★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★ - صفحة رقم 407 - نادي الهلال السعودي - شبكة الزعيم

هواوي الزعيم · #1 01/02/2009, 08:52 PM

:
السلام عليكم /
هارد لكم الخساره ومن حسن الحظ تعثر الانترر
< مايفقد الامل الى بـ اخر جوله
طبعاً احد يسميها عاطفه او ثقه بـ الفريق مانختلف
...
عن المباراه صراحه الشباب ماقصرو قالو كل شيء
اللي كنت خايف منه صار
:
( هبوط مستوى الفريق بعد فترة التوقف )
:
استغرب من المعلق اللي ازعجنا اماوري مرهق وهو توه جاي من اجازه شتويه ونيدفد مدري وش فيه وهدف اليوفي الثاني غير صحيح اللي لو فيه اصقه سمع وفهم ,, ماعلينا من كل هذا
..
جميع المباريات اللي خسرها اليوفي
يخسر بـ اخطاء دفاعيه ساذجه أستثني مباراه انتر واودنيزي لانهم كانو افضل من اليوفي وقت المباراه كـ مستوى مع تحفظي على طريقة الاهداف ,,

بـ معنى ان اليوفي هو من يهزم نفسه
لاحد يصدق ان كالياري قدم مباراه زينه وتكتيك كان قوي
كاتانيا فاز لان اليوفي كان سيئ فنياً وبدنياً وتكتيكاً وكل شيء
...
وبـ النسبه لـ خط الدفاع
(عادت حليمه لعادتها القديمه )
من سذاجه وتوزيع هدايا لـ الخصوم ليغروتاللي امس خارج نطاق الخدمه وسيسوكو قفل وجاب لـ الفريق القاضيه اللي حطمت كل شيء
...
اعجبتني نقاط ابوثامر/
عن رانييري اللي شخص حالته
بـ انه يُصاب بـ داء ( ام الركب ) كلمـا اقترب من الصداره
واعجبني رد خالد على رانييري يوم قال
( يجب مصع رقبتك خارج اسوار تورينو )

اخيراً
( بدر )
لاتتشائم لو تتذكر بداية الموسم كان الفريق بـ المركز 11 وتحسن وضعه
وان شالله تزين الاوضاع بـ الجولات القادمه
:

king of integration · #2 01/02/2009, 10:14 PM

إقتباس


	كذلك نيدفيد يلام لانه لايطلب من المدرب اراحته او يطلب التغيير وهو اعرف بنفسه اكثر من المدرب ويعلم انه لايسطيع انه يلعب 90 دقيقه او ان يلعب مباريتين متتاليتين في الاسبوع

لا احد يتكلم على نيدفيد انت وياه >>> مسوي انه مدرعماتي

..!!

والله شوفوا من ناحية نيدفيد ما اقدر اقول فيه الا ان نية الرجل طيبة >> خويه

..!!

تفسيري للي قاعد يصير في موضوع نيدفيد

...!!

بان نيدفيد يرى في نفسه انه يسدي خدمة لليوفينتوس لا احد يستطيع تقديمها له

..!!

لانه هو الوحيد المتخصص في مركزه مع اصرار رانييري انه يطلع جيوفنكو مهاجم فاشل
.. وعدم استقراراه بالنسبة لدي تشيلي مرة يلعبه جناح ومرة ظهير على حسب
التساهيل...!!

بالاضافة ان نيدفيد

خدم اليوفي كثير ولا يضيره انه (يخوش

) في كم مباراة لبى قلبه بس

... ام انه شوه تاريخه فهذي كلمة قوية شوي لان نيدفيد لا يتحمل فداغة جيرجيرا او استهبال رانييري

..!!

هذا الشيء ملام فيه رانييري 100% ...!!

لانه مو معقول يطلب منك المدرب انك تلعب وتقوله والله معليش انا شايب وتعبان وما اقدر العب

...!!

او تروح وتدرعم عند المدرب وتقوله انا شايب وداخل هالموسم اطقطق معاكم وامشي فلا تلعبني اكثر من مباراة في الاسبوع

..!!

او ان نيدفيد يقول لرانييري اقلب وجهك لا اصكك على جبهتك ترى ماني فاضي لك العب اليوم ....خلاص كبرنا على الحاجات هذي

...!!

بالعقل بالله عندك لاعب عمره حوالي 36 او 37 سنة ومو مقدم اداءه المعروف و واضح عليه الارهاق... وتروح تلعبه ... الا اذا الشغلة فيها طلاقات انا مدري

...!!

و مو معقول ان الادراة تجيب لاعب ما طلبه (رانييري) ...!!

يعني تخيلوا جابوا لك دييقو ب 25 مليون يورو و رانييري لا يحتاجه في خطته ...!!

يا حبيبي على اللخبطة اللي راح تصير !!!!

انا احمل رانييري بنسبة 100% الي قاعد يصير لنيدفيد

..!!

وهارد لكم الخسارة

والله شي يقطع القلب يا عالم بس مالنا الا الصبر

king of integration · #3 01/02/2009, 10:20 PM

^^^^^^

هذا تعليق على نقاش سابق صار بين ناصر

و10بيانكونيري

10

الكينج 99 · #4 01/02/2009, 10:45 PM

هلا بالزقرت .....

خلاص ياشباب مباراة وعدت نبي نفكر بــ مباراة نابولي الجايه نبي ننسى الماضي ونفتح صفحه جديده << يسمعه واجد بالمسلسلات

نابولي داج مستواه وخاسر على ارضه الجوله قبل الماضيه من روما 3 صفر وبعده تعادل مع اودنيزي بأرضه الظاهر يعني مثل حالنا او حنا أردى

اتوقع الفوز راح يكون حليف اليوفي لأنه بأرضنا واليوفي يوده يرجع لــ الانتصارات عبر بوابة نابولي الواسعه

ماعنه ماعاد يفرق بأرضنا ولا لا لاكن اقوله كــ تسليك بس

بـــالتوفيق يارب لليوفي بــ COPA ITALIA

اليوفي و بس · #5 02/02/2009, 12:50 AM

ناصر الحديث عن دينو زوف كرئيس لليوفنتوس مستبعد !!

زوف لم يرتبط بعلاقه قويه مع عائلة انيلي في الفتره القريبه

بل أنه ترأس نادي لازيو في بعد استقالته من تدريب الآزوري

و بعدها درب الفيولا .

و لا أعتقد أنه ضمن الأسماء المطروحة .

برأيي أن يصبح بلانك رئيسا للنادي " لو كان النظام الإيطالي يسمح " هو أفضل ما يمكن

skroo · #6 02/02/2009, 12:58 AM

إقتباس

الرسالة الأصلية كتبت بواسطة اليوفي و بس


	ناصر الحديث عن دينو زوف كرئيس لليوفنتوس مستبعد !! زوف لم يرتبط بعلاقه قويه مع عائلة انيلي في الفتره القريبه بل أنه ترأس نادي لازيو في بعد استقالته من تدريب الآزوري و بعدها درب الفيولا . و لا أعتقد أنه ضمن الأسماء المطروحة . برأيي أن يصبح بلانك رئيسا للنادي " لو كان النظام الإيطالي يسمح " هو أفضل ما يمكن

هو فعلا درب لازيو والفيولا
حتى اذكر لقبوه المحنط مدري المومياء يوم دج فيهم

بس يا احمد انا اتكلم عن الهيبة والوقار , يا اخي فلة اذا جاك احد هيبة ووقار وقمت تتراجف قدامه
يعني تخيل دينو زوف ينزل بين الشوطين ويروح لغرفة الملابس ويسحب مولينارو مع فنيلته ويقوله ( العب زين يا ابن %#$$# والا ان ماعاد تحلم ترجع بيتكم يا $%^#@ ) ويرجع ثاني مرة للمنصة

تخيل وش بيسوي مولينارو

اخاف رانييري يستقيل اذا شاف هالموقف عاد ركبه تشتكي هههههههههههه

skroo · #7 02/02/2009, 12:46 AM

السلام عليكم

وسعو صدوركم وشوفو ولدنا كريشيكو جاب هدف الفوز لجنوى بالوقت القاتل واهداهم المركز الرابع

http://www.youtube.com/watch?v=1I1u0mJFEZE

= = =

احلى مابالخسارة شوفة مبارك وضد التيار في الرابطة , هذي من نتائج الخسارة نشوف هالاقلام المميزه اللي فقدناها

= = =

king of integration

ابراهيم حبيبي , ندفد مصرح كذا مرة انه ما يقدر يلعب الموسم كامل وان لابد من بديل له
لكن اللتم المتعوس على خائب الرجاء : رانييري اللي يقول الفريق كامل + الادارة الحضرمية

بخصوص دييجو وكلام رانييري انه ما يناسب خطته , فمانقول الا يازين ليبي , قلت قبل فترة ان دي ليفيو مصرح ونصح اليوفي بدييجو وقال الخطة مالها دخل لان زيدان جابه ليبي وكان يلعب معه 4-4-2 بس هذاك ليبي وهذا رانييري
كوبولي مصرح رسمي ويقول دييجو نحبه ونتابعه , طبعا كوبولي ما يدري وين الله حاطه لانه العام الماضي مصرح بمقابلة طويلة مع الكوريو ديلو سبورت وقال نعم فاوضنا فان در فارت وللاسف ماجابه
والحين يقول حنا نتابع دييجو ونحبه بس ما اظن يجيبونه ,

للمعلومية / كوبولي ينتهي عقده في يونيو 2009
وكلنا نعرف ان كوبولي يوفاوي حتى النخاع ومصرح قبل فترة وقال انه مايقدر ينام قبل مباريات اليوفي
فبحكم ان رئاسته بتخلص ولا اعتقد انهم بيجددون معه لانه ادى اللي عليه من انقاذ النادي وخلافه
صراحة اتمنى يجي مكانه هالشخص :

واحد من ابناء النادي
سبق ودرب النادي
درب المنتخب 2000 وكان من افضل المنتخبات اللي شفتها
غير كذا شكله هيبة

خقق صراحة

عادي يالله سواليف وش ورانا

MU 7 · #8 02/02/2009, 12:58 AM

إقتباس


	واحد من ابناء النادي سبق ودرب النادي درب المنتخب 2000 وكان من افضل المنتخبات اللي شفتها غير كذا شكله هيبة خقق صراحة عادي يالله سواليف وش ورانا

هههههههههههههههههههههههههههههههههههه

اجل خقق ههههههههههههههههههههه

صورته يوم كان يدرب الاهلي المصررررررري هههههههههههههههههههههههههههههههههه

فـارس الـزعـيـم !! · #9 02/02/2009, 12:23 PM

:: القائمة النهائية لدوري أبطال أوروبا ::

Lista A ( أساسي )

1 BUFFON Gianluigi
3 CHIELLINI Giorgio
4 MELLBERG Olof
5 ZEBINA Jonathan
6 ZANETTI Cristiano
7 SALIHAMIDZIC Hasan
8 CARVALHO DE OLIVEIRA Amauri
9 IAQUINTA Vincenzo
10 DEL PIERO Alessandro
11 NEDVED Pavel
12 CHIMENTI Antonio
13 MANNINGER Alexander
15 KNEZEVIC Dario
16 CAMORANESI Mauro German
17 TREZEGUET David
18 POULSEN Christian Bager
19 MARCHISIO Claudio
20 GIOVINCO Sebastian
21 GRYGERA Zdenek
22 SISSOKO Mohamed Lamine
28 MOLINARO Cristian
29 DE CEGLIE Paolo
30 CARDOSO MENDES Tiago
32 MARCHIONNI Marco
33 LEGROTTAGLIE Nicola

Coach RANIERI Claudio

Lista B ( احتياطي )

31 NOCCHI Timothy
35 ESPOSITO Simone
36 CASTGLIA Luca
37 DURAVIA Marco
38 D'ELIA Salvatore
39 MARRONE Luca
40 ROSSI Fausto
41 ARIAUDO Lorenzo
42 PINSOGLIO Carlo

المصدر

ضد التيار · #10 02/02/2009, 02:34 AM

مع إني قايل ماني مشارك .. ولكن في حاجتين شدتني بصراحة !!

اخوي ناصر ..

اتفق معك 334 ماتصلح مع الظروف الحالية (ندفد) .. طيب .. ليه ماتجرب خطة الشجرة .. حقت ميلان .. تراها تجي مع اليوفي !!

اربع الدفاع نفسهم وقدامهم ابو امين وعلى اليمين تياغو وعلى اليسار كرستيان وقدامهم كامو ودل بيرو وراس الحربة اماوري !! (بغض النظر عن الاصابات)

صحيح انك تحتاج لهذي الخطة اظهره عصرية .. ولكن مع وجود اثنين خلف راس الحربة تقدر تعمل خطورة ومع وجود تياغو تقدر تحصل على بعضاً من الكريييتف <- الابداع

بس عندك الشيخ رانييري وينه وين هالخطط

اليوفي وبس

إقتباس


	في جانب صناعة الهجمة و ستحل العديد من المشاكل و لكن الأهم على رانيري عدم الإختراع

^
^
والله إذا مايعرف يخترع ويبدع مانبيه يدرب فريقنا .. وش الفايده منه إذا مايقدر ينزل تشكيلة صح ومايعرف يوظف اللعيبه ولا يعرف حتى يخترع فهذي مصيبه بصراحه ..

انا اشوف الأهم إنه يقضب الباب ويورينا عرض كتافه على قولت اخوانا المصرين !! ونكمل الموسم بــ بيستو اقسم بالله يمكن نتصدر

اقولها وانا صادق ترى !!

S ạ M i · #11 02/02/2009, 03:05 AM

صباح الخير ,,

هزيمتين ورى بعض .. طيب نبي نفرح شوي تكفون على الاقل ننهزم وحنا راضين عن الاداء ..!!

نيدفيد اثبت انه باقي في مستواه و 4 اهداف في هالموسم ,,

بخصوص سالفه نيدفيد انا ابي احطك تحت الامر الواقع نيدفيد ماجدد في هالموسم من راح يجي ويعوض مكان نيدفيد الاجابه مافيه احد يعوض مكان نيدفيد في هالفتره .. يعني خلاص نبي نقفل على موضوع بديل نيدفيد ونيدفيد شايب الى ماتجي الانتقالات الصيفيه لاني تشبعت من كثر ماسولفنا في هالموضوع ,,

بشطح شوي لانه بصراحه قافله ولا لي خلق افكر في الحلول القادمه اذا عندك اداره ميته ماتعرف الفريق وش ناقصه وبنفس الوقت ماتدفع ,,

قلنا اليوفي انهزم طيب نتابع فيدرر شوي يارب يفوز ببطوله استراليا ونفرح شوي .. فيدرر بعد تصقع

,,

الى اللقاء في الحلقه القادمه مع رانييري ,,

G a G a z · #12 02/02/2009, 06:36 AM

بونجوورنو يالبيانكونيريين

سؤال يقرقع في بطني له سنين !!

الحين يوم الفرق تدج قدام ميلان والانتر وغيره .. ليه لمّن يقابلون اليوفي يلعبون باستماته ملعونة أبو جد ؟؟

وعلى طاري هالسؤال ,, الاخ الي يقول بنفكر بمباراة نابولي ويقول انه بنفوز فيها على ارضنا وان نابولي داج له كم مباراة .. اذكرك وش بيسوون فينا في ملعبنا ..

اليوفي و بس · #13 02/02/2009, 07:19 AM

ضد التيار

إلي اقصده ان كل اختراعاته سلبية و لا مره نجحت معاه لذلك نلعب 4 - 4 - 2 و نتحمل بعض الخسائر

الين ما ربنا يفرجها و يفكنا من خشته الخايسه

و ان شالله كامو و ديل بيرو و نيدفيد ما يسمعون كلامه و يشتغلون على مزاجهم أحسن من تفكيره الفاشل

صباحكم

U V · #14 02/02/2009, 07:50 AM

السلام عليكم

هلا اخوي

king of integration

إبراهيم

كلامك سليم بس فيه اشياء احب اوضحها لك

انت اخذت جزء من الرد وتركت الباقي لكن هذا هو الرد وشف وش ذكرت في اخره

v

إقتباس

الرسالة الأصلية كتبت بواسطة 10بيانكونيري10


	وسالفة نيدفيد الكل شريك فيها (الادارة/المدرب/الاعب نفسه) وانا حطيتها بالترتيب هذا لان الادارة هو الملام الاول لانه لم توفر بديل للاعب من الموسم الماضي وهذا الموسم وتفريطها بصفقات كانت قريبه من اليوفي مثل صفقة الاعب دييقو اما المدرب يلام لانه لم يطالب ببديل للاعب وعدم اعطى الفرصه للاعبين متوفرين عنده يستطيعون سد هالخانه مثل الاعب جوفينكو ودي شيلي كذلك نيدفيد يلام لانه لايطلب من المدرب اراحته او يطلب التغيير وهو اعرف بنفسه اكثر من المدرب ويعلم انه لايسطيع انه يلعب 90 دقيقه او ان يلعب مباريتين متتاليتين في الاسبوع لكن تضل هذي ابرز سالبيه عند رانيري لان هناك حلول متوفره عنده وهي اعطى الفرصه لجوفينكو ودي شيلي ولان قرار التغيرات ووضع التشكيلة بيدة

اولا انا لما ذكرت دييقو ذكرته كمثال فقط لان في اسماء كثير طرحتها الادراة ولم تفعل شي لحل هذي المشكلة وهي تعرف ان هذي اخر سنه لنيدفيد وفي هالحالة تكون الادارة هي الملام الاول

ثانيا مثل ماقال اخوي ناصر

إقتباس


	ابراهيم حبيبي , ندفد مصرح كذا مرة انه ما يقدر يلعب الموسم كامل وان لابد من بديل له لكن اللتم المتعوس على خائب الرجاء : رانييري اللي يقول الفريق كامل + الادارة الحضرمية

وفي هالحالة يكون الملام ادارة النادي والمدرب

اخوي ابراهيم والحمد لله ان هالرد خلاني اتعرف عليك واعرف اسمك وهذا اهم شي بنسبه لي
انا ما الوم نيدفيد بشكل مباشر لان نيدفيد يسوي الي عليه وواجب عليه انه يعلب اذا طلب منه المدرب هالشي علشان كذا انا حطيته بالمرتبه الثالثة بعد الادارة والمدرب ولا احد انكر تاريخ نيدفيد وش سوى للفريق من تضحيات ويكفي فقط انه وقف مع الفريق في اصعب الضروف لكن انا اقصد ان فيه مباريات يقدر الفريق يلعبها بدون نيدفيد مثل مباريات الكاس ومباريات الفريق مع الفرق الصغيرة او يعلب هالمباريات بس ما يلعبها كامله وهالشي راح يفيد الفريق لان فيه اعطى فرصه للاعبين الشباب مثل جوفينكو ودي شيلي وهلاعبين هم مستقبل اليوفي فيعني لازم اعطيهم فرصه علشان اذا اعتزل نيدفيد الى فيه لاعب جاهز قادر على سد هالخانه

اتمنى اني وضحت وجهت نظري

تحيتي للجميع

راكان الازرق · #15 02/02/2009, 10:45 AM

متابع بصمت
تصدقون يا شباب اول مرة احس اللي يحسون به النصراويين....لا ادارة زينة تساوي تعاقدات ولا مدرب صاحي ولا لعيبة ترجي منهم شي خصوصا في الاظهرة وصناعة اللعب...والله شعور صعب وكان الله في عوننا وعونهم....

ياجماعة انا توقعت هذا الشي يصير من زمان لان فريقنا هش بشكل مو طبيعي ونفوز بالجرينتا
اي الشخصية والحماس..يعني لا تحلمون ببطولات والله يستر من تشيلسي وشكل التاريخ بيضيع بيد كوبولي وطقته...

مدري ذولي يحسون انهم ماسكين بارما والا تورينو..هذا اليوفي فريق بطولات يبي لنا لعيبة جاهزة وتعاقدات قوية ومدرب فيرست كلاس...