السلام عليكم ورحمة الله وبركاته

إقتباس الرسالة الأصلية كتبت بواسطة الخبراء جين جواب/ اول هدفين لكييفو مولينار ماله دخل فيهن ابد ابد صراحة اانا مستغرب اللي ينتقدون مولينار مع انه مستواه مرتفع من مباراة الى مباراة بس تلقى فيه احد يتحراه يزل او يخطء مع انه مااخطء ابد بالهدفين الهدفين كان نفس السيناريو هجمة لليوفي وبحكم انه مولينار ظهير كان يساند الهجمه مهاجم يعني انقطعت الكورة ماادري مِن مَن؟ لكن ارتدت علينا يعني بشكل سريع حتى لو معه F15 ماامداه يلحق الكورة ويدافع ولعبت الكورة بين الاثنين (كليني وميلبرغ ) ونا احملهم سبب الهدفين لأنهم لاطبقوا التسلل صح ولاغطوا صح. كليني مستواه من سيء الى اسؤ ولاشفنا له نقد ابد ؟ ويكب كبات هو وميلبرغ مع ذلك ماشفنا اي انتقاد مولي لو يخطئ برمية تماس لعنتم اللي هو حلاله وميلبرغ هو وهجمته العنترية الي سببت الهدف الثالث قسم بالله ياقهر ان مافيه احد طراه وقال انه كبنا وكبته فهد المفرج والصقور لو يخططون يزينون زيه كان مازينوه تشاااو

ميلبرج قاضين منه اسوأ واحد خصوصا بعد الهدف الثالث
مولي انا ما قلت عنه شي بس اي لاعب يدج ما فيها شي لو ننتقده مثل دل دل سيء بعد
الهجمات كلها من الباك اليسار وزي ما قلت لك مولينارو اصلا كان سيء في ذيك المباراة لدرجة ان الكعبي خنفر وقال ان المقارنة حرام بينه وبين كابريني
الغرض ان مولينارو كان سيء جدا وكان المفروض انه يبدله لانه تعبااان من كثر المشاركات لاتنسى انه اكثر واحد شارك مع الفريق للحين الضعيف
بس يجي مستر رانييري ويخبصها فهذا اللي يفقع المرارة او على قولة عزيز انها حاسة رانييري السادسه !

إقتباس الرسالة الأصلية كتبت بواسطة العسيماوي عندي سؤال بخصوص الدفاع الايطالي المصعد من شباب اليوفي ليه مايلعبه سي رانييري

عزوز الولد له مستقبل في دفاع اليوفي وابشرك مدرب المنتخب الاولمبي استدعاه قبل اسبوعين وسجل هدف

إقتباس الرسالة الأصلية كتبت بواسطة 10بيانكونيري10 السلام عليكم كيفم شباب ان شاء الله بخير والله مادري من وين ابداء لكن انا في راسي موضوع الفريق هذا الموسم عناء كثير من كثرة الاصابات الفريق لم يلعب ثلاث مباريات متتاليه بتشكيلة واحدة والسبب الاصابات كامو يلعب عدد قليل من المباريات هذا الموسم بوفون نفقده في بداية الموسم ترزي ما شفناه هذا الموسم الا في مباريات قليلة الظاهر لو ابعد الاعبين الي انصابوا هذا الموسم لقيت كل الفريق تعرض لها لكن هذا موب موضعي لان احتمال اصابات اي لاعب وارد في كرة القدم ممكن تبعده بعض الاصابات مدة طويلة موضوعي هو ان الفريق يتعرض الى عدد كبير من الاصابات في موسمين متتاليين واضح ان فيه خلال اما سوء تشخيص للاصابة او الاستعجال في عودة الاعبين او سوى تصرف واهمال من الاعب او خشونه من الخصوم وعدم تحمل بعض الاعبين للاحتكاك او ضغط المباريات او المدرب او سوء ارضية الملعب او وهو الاحتمال الكبير سوء الجهاز الطبي كل هذه الاحتمالات الي ذكرتها وارده لكن مثل ماذكرت الغريب في الامر ان هذا الشي يتكرر موسمين متتاليين يعني في الموسم الماضي لم يكتمل الفريق الا في اخر جولاته وهذا الموسم نعيش نفس الظروف معدل اعمار الفريق في زيادة وهذا برضو من اسباب الاصابة الفريق بحاجه الى تدعيم صفوفه الموسم القادم على اقدر تقدير 5-6 لاعبين في مركز مختلفه (قلب دفاع/ظهير يمين/ظهير يسار/جناح يمين/جناح يسار/صانع لعب)وهذا شي صعب ان الفريق يفعله في موسم واحد اذا اراد لاعبين مميزين في مراكزهم الادارة كان قرارها بعدم التعاقد مع لاعبين في الانتقالات الشتويه خاطى كان المفروض انه توفر بعض الخانات علشان ترتاح في الصيف كان بامكانها في الانتقالات الشتويه التعاقد(مثلا) مع ظهير ايمن وتسكر على موضوعه بالصيف لكن مانعرف وش الاسباب الي خلتهم ياخذون هذا القرار الفريق فعل ما عليه وزيادة رغم كل الظروف الي مر فيها والحمد لله راضي عن كل الي قدمه الفريق في الموسم الماضي وهذا الموسم لكن لازم نركز في الموسم الجاي لان الفرق الاخرى واضح عليها التطور جنوى و الفيولا اصبحوا ينافسون على المراكز المؤهله الى دوري الابطال والميلان ماراح يستمر في تخبطه وروما راح يحاول يستعيد مستواه واليوفي لازم يحاول يطور نفسه ولايقف عن هذا الحد نعم استطعنا ان نعود بسرعه الى اجواء المنافسه واختصرنا الطريق لكن الفريق يحتاج الى عمل كبير في الموسم القادم ممكن نحتاج برضو الى موسم اخر فيه امور كثيرة عن النادي تحتاج الى كلام كثير ممكن هذا موب وقتها لكن اتمنى اني ارى اليوفي الحقيقي في اقرب وقت ممكن في الاخير الي ابي اوصله الجميع شاهد ردة فعل بعض الاعضاء كان فيها نوع من القسوه على بعض الاعبين خصوصا بوفون ولهم الحق يعبرون عن رايهم بس الامور مو بالشكل هذا يعني ممكن الواحد يقول كلام في ساعة غضب وطفش وغبنه وبعدين لما تهدئ نفسه ويروق يشوف انه غلطان او انه كان قاسي على الاعب الفلاني وهذا يحصل مع الجميع انا اقول نعم بوفون كثرت اخطائه هذا الموسم على غير العادة لكن لا ننسى ان بوفون في المواسم الاخيرة تعرض لاكثر من اصابه ومع ذلك مازال مختفظ بالقب افضل حارس بالعالم ولا ننسى ان بوفون في وقت من الاوقات شال الدفاع لوحده نعم هناك اخطاء لكن لا نحمل الخسارة لاعب معين لان الفوز او الخسارة يتحملها الجميع انا شاهدت الاهداف ممكن نحمل بوفون الهدف الثاني فقط لكن الاهداف الاخرى يتحملها الدفاع بلا منازع شباب شوفوا بس هذي الصدة راح تغني عن كلامي هذا كله اتمنى ما احد يزعل مني تحيتي للجميع واسف على الاطالة

يا هلا وغلا
الصمت في حرم الجمال جمال
مؤيد لك باغلب كلامك
وياليت ما تحرمنا من نمونة هالمشاركات الثمينة

إقتباس الرسالة الأصلية كتبت بواسطة شبيةالذئب السلام عليكم ورحمة الله وبركاته مساكم الله بالخير والمسرات والله يعطيكم العافيه شباب واعذروني على القطعه الاجباريه والمفاجئه في الفتره الماضيه والله يعطيكم العافيه مجدداً للشغشل الجبار من الجميع دون استثناء وان شاء الله الامور متى ما تحسنت راح اكون بينكم .. مبروك فوز الهلال والشباب والاتفاق وهاردلك للاتحاد على التعادل

هلا فيك ابوحميد والله نورتنا وبانتظار رجعتك يا غلاهم

إقتباس الرسالة الأصلية كتبت بواسطة شبيةالذئب الدوري ؟؟ هل انتهى ؟؟ اليوفي لديه هذه المباريات : جنوى . إنتر . ريجينا . ليتشي . ميلان . أتلانتا . سينا . لازيو الإنتر لديه هذه المباريات : باليرمو . يوفي . سمبدوريا . نابولي . لازيو . كييفو . سيينا . أتلانتا بعد الجولات الثلاث الاولى سيتحدد ما اذا كان الدوري حُسِم ام لا ... فورزا يوفي لا زلت متفائل بس وحتى وان خسرنا الدوري , فما ينقصنا هو اظهره زي الاوادم وصانع العاب ووسط يسار , ولاعب سنتر ..

الدوري محسوم للانتر من مباراة اليوفي ولازيو لان الفرصة كانت مهيئة لليوفي انه يعديه لكن فرط فيها ولا عاد فلح الى يومك
غير كذا مستحيل توصل للصدارة /
مدرب تجيه ام الركب+ الاصابات + استبسال الفرق الثانية على اليوفي مثل مباراة كييفو الاخيره + حظ اقل من حظ الانتر + هبوط مستوى المؤثرين مثل كليني ودل دل

إقتباس الرسالة الأصلية كتبت بواسطة العسيماوي ^ ^^ بسم الله الرحمن الرحيم مالحقت أرد إلا نزل ردين طيب الرد اللي قبل قبل ماعاد يمدينا نعلق على الأخبار شجعي اليوفي ونشتري لك شيء هناك يالبي عيون أخوك عيونه الحلوة اللي حب دلبييرو وهلابك ونورتي وعين ناصر الأولى فراش وعينه الثانية لحاف نفر ونص

ووش درآك آن عيون آخوي حلووه
آلموهيم شكلي عقب هـ آلكلآم برآبط
هـون .. وآبي تشتري آرض بـ آيطآليـآ
مشكـور خيـو وبآذن آلله مـآرآح نقطعكم
رآح نطمر بين فتره وآخرى
آلـى آللقــآء ,,
من رآبطـة آلخفـآفيـش
تحيتـي )

السلام عليكم

الخبراوي راجع لكلامك ان شاء الله




][.. سالاس يزور النادي ..][









لقد زار مركز تدريب اليوفنتوس شخص غير متوقع : مارسيلو سالاس الماتادور , والذي امضى اياما قليله في تورينو لكي يقوم بالسلام على زملائه السابقين في الفريق ولكي يتنفس هواء اليوفنتوس مجددا " لم اخطط للزيارة . اردت ان اقول مرحبا لاصدقائي . بعض زملائي سابقا في الفريق لا يزالون في النادي وانا سعيد لرؤيتهم مجددا : بوفون وتريزقيه ودل بييرو وكارموانيزي وندفد . لقد امضيت لحظات جميلة هنا وبعد ان ازور روما لكي القي السلام على زملائي في لازيو فسأعود هنا مجددا لكي اشاهد لقاء اليوفنتوس والانتر . كان وقتا صعبا بعد مباراة كييفو ولكن لازال هناك مزيد من المباريات حتى نهاية الموسم واليوفنتوس يستطيع ازعاج الانتر "




juventus.com




][.. رسميا / الادارة واندرادي يتفقان على فسخ العقد ..][









juventus.com

السلام عليكم ورحمة الله وبركاته

مساكم الله بالخير والمسرات والله يعطيكم العافيه شباب

واعذروني على القطعه الاجباريه والمفاجئه في الفتره الماضيه

والله يعطيكم العافيه مجدداً للشغشل الجبار من الجميع دون استثناء

وان شاء الله الامور متى ما تحسنت راح اكون بينكم ..






مبروك فوز الهلال والشباب والاتفاق وهاردلك للاتحاد على التعادل

التنكر محلل للقاء البلوز والريدز !!!

وديديه يثني عليهــ



اه ه ه

الدوري ؟؟ هل انتهى ؟؟

اليوفي لديه هذه المباريات : جنوى . إنتر . ريجينا . ليتشي . ميلان . أتلانتا . سينا . لازيو


الإنتر لديه هذه المباريات : باليرمو . يوفي . سمبدوريا . نابولي . لازيو . كييفو . سيينا . أتلانتا


بعد الجولات الثلاث الاولى سيتحدد ما اذا كان الدوري حُسِم ام لا ...


فورزا يوفي



لا زلت متفائل بس وحتى وان خسرنا الدوري , فما ينقصنا هو اظهره زي الاوادم وصانع العاب

ووسط يسار , ولاعب سنتر ..

تحية طيبة للجميع وبعد

بمناسبة قرب نهاية الموسم
هل اليوفي ينقصه لاعب او لاعبيين علشان ينافس على الدوري ودوري الابطال الموسم القادم ..وهذا هو المتوقع من الادارة فعله في السوق او محتاج لاعبيين اكثر

ولناخذ اللاعبيين واحد واحد

ديل بيرو ونيدفيد ... الاول 35 سنة والثاني 37 سنة
لو واحد منهم قدم عطاء شوط اول ماراح يعطيك الشوط الثاني ولو عطاك مباراة ماراح يعطيك المباراة الثانية .. لان عامل السن له دور كبير

بوفون و كامورنيزي .. والمعانات الطويلة مع الاصابات كل سنة

ميلبرغ وجرجيرا وزيبينا لاتعليق

ليقروتالي ومولينارو والحارس ماننجير ممبدعين وحماسييين لكن اخطائهم كارثيه

تياقو و بولسون وماركيوني .. ممتازين كبدلاء ولايعتمد عليهم

اللاعبيين اللي عليهم الكلام واتوقع انهم قادرين انهم يشيلون الفريق لموسم كامل وفي اكثر من مسابقة ويعتمد عليهم
هم
اماوري وياكونتا وترزقيه وجوفينكو و سيسيكو و ماركيزيو وكيلييني

المشكلة ان نصفهم هجوم ..وعليه اشوف ان الفريق محتاج 5 لاعبيين على الاقل في الوسط والدفاع من اعلى طراز علشان ينافس على بطولة كبيرة وقوية مثل الاسكديتو و الابطال

اما في حالة ان اليوفي اكتفى بتعاقد مع لاعب واحد او اثنين فأتوقع بيكون حال اليوفي اسوء لان الميلان سوف يصحح خط دفاعه وروما سيعيد توازنه وربما نشاهد اليوفي خلفهم في الترتيب

اتمنى في لقاء جنوى ان يشرك رانييري نيدفيد خلف المهاجمين

يعني

بوفون

مولينارو كليني كنيزفيتش زيبينا

سيبا ماركيزيو كامـو

بافيل

دل بيرو --------------- تريزيغيه " ياكونتا "

إقتباس الايطالي المصعد من شباب اليوفي ليه مايلعبه سي رانييري

اخوي تقصد ارياودو , اذا كان هوه انا اوافقك , بس للتنكر راي اخر , بصراحه لاعب

افضل من جد هايدي ..لانه ثقيل جداً منتهي بالعاميهـ ..

الاماني والرغبات كثيره لكن الواقع ما يحدهم على ذلكـ

رانييري: مدرب رائع ودائماً متفائل في تصاريحه وما يعيبه باهتقادي تغييراته المتخبطه في معظم الاوقات والتي افقتدنا الكثير .

مولينارو : مجتهــــــــد بس وين الاوفرات الصحـ , يعني ممكن شارك في 40 لقاء ولا كروس صح الا مره وحده جاء منها هدف .!

جريجيرا : تشتيت دفاعيا وهجومياً صفر على الشمال .

ميلبرج : ساهم في العديد , والغلطه في اللقاء الاخير لا تنسينا ما فعله مع انها مكلفه لانها اضاعت نقطتين ثمينه .

ليغرو : ياليل ما طولك , يأدي طوال ال90 د ونهاية المباراه يجلي بخطا فادحـ .

كليني : وحـــش الا انه ثقيل الحركه ..

سيسوكو : ما يحتاج واتمنى عودته ..

بولسن : الكور البعيدة المدى المتقنه ما تميزه عن غيره ..

تياجو : لولا اصابة لاعبي الارتكاز لما رايناه طوال الموسم , لاعب مساهم في تغيير رتم الفريق من الحاله الدفاعيه الى الهجوميه .

ماركيزيو وسيبا : نجاح في نجاح ...

ماركيوني : لاعب حق شوط فقط ...

نيدفيد وكامو : الله الله يا عبدالله .

دل بيرو : رغم اهدافه الحاسمه والرائعه الا انه ليس هو ...

اماوري : الموسم هذا للنسيان ونطلب المزيد ...

ياكونتا : يا للروعه قتالي درجه اولى

تريزيغيه : اه ه ه ه ه على الايام الخوالي ..

زيبينا وميلبرج و جريجيرا بولسن = خروج نهائي اعتقد ..


تصبحون على خير

واه ه ه يا ســــــــــــــالاس وا ه ه ه يا اعسر القدمـ

شوفوا الى اين وصل وفاء البيانكونيريين ...



....

.. رسميا : اليوفينتوس يفـسخ عقـد البرتغـآلي جورجي أندرآدي ..





أعلن نادي اليوفينتوس عن فسخ عقد اللاعب جورجي أندرادي بعد موافقة رابطة الدوري الايطالي على تلك الخطوة.
اللاعب البرتغالي كان قد انضم للبيانكونيري صيف 2007 وسط آمال كبيرة بأن يقدم الدعم اللازم لخط دفاع الفريق لكن الحظ السيء أوقع اللاعب فريسة للاصابات فقد تعرض لاصابتين خطيرتين في الركبة مما أبعده عن الملاعب لفترات طويلة كان نتاجها أنه لم يظهر مع اليوفينتوس الا في 4 مباريات فقط .
فريق السيدة العجوز طلب من رابطة الدوري السماح له بفسخ العقد والآن تم تأكيد ذلك الأمر الآن، التأكيد جاء عبر بيان ظهر على الموقع الرسمي للنادي الايطالي جاء فيه:
" توصل كل من اليوفينتوس واللاعب جورجي جوميز دي أندرادي الى اتفاق حول فسخ العقد الموثق بينهما وانهاء العلاقة التي تربطهما معا وقد تم ذلك بمعرفة رابطة الدوري الايطالي وبذلك يصبح اللاعب حرا الآن ويحق له التعاقد مع أي نادي آخر، اليوفينتوس يتمنى للاعب أفضل الأمنيات على صعيد المشاركة مع ناديه الجديد ومنتخب بلاده "

المصدر

برآيفـت / تصدقـون مآأحس إني أسوي مجـهود أو نشآط أو أي شي أُشكـر عـليه مع هالنسـخ ,, أبي أترجـم <~ وش عـندي



بالتوفـيق للجـميع ..}~

][.. Sebastian Coates تحت انظار اليوفي ..][









يقول موقع TuttoJuve.com ان المدير الرياضي للسيدة العجوز اليسو سيكو يتتبع Sebastian Coates مدافع منتخب الاورجواي تحت 20 عام ولاعب نادي ناسيونال مونتيفيدو , الجدير بالذكر ان اللاعب اليافع يبلغ 18 عام .





transfermarket