★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★ - صفحة رقم 375 - نادي الهلال السعودي - شبكة الزعيم

اليوفي و بس · #1 14/01/2009, 02:33 PM

يا شباب مشرف الاتصالات و عاشق اليوفنتوس مازن فينه وحشني بصراحة !!

skroo · #2 14/01/2009, 03:01 PM

السلام عليكم ورحمة الله وبركاته

:: سيكو سيقابل مدراء فيردر بريمن الاسبوع المقبل ::

على حسب موقع usatoday وموقع cnn sport فان دييجو قريب جدا من اليوفي
ان شاء الله كلامهم يطلع سليم ونشوف الولد الموهوب في اليوفي

:][ اليوفي يخطط لاستقدام كاسانو في الصيف المقبل ][:

ما ينفع ولا بريال , وش ابي بواحد ماعنده عقل ومخ

:: بوفون جاهز للمشاركه امام كاتانيا ::

صراحة المباراة ممكن اشوفها وممكن لا محتار للحين
حسافة الواحد مايشوف بوفون
شوفة بوفون طرب وادمان بكل امانة

:: موناكو يفاوض تياقو ::

تياجو رفض كل العروض يوم كان داج
والحين ما اظنه يطلع يوم ظهرت مستوياته للجماهير

][ اليوفي يستعد للقاء كأس إيطاليا ][

بعدي يا رانييري
ودي تجيب الكأس علشان النجمة الفضية

:: ماركيزيو وجيوفينكو من افضل اللاعبين ::

والله يستاهلون خصوصا ماركيزيو البطل اعتبره اكثر من واحد من الثلاثة اثباتا لنفسه في التشكيلة

][ اليوفنتوس يبحث عن بديل لــ بافال نيدفيد ][

اكثر خبر انغثينا فيه

][ اليوفنتوس يرصد 30 مليون يورو لضم سيلفا من فالنسيا ][

ان ماجاء دييجو ودي بذا رغم ان بنيته ضعيفة

= = =

الف شكر للجميع

إقتباس

الرسالة الأصلية كتبت بواسطة اليوفي و بس


	يا شباب مشرف الاتصالات و عاشق اليوفنتوس مازن فينه وحشني بصراحة !!

هلا ابوحميد

والله انا مثلك كل فترة اهوجس فيه واقول ودي ارسله رسالة وانسى !!
هالمرة طول بزيادة ولا هي بالعادة
من شهر 7 ميلادي ماخش الزعيم يعني له فوق 5 شهور مختفي عسى المانع خير !!

skroo · #3 14/01/2009, 03:19 PM

][.. اليوفي يراقب Benedikt Howedes الالماني ..][

يواصل اليوفي بحثه في الباوندزليقا عن المواهب الشابة وهذة المرة رادار النادي يراقب مدافع شالكه Benedikt Howedes اليافع . وتقول التقارير ان عملاق ايطاليا سيقوم بتقديم عرض رسمي لصانع العاب فيردبريمن دييجو وان المدير الرياضي اليسو سيكو سيقوم برحلة الى المانيا لكي يفاوض الهدف الثانوي وهو المدافع الشاب نجم منتخب تحت 21 عام .

وطبقا للتوتوسبورت فان سيكو قام برحلات عديده الى المانيا لمشاهدة نجم منتخب كرواتيا ايان راكتش وانه قد اعجب باليافعBenedikt Howedes .

الدولي الالماني الصغير وجد لنفسه مكانا اساسيا بشالكه الالماني رغم صغر سنه . على اية حال فانه من الممكن لليوفي ان يقدمو عرضا كبيرا لضم المدافع -20 عام - الذي ينتهي عقده في 2014 .

channel4

tribafootball

U V · #4 14/01/2009, 03:47 PM

السلام عليكم

كيفكم شباب ان شاء الله بخير

مبروك الفوز بالمباراة الاخيرة

اليوفي راح يلعب مباراة مهمه هذا اليوم امام فريق بثر يعرف كيف يحافظ على شبابكه بالنسبة لي اتوقعها مباراة سيبا

اتمنى من رانيري يعطي الفرصه للشباب والمصابين خصوصا مشاركة بوفون وسيبا ولايمنع اننا نشوف باقي الاعبين المهمين بسبب فترة التوقف علشان الفريق يستعيد كامل جاهزيته

..قصة من طيات التاريخ اليوفنتيني ..

ما شاء الله عليك اخوي Black N White اسلوبك لطرح الاحداث مميز ومشوق
الرابطة كستبت قلمك الذهبي اتمنى تستمر على هذا الطريق وافضل من ذلك

إقتباس


	السلام عليكم ورحمة الله وبركاته مشتاق للجميع واعتذر عن الانقطاع لظروف كسر في اليد يعطيكم العافيه جميعا الاعضاء القدامى والاعضاء الجدد مبروك فوز اليوفي المهم من اقدام ديل بييرو من ركله حره فاول وتقليص الفارق بيننا وبين المتصدر

هلا اخوي بدر(ولد الزعيم البار)الحمد لله على السلامه وما تشوف شر وان شاء الله اجر وعافيه

:: سيكو سيقابل مدراء فيردر بريمن الاسبوع المقبل ::

المهم ما يتكرر موضوع شابي الونسو
الفريق بحاجه الى هذا الاعب
والله يكتب الي فيه خير لليوفي والاعب والاداراة

:][ اليوفي يخطط لاستقدام كاسانو في الصيف المقبل ][:

الفريق موب محتاج هذا الاعب خصوصا لانه لاعب مزاج لابعد درجه وماينفع معه الا مدرب صارم
وجهة نظري صعب خروج الاعب من سامبدوريا بسبب الشروط الي فارضها الريال على الفريق

:: بوفون جاهز للمشاركه امام كاتانيا ::

مهمه مشاركة بوفون بالمباراة هذي علشان يدخل اجواء المباريات
مشتاقين لشوفتك يابطل

:: موناكو يفاوض تياقو ::

الاعب لما اعطي الفرصه الكامله ووظف توظيف صحيح قدم مستوى رائع هذا الموسم لكن الاعب حظه سيئ واصيب
لكن اتمنى الاعب يبقى بالفريق حى نهاية الموسم ثم نحكم عليه

][ اليوفي يستعد للقاء كأس إيطاليا ][

كلام رانيري منطقي وعقلاني لان اي بطولة يشارك فيها اليوفي مطالب بتحقيقها ويكون منافس عليها مهما كانت هذا البطولة ومهما كان المنافس نعم هي تعتبر بالمركز الاخير من حيث الاهميه وتعتبرها الفرق الكبيرة انها مباريات تحضيريه للدوري والابطال لكن هذا الشي ما يمنع ان الفريق ينافس عليها

لكن اتوقع ان رانيري صرح هذا التصريح لبث الحماس بالفريق +ان التعويض صعب بالبطولة هذي لانه خروج مغلوب من مباراة واحدة +ان الفريق راجع من اجازة فيحتاج الى اكثر من مباراة علشان يستعيد جاهزيته

لكن وجهة نظري المتواضعه هذي البطولة لازم نعطي الشباب فرصه علشان اذا احتاج الفريق لاعب يجده جاهز ويعطى الاعبين المصابين الفرصه علشان يكونوا جاهزين للبطولات الاهم

:: ماركيزيو وجيوفينكو من افضل اللاعبين ::

يستاهلون هلاعبين هم مستقبل اليوفي وتنتظر منهم الجماهير الشي الكثير وان شاء الله خلال موسمين نشوفهم بالمراكز الاولى

][ اليوفنتوس يبحث عن بديل لــ بافال نيدفيد ]

المفروض يكون البديل موجود بداية الموسم موب اذا اعتزل الاعب فكرنا بالبديل علشان اذا ترك نيدفيد بالفريق يكون البديل جاهز للمهمه هذي مع ان الفريق يوجد فيه لاعب ممتاز ويقدر يعوض نيدفيد وشاب بس هذا الاعب بنظر رانيري لاعب مهاجم يعني سيبا تقدر انك توظفه مهاجم او جناح او خلف الهجوم بحكم سنه وعلى سيبل المثال سيسوكو كانت بداياته يعلب مهاجم حتى مع رانيري ايام فالنسيا كان رانيري يلعبه بالمركز ذا لكن لما جاء بنيتز لفالنسيا حول سيسوكو من لاعب مهاجم الى لاعب محور الاعب كان وقتها عمره 20 سنه والان يعتبر سيسوكو من افضل الاعبين بمركز المحور هذا مثال والامثلة كثير

لكن انا اشوف ان افضل بديل وراح يعوضنا نيدفيد لاعب البايرن ميونيخ شفاينشتايجر هذا الاعب يمتلك نفس مواصفات نيدفيد

برضو الفريق لازم من الحين يفكر ببديل لكامو هذا الاعب كثرت اصاباته

][ اليوفنتوس يرصد 30 مليون يورو لضم سيلفا من فالنسيا ][

الاعب ما يختلف عليه اثنين وشاب وراح يخدمك سنين
اتمنى قدومه بس احس ان الامر صعب

لقيت رابط يوتيوب موجودة فيه جميع أهداف الملك الموسم 2007/2008

مشكور اخوي ماقصرت وجاي مشاهدة المقطع

نقاش اليوم/وش تسوي اذا كتبت رد طويل ثم امسح؟؟؟

يعطيكم العافيه شباب ما قصرتوا واسف على الاطالة

تحيتي للجميع

skroo · #5 14/01/2009, 03:53 PM

إقتباس

الرسالة الأصلية كتبت بواسطة 10بيانكونيري10


	نقاش اليوم/وش تسوي اذا كتبت رد طويل ثم امسح؟؟؟

يالغالي المسألة سهلةجدا

اتوقع انها صارت لك مليون مرة فالمفروض انك تأدبت

عني انا من بعد المناكح اللي تصير لي في المنتديات صرت اسوي لي طريقة وحده

افتح ملف نصي
واكتب فيه كل اللي ابغاه
بعد كذا انسخه والصقه في صندوق الرد وانسقه ,

اذا نزل الرد اهلا وسهلا
مانزل لاي سبب كان خلاص اروح احفظ الملف النصي باسم يذكرني فيه ومتى ما قدرت نزلت الرد

هذي افضل طريقة اشوفها وعذرا على الاطالة

THE KING ALEX · #6 15/01/2009, 08:19 AM

ألف مبروك الفوز والتأهل

أنا ما شفت المبارة

بس شفت .. هدف "الملك"

و "ولي العهد" .... سيبا

صراحه أهداف ملعوبه وتتدرس ...

U V · #7 14/01/2009, 04:09 PM

السلام عليكم

شباب انا عندي فكرة حلوة ممكن تساعد في تنشيط الرابطة

الفكرة ان يكون فيه نقاش اسبوعي او شهري للرابطة عن اوضاع الفريق على سيبل المثال نناقش افضل صفقه سواها الفريق واسواء صفقه لموسم 2008 وكذا على حسب الاحداث الي يمر فيها الفريق خلال الموسم

اتمنى التفاعل مع هذي الفكرة

مشكور اخوي ناصر(skroo)ماقصرت والله هذي المشلكة دائما تواجهني وجاري العمل بطريقك

M A R C E L L O · #8 14/01/2009, 04:52 PM

إقتباس

الرسالة الأصلية كتبت بواسطة 10بيانكونيري10


	السلام عليكم شباب انا عندي فكرة حلوة ممكن تساعد في تنشيط الرابطة الفكرة ان يكون فيه نقاش اسبوعي او شهري للرابطة عن اوضاع الفريق على سيبل المثال نناقش افضل صفقه سواها الفريق واسواء صفقه لموسم 2008 وكذا على حسب الاحداث الي يمر فيها الفريق خلال الموسم اتمنى التفاعل مع هذي الفكرة

والله الفكرة رائعة وممـ ـ ـ يزة واتمنى لك دوام التوفيق

skroo · #9 14/01/2009, 05:31 PM

هلا اخوي 10بيانكونيري10

الرابطة للجميع ولا هي حكر لاحد واي فكرةنرحب فيها وبالعكس ودنا نطورها ونتبناها علشان توصل للشكل المثالي

اقتراحك ممتاز وياليت تبدأ فيه أي وقت وعطنا اي نقاش وابشر بنقاشات رائعه

mr.inter milanooo · #10 14/01/2009, 08:26 PM

ابو حميد لاعاد تجي ثاني مره للارشيف تخربطون في ملفات الناس بعدين تبون تعدلونها..........................

R A F A N E L L I · #11 14/01/2009, 11:25 PM

السلام عليكم ورحمة الله وبركاته

ومساكم الله بالخير والمسرات وان شاء الله تكونوا بالف صحه وسلامه

مباراة اليوفي وكاتانيا في الدور 16 تشهد تقدم اليوفي بثلاثة اهداف دون رد عن طريق ماركيوني وجوفينكو ودل دل

كأس إيطاليا 2008/2009

19:45

الشوط الثاني

يوفنتوس

'4		ماركو ماركيوني
'69		سيبستيان جيوفينكو
'71		اليساندرو ديل بييرو

3 : 0

كاتانيا

الف مبروك تاهل الصقور الخضر

R A F A N E L L I · #12 15/01/2009, 12:35 AM

الف مبروك فوزالبيانكونيري بثلاثيه نظيفه على كاتانيا في كاس ايطاليا ضمن دور 16

"صور من اللقاء"

فيلسوف · #13 15/01/2009, 12:41 AM

مبروك الفوز ... نجومية المباراة باعتقادي الأحق بها جيوفينكو ... كل شي سواه يالبى قلبه ...

ماركيوني تحركاته ممتازة لكن على قل دبرة

بس الولد ما قصر ...

والفريق عموما كان بحالة ممتازة ممكن عدا اماوري اللي ماكان في يومه ...

وبيزاري استقعد استقعاد الكلب

بس عطوه حقه العيال

اما بوفون (قلوب من هنا الى تورينو) ما اختبر كثير لكن ما قصر بدوره كـ ليبرو

وبس ... واعذروني عالقطعة هاليومين ... مشغول وبإذن الله راجع لكم باتسر ولا عقبه ...

فمان الله ...

فـارس الـزعـيـم !! · #14 15/01/2009, 12:58 AM

السلام عليكم

مبروووك الفوزين

مباارة اليوفي ممتعه

وتوسع الصدر

الفريق كان مسيطر ع المباراة طول وعرض ، وجيوفينكو هو أفضل لاعب بالمباراة لأنه كل شي سواه

بس أستغرب من رانييري يوم يطلعه

!!

اللاعب ما أخذ فرصته بالدوري ولما لعبته اساسي وخذى فرصته تطلعه بالشوط الثاني

رغم أنه كان الأفضل على أرض الملعب !

رغم الفوز وسهولة المباراة وسيطرة اليوفي عليها كنت أتمنى رانييري يطلع دل بيرو وأماوري من بدري عشان يحتفظ بهم للمباراة الجايه الصعبه جداً ضد لاتسيو وفي الأولمبيكو ..

اريديو مشروع كيليني صغير

ماركيوني وزانتي ابدعوا بالمباراة

يعطيكم العافيـه

pa piero · #15 15/01/2009, 04:17 AM

بسم الله الرحمن الرحيم

إقتباس

الرسالة الأصلية كتبت بواسطة 10بيانكونيري10


	][اسئلة النقاش][ س1/ وش رايك بمستوى اماوري هذا الموسم مقارنه بالمواسم الماضيه ؟

طبعا الموسم هذا أفضل موسم لاماوري بالنسبة لمستواه

أنا كنت شاك انه بيكون فعال ولا له ثقل بالفريق أول موسم

بس الحمد لله عوض غياب تريزي قول بشكل كامل

إقتباس

الرسالة الأصلية كتبت بواسطة 10بيانكونيري10


	س2/ هل مستوى اماوري ياهله بان يكون لاعب اساسي بالمنتخب البرازيلي ؟

أكيد يلعب أساسي بالبرازيل

الحين مهاجمين البرازيل الأساسيين لويس فابيانو وفاجنر لوف

بالراحة أماوري أفضل منهم

إقتباس

الرسالة الأصلية كتبت بواسطة 10بيانكونيري10


	س3/ هل المنتخب الايطالي بحاجه الى اماوري ؟

أعتقد لو لوكا توني يرجع لمستواه أيام الفيولا ما يحتاجونه حيل

بس من راح توني لبايرن ومستواه نازل والمشكلة للحين أساسي بالمنتخب

فإذا انظم اماوري لايطاليا أكيد بيكون اظافة كبيرة لهم

إقتباس

الرسالة الأصلية كتبت بواسطة 10بيانكونيري10


	س4/ هل المنتخب البرازيلي بحاجه الى اماوري ؟

أكيد البرازيل تحتاج لاماوي اكثر من أي مهاجم ثاني

إقتباس

الرسالة الأصلية كتبت بواسطة 10بيانكونيري10


	س5/ الى أي منتخب تتمنى ينضم اماوري ؟

ايطاليا بدون شك

مشكور اخوي 10بيانكونيري10 ع النقاش