★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★ - صفحة رقم 430 - نادي الهلال السعودي - شبكة الزعيم

فيلسوف · #6436 17/02/2009, 06:24 AM

إقتباس

الرسالة الأصلية كتبت بواسطة عــاشــق الـيــوفــي


	ايوب تصميم بطل وميه ميه ياكابتن .. واذا بتضيف كريشيتو .. اضف معه رووسي عشان يطلع العدد زوجي ومايخرب فكره التصميم << مخ المصممين ,,

يوم خلصت التصميم كلمني واحد من العيال كان معي يقول ناقص روسي قلت المشكلة زحمة مدري وين احطه عاد خذ لك اقتراحات يقول خل جيوفينكو قدام لحاله كنه راس حربة و روسي مكانه هههههه

الظاهر بسويه متحرك بيكون أفضل ...

وبالمناسبة اشكر الشباب اللي مدحوا تصميمي<<الأخ مصري

فمان الله

هواوي الزعيم · #6437 17/02/2009, 11:20 AM

...
صباح الورد لكل يوفاوي

...
][ مالديني و ديل بييرو يهنئان راؤول ويصفانه بالاسطورة ][
بـ الفعل راؤول يستحق كل الالقـاب ويقدم دروس لـ كل اللاعبين الشباب
وبـ التوفيق لـه ,

][ كوبولي : أكويلاني قريب من الجيوفتس .. هذا غير صحيح ][
مليون مره نقول اليوفي لا يحتاجـه ,

:

إقتباس


	تخيل انا مدير الانتقالات يوووووووووووووه كان ابخلي الجماهير يسون لي تمثال : اول شي ظهير يمين بطل واجيب واحد من الدوري الارجنتيني واشتري زوركوف حق منتخب روسيا باللي هي به وبعدين اروح ابيع ( جرجيرا + 33 + اندرادي + كيمنتي + زانتي + ماركيوني ) واجمع المساهمين واعطيهم اسم اللاعب الجديد واقولهم قطو طبعا اللاعب هو اكزافي لاعب برشلونه يا لبببببى ابيع نص اللاعبين واشتريه وبعدين اجيب دييجو وفان در فارت مع بعض واذا خلصت هالصفقات اروح واشتري زاباتا واكيد بيجيني بسعر التراب لان الفريق مغري جدا

والله اليوفاويه عندهم فكـر

ليتك انت مدير التعاقدات يا ناصر
ناصر سؤال بـ العاميه ( تهقى سيكو عنده فكر والا مطي مايفهم ) < يروح ويرد على سيكو
سؤال ثاني / منو زاباتا ؟
:

ياسلام عليك يـ ناصر
ابداااااع صراحـه ,
عادي لو نخليهـا توقيع ؟
:

اليوفي و بس · #6438 17/02/2009, 11:32 AM

في البداية

ظنكم ان الله كتب و صرت رئيس اليوفي بترك الوضع لكم سردح مردح مثل الرابطه " على فكره سردح و مردح مدري وش هي بس كني سامعها

الأكيد إني أبدا ما راح أتدخل في خطة اللعب و التشكيلة

إفلقني اذا ما ارسلت لكم الخطة على الخاص

______________________

مباراتنا القادمة أتمنى أن يلعب بها المدرب بـ تريزغيه و ياكونتا و جيوفنكو و ماركيوني و يترك اليكس و اماوري

و نيدفيد و كامو لأبطال أوروبا و لو إستطاع إراحة سيسكو و تياجو أيضا لا مانع .

اللعب على الدوري صعب جدا و يقارب الإستحالة لذلك الإكتفاء بالتاهل الموسم المقبل لدوري الأبطال هو الطموح

القابل للتحقيق + البحث عن الكأس المحلية + الوصول لأبعد ما يمكن في دوري الأبطال .

_____________________

ناصر تصميمك بطل و التباين في الألوان و توزيع الإضاءه و إستحدام الميكرويف كان رائعا بكل صراحة

<< اسمع بالتصاميم

هواوي الزعيم · #6439 17/02/2009, 11:44 AM

:::
ناصر لا تنسـى هذا
:

:
" تايـوه " الوحش النيجيري
الباك اليسار لنادي مارسيليـا
العام الماضي طلعت اخبار ان اليوفي يفاوضه وما كنت اعرفه ,
لكن شفت له كم مباراه قبل شهر تقريباً
تخيلته مكان مولينارو ..............!
لاعب يحرث الملعب حرث + تسديداتـه الصاروخيـه

فيلسوف · #6440 17/02/2009, 12:18 PM

.
.

][ كوبولي : أكويلاني قريب من الجيوفتس .. هذا غير صحيح ][

مليون مره نقول اليوفي لا يحتاجـه ,

حرام عليك ... صحيح هالمركز اليوفي فيه لاعبين ممتازين لكن مستحيل نفرط في هالصفقة أكويلاني مجنووووووون

انا يعجبني اللاعب الهادي من طينة أكويلاني وصدقني بتشوف المحاورة بياخذون راحتهم ... وأيضاً يمول الاجنحة وتمريراتها بطلة

:

سؤال ثاني / منو زاباتا ؟

زاباتا حق أودنيزي توه صغير ما دري كم عمره بس اتوقع حدود 21 او 22

شفت له كم من مباراة صراحة تغطية دفاعية خوقاقية وغير كذا عنده بديهه سريعة وهذا اكثر ما يعجبني فيه ... واذا استقعد استقعد

.
.

يوفااااوي10 · #6441 17/02/2009, 01:22 PM

مالديني و ديل بييرو يهنئان راؤول ويصفانه بالاسطورة

يستاهل الاسطورة راؤول

][ كوبولي : أكويلاني قريب من الجيوفتس .. هذا غير صحيح ][

مسلسل لم تكتب نهايته

الكينج 99 · #6442 17/02/2009, 01:35 PM

: ][ بــاكـ بعد غياب 12 يوم عن الاختبارت ][ :

ياهلا فيكم وش علومكم اشتقت لكم واجد .....

هاردلك التعادل الي انا اعتبره مرضي بكل شيء مستوى لعيبه وتكتيك مدرب وتغييراته وانا والله اعجبت بــ مولينارو

بهاك المباراه ....

سمعت اخبار كثيره من قناة الجزيره الرياضيه ( قناة هشام الخلصي ) انه كسانو يقترب من اليوفي كثيراً وانا مستغرب

من هالشيء لانه اذا جاء بصير مهاجم وحنا مليانين هجوم ماله الا وسط جناح مكان ندفيد وهذا الشيء لا يعجب كسانو

فــ أنا مستغرب من هالصفقه ذي !!!!!!

عالعموم تصميمك اخوي أيوب ( فيلسوف ) أعجبني كثير وماله داعي تضيف احد كريشتو مع جنوى وروسي ماشفنه زين

تصميمك ~ ناصر ~ خيال وحلو ولقيت صوره عندي لــ ديل بييرو شايل كاس دوري الابطال فاقلت اعطيك اياه يمكن تبيه

skroo · #6443 17/02/2009, 07:59 PM

السلام عليكم ورحمة الله وبركاته

فيلسوف

عارف انك ايوب وش دعوى
بس يوسف الثنيان هو الفيلسوف وبالتالي ربطت بينكم طبقا للنظرية النسبية لانشتاين

بخصوص شافي فماهي صعبة والفلوس تغير النفوس , وكثير من الفرق فرطو بلعيبة كبار ولهم ثقلهم في النادي من باب التجديد واقرب مثال زيدان ورونالدينهو مع اليوفي والبرشا

والتصميم فمعقولة ماتعرف توزع الصور بالمقاس ؟

وشاكرلك تعقيبك يا ايوب

عــاشــق الـيــوفــي

هلا فيك

حتى انت بعد ما تعرف كيف تضبط المسافة ؟
اممممممم اول ماتركب الفوتوشب ارسلي خاص علشان اقولك

هواوي الزعيم
ناصر سؤال بـ العاميه ( تهقى سيكو عنده فكر والا مطي مايفهم ) < يروح ويرد على سيكو

والله شوف من ايام السيريا B وحنا نقرا بالاخبار ان سيكو دمية لموجي
وسيكو بالمقابلة المطولة اللي ترجمتها انا قبل امس اعترف وقال انه الابن الروحي لموجي
عموما سيكو يتطور موسم عن موسم وانا ملاحظ نقطتين :

1- سيكو عمره 39 وتوه مبتديء بهالمنصب يعني مستحيل بين يوم وليله يطلع مثل موجي والا مدراء الاندية الثانية
2- سيكو قال ان مرحلة الكمية انتهت وبدت مرحلة النوعية وهذا شي يثلج الصدر

انا مع سيكو واتوقع والله اعلم انه بيرضينا بالصيف الجاي لان النادي وضعه تغير للافضل وتخلص من ضغوطات كثيره

ومعلومة يعرفها اغلبكم بس لامانع من التكرار :
سيكو مولود في تورينو وابوه كان يشتغل بالنادي زمان واول مرة دخل سيكو للنادي يوم كان عمره 3 سنوات
صحيح ان العصر الحالي عصر فلوس , بس مهما كان افضل لو يجي واحد من عيال النادي لانه بيكون غيور اكثر

ان شاء الله سيكو بالصيف يرضينا بالصفقات والتعاقدات والتخلص من العاهات <== كيف وزن الجملة

وزاباتا عرفك عليه يوسف

قصدي ايوب
وبخصوص التصميم لا تشاور وش دعوى

على حسب علمي ان اسعار الدوري الفرنسي نار مقارنة بدوريات امريكا الجنوبية
يعني اتوقع هذا يسوى 13 مليون ولو لاعب بنفس قيمته الفنية لكن من امريكا الجنوبية اتوقع ماراح يعدي 8 مليون

الكينج 99

هلا بملكنا

اسفرت وانورت

بس الصورة اللي انت حطيتها ماهي تتويج لليوفي , هذي صورة خسارة اليوفي لنهائي 2003 قدام الميلان
دل دل ماجاب دوري الابطال الا مرة وحده وصورته موجوده بالتصميم وهو لابس فنيلة زرقاء

اليوفي و بس

وش فيك انت

تراني ما العب وهالتصاميم محد يقدر عليها

هلالي الكتلان · #6444 17/02/2009, 11:15 PM

^ ^ ^

السلام عليكم

، جاي أحطم أحلام اليقظة اللي عندك أنت ويآه

.!

تشافي

صدقوني ماهو من اللاعبين اللي الفلوس تغير فيهم لاعب يعشق ألوان النادي ومخلص لنادي مقاطعته بشكل كبير ، مجدد عقده قبل كم شهر الى 2014

هو مع بويول وانييستا لاعبين من المستحيل خروجهم من النادي .

باقي واحد صح فالدس

تدرون متنازلين لكم بهالحارس بنعقد صفقة تبادل مع بوفون

بس المشكلة كم تزيدون

؟

كل الأماني بالتوفيق لكم بالأبطال ، ويازين النهائي يوفاوي برشاوي

آسف على الازعاج

،،

الخبراء · #6445 17/02/2009, 11:26 PM

إقتباس

الرسالة الأصلية كتبت بواسطة هلالي الكتلان


	^ ^ ^ \باقي واحد صح فالدس تدرون متنازلين لكم بهالحارس بنعقد صفقة تبادل مع بوفون بس المشكلة كم تزيدون ؟ آسف على الازعاج ،،

لا ازعاج ولا شيء

اقول ماتبيعون الفيش؟؟؟ ونعطيكم 3 عاهات +40 مليون >>قيمته الاصلية لأن العاهات الثلاثة مايسوون شيء

اما بالنسبة للمدافعين
فأتمنى جلب فيدتش

مدافع المان صراحة لاعب كبير بمستواه من طية كليني

يعني يكملون بعض.

اما اجيير فأتمنى صرف النظر عنه لأن الولد من ربع رقم 33

عليه كبات
كوارثية .

Mr.Barcelona · #6446 17/02/2009, 11:41 PM

إقتباس

الرسالة الأصلية كتبت بواسطة skroo


	السلام عليكم ورحمة الله وبركاته بخصوص شافي فماهي صعبة والفلوس تغير النفوس , وكثير من الفرق فرطو بلعيبة كبار ولهم ثقلهم في النادي من باب التجديد واقرب مثال زيدان ورونالدينهو مع اليوفي والبرشا

هلا ناصر ..

أجل قاعدين تخططون على تشافي وماتعلمونا

.. شوف تشافي وبويول بالذات عندهم أخلاص عجيب للنادي لدرجة أن في سنة 2000 أو 2001 كان برشلونة يمر بأزمة مالية كبيرة .. طلب تشافي من النادي أنه يخصم من راتبه عشان النادي يمر بأزمة

.. بالعربي خروج تشافي من برشلونة كأنه خروج دل بيرو من اليوفي

.. وعلى فكرة الرجال وقع خلاص حتى 2014 وبـ راتب 6،5 مليون في السنة .. طيب وشرايك نعطيكم .. فالديس & بينتو & خوكيرا

+ 30 مليون يورو وتعطونا جيجي

سلآآآآم ..

skroo · #6447 17/02/2009, 11:58 PM

السلام عليكم ورحمة الله وبركاته

هلالي الكتلان
Mr.Barcelona

هلا بعناصر الاستخبارات

وش دراكم اني قاعد اهيجن بالرابطة عن اكزافي

طيب زين انكم خشيتو الرابطة , ودي اسألكم وش معجبكم بايتو ؟ <== ياليل

شباب انا طرحت اسم شافي كأمنية فقط , وطبعا انتم تقولون استحالة يخرج وانا اقول مافيه شي اسمه مستحيل في كرة القدم
ماهو شرط سبب الخروج مادي فقط , فيه اسباب كثيره ثانية
مثلا هنري ترك لندن يوم طلق زوجته وتدهورت حياته
زيدان ترك اليوفي يوم عرف ان هالبطولة معاندته ويوصل للنهائي ولا يقدر يجيبها
رافانيلي ترك اليوفي لانه تهاوش مع موجي
بيكهام ترك مانشستر يونايتد لانه تقابس مع فرجسون
.............. الخ

يعني يمكن يجي رئيس جديد للبرشا ويتلاقط مع اكزافي ويقوله اقضب الباب

يعني باختصار مافيه شي اسمه مستحيل في كرة القدم

ولاتنسون انها مجرد هواجيس لاني كل ما ابعدت بالهواجيس شوي تذكرت جرجيرا و33 واندرادي وماركيوني ومولينارو وشلة حسب الله في اليوفي ويضيق صدري

نورتو الرابطة وتكفون كثرو زيارات

ღ Lover Barca ღ · #6448 18/02/2009, 12:08 AM

السلام عليكم

إقتباس

الرسالة الأصلية كتبت بواسطة فيلسوف


	. . ][ كوبولي : أكويلاني قريب من الجيوفتس .. هذا غير صحيح ][ مليون مره نقول اليوفي لا يحتاجـه , حرام عليك ... صحيح هالمركز اليوفي فيه لاعبين ممتازين لكن مستحيل نفرط في هالصفقة أكويلاني مجنووووووون انا يعجبني اللاعب الهادي من طينة أكويلاني وصدقني بتشوف المحاورة بياخذون راحتهم ... وأيضاً يمول الاجنحة وتمريراتها بطلة : سؤال ثاني / منو زاباتا ؟ زاباتا حق أودنيزي توه صغير ما دري كم عمره بس اتوقع حدود 21 او 22 شفت له كم من مباراة صراحة تغطية دفاعية خوقاقية وغير كذا عنده بديهه سريعة وهذا اكثر ما يعجبني فيه ... واذا استقعد استقعد . .

أيوب

..

وينك عن المسن ؟!

والله أنّي من زمان مشتاق لك

تكفى أدخل

معليش ع القطّة شباب

فيلسوف · #6449 18/02/2009, 06:15 AM

السلام عليكم ...

صباح الخير

ناصر

طبوا عليك عيال الكتلان وقوموك من احلام يقظتك << كيف تجي

اتفق معك يا ناصر ان الفلوس تغير النفوس ... بس مهما كان إدارة البرشا من اذكى الإدارات شف أغلب اللاعبين حطت شرط جزائي لفسخ عقودهم وكلها فوق 50 مليون ومستحيل يدفع اللي بيشريه مثلا قيمته 40 مليون + 50 مليون قيمة الشرط الجزائي !

وادارة البرشا أيضاً من اقل الإدارات اللي سمعت عنها انها تمر بأزمة مالية ... تشيلسي وعنده ابراموفيتش مر بأزمة !

ايه صح ... فيه لاعب فيه من تشافي ... شرايكم بـ موتينهو لاعب البرتغال وسبورتنج لشبونة ؟
اللي لعب مع البرتغال باليورو ورقمه 10 وهو كابتن فريقه وعمره 22 !

صراحة اعجبني مرة وتابعته واستغربت ما طاردوا وراهـ الأندية !

اعجبني فيه انه هااادي

زعيــ[ كلهم ]ــمهم

تشتاق لك العافية يا بعدي

ياخي قديم انت مسنجر

صار لي 3 شهور ما خشيته

اي والله صدقت يا ناصر الدنيا دوارة

فمان الله

الخبراء · #6450 18/02/2009, 07:22 AM

إقتباس

الرسالة الأصلية كتبت بواسطة فيلسوف


	\ ايه صح ... فيه لاعب فيه من تشافي ... شرايكم بـ موتينهو لاعب البرتغال وسبورتنج لشبونة ؟ اللي لعب مع البرتغال باليورو ورقمه 10 وهو كابتن فريقه وعمره 22 ! صراحة اعجبني مرة وتابعته واستغربت ما طاردوا وراهـ الأندية ! اعجبني فيه انه هااادي

ياخي والله ياذوقك رفيع جداً باللاعبين وراه ماتروح وتصير بدال سيكو

الصراحة اللاعب به من ديكو وانت الصادز لاعب هادي يمسك كورته صح
تمريرات خورافية بالنسبة لي خقق مع اللاعب

بس من جهة ثانية لااعتقد انه في ثنائي افضل من سيسوكو

وتياقو

علاوة >> مادري وشي بس ودي اكتبها
عندنا بها المركز كثير من المحاور الممتازة

وهاللاعب شغله مثل شغل تياقو محور هجومي .

خطمة
ماتشوفون ان اجانب الهلال ازين من اليوفي