا بدال كامو يا شيخ مدرب غبي يبدع مباراة وعشر مادري وش يبي ..

وترا بالنسبه للتكتيك مافيه تكتيك ملموس منه بهالمباراة تكتيك صفر ،،،

والله لو يدربنا فنيلة بينيتز ناخذ الدوري والابطال بس دامه رخيص نصبر عليه هالمووسم ومانبي نشوفه بعدها واذا يمديهم يشوتونه الحين يكون أحسن !!

ماذا يفعل بازيني وجيلا في منقطة ال18 في الدقيقه 89 ؟

--------


- هل رانيري مدرب بحجم اليوفي او اليوفي اكبر من رنييري؟

لا طبعا !! وش جاب الثرى للثريا

- هل تتوقع بقاء رانييري الى نهاية الموسم؟


ايه اكيد بيجلس لأن الانديه الكبيره غالبا ما تغير مدربينها الا قبل بداية الموسم !!

- من افضل مدرب تراه لليوفي اذا رحل العله؟

ما فيها نقاش .. بينيتز او ليبي !!


هواجيس الرابطه

بانتظارها يا ناصر !!

قوهم

إقتباس الأمبراطور اقول كيف الحال اجل انا مصمم المشكلة لو اشارك معكم وانزل تصميم بياخذ الاول الله لا يعوق بشر بس ماله داعي نخربها فخلها منافسة شريفة احسن

نآصر .. إذآ مآتبي تحطمهم وتخرب المسآبقة خلهآ لـ T..N..T نآصر الثآني
وإذا بغيتوني أصمم مآفي مشكلة بس أصمم بالرسآم علشآن أعطيهم دفعة معنوية

وفكرة هوآجيس .. معكـ فكره مميزة
:

عآشق السيدة العجوز

الله يقطع بليس زآمبروتا المنتهي

ورده

مناقشه الهاجوس الاول من مبارك
_________
شف مبارك هاللاعب اقدره تقدير خاص حتى لو كان مع برشلونه والميلان وانا مااطيقهم لانه لاعب جوكر اي خانه يلعب ظهير ايمن ايسر وسط اي شي يلعبه
اما مساله تصريحه في الرابط انا اشوف انها مساله عاطفيه اكثر من ماهي احترافيه
يعني يمكن هالتصريح قاله قبل لايجيه عرض وقبل لايجي الجد وينزل اليوفي درجه ثانيه
بعدين حنا نتابع كوره ونعرف هالتصريحات واذا جا تجديد العقد تغيرت الانفس وصار الولاء للماده

وبعدين اي لاعب مكان زامبروتا بيطلع لاعب توه جاي من كاس عالم وبطل العالم وفريقه نزل درجه ثانيه وجايه عرض من فريق يضم نجوم كبار ويعتبر بطل بلاده ذاك الوقت ويلعب تشامبيونز اكيد بيطلع

لايجي احد ويقول نيدفيد وبوفون والكس لان هذولي حاله خاصه
بس اللي زعلني من زامبروتا تصاريحه ضد النادي بعد ماطلع منه المفروض انها تكون ارقى من كذا

ومع ذلك يظل لاعب من افضل لاعبين اليوفي وايطاليا

وجهة نظر لااقل ولااكثر مع احترامي للباقين
___________
عاشق السيده العجوز ياليت انك كاتب ترقيم للهاجوس او يكون اوضح مااحد يجيب هاجوس جديد ونتلخبط
بعدين ودي مايكون من ورى هالفكره مشاحنات وتمسك بالراي لو انه غلط وغيرها لاننا اخوان اولا واخرا
وياليت فيه حكم ينهي الهاجوس عشان مايستمر فتره طويله ومايكون له فايده

^
^

لآ يآ بدر .. < بدأ ينآقش

زآمبروتآ كآن مفروض يستمر مع اليوفي إذآ كآنه ما ينكر فضل النآدي عليه .. وإذا كآنه ينكر فضل اليوفي عليه يطلع بسلآمته لكنه يطلع من النآدي اللي طلعه على الدنيآ .. ويصرّح ويقعد يخنبق .. فذا الحركآت مآ تطلع إلآ من الخونة < مآقلت هو خآين

:

بعدين يوم هبط اليوفي للسيريا B كآن يعرف أكيد إن اليوفي بيرجع لمكآنه المعروف
ومهب عذر إنه إنتقل لـ هبوط الفريق وإلآ ..

:

وعندي لك مثآل : تريزيغيه .. يوم هبط اليوفي أصروا برشلونه عليه .. تقطعوا يبونه
بس إستمر

:

ورده

إقتباس الرسالة الأصلية كتبت بواسطة عاشق السيدة العجوز ناصر فكرتك رائعه يا شباب انا ممكن ابدأ بفكرة ناصر من الأن ولو انه ما له دخل بالنقاش الهادف بس ممكن نسميها فضفضة طبعاً كلنا يتذكر زامبروتا الخائن الزلابة الفاشل الصعلوك الخ الخ الخ يا شباب انا كنت مستغرب من شي واحد هالادمي كان يعتبر من ابناء النادي وايضاً اليوفي له الفضل الاكبر بعد الله في بروزه زامبروتا ايام الكالتشيو بولي سوالي فيها الولد الذي وفي وصرح بهذا التصريح http://vb.alhilal.com/showthread.php...14#post3526514 اهدي هالخبر لناصر خوي زامبروتا ركزوا على ردي الي تحت < من جد حطم فؤادي هالخاين ليته طالع بدون هالتصريح كان اهون ترا صار لي حول ساعة وانا ادور الخبر لأني كنت اذكره زين

ههههههههههههههههههههههههههههههههههههههههههههه

الله يرجك يا مبارك !!! والله اني توفيت من الضحك يوم قريت كلامك !!

مع كامل احتراماتي وتقديراتي لفؤادك المرهف والعاشق لهذا الكيان !!

لكن زي ما قلتها وقالها ناصر .. خاين !! واشوا انه راح لو ما راح كان ما شفنا مولينارو

تريزيجيه سيكون جاهزاً في لقاء اودنيزي






اللاعب الفرنسي تريزيجيه سيكون جاهزاً للمشاركه في لقاء اودنيزي الذي سيقام في تاريخ 14 سبتمبر القادم في الاولمبيكو ..فبعد الاصابه التى تعرض لها وكانت عباره عن التواء في الركبه اليسرى , فهو سيعود لممارسة التدريبات منذ يوم السبت القادم ..

وفي شان اخر هناك اخبار تفيد بان هناك احتمال كبير بمشاركة اللاعب جورجيو كليني في لقاء اليوفي امام اودنيزي ..

المدرب كلاوديو رانييري سعيد بتعافي اثنين من اهم الاوراق لديه , بحيث سيكونان جاهزين للمشاركه في اولى لقائات الفريق في دوري ابطال اوروبا امام بطل السوبر الاوروبي " زينيت بطرسبرغ " ..

المصدر

ياجماعة الربع صباح الخير ،،، والشهر مبارك ،، واجازة سعيدة ..... إلخ

أنا حبيت اسجل حضور واصبح عليكم ،،، وإن شاءالله اليوم اذا افطرنا وفتحنا

شاركنا في الردود ،، وخاصة اللي محمسني شكل الردووووووود نااااااار والمواضيع حريقة

تحياتي

ياجماعة عندي استفسار (سجل عندك غشيم ) هههههههه

كيف اخلي الصورة الرمزية من الصور المحفوظة عندي يعني مو لازم اختار من صور المنتدى (ياقدمي )
وكيف برضك احط صورة في التوقيع ( شكله يبي لي خط ) هههههههههه

صائم ويتميلح

سامحونا ،،،،

إقتباس كيف اخلي الصورة الرمزية من الصور المحفوظة عندي يعني مو لازم اختار من صور المنتدى (ياقدمي )

اعتــقد ماتقـدر تحط صور محفوظه من جهازك

إقتباس وكيف برضك احط صورة في التوقيع

يالغالي لازم ترفع الصورهـ الي تبيها توقيع لموقع تحميل صور وبعدين تضع الرابط في تعديل التوقيع عن طريق الدخول من عند لوحة التحكم

السلام عليكم..


ناصر فكره ممتازه والله يكثر من هالهواجيس



مبارك انا شفت ردك بالموضوع وتمغطت من الضحك يالولهان


بكيت اجل بعد ما قالها زامبروتا


يالمرهف يالحساس تحياتي لك



بصراحة حركة زامبروتا وتورام وصخة !!


على ما اذكر ان تورام قعد يسب اليوفي عقب ما طلع ناكر المعروف !!


انا حاقد على هالخال اكثر من زامبروتا .. صدق انه ما يسوا !!


اما زامبروتا فهو ناكر المعروف ..

اجل كنت في نادي منتهي .. ونجيبك ونخليك نجم واخر شي تسحب ياقليل الخاتمة !!






شكرا ً مبارك على هالهاجوس .. حجز هاجوس رقم 2 .. علموني لين خلصتوا من هاجوسكم !!

إقتباس تريزيجيه سيكون جاهزاً في لقاء اودنيزي

أحلى خبر .. أتمنى بقاء أماوري احتياطي ..


تريزي مع عودة سيسوكو الفريق بيكون اقوى ..

في مباراة اودينيزي نبي الفوز ولا شيء غير الفوز ..

اودينيزي فريق قوي واحرجنا الموسم الماضي يوم فاز على ارضنا 1-0 !!




يعطيكم العافية ..!!

:: تقرير : في نهاية الموسم سباليتي لليوفي و انشيلوتي لروما ::



المصدر