ياكونتا المحارب يرفض عرض زينت بطرسبرغ الروسي



مهاجم اليوفي ياكونتا فضّل البقاء مع البيانكونيري والبقاء على دكة البدلاء بدلاً من الانتقال لزينيت بطرسبرغ الذي قدم عرض يقدر بــ10 مليون يورو وكانت الاداره موافقه على البيع بسسب عودة القناص تريزيجيه وبذلك الرفض سيكون عائقاً لليوفي لطلب خدمات دييجو وفابيو كواليغرا .
ومن الممكن ان يقوم رانييري اليوم باشراك المحارب جانبا الى جنب مع اماوري بسبب غياب
اليكس ..

goal.com



.....


بعض الصور لبافيل من موقع تشيكي

بوفون يتمنى ايميل تهنئه من باراك اوباما بسبب عيد ميلاده




جيجي بوفون يكمل عامه 31 اليوم , ويتمنى ان يكون احتفال بعيد ميلاده من خلال الفوز على الاودني اليوم , ويتمنى ان يرسل اوباما له تهنئه بمناسبة عيد ميلاده الواحد والثلاثين ..

goal.com

التشكيلة الرسميه للقاء الاودني بعد قليل

بوفون

مولينارو كيلليني ليغروتالي جيريجيرا

نيدفيد ماركيزيو سيسوكو ماركيوني

جيوفينكو اماوري

forza juve

مبروووووووك فوز الزعيم الازرق

سميح سانتورك مطلوب من اليوفي


تقدم اليوفي بعرض لفنربخشه التركي للاعبه سميح في الصيف الماضي , لكن أُعتبر العرض

غير كافي , واذا لم تحدث الزياده في العرض فان اللاعب سيكون في تركيا .

واكد سميح لــntvsport.net " لقد تلقيت عرضاً من البيانكونيري , لكن كان العرض اقل مما هو متوقعـ " .

وقال سانتورك " مستعد للعب للسيده العجوز لكن يحتاج اليوفي لتحسين وضعها في العرض , وفنريخشه مستعد للاستغناء عن اللعب في حال زيادة قيمة العرض " .

وقال " انا بخير في فنربخشه , لكني على استعداد للذهاب لتورينو " .

goal.com

ودي اعرف لمتى اليوفي يلعب بدون صانع لعب !!!

وتغييرات مدرب زي وجهه يطلع مهاجم ويدخل مهاجم ومحور بدل محور يقاله الحين سوى شي

وين كلليني بسسس ، ليغروتالي اليوم مو بمستواه ، ماركيوني مدري من قص عليه وقاله انت زيدان

جميع اللاعبين اليووم صفـــــــــر عالشمال

عدم وجووووود صانع العاب نكبه للفريق , لبغروتاغلي لا يتعلم من اخطائه نكبة الفيولا تتكرر مع الاودني

اظهررررره تعبنا منهم ما فيهم اي فائده تذكر لا دفاعيا ولا هجومياً ...

سيسوكوووو مستوااااه غريب جدااااااااا , وكذلك الهجوووووم عقيم يعني فريق مسلم المباراه من بدايتها

غياب دل واضح على اداء الفريق

اتمنى تتعدل الاوضاع في الجولات القادمه وفارق الست نقاط لا يتسعـــــــــ ...

غريبه " 11 مباراه متتاليه لم يفز 3 تعادل و 8 هزيمه واليوم يفوز عاليوفي"

تبديلات التنكه غريبه ولا لها اي داعـــــــــــي

يا حبيبي في بعادك غير الاحزان مو حاس ليــه يا حبيبي في غيابك غيييييير

السلام عليكم !!

كيف الحال جميعا .. اولا انا ماني زعلان على الخساره لأننا كنا نستحقها ..

وثانيا وقبل اعلق تكتيكيا عن المباراة ابي اوضح شي ان رانييري تطور والحمد لله على الاقل صار يستفيد من تغييراته !! وان شاء الله يستفيد من اغلاطه ..

-----

احب اذكركم بكلامي الي بستمر اقوله لين يتغير الوضع (( لا نيدفد ولا ماركيوني يسموون صناع لعب )) نيدفد شيب وماركيوني طقه والحقه والحمد لله الفريق واصل لهالمركز وهذا اعتبره انجاز حاليا في ظل الضعف باهم المناطق ..

تحليلي للمباراة ..

باعتقادي رانييري دخل بالتشكيله المناسبه للمباراة .. بداية الشوط الاول شفنا الضغط على حامل الكره على لاعبين اليوفي وقلة المهاره في لاعبين الوسط ادت الى فقدان الكور

وانا بالمباراة تذكرت تشيلسي واللعب الانجليزي .. يعني على كذا بنقدر نفووز على تشيلسي ؟؟ الجواب لكم ...

سيسوكو مو بمستواه نيدفد شيب وماعنده المهاره من قبل والحين فقد القوه الجسمانيه واصبح كمالة عدد,, فقط ممتاز بتحركاته .. ماركيوني زي ما قلت قبل انه لاعب فيه السرعه فقط .. يعني ما اقدر اسميه صانع لعب ولا فيه مهاره.. فقط انضباط تكتيكي يمكن يفيد الفريق بعودته للدفاع لكنه لا ينفع هجوميا يعني ماهو صانع لعب صانع دفاع ..

الوحيد الي اقدر اقول انه ممتاز بالوسط هو ماركيزيو لكن يد وحده ماتصفق ..

انتهى الشوط الاول بهدف للأودني .. الشوط الثاني كماهو معروف شوط مدربين ..

دخول ياكونتا بدال ماركيوني اعتقد انه اختيار صائب ..

واصبح الفريق يلعب

سيسوكو
نيدفد ........... ماركيزيو
جيوفنكو

اودنيزي كلهم في المناطق الدفاعيه ما عدا لاعب واحد وللأسف الفريق يلعب كور طويله وتمريرات خاطئه .. وما فيه لعب على الاطراف او مسك الكره مع الفريق فتره طويله ..

الدقيقه ٧٠ النتيجه ١-٠ للأودني .. لو كنت مدرب اليوفي وقتها كان عندي خيارين .. واعتقد ان المدرب لو فكر وش الطريقه لوصول المرمى راح يلقاها باحد هالطريقتين :

١- الفريق يلعب قدام فريق مدافع بكامل لاعبينه ماعدا واحد .. اما انك تلعب على طريقة كابيللو ولليبي وهي اشراك لاعب ظهير بدل احد القلوب .. وكنت افضل دخوول دي تشيللي مكان ليقروتالي لأنه مافيه طريقة للوصول لمرمى اودنيزي الا عن طريق الاطراف .. وتكون مراكز اللاعبين كذا :

مولينارو ..... ميلبيرق ..... جريقيرا

سيسوكو ... ماركيزيو
ديتشيللي ......................جيوفنكو
نيدفد
ياكونتا واماوري

بالضغط هذا تجبر الاودني انه يرجع ومهاجم واحد قدامه ٣ مدافعيين يمديك تقفل عليه ..

٢- بما ان الفريق خاسر وماعنده شي يخسره اكثر من هالخساره .. وبما ان الفريق مو قادر يمسك الوسط .. يزود مهاجم على هذولا ويدخل تريزي بدل نيدفد الضعيف جدا بهالمباراة ويدخل اكدال بدال ليقروتالي

بحيث انه يكون فيه كثافه بالوسط

ويكون توزيع اللاعبين :

مولينارو .... ميلبيرق .... جريجيرا

ايكدال .... سيسوكو .... ماركيزيو

جيوفنكو ................................. ياكونتا

تريزي ... اماوري

بكذا تقدر تمسك الوسط بوجود ثلاث محاور وماركيزيو وايكدال ادوارهم الهجوميه ممتازه .. ولو كان فيه تقدم من احد الاظهره يكون احد المحاور يسكر مكانه .. ووجود جيوفنكو وياكونتا على الاطراف راح يفتح دفاع الاودنيزي اكثر ويكون فيه مساحه لتريزي واماوري

والكثافه الهجوميه ووجود رأسي حربه يخلي الفريق اقوى هجومي ويمكن من ربع هجمه يجي هدف ..

ولو دخل ياكونتا مع الثلاث مهاجمين او صار فيه تبادل بالاماكن راح يحدث فراغات بدفاع الأودنيزي .. او حتى احد المحاور دخل مع المهاجمين زي ماشفنا من بولسن كان لحاله .. لأن كل مدافع ماسك مهاجم ..

لكن كل هالتفكير الي براسي ما صار وجانا الهدف الثاني بالدقيقه ٧٥ تقريبا ..

استغربت شي واحد يعني ومادخل راسي ... هو دخول بولسن .. مادري هو قوه دفاعيه ولا قوه هجوميه ولا باصات ..

اللاعب هذا لو كنت مدرب بفريق بالدرجه الرابعه بالدوري السوداني وجاني هاللاعب وقال اعطيكم راتب شهريا بس لعبوني اقوله اقلب وجهك وحنا نعطيك راتب بس لا عاد اشوف وجهك ..

واتمنى اذا خالد مسجل المباراة ابي يجيب لنا مرتدة اودينيزي لزاباتر اعتقد.. الي طلع بوفون وقطعها برجله .. وهي بين الدقيقه ٨١ و٩٠

ابي تشوفون هالعاهه الي ما دخل له دقيقتين شلون يتمشى ويتفرج على المرتده !! ايكدال افضل الف مره منه بس استغرب انه ما يلعبه ...


وكالعاده اهدافنا (( غالبا )) من كره ثابته .. وهذا يدل على انه فيه ضعف بالوسط ..

خسارتنا مستحقه .. وكان السبب بالخساره اللاعبين والمدرب !!

الدفاع وبوفون: لاتعلييق

نيدفيد: اجيب لك الحزم بس تكفى اعتزل

ماركيوني : ياصببببر الاررض

أمـاوري : من يوم جيت من باليرمو ماقدمت نص مستواك مع باليرمو غير المطامر بـ مباراة الميلان

ياكوينتـا : يالبى قلبك بردت قلبــي ياليتك شايـت وجـه رانييري

دل بيرو : أنـــت رووووح الفرريق

إقتباس الرسالة الأصلية كتبت بواسطة هواوي الزعيم ... السلام عليكم / هارد لكم الخساره اللي تعكر المزاج ... انا أستغرب صراحه من البعض اذا فاز الفريق اثنوا عليه بشكل مبالغ فيه وعند اول خساره يقلل من الفريق ويذكر جميع العيوب ويتكلم عن المدرب وانه فاشل ويخليه مايسوى فلس : اللي لعب اليوم هم من فازعلى الريال مرتين وفازوا على ميلان اربعه وعلى روما وبـ نفس المدرب بعد ! والفريق مُعرض لـ بعض العثرات والفريق اليوم لم يقدم اي شيء يُذكر : ولكن المُلاحظ في المباريات الاخيره هو (تراجع مستوى الفريق بشكل مخيف ) وهذا الشيء مو من مصلحة الفريق خاصه مباراة تشلسي على الابواب : وعن مباراة اليوم / ومن وجهة نظري السبب يكمن في : 1- غياب ( اليكس / كامو ) غياب اليكس كان مؤثر جداً ولاحد ينكر هـ الشيء ومباراة اليوم كانت محتاجه لـ لاعب مثل كامو يستطيع ان يصنع لك باص ينهي المباراه فيه خاصه فـ مثل هاذي المباريات اللي فيها تقفيل وماركيوني لا يستطيع فعل ذلك 2 - خط الدفاع وما ادراك ما خط الدفاع ( اللي صاير يعطي هبات لـ المهاجمين) لو تتذكرون بداية الموسم والبدايه المتعثره لـ الفريق دفاع اليوفي قوي ومتجانس بـ ( كيليني - وليغروتاللي ) فقـط ! : بداية الموسم كان غايب ليغروتاللي وموجود كيليني ويلعب معاه ميلبرغ واحيان يلعب العاهه كنيزفتش وكان خط الدفاع خط ضعيف جداً وينضرب بسهوله ولو تتذكرون هدف جيلاردينو واهداف نابولي كانت بـ أخطاء فرديه بالدفاع وبعودة ليغروتاللي مع كيليني تحسن خط الدفاع لانهم كانو متجانسين مع بعض بشكل واضح ونفس الشيء حاصل حالياً لما غاب كيليني صار فيه خلل بـ الدفاع ومباراة لاتسيو والاودني وضحت هـ الشيء والدليل الهدف الاول وعدم التفاهم بين ليغروتاللي وميلبرغ طوال المباراه : الدوري طويل وباقي 17 مباراه صح اليوم خسرنا ثلاث نقاط ولكن القادم مهم جداً المباراه القادمه في تورينو ضد كالياري لابد الفوز فيها لـ تصحيح وضع الفريق