29/07/2008, 11:54 PM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم
تسلم يا احمد على المتابعه
وبعد اذنكم ابكتب وش اهم شي في المباراة , وهالتحليل اهداء لمبارك 
رانييري بدا لقاء الانتر بهالتشكيلة 4 - 4 - 2
بوفون
مولينارو ( كليني ) ---- كنزفتش ------ ليوقراتلي ---- زيبينا
اكيدال ----- سيسوكو ( بولسون )
روسي --- كامورانيزي
اماوري ( ياكونتا ) --- دل بييرو
بشكل عام مستوى الفريق مطمئن , وراح ابدأ بمركز مركز :
---
بوفون ما عليه كلام رد كورة رأسية بطريقة غريبة على العادة
مولينارو تطور عن العام الماضي وصار يدافع بشكل اقوى وقدر ينشب لمايكون والجهة اليمين بشكل عام
الكراوتي مستواه مطمئن بس شكله زجاجي من طقة ماركيوني , احلى ما فيه دفعته لكريسبو على الاوت مدري وش تبي
زيبينا الى الان متهور ويوصل لورا المصورين ولا يوقف ! كامورانيزي عطاه كذا وحده مققشرة بس الارفل ارفل
----
اكيدال جدا رائع : هاديء ويسيطر على الكورة ولا يرتبك ويوزع لاضمن لاعب عن الخطر , وتمركزه ممتاز وبغى يروح فيها بعد دخول مايكون العنيف  مباراة ودية والرجال بغى يقشعه
بولسون : خش في اول ثلث ساعه تقريبا وبرضة مطمئن جدا وغير كذا يمزع وانا يجوز لي اللي زي كذا , اعجبني فيه انه يتقدم ويقدر يوزع كور , يعني كسبنا لاعب مهم وان شاء الله اسمه بينكتب بالذهب في تاريخ اليوفي
كامورانيزي : يا ربيه بس وش اقول  يخوي صار يجيني هوس بهالادمي ما ادري وش فيني يخرب بيته تحسه يعزف موسيقى ما يلعب كورة !! شهادتي فيك مجروحه يا شغالتنا العزيزة
روسي : اول مرة اشوف هاللاعب , احمد كان يقول حطوه تحت المجهر بعد مباراة دويتموند , وانا ما شفت ذيك المباراة , بس بهالمباراة باين ان فيه واحد مهستر جديد في الكورة الايطاليه , صغير ومراوغ وان شاء الله ان التنكر مان ما لعبه بمباراة زي كذا الا وهو واثق من موهبته , لمساته تبين ان له مستقبل ان شا ءالله , وبرضة مايكون بغي يجيب العيد فيه بالدخول العنيف
-----
اماوري : ما امداه يلعب الا وفييرا الوضيع صادمه بالراس وطلع منه دم وبدله رانييري بياكونتا
دل بييرو : ماخذ المباراة تسحيب وطقطقه وشات فاوول يووووه ( صقعت قائم وراحت للقائم الثاني وسيزار يتفرج وبعدين شاف الكورة جت قدامه ومسكها ) قال عصام عبده انها بلياردو , بس وزن دل بييرو زائد حبتين  وين المدرب الشخصي يكرف امه 
ياكونتا : استلام رائع وانفراد تام وتسجيل هدف بكل بساطة بس طلعه رانييري بآخر الدقايق
-----
كليني : دخله رانييري بدل مولينارو باخر الدقايق ليه ما ادري 
هذا تحليل بسيط للشوط الثاني بس وان شاء الله اني وفقت فيه والعذر على أي خطأ مقدما
ورجاء أي ملاحظه اسدحوها هنا 
خارج اليوفي :
زامبروتا : اي كورة يسمكها يصيحون عليه الجماهير
ستانكوفتش : نفس الكلام بعد <== افلقني يجيبونه الادارة بعد الصياح اللي اليوم
* ليبي كان حاضر المباراة , والله يا هو هيبة بعد
* راانييري ياليت احد يجيب لقطته مهوب سهل التنكرمان
|
![★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★](iconimages/t610472_rtl.gif)
الوضع العادي
