السلام عليكم ..


شهر مبارك على الجميع ..


بالنسبة للمباراة بصراحة انقهرت قهر موب طبيعي ..


روما الانتر ميلان .. جميع المرشحين يتعثرون وفرصة للتصدر وبفارق نقطتين عن اقوى المنافسين ..

صدارة لاتسيو واودينيزي مؤقته !


انا اللي قاعد افكر فيه الجدول ..!!

لكن حصل خير وانشاءالله نعوضها في المباريات القادمه ..


رانيري غبي !!


اماوري وديل بييرو مافي انسجام وهذا سبب نزول مستوى ديل بييرو بالمباراة ..

ديل بييرو ما يعاني من ارهاق لكن ما اذكر ان اماوري ناوله كوره طول المباراة !!


اماوري من ما يستلم الكورة في نص الملعب يوقف ويعطي المدافع ظهره !!!!!


المفروض يبحث عن زميل ..!!


ما عجبني الثنائي الهجومي في اللقاء ..

والمباراة القادمة اتمنى اشوف اليكس مع تريزي افضل !!


هذا سبب في ضعف الهجوم ..


نيدفيد في آواخر الشوط الثاني تعب ..


تبديل ظهير بظهير اضحكني كثيرا ً


المفروض دي تشيلي يكون بديل لنيدفيد ..


خروج كامورانيزي مؤثر كان المفروض ينزل حسن صالحميدتش ويساعد قريقيرا في التغطية لأن قريقيرا سيء في التغطية بعض الاحيان !!

دي تشيلي + مولينارو .. حسن + قريقيرا .. سكرت على الاطراف ..

مع وجود ماركيزيو و بولسن .. تقدر تقفل العمق .. + الضغط على حامل الكرة !!

كذا الكورة بتكون معك .. يا أما تموت اللعب او تحاول تجيب الثاني والخصم بيعتمد على المرتدات ..



مشكلة اليوفي ليست الغيابات ..

هالمره العقم التكتيكي !!


ميلبيرق امس طول المباراة كان ممتاز الا في هجمتين هجمة الهدف وهجمة قبلها سوا نفس الغلطة !!

لكن هو ما وده يخش ويتسبب ببلنتي باخر الدقايق .. ولا عرف يتعامل مع الوضع ..

الحقيقة المفروض اللي يتكفل برقابة جيلا هو ليقروتالي ..

لكن ميلبيرق امام الفرق الصغيرة ماراح يكون عليه اغلاط كثيرة !!

يعني يمشي الحال ..

ازين من الموسم الماضي اللي قريقيرا قلب دفاع !!!!!!!!!



الموسم هذا بإذن الله بيكون افضل ..

يعطيكم العافية ..


واعذرونا على التقصير بسبب التفرغ للعبادة والمسلسلات

إقتباس أسئلة نقاشة 1- هل رنيري مدرب بحجم اليوفي او اليوفي اكبر من رنييري؟ 2- هل تتوقع بقاء رانييري الى نهاية الموسم؟ 3- من افضل مدرب تراه لليوفي اذا رحل العله؟

ابو صالح سرى ليله. ههههههههههه. أعصابك ياحليب السعوديه ورانييري جالس على قلوبنا ولامنه فكه لكن احتسب الاجر.
1- انت جاوبت على هالسؤال فووووق

2- ايه راح يجلس والله يستر لايطول بعد للموسم القادم.3-


3-أفضل مدرب هو مدرب الفيولا. ومن بعده أدفوكاات أو هيدينك . ثم عاشق دوري الابطال مدرب ليفربول

1- هل رنيري مدرب بحجم اليوفي او اليوفي اكبر من رنييري؟
والله لو ادخل مخ رانييري انه مايحلم يدرب فريق مثل اليوفي واتوقع انه بيعتزل تدريب بعد ماينكرش من اليوفي يعني حده درجه شباب اليوفي وتخب عليه

2- هل تتوقع بقاء رانييري الى نهاية الموسم؟
مادامهم صبروا عليه الموسم اللي راح اكيد انه بيستمر لنهايه الموسم ويمكن يجددون معه

3- من افضل مدرب تراه لليوفي اذا رحل العله؟
لو انها على التمني كان تمنيت ليبي لكن الواقع يقول لازم يجي هيدينيك مدرب روسيا

كامل الدسم
عوافي على المناقشه
ناصر
عوافي على الترجمه

اليوفي وبس ..

الله يعطيك الـ ع ـآفية يآريس بس حبيت أخبركـ إن أخونا العضو MHM مسآفر
وبيرجع الجمعه .. يعني مآ يمديه ع أول تصميم

لذلكـ خل أول تصميم لـ نآصر أو أي أحد يعرف يصمم وإذا رجع يصير خير

:

إقتباس الرسالة الأصلية كتبت بواسطة ((نيدفيد)) مساء الخير للجميع ،، معلومه وحاب اتأكد منها ؟ قريت في احد المواقع ان اللاعب ستيفان ابياه كان موجود باليوفي امس وقالوا انه اتفق مع الإداراة على العودة لليوفي ؟ سمعتوا شي بهالخصوص ؟

حسب معلوماتي الخاصة

بخصوص ابياه

الاعب الان يخضع لفحوصات طبية ليست روتينية كما هو اي لاعب

من المعروف ان ابياه حصل عنده انسداد في احد شرايين القلب وبغى يموت لو لا عناية ربه

الان يخضع لفحوصات مكثفة في فينوفو اذا تعدى الفحص بيوقع للنادي

بيقول لي واحد المريكاتو قفل

اوكي هو قفل فعلاً

بس اي لاعب غير مرتبط مع نادي مثل حالة ابياه يمديه يتعاقد مع نادي في اي وقت


يعطيكم العافية يا شباب

لي عودة

888888888888


ناصر انا من ناحيتي موافق لاي شي يفيد الرابطه بس ياليت تعطينا مثال توضيحي عشان يمشون عليه باقي الشباب هذا اذا ماكان عندهم معارضه وبشرط اني اكون اول هاجوس والا هيجنه والا اني ثينق

وبعدين ترى قبل فتره نزل اقتراح عن جدول التوقعات عن تقديم المباريات وماحصلنا تفاعل للاسف

تسلم والله بدر
عموما انا كاتب الرد اليوم بعد الصبح وحفظته عندي يعني اكيد بيكون فيه لخبطة وحوسه دام البطن فاضي

لكن شوف مثلا : ماودك تكتب شي ولا تشوف تفاعل

يعني رح واكتب هاجوس وبعدين اكتب عن رانييري كم سطر وانه داج هاج , ونجي عاد حنا يالاعضاء ندرعم عليك

لان باعتقادي لو خليته برد عادي يمكن يكون فيه تجاهل ,لكن لو خليته بعنوان وحركات بننتبه له وبيكون زي الموضوع النقاشي داخل الرابطة

قوت إت ؟